صح ان العقل نعمة

بس ترى حتى الجنون نعمة.... احياناً

كل واحد تمر عليه في حياته مواقف... هي اللي تتحكم في ذكائه ودلاخته

والذكاء في مواقف كثيرة اثبت فشله الذريع

مثلاً

اذا قطعت اشارة وطالعت في المراية الخلفية وشفت المرور لحقك

وقف على جنب وانزل وخلك اغبى من الغباء نفسه

لاتحاول تسوّي فيها مخ وتبرر لنفسك اعذار

خلك ( فاهي ) وكل ماقال لك شي قل له ( انا ولهان على امي )

ثلاث دقايق بالضبط وهو ضارب لك تحية ومسامحك

موقف ثاني

اذا رحت للبنك تبي تسدد فاتورة او تسحب شيك او تودع فلوس

وشفت العالم جالسين وارقامهم معهم والصالة ( فل )

رح انصى مدير الفرع وخلك ( غبي ) بكل معنى الكلمة

اجلس عنده واطلق العنان لبلعومك وبربر بكل شي ماله أي قيمة

بتلقاه بعد اقل من خمس دقايق دبّرك وخلّص امورك بنفسه وانت تشرب الشاهي