مستشفى عرقه المهجور || قصتي انا واخوياي ||{ قريبا الصور }
 

السلام عليكم ورحمه الله وبركاته
كل عام وانتم بخير
اول مره اكتب معكم موضوع في القسم العام وان شاء الله ما راح تكون اخر مره:rose:
وبصراحه كنت متردد ان انزل الموضوع خوفاً انهم يزبدون لي ويقولون اني احتك بـ { هلالي معالي } صديقي:wub:
المهم مالكم بالطويله
السالفه يا اخوان ابتدت يوم كنا نحوس وندوس في انا واخوياي في شوارع الرياض الجميله <<<ايه من جنبها:s5s:

طبعا مهنا مكان نروح له
المهم احنا خمسه بذاك الوقت قلت لـ اخوياي : ترانا طفشنا من الدوجان نبي شي جديد
نقز خويي علي قالي : سمعت ان فيه مستشفى في عرقه مهجور ويقولون العيال ان مهجور من حرب الخليج جوه اخواننا الكويتيين وجلسو فيه وبعدها معد احد دخله
ويقولون فيه جن انا بس سمعت جن قلت له جايينه جايينه:s2::s2:

عاد تعرفون مافي احد منا مايحب الجن ومايخاف منهم <<< كيف تجي ذي:razz:
مالكم بالطويله قلنا طيب تدله قال اييه قلنا خلاص تمام بكره نبي نروح له العصريه قالو الشباب تم:rose:
المهم على كلامنا تجمعنا العصريه ورحنا له
المستشفى كبير وفيه سكن اكبر منه مافيه ومهجور:yes:
من برى وقصم انه اطلق من مستشفى الشميسي :yes::mad:
المهم قعدنا نحوس عليه من برى طبعا بالسياره مالقينا مدخل له
المهم قررنا ان احنا ننقز فوق السور طبعاً السور شوي عالي ومافيه صعوبه
لبقت السياره ونزلنا العيال في البدايه مسوين احنا الـ محنب خايفين من احد لكن من دخلنا ضاعت علومهم:s2:
المهم نقزنا وضبطنا امورنا جينا لـ باب مكسور نصه دخلنا معه
والمكان من داخل مغبببببر عليه اكوام تراب :yes:
المهم دخلنا والله بدا الظلام يجي طبعا مو الوقت لا المكان مظلم وموحش :cry:
دخلنا وكل واحد فاتح جواله وينور به طريقه
المهم قعدنا نحوس ونفرفر يمنتن ويسره طبعا هالحتسي كله بالدور الاول
المهم دخلنا الكافيتيريا وكان فيه درايش ومنور المكان :smilie47:
المصيبه اننا لقينا جريده الرياضيه محطوطه على وحده من من الطاولات ومفتوحه قرينا التاريخ لقيناه مايتعدى الثلاث اشهر :rh:
المهم سمعنا صوت قوووي مرررره في الدور الثاني العيال خاافو وكل واحد صفقته ام الركب:cry::cry:
وماااتشوفون الا نعال تتطاير في السماء من النحشه :s2:
المهم طلعنا واحنا نشاهق من الخوف
ويوم طلعنا قابنا سيكورتي قال لنا : وش جابكم هنا بهالوقت .؟؟:s5s:
قلنا لا والله بس واحد من العيال يقول ان هنا جن وحبينا نشوف قال اهاا
روحو ولعد اشوفكم هنا مرتن ثانيه قلنا ايه طيب <<< سلكنا له طبعا :d
بس الي لاحظنا عليه اننا نذب ذبات نبي نلطف الجو هو مايضحك ولا يغير نظراته:rh:
المهم طلعنا وتونا جايين بنركب السياره جت ورانا كامري شرطه سريه قال كل واحد اثباته عطيناه اثباتاتنا
قال وش جايبكم قدام هالمستشفى قلنا له الي قلناه للسيكورتي
قلنا له بس السيكورتي واحنا داخلين ما قال لنا شي
قال اي سيكورتي .؟
قلنا السيكورتي الي هنا
قال والله مافيه سيكورتي هنا من 9 سنين
احنا وجيهنا صارت كذا:rh::rh:
قلنا اهااا
وركبنا السياره ومشينا
قلت لهم داخله داخله الله لايعوق بشر بس مهوب معكم يا الزلايب <<< طالعن منها الاخو
الا ان كان بتجون معي قالو تمام بس نبي نصير مجموعه مو تسذا ملحطين
77777
التكمله ان شاء الله الرد الجاي << لاتقولون روايه وما روايه بس تعبت من الكتابه وان شاء الله بخلي خويي يرسل لي الصور واسدحها لكم فيذا

قصه حلوه وشوقتني للصور متى تحط الصور

وش وداكم
اما السكيرتي قصه ثانيه
ننتظر الصور شوقتنا

هذا المستشفى تقريبا كل ويكند ايام الدراسة كنت امر من عنده ارووح استرااحة هناك

و مره و انا مار شفت نااس يركضون طالعين لسياراتهم شكلهم شافوا شي و انحاشوا :D

الله يكافينا الشر و تسلم عالموضوع

8


الظاهر انه احنا :D

عـ العموم الصور بالكثير ان شاء الله بكره


شاكر لكم مروركم ولا تقطعونا :D

موضوع حلو وشيق :s2:

فيه مستشفى زيه في السليمانيه بس مو كبير بس والله يجيب الرعب يا شيخ :s2:

تشوفه من برا تقول خلنا نبعد , اللي في السليمانيه يعرفه اكيد :s2:

ولا تتأخر علينا بالصور :s2:

وااااااااااااااااااااااااااو

والله دخلت جو

بس هي صدق ولا .........

قريت عنه اشياء غريبه .. !!

فريت بالمنتديات حصلت واحد يقول انه يجي كل فتره ويحصل جريدة الرياضيه بأخر تاريخ سبت رغم ان المستشفى مهجور

سكنهم مساكنهم :d

يعطيك العافيه ومنتضرين الصور لاتطول علينا

<!-- / message --><!-- sig -->

التكمله !!

777777


المهم جينا مره ثانيه وكان عددنا حول الـ 18 شخص <<<<< جمعنا كل الي نعرفهم
معنا كشافات من هنا لليل
المهم وصلنا للمستشفى الساعه 2 ونص الليل <<< يقالك بنخربها :d
رحنا للموقع نفسه الي كنا فيه امس لقينا البوابه الي كانت مسكره صارت مفتوحه قلنا زين محنب ناقزين ولا شي ج< هذا الي هامكم يا مال الي منيب قايل :d
ورحنا للباب نفسه لقينا الباب كله مكسور امس كان نصه لا الحين كله مكسور
وقايلين العيال ان الدور الارضي والاول مافيه شي يخوف يقولون الادوار الي بعدها وثلاجه الموتى هي الي عليها الكلام s121ss121s
المهم واحد من الي جبناهم قد مره داخل المستشفى وشوي يعرف الي فيه
قلنا له وين ثلاجه الموتى
بقول لكم الوصف اول ما تدخل تمشي سيده بعدها تروح يسار تسيد شوي تروح يمين تجيك الثلاجه بـ وجهك <<< ومن قالك انهم بيدخلونه :d:s5s:
المهم ماعلينا :d
رحنا لـ ثلاجه الموتى
ووالله على ما اقوله شهيد فيه دريشه على الباب طليت انا وواحد من اخوياي لقينا منور شوي وفيه ظل على الجدار ناس يمشوون كثيرييين وربي كثيرين:cry::cry::cry:
انا وخويي ماصفقتنا ام الركب الا صفقتنا ام النخاع الشوكي:d:d المهم قلت للعيال قالو خلاص بنروح وبنشوف وش شفتو
راحو وشافو ومالقو شي بس نور ابيض المهم قالو الله يقلعكم هبلوتنا واخر شي مافيه احد:mad:قالو خلاص بنرقى للدور الي بعده قلنا لا محنب جايين بنجلس هنا قالو طيب بكيفكم :naughty:
قلنا هااااه لا خلاص بنجي بنجي ماينمزح معكم انتو:naughty: قالو خلاص طيب امشو ولا يكثر وجلست اتحلطم:ranting: <<< يقالك معصب :d <<< يا حبني لي اذا عصبت :d:ba1:
المهم رقينا للدور الي بعده ومالقينا فيه شي يجذب او يخوف
ورقينا الدور الثالث قالو الشباب احس ان شكلنا غلط خلنا نروح نرقى للدور الي بعده واذا لقينا شي شيات عطنياكم رنه <<< على طريقه الافلام يقالك :d:d
قلنا اوكي المهم فتشنا كل شي ما لقينا شي المهم رحنا للدور الرابع والخامس والسادس كلها مافيها نور ومافيه شي
المهم وصلنا للدور السابع لقينا الباب حقه مقفول بس واضح ان لو تهف الباب طاح :d

المهم وجينا بنوخره طاح وانكسر ووالله الدور منوور كللله شي غرررريب وفيه اثار رجول كأنها من شوي ماااره المهم رحنا ودخلنا غرفه العمليات وورب الي خلقكم اننا لقينا شاهي يطلع منه بخااار يعني توهم مسوينه :yes:
احنا طارت عيوننا :rh:
جلسنا ننادي يمكن يصير فيه احد ولاش :d
قلنا يمكن نصير متوهمين درنا في هالدور كله المهم ثنين من اخويانا قالو والله انكم موسوسين احنا بنرقى الدور الي بعده وانتو دورو يا سبايك :wub:
المهم هم رقو واحنا قاعدين ندور
ما وعينا الا نسمع صراااخ اخويانا الثنين :rh:
وركضنا للدرج بنشوف وش فيهم شطفونا داااعسييين نازلين لـ تحت والله وكلنا نلحقهم وواحد من العيال يقراء ايه الكرسي:rose:
قعدنا نلحقهم طولنا واحنا نركض وراهم الييين طلعنا
واحنا موب تعبانيين الا متقطعين من التعب المهم وقفناهم قلنا وش فيكم يا مال الوجع خرعتونا:ranting: واحد منهم طاقته ام الركب وساكت ما يتكلم رحنا للثاني قلنا وش فيك يالله بل يالله تكلمs13s
المهم قال والله وبالله واقسم بالله اني صادق على كل كلمه اقولها قلنا عارفين بس قل
قال واحنا تونا داخلين الدور الثامن كان مظلم المهم وتعمقنا شوي بالدور فجاه دخلنا غرفه فيها ثلاثه ماشفنا الاظلال او لابسين شين اسود بس والله مافهمنا عليه من كلامه قاعد يتأتئ <<<< حاولو تقرونها
المهم يقول ركضو وسحبو يد خويي الي الحين ما يتكلم انا مسكت به وبعد جهد جهيد فكيته منهم ووصلنا للدرج وقمنا نصارخ وعاد بعدها شفتونا
المهم قالو واحد من العيال يمكن انهم حراميه ولا شي ويوم شافوهم قمطو قلنا خلاص نجي كلنا ونشوف قالو الثنين والله مانروح لو على قص رقبتنا
وثلاثه بعد قالو كذا وركبو السياره
احنا رقينا للدور الثامن وتونا واصلين له الا والله العظيم تطلعنا ثلاثه قطاوه سوووود وتشطفنا رايحتن للسطح واحنا والله جلسنا يمكن ربع دقيقه طاقتنا ام الركب فيها
بعدها ما تشوف الا قوه ركض صرنا ما شاء الله غزلان المهم طلعنا وشفنا الدور الثامن يولع ويطفي قلنا لا ما بدهاش ارفع ثوبك يا ولد <<< تسذب كان لابس جينز وتيشيرت :razz:
ونفرك ذيك الفركه الي مابعدها
ولاعد عتبنا عليه مره ثانيه
بس الشي الغريب ان فيه اجهزه جدييييييييييييييده مررره بكراتينها
وبعد ماسويت بحث يقولون انه انه مبني من عام 1400 في عهد الملك خالد الله يرحمه
وصدق خويي انهم جو فيه الكويتيين ومن بعدها انهجر المستشفى
بس والله شي يقهر اجهزه من اعلى المستويات << متعوب عليها
واشياء من جد سابقه عصرها
وان شاء الله الصور تثبت كلامي

والصور ان شاء الله بكره

ووالله ياشباب ويا صبايا ان مازدت ولا نقصت ولا حرف ناقلها لكم نصاً
والله على ما اقوله شهيد :yes:
والي مو مصدق يروح يدخله ويشوف:razz:

تأخذونن معكم :d
انا الحين لو اشوف ظلي بـ الليل كان قعدت اصيح :d

اما عن الجن لنا خبرة بسيطة بـ هـ الامور :d

مشكور اخوي وعطنا الصور يله يمكن نلقى به احد :d

تنتظر الصوور ..بس ابي اسألك مكانه ويـن بالظبط>>نااوي يخربها

بسم الله وش وداكم هناك ؟؟

ننتظر الجزء الثاني

من جد وين مكانه بالضبط ... و انا بطير الجن منها ... لكن عطو سداح فرصه

مشكور بس عجل علينا بالصور

انا خلآص العآلم صآرت تخب علي في قصص الجن:mad:

الله لا يعوق بشر الحين انا بأول ثانوي نخلص منها نجيب سيآره فيه وآحد مير قآدح يقول امش

قلت موب امش ولا اشوف وراي الا غبارك:s2:

خلو السيآره تجي بروح للمستشفى حقك ذا:s3s:

و بروح لبيت السفينه الي في حآيل ان شاء الله كما صرحت مسبقاً:fun34:

و قصتكم حلوه لو اني كنت معكم كآن قلت للي يصآرخ و لعنه روعتنا:mad::s2:

تحيآتي يالزحيييييييفه:s2:



استدل بمقولة المشآغب مع التعديل

و مآزآل للوسوسة بقيةs121s

همسه للمشآغب:

انت ما قلت حقوق النشر محفوظه:s3s:

هههههههه لايالحبيب فهمتني غلط انا كنت احسبها رواية
وياليت والله تنزل الصور

تصدق توني اشوف التكمله :s2:

طلعت قآدح انت و اخوياءك

بس كأني التمس فيهم قليلين من القمطه:s2:

الا المستشفى ذا وينه؟:d

ناوي اجيه كان هنا ودك تخآويني :s2:




همسه:

ترى حالات الوسوسه قآمت تزيد فيني اكثر فأكثر

و صآرت تجيني نوبات من القشعريره و الرعده<<الرعده هي ان كل جسمك يرتعد لكن بطريقه غير اعتياديه

و الله الشآهد على كلآمي

^
آللـٌه يهـٌديك .. قـٌآعد تتكلـٌم عـٌن آلجـٌن كـٌنك مخـٌآوٍي جنـٌي ,,
آتـٌرٍك عنـٌك قصـٌص آلجـٌن وٍآلحـٌرٍكآت ذي وٍتصـٌيرٍ تمـٌآم ,,


بآنتظـٌآرٍ آلصـٌوٍرٍ

يالسمي خلني اوسع صدري شوي :d

بعدين الجن ما يقدرون يجون عندي تراهم خايفين :d

انا دخلتها يمكن قبل سنة

بس طلعت من المدرسة عليها

ماكان فيها اي شيء يخوف

بس الي يقهر ان فيها اجهزة تشتغل واجهزة لاسلكية تمام

بس الله يخارجنا

الله ونااااسه صار فيه احد يجاري هلالي معالي في هالسالفه :d

الله يهديك هلالي ساحب علينا من بعد روايتك

برب و برجع للموضوع :)

,,,,,,,,,,,,,,,,,,,,,,

باااكـ

ما فيه جزء ثالث لها :s2: << روايه هي :s2:

بنتظاار الصور s121s

همسه لهلالي المعالي :s2:

ما فيه احد قرا عليك بس في رمضان تربط الشياطين و بالعيد يجوونك :s2:

:cry: :cry: :cry: :cry: :cry: :cry: :cry: :cry: :cry: :cry: :cry::cry: :cry: :cry:

وش تبيني اسوي يعني؟:s2:

ما صآرت تجيني حوآدث مثل اول:cry:

الظآهر فيه احد قاري علي و انا مدري:fun34:

هههههههههـ والله آنك مطرطع آنت وآخويآك :s2: ..

بـ صرآحـه قصـه مرعبه ومضحكه وجميله وطريفه :s5s::s5s: ..

تسلم .. :smilie47: ..

؟؟؟؟؟؟؟

في رابطك هذا مايخالف كلامك؟؟

هذا في الرابط اللي انت حاطه



ننتظر الصور ياصاحب الموضوع

برب

الظهر موعدنا

................................................

غريبه وين السرابيت مايسرقون الاجهزة اللي فية ويبيعونها

صراحه من جد فلللللللة


متى بتنزل الصور

و الله غريبة و الأاغرب الرابط اللي في جريدة الاقتصادية
أكيد الجن ساكنينه المكان له حوالي الـ 11 سنة مهجور أكيد مسكون ولا بعد المستشفى ملك للجن مو تأجير :D

بسم الله الرحمن الرحيم
من وين
طلعت انت
اعووذ بالله من الجن وبس
بس والله اهني فيك المغامره

لاعدمنااااااااااااااااااااااكـ

اهلا اهلا ,, واللهــ اشتقنا لهيك مواضيع عقب ( اعوذ بالله وش ذا )


يــــاللهــ ننتظر الصـــور ,, وننتظر هلالي معالي انشالله بالعيد لانهم الحين متربطين .

والي مو مصدق يروح يدخله ويشوف:razz:[/QUOTE]



ايه ان شاء الله يصيــــــر :s2:

انا بعد احتريهم

:s2:

...............

يلا وين الصور هههههههههههههههههههه
لايكون مسحوها الجن

مرحبا مغامرتك حلوه

واسلوبك بالكتابه احلى

لكن اسمع مني انا ساكن بهذا الحي من اربع سنين والحي ولا احلى منه ويعتبر من الافضل

وقصة المستشفى هذا قصه بالرغم من وجود حراسات دائمه بالمستشفى والسيكورتي الي شفته مو جني :s2:موجودسيكورتي دائم بالمكان :rg:

المستشفى اُغلق بعدماتم نهب مبلغ وقدره واغلق بحجة وجود مستشفى الملك خالد بجانبه ولايبعد عنه 4 كيلوا ولا استبعد روايتك بوجود الجان فيه وذلك لسبب هجران المبنى من بني آدم :d
حرااااام والله مثل هالمستشفى يضيع على الاقل يشغلونه ويخلونه مستشفى توليد فقط لاغير المبنى جاهز

اشكرك اخوي لطرحك الرائع

يآخي أنـآ أحيـيك أنت وأخويـآك على هالـشـجآعه .. :s2:

هههههههههههههه صح إن أم الـركب لعبـت بـكم .. بس يكـفي إنـكم رحـتوآ .. :d

والله يآهو فـلم رعـب بعد .. هههههههههههه أنـآ قريـت عن هالـمستـشفى قـبل ..

وفي انتـظـآر الـصور :yes:

اهنيك على روح المغامرة
مافيه زيارة ثالثة ض1

في انتظار الصور
,,,,,,,,,,,,,

سمعت عن هالمستشفى من قبل
واعرف حول 25 شخص راحو له من فتره قريبه بينهم ولد عمي..
وبآقرب وقت راح اروح له ان شاء الله ..
والي يصير يصير ودي اشوف وش فيه


مشكور ع الموضوع

يــــــمه ماشاء الله عليك انت وخوياك


بس مغامره حلوه يلتني معكم

الله يسلمكم <<<< ما كبر راسه على الترييش :s2:

عـ العموم الصور اليوم ان شاء الله بالكثير بعد مباراه المنتخب لانها كثيره وصراحه متعيجر ارفعها :s2:

عافاكم ربي عـ المرور

هلالي معالي اثرك كبري يا الداشر :s2:

حيااااك معنا في اي وقت

كبرك سناً لكن عقلاً اسبقك بمرآحل:s3s:

امزح امزح:s2:

اقول عجل علينا بالصوره:mad::s2:

"التعيجز" طآمه يشهدها الشعب السعودي هذه الايام و انا على رأس القآئمه منهمs121s:s2:

ننتظر الصوووووووووووووووووووووووووووور

منتخب الفشله السعوديين الوطني مباراتهم انتهت:d

و انت وينك و وين صورك؟ :mad:

عجل بالله

هذا موضوع من منتدى ثاني مع الصور...

[COLOR="Blue"] ماشاءالله مغامرتكم انت واخوياك روووعـــهـ
ع أنه تخوف لإان ضحكت عليكم اكثر شي الي مسك خويك والسيكورتي
الصور شيء:s2:

أجل هاذي صوره الحرمه قبل 30 سنه الله يهديك , هاذي سلمك الله الجن لعبت في الصوره لعب اجل شف الخشم و شف العيون كيف شكلها ...


الله يهديكم بسس , انا رايي ابعدو عن ذي الاماكن المشبوها .

وراكم اهل و وراكم احد يخاف عليكم و يسئل عنكم


فأنصحكم و الله كريم ...