الثريد , طعام الرسول ( صلى الله عليه وسلم ) المفضل ..
وعن أبي موسى عن النبي صلى الله عليه وسلم قال : " ...... وفضل عائشة على النساء كفضل الثريد على سائر الطعام " . متفق عليه .
الثريد , من الاكلات الشعبيه الشهيرة , ولها عدة طرق منها باللبن ومنها بمرق اللحم ..لكن الحساويه (الشرقيه ) تكون بمرق اللحم ,, وايضا اصبح يضاف اليها في الوقت الحاضر الخضار ..ويقدم كطبق رئيسي في الشرقيه .. لكني سأحضرها لكم على الطريقه الاساسيه ..
المقادير :
* خبز الرقاق او (التاوه ) ,, التاوة صعب تلاقونه بأي مكان .. او خبز الصاج عند عدم توفر احدهما .. 3 أرغف يكفي لتشرب او لتشريب المرق بس اذا تبون زياده بكيفكم
* كيلو من اللحم ( قطع متوسطه ) ..
* 3 بصلات <<<حاولت اجيبها بالفصحى ماقدرت يمكن تصير بصيلات عرفت وش تصير بس ماني قايلتها * حبتين الى 3 حبات طماطم ..
* علبة معجون طماطم .. *البهارات ( 3 حبات ليمون اسود يابس << لاتنسون تغسلونها - قرفه - فلفل اسود - فلفل احمر - كمون - كاري - بزار - كركم - كزبرة طازجه - ملح - هيل - بقدونس - زيت ) << اللي ماتحبونه لاتحطوه .. كما في الصورة رقم (1) و(2)
طريقة التحضير :
نضع أربع ملاعق زيت في القدر حتى يسخن الزيت .. ثم نضيف الطماط والبصل المقطع .. وياويلها اللي تحطهم قبل يسخن الزيت ..
ثم نحمسها قليلا حتى يشقر البصل ويصير زي شعر ويلي,, كما في الصورة رقم (3).. ثم نضيف اللحم ونحركه لمدة خمس دقائق كما في الصورة رقم ( 4 ) .. ثم نضيف معجون الطماطم ثم نضيف البهارات حسب الرغبه او ملعقه صغيرة جدا من كل بهار . واهم شي لاتنسون الليمون الاسود وبسوي اكراميه لكم زودوا ليمونتين وعلى ضماني ,, كما في الصورة رقم ( 5 ) ثم نضيف كميه من الماء بحيث يغطي اللحم كما في الصورة رقم ( 6 ) ويحرك المزيج الى ان ينضح << اووخص يالفصحى .. ثم تجيبون صحن متوسط او بيضاوي غميق شوي وتحطون الخبزات اقصد وتضعون الارغف الثلاث كما في الصورة رقم (7) ولما تجون تقصون الخبز على مقاص الصحن كبروه شوي واللي تقصونه أضيفوه فوق الارغف ..
* تشريب الخبز يكون بنفس المرق ,, بس ياحبذا لو تضعون رغيف واحد وتشربونه ثم تضعون الثاني وتشربونه ثم تضعون الثالث وتشربونه ثم ,, .. خلصنا ,, هذا مايبيله صورة لانه واضح ..
ثم يسكب مابداخل القدر فوق الخبز,,
ثم اذا تبين تزينين افرمي بقدونس ورشيه على الوحه كما في الصورة (8) بس لاتحطين لوز وذي الخرابيط ,,
وبالهنا والعافيه ..
:: البلاليط ( السيوبه ) ::
(1)
(2)
(3)
(4)
(5)
(6)
الطبـق الثانـي
البلاليط ..نوعان منها المالح ومنها الحلو ,, انا جايبه لكم حلى البلاليط ,, واللي يفرق بينهم ان المالح تحطين ملح بدل السكر << مايبيلها ذكاء وتضيفين بيض على الوجه .. طبعا .. اكيد مستغربين من الاسم زي ما انا مستغربه هذا الله يسلمكم والله اعلم ان البلاليط بدل مايقولون الشعيريه يقولون البلاليط لانه يبلطط وحلى البلاليط يعد هو الاساسي اللي عرفتوا بعده تسوون وتخترعون حلى ,, قد يكون له علاقة بشجرة البلوط ..
وسويتها لكم على الطريقيه الشرقيه الاساسيه بدون الاضافات اللي حاصله في زمننا هذا ,,
المقادير :
* كيس شعيريه .. * زبده او سمن ,, بس السمن هو الاساس .. بس انا تراي اخترت الزبده لاني ما احب السمن ,, *سكر حسب الرغبه ,, *هيل مطحون ..
غير كذا لاتحطين وماعليك من قوقل .. كما في الصورة رقم ( 1 )
طريقة التحضير : أحضري قدرا وضعي به 3 كؤوس من الماء وانتظريها حتى يغلي الماء .. ثم ضعي الشعيريه مع تكسير او تفتيت بسيط واتركيها على النار لفترة لا تقل عن خمس دقائق ولا تكثر .. كما في الصورة رقم ( 2 ) ثم صفيها في مصفاة كما في الصورة رقم ( 3 ) .. ثم اعيديها الى القدر نفسه بعد ان تفرغي الماء منه ثم بسرعه احضري السكر والزبده ثم حركيها حتى تقول بس << تعبت وانا اتكلم فصحى هع كما في الصورة رقم ( 4 ) ثم اسكبيها في صحن تقديم ثم رشي الهيل على الوجه ثم قدميها كما في الصورة رقم ( 5 ) وبالهنا والعافيه ..
وتفضلوا هاذي لكم ,, صورة رقم ( 6 ) بس اكلتها عنكم << ينفع صح
تراني لاول مرة اسويها وسويتها علشاانكم
:: شراب الزنجبيل بالنعناع ::
(1)
(2)
(3)
(4)
الطبـق الثالـث والأخيـر
أدري انكم بتقولون هذا مشروب ساخن ( يعني ينفع للشتاء ) بس انصحكم تشربونه لان نحن الان بموسم انفلونزا الخنازير وهذا الشراب نشربه بكثرة في فصل الشتاء كما يشربه عامة الناس بس مشهور عندنا مرة وأصله من عندنا <<زودتيها والشراب جدا مفيد للي عندهم مغص ولألم الاسنان ايضا
كنت بسوي لكم شراب حساوي ياخذ العقل بس مالقيت ببيتنا ليمون اخضر مجفف وش اسوي .. بس سهل مرة تجيبن كوب وتحطين ليمونتين مجففه وتسكبين عليها الماء الاغلي وتنتظيره الى ان يبرد وتحطين عليه ثلج وتشربونه ,, << اكثر مايشريبه اهل الاحساء عامه وخااصه
تقطعين الزنجبيل الى احجام مختلفه كما في الصورة رقم (2) ثم
تحضرين 3 أكواب من الماء وتضيفيها داخل الابريق وتضيفين قطع الزنجبيل بعدها مباشره ,, الى ان يغلى واتركيه يغلي لمدة خمس دقائق ,, كما في الصورة رقم (3) ثم تحضرين كوب وتضعين به النعاع ثم يصب فوقها الزنجبيل ثم يوضع السكر حسب الرغبه ,, كما في الصورة رقم (4)
ملاحظه .. (النعناع لايغلى .. حتى لايفقد فوائده )
* للعلم اني لم اطبخ في حياتي طباخ غير مرة وهاذي المرة الثانيه
وأشكر الهنوف وهلالي من ارض الجمال والخضرة وازرقينهو لاني تعبتهم معي كثير وخاصة هلالي من ارض اليمن واتمنى اني كنت عند حسن ظنكم بي
اخيرا شفت احد يحط الشعيرية ...
صار لي زمان وانا اتفكر في موضوع وليد , ورحت لفيت على باقي المنتديات اللي حاطة مثل موضوعة ... ناس من كل مكان ولا احد حط الشعيرية بالطريقة هذي
مادري بس عندنا نقدرها واستحاااااااااااااالة نفطر بدونها , والناس ماطقولها خبر .. شكيت انا جايبينها من القمر
بس حنا نحمسها لازم قبل نحط الموية لين تصير مثل شعر اخوان ويلي << خير .. ما قلدت احد
واخيرا وليس اخرا ... تسلم يدين سوتها وعساها تحرم عن النار ويم يمي وشكرا للمعدين