22/01/2001, 10:10 PM
|
زعيــم نشيــط | | تاريخ التسجيل: 17/12/2000 المكان: الرياض
مشاركات: 737
| |
والله انا عشت في بيئه هلاليه بحته , فالاهل والاقارب كلهم هلاليين .
بس ابغى اذكر لكم حادثه ظريفه حصلت لي بسبب الهلال ولا رايح انساها للابد,
اثناء الدراسه الجامعيه كنت اتمشى بسيارتي انا وصديق لي الله يذكره بالخير على
شاطي اسمه دايتونا بيتش (شاطي دايتونا) تقريبا المغربيه وفجأه طلعت لي سياره بسرعه وحدتني ومن الخرعه دخلت في الرمل وتوقفت السياره كان ينزل من السياره
اللي حدتني ثنين ويجوني قالوا لي الاخ هلالي ؟ قلت ايوالله هلالي . قالوا الله يحييك
الليله عندنا بارتي (حفله) بمناسبة فوز الهلال باالدوري ومبروك لنا ولك , قلت الله
يبارك فيكم بس ياخي خرعتوني وبعدين وش عرفكم اني سعودي ؟ قالوا عرفنا انك سعودي من العقال اللي معلق على المرايه , قلت ايوالله صدق. ومن بعدها وخرت العقال خوفا من واحدا ثاني يحدني ثم انقلب لأن بطولات الهلال متواصله وباذن الله
ماتتوقف.
موقف لا انساه ابدا لأني خفت من جد. وللاسف الشديد ان ذلك الشخص ما عاد شفته
من ذيك الليله الى الان لأني كنت ادرس في مدينه ثانيه , واتمنى انه يكون من اعضاء المنتدى او من قراءه و يواصلني لأنه فعلا يحب الهلال من قلب . اتمنى ذلك. |