#1  
قديم 03/09/2009, 04:05 AM
المجلس العام
تاريخ التسجيل: 28/04/2003
المكان: المجلس العام
مشاركات: 2,104
ico2 (( يوميات رمضانية " 12" )) المتألقة: ( وجــدان ) " ويوميات كلها ( قـهـــر × قهـــــر ) " !!! ‏




فكرة - سندريلا الهلال
اعداد ومتابعة - الهنوووف
تصميم - عسيريه


لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات
وكل عام وانتم بخير


**][يوميات رمضانية 1430 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم .
. في سلسلة تحمل بين طياتها يوميات الأعضاء الرمضانية من كل عام ،
هذه السلسلة أنتم أهل بيتها ونحن ضيوفا في حضرتكم ،،،
+
+.........+
+
أهلا وسهلا بكم أحبتنا ..
ودعونا نرحب سوية بالمضيف "الثاني عشر"
العضوة المتألقة " وجـدان ."
لكي تحكي لنا احداث يومها مع شهر رمضان المبارك ..


السلام عليكم ورحمة الله
كل عام وانتم بخير والله يجعلنا من عتقاء هالشهر الفضيل

انا مدري من لاعبن عليكم وقايلكم ان يومي ينفع ينقال ؟!
انا مدري ويني يومني اوافق مدري ليه ماعطيت سميي شبوط فرصه
بس دام ان هنو اللي طالبه ماقدرت اقول لأ

المهم طبعاً من يوم دريت عن هالاستضافه وانا ادعو ان يومي يصير فيه أكشن ولا شيء ينقال
صراحة َمدري هو استجاب الله دعائي والا ابكذب عليكم واقول لكم أحداث يوم ثاني واحطه على انه اليوم

ببدأ من بعد السحور .. صليت وجلست أقرأ قرآن شوي واكتشفت شيء !
اول مره أرتّل دايم اقراه صح انها قراءه خاشعه بس بدون ترتيل
جرّبت وقعدت ارتّل واكتشفت ان الترتيل حلو اول مره أحس اني اخشع خشوع تام
جربوا ياللي تستحون ترتلون والله العظيم راحه

خلصت قراءه ورحت لغرفة اختي اشوف اذا هي قايمه نبي نطق حنك
فتحت الباب لقيتها جالسه وحواليها اغرااض ياكثرها !!!
مجمّعه من الصيدليه اشياء وقاعده تحوس فيهن !
أثاريها تسوي خلطه لحد يقول خلطه للركب لاني بقولكم ياقديمين هذي هيّن مداومه عليها
جلست ازيّن معها الخلطه لين ضبطت
عزمتني احط معها بس عييت , بأشوف اذا ضبطت عليها جرّبت


طلعت من عندها الساعه 7 وسيدا لسريري ونمت

قمت الظهر صليت ورجعت نمت ..
العاده انا احط منبهي على الساعه 3 خلاص اقوم واروح اساعد امي بالفطور
ودايم اذا ماقومني المنبه تقومني امي , بس هالمره من كثر النعاس ماحسيت بالمنبه ولا قومني أحد !
قمت الساعه 4 الا ربع انصدمت يوم شفت الساعه
يعني امي قاعده تحوس لحالها بالمطبخ وانا نايمه !
نزلت تحت مالقيت أحد !
رحت المطبخ لقيت كل شيء على حاله !
كأن محد دخل المطبخ ولا سوا شيء

رحت اركض احسب ان امي فيها شيء ومودينها المستشفى والا احد صار له شيء --> من النوع القلق
اخذت جوالي ودقيت عليها بس ماردت ودقيت على اختي بعد ماردت
قمة التوتر .. دقيت على اخوي اول مارد بغيت اصيح من الفرحه

سألته عن امي والبنات قال انه موديهم السوق
قلت طيب والفطور محد سواه .. ترى مايمديني اسوي كل شيء لحالي
قال اننا اصلاً معزومين عند عمي
عاد انا بسم الله علي تذكرت اننا معزومين وبغيت أكفخ نفسي من كثر ماانقهرت منها
يعني ابشرك ياسلطان حتى سمبوسه مالفيت

رجعوا من السوق ولبسنا وتكشخنا ورحنا هنااااااااااااااااك
يابعد الرياض عن بعضها مو مثل حايل يالبيييييه كل شيء قريب
مستحيل احد يتعذّر بالبعد تلتفت كل شيء حواليك
تخلّص اشغالك بـ نص ساعه ويخلصها غيرك بالرياض بـ خمس ساعات --> لازم المحارش
بس انقهرت لأن وقت مامشينا كان توّه بادي برنامج الشيخ محمد العوضي
برنامج علمنا عنّه مواصل شفت منه حلقه واعجبتني وقررت اشوفه كل رمضان
بسم الله ماامداني اقرر الا وتصير اشياء تخرّب قراري

وصلنا وافطرنا هناك وقعدنا نسولف نسولف نسولف للساعه 10
ابوي يقول شكلنا بننام عندكم عجزانين نرجع
المهم رجعنا لبيتنا وصلنا البيت الساعه 11 وماشفت باب الحاره كله من زحمتكم


دخلت المسن اسولف شوي مع البنات ويقهروني يوروني صور المطر اللي على حايل
عاد هم من وساعة الوجه داخلين بيتنا ومصورين فيه
يقولون يبين المطر ببيتكم اكثر من بيتنا
ولأني مااحب أنقهر لحالي ابقهركم معي
صورة للغيم



وهالصوره وقت نزول المطر


ولأني للحين منقهره اننا ماصمنا هالرمضان بحايل
جلست لين الساعه 12 ماسويت شيء بس اقهر نفسي وانقهر

وجلست اكتب لكم هاليوميات اللي كلها قهر × قهر

اتمنى انها تكون يوميات خفيفه عليكم , وترى ماراجعتها لأني اكتبها بسرعه وبرسلها قبل السحور
والشكر كل الشكر للغاليه هنو على الاستضافه تسلمين يابعدهم
والشكر ايضاً لكل من اختارني وشكر شاطح لماهينور ض1
ايامكم سعاده يارب


كل الشكر
للمتميزة **][ "وجــــــدان "♥][ **
والرياض في قلوبنا

وانتظرونا غداَ
معالمتألق - القيصر رهيب .-



أرق التحايا وأطيبها من
مشرفي واستشاري
المجلس العام

  #2  
قديم 03/09/2009, 04:06 AM
الصورة الرمزية الخاصة بـ ذآيب
عضو استشاري سابق للمجلس العام
تاريخ التسجيل: 22/01/2008
مشاركات: 5,351
وٍش هآلقـٌهرٍ .. مـٌآ لقوٍآ آلآ يخلـٌوٍنك آنتـٌي تكتبـٌين آليـٌوٍميآت ..؟
عـٌآد شـٌوٍفي آلقهـٌرٍ .. مـٌآ قمـٌتي آلآ آلسـٌآعة 4 آلآ رٍبع ,,
وٍآللـٌي يقهـٌرٍ زٍيـٌآدهـ آنـٌك مـٌآ لفيتـٌي آلسمبـٌوٍسة ,,
وٍآقهـٌرٍ شـٌي بآلعـٌآلم آنـٌك مـٌآ شفتـٌي برٍنآمج آلعـٌوٍضي ,,
عآد قمـٌة آلقهـٌرٍ آنـٌك مـٌآ شفتـٌي بآب آلحـٌآرٍهـ ,,


يعـٌطيك آلعـٌآفية عآليـٌوٍميآت آللـٌي تقهـٌرٍ ,,



مـٌوٍدتيّ ,,
  #3  
قديم 03/09/2009, 04:07 AM
الصورة الرمزية الخاصة بـ شبوط
زعيــم مميــز
تاريخ التسجيل: 15/03/2008
مشاركات: 4,176


ما شاء الله يالله الجنه

إقتباس
الرسالة الأصلية كتبت بواسطة المنتدى الاستشاري
انا مدري ويني يومني اوافق مدري ليه ماعطيت سميي شبوط فرصه



إقتباس

فكرة - سندريلا الهلال
اعداد ومتابعة - الهنوووف
تصميم - عسيريه

عوافي
  #4  
قديم 03/09/2009, 04:20 AM
زعيــم مميــز
تاريخ التسجيل: 29/01/2009
المكان: الريآض
مشاركات: 2,785
يوميآت خفيفه و تقهر الوآحد


بإنتظار عليوي بكره
  #5  
قديم 03/09/2009, 04:23 AM
الصورة الرمزية الخاصة بـ K I N G . M I L A N
عضو سابق في اللجنه الإعلامية
تاريخ التسجيل: 24/12/2006
المكان: M . I . L . A . N . O
مشاركات: 2,082


~ ~


يوم باايخ جداً

يوم بؤس وقهر كله

بس احلى ما في هاليوم كل ابوه هالصوره خقق





بس أهم شي الرياض في قلوبنا



يعطيكون العافيه ,!







// حبــي وتقديــري //
  #6  
قديم 03/09/2009, 04:28 AM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,544
Icon18




هلا وغلا بـ وجدانو

ع طاري الوسوسه ليه حنا كذا الله يكفينا منها
انا لاتاخر احد او سافر يبدا الشيطان يلعب بعقلي __> متشائمه


ملاحظه يهالبنات مدري تلعبون علينا
كل من كتبت يومياتها قالت كنت مركدتها على هالساعه وصحيت هالساعه
وش هالصدف ماتروح عليكم النومه الا باليوميات __> تبي تحارشك ليه تتكلمين بالرياض

وجزاك الله خير ع نصيحتك بجد القراءه بالترتيل لها طعم ثاني



ماشاء الله الله يزيدكم ويرزقنا

\

/
يعطيك العافية ع هاليوميات الي بدايتها لنهايتها قهر
ولو سمحتي امدحي بـ حايل بس لاتتكلمين بـ الرياض
يازينها بزحمتها وبـ شموسها وبغبارها وبكل شي
ان شاء الله تكون ايامك سعاده خاليه من القهر

بانتظار القيصر رهيب
الهنوووف

كانت

هنا

ورحلت
  #7  
قديم 03/09/2009, 04:40 AM
زعيــم نشيــط
تاريخ التسجيل: 08/09/2008
المكان: من رحلت ( طفلتك ) حنت كثير
مشاركات: 642
.

.

سآدسي

أهلن وجدآني حيآ الله أهل حايل

ليش انتم يجيكم مطر وحنآ لا كرهت الرياض <-- لاحد يجيني ويقول ليه ليش هم يجيهم مطر

يوميآتك تقهر يمكن لو ماقريت العنوان مانقهرت بس مدآم العنوان فيه قهر فـ بنقهر لا شعورياً

الوسوسه صح اني ماحب اوسوس بس اللي حولي يخلوني اوسوس غصب

اجل عمرتس شفتي وحده يوم تأخر اخوها قعدت تبكي تقول لا اكيد مآت

المهم مآعليتس منهم يوميآتتس حلوه وخفيفه

وسلميلي على حآيل

سيآآ

.

.
  #8  
قديم 03/09/2009, 04:50 AM
الصورة الرمزية الخاصة بـ мя.ħάίţħάм
زعيــم مميــز
تاريخ التسجيل: 31/07/2007
المكان: يآربٌ .. منْ لي غيركٌ
مشاركات: 8,721
وجدان >>> خخخخخخ
أجل قهر × قهر ..

ولله موب لحالك .. ع الأقل انتي يوم

أما أنا من الزود القهر والغبن والقلق والنياح والكل شي مو زين ..
أهلي رآحوا حايل وانا برياض
عشان التسجيل بالجامعات
وما رحت حائل أهلي راحوا انبسطوا ما شاء الله شهر 8 كامل وانا قاعد حارسن لهم البيت من الأشرار والحرامية
ووو.. ام الحالة اللي هاتس ؟ >> خخخخخ

عاد اللحين برمضان ومفكر أروح أنا ومآي فريند يمكن يعني مهوب أكيد يا حائل يا الشرقية .. >> شاطح

لا واللي انقهرت الصور اللي تحت
77777777777









حائل حائل حائل >> بصيح صدق ...






إقتباس
فكرة - سندريلا الهلال
اعداد ومتابعة - الهنوووف
تصميم - عسيريه



ما قصرتوا ع المجهودات المبذولة ..


هيثمـ ... ْ ْ ْ }
  #9  
قديم 03/09/2009, 05:06 AM
زعيــم نشيــط
تاريخ التسجيل: 05/05/2007
مشاركات: 864



اهليييييين وجدان
دوبي جايه من موضوع شذى عندهم مطر وانتم بحايل مطر
الصور جوناان

وقمة القهر انو اهلك يطلعون السوق ومايقولون


يوم خفيف يسعدك ربي
ويعطيك الف عافيه الهنوووف
  #10  
قديم 03/09/2009, 05:15 AM
الصورة الرمزية الخاصة بـ R D H
زعيــم مميــز
تاريخ التسجيل: 10/11/2005
المكان: ماوراء الكلاويس :D
مشاركات: 1,791

السلام عليكم ورحمة الله وبركاته


تحيه طيبه لك أخت وجدان .


يوم غريب ومختلف تماما بالنسبة لأنثى .

فعدم وجود المطبخ والمشغل فيه هو سبب الإختلاف .


أكثر ما أعجبني هي أجواء حايل .. ماشاء الله تبارك الله .


يعطيك العافيه أختي الكريمه وبصراحه أنا مجبر أني أذكر نفسي بتلك " الخاطره " الجباره التي كتبتيها مؤخرا.


خاطره لا أنساها وربي يشهد .

لك كل الاحترام والتقدير .



الهنوف .


رزقك الله الجنه وعافاك ربي من كل سوء .



بإنتظـار ع ـلوش


دمتم بأجمل حال

  #11  
قديم 03/09/2009, 05:23 AM
زعيــم متواصــل
تاريخ التسجيل: 28/01/2009
المكان: .ْحـآئـل.ْ عروس آلشمآإلْ
مشاركات: 56
يآلبييييييييييييييييه يآحـآيـلٌ ..!

آزين شيء بآلموضوع حآئل ومطرهآ

يوميآت تقهر قوهـ قوهـ قوهـ ٌ < يعطيهـآ جوهـآُ ..!

لآ جد آلقهر آلقهر يوم تمطر عندنـآ بحآئل كنت نآيم آلعصر ومآشفت آلمطرٌ ..

شفتي آني منقهر آكثر منكُ ..!

لآخلآ ولآ عدمٌ آختآهـ ..!
  #12  
قديم 03/09/2009, 05:45 AM
الصورة الرمزية الخاصة بـ المحبره
زعيــم مميــز
تاريخ التسجيل: 22/04/2007
المكان: بين المطرقة ,, والسندان!!
مشاركات: 1,971


أهلاً أهلاً وجـدان

عاد تصدقين كنت أنتظر دورك بالإستضافة مدري ليه !! بس واثقة إن الدور بيوصلك

جزاك الله خير ع النصيحة .. و أكيد إن تلاوة القران بترتيل تخشًع أكثر ..
خلطة أختس ماوصيك كان هي نجحت أرسليها لي .. ورانا عيد و أشياء مهمة
بعدين ليه راحوا السوق بدون مايعلمونك قسم بالله هذي بحق


يالله الجنة الله يرزقنا هالمطر .. يارب ..

شكراً وجـدان يوم حلو .. و اللي يقهر فيه بس عدم حضورك للأمطار و الأجواء الجميلة .. يعني يقهر بس شوي

شكراً هنوو الله يسعدك و يجزاك الجنة يارب

بإنتظار مستر قيصر ..



  #13  
قديم 03/09/2009, 05:51 AM
الصورة الرمزية الخاصة بـ Meme
زعيــم مميــز
تاريخ التسجيل: 03/08/2008
المكان: بيتي
مشاركات: 8,476
يوم خفيف وبايخ جدا جدا << محد قالك تسبين الرياض هع

عوافي يالغلا ... الشي الي يقهر فعلا بالنسبة لي أن تمر ساعه دون ان اذكر الله فيها
وغيره طنش تعش تنتعش هع

اختكم ميمي
  #14  
قديم 03/09/2009, 05:55 AM
زعيــم نشيــط
تاريخ التسجيل: 07/03/2008
المكان: دنيـآ تضـيق وفـزعـة اللـﮧ قـريـبـﮧ ,, وعـنـد الـفـرج مـآيـآخـذ الضـيـق سآعـﮧ .
مشاركات: 561
وعليكم السلام خيتو
اهلن جوجو يومك
الرمضاني كان خفيف ع صاحبته ..!!
<< من جنبها
إقتباس
رحت المطبخ لقيت كل شيء على حاله !
كأن محد دخل المطبخ ولا سوا شيء

اكره هالحركه في رمضان
ادخلي المطبخ وماصلح فيه شيء ولافكري أنتي ..!!
ولابعد امي هالسنه مقولتها عليها السمبوسه والشوربه وبس
والباقي عليكم فيس يفحط دموع ماادري وش جايها اومي بس شوربه وسمبوسه ..!!
<< قمه العقوق بدل ماتريحها كامل الله لايخليني منها يارب..!!
إقتباس
تخلّص اشغالك بـ نص ساعه ويخلصها غيرك بالرياض بـ خمس ساعات --> لازم المحارش

واااااااااا لبيه يالريااااااااااااااض
يازينها وزين زحمتها والله ياجوجو هالسنه ماحسيت برمضان بدايته
واول ايامه ..!!
بسبب سفرنا اقول لاهلي رجعوني اول يوم بحس بس بطعم
رمضان بالرياض وجو اول ليله غير ماتشوفين بس فرحتي يوم رجعنا والله واناانزل في المطار فيني فرحه موب طبيعيه ..!!بس اشوى اني ماتكرفست
مع الفرحه
تقل لي سنه عن الرياض الله يخلي الرياض لاهلها ولايخلينا منها
وجعلنا مانطلع من الرياض يارب ..!!
إلا للسفر سياحه فقط

وآآآآآآآآآي إلى هنا اقف كل ذا وبتكمل

((حفظك الله ورعاك جوجو وهنو ومن كان خلف اليوزر
وبارك الله لكم فيما بقى من شهركم
والله يجعلنا يارب من المقبولين فيه ويجعلنا يارب ياكريم
ممن صام وقام رمضان ايماناً واحتساباَ ))

لكم تحياتي
فنفن
  #15  
قديم 03/09/2009, 06:03 AM
زعيــم متألــق
تاريخ التسجيل: 20/04/2009
المكان: هُناك ! عندهم
مشاركات: 1,115
هلا بوجدانوفتش .....
انقهري قدرتي تقريباً تقهري اغلب الأعضاء>>> اللي ماعندهم امطار
الا اهل الطائف >>>>>>>>>>> يارب دومها علينا نعمه ..

يوميات خفيفه وحلوه ......
يعطيك الف عافيه ......
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:53 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube