لحد يجيب بزاااااااارينه معه للـــــــمـــــــســـــــجـــــــد - صفحة رقم 2 - نادي الهلال السعودي - شبكة الزعيم

الذيب الصغير9 · #1 02/09/2009, 08:25 PM

أحسن شي بزارين الحاره كللللللللللللهم محد فيهم يحبني ههههههههههههههههه << أبركه من سآعه ..

يآخوي انا اذا نشب لي بزر .. أزبدها في وجهه واعطيه كلمتين تخوفه هههههههههههههههه ..

عقبها كل عيال الحاره الصغارين اللهم لك الحمد محد فيهم يفكر انه يقرب لي بالصلاة ..

يآخوي مسجدنا صآير كنه ملعب .. مهبل وزعاق وناس تراكض وسباقاااات تصير وحنا نصلي التراويح .. بس أول ما نسلم .. ما كأنه صآر شي ..

وتقبل مروري

فنون هلاليه بجنون · #2 03/09/2009, 06:29 AM

شر البليه مايضحك

صراحه اقل من سبع سنوات مفروض مايجبونهم

يشغلون الا ماانشغل

<<آثار النوم هالجمله

الحمد لله الجامع الي اصلي فيه برمضان حالياً الدخيل ...!!
حق ياسر الدوسري

قلوب بيضاء الى غرناطه

مقر الجامع

المهم انهم يخلون امهات
الاطفال

قصدي الي معاهم اطفال برا

والكبار والي مامعاهم اطفال جوا

الله يجزاهم خير يارب

fabri_4 · #3 03/09/2009, 06:47 PM

ياخي بزارين ذولي ..!

ياخي والله البزر مايدري وين الله حاطه وهو كل الي حاطه براسه يلعب معك

واذا جو للمسجد مو غلط يتعود ع الصلاة وعمره 4احسن من 7سنين

عاشق الموهوب 10 · #4 02/09/2009, 09:12 PM

ذكرتني بسالفه قديمة صارت في مسجد حارتنآ ..
هذآك يا طويل العمر يوم من الأيام في صلاة العصر ..
كبر الأمام بيصلي وصلينا اول ركعه والى الآن الأمور تمام ..
في الركعه الثانيه صار الشي غير متوقع ..
واحنا بنصلي الا نسمع صوت بزر بيتكلم المشكله الصوت عالي ..
طلع هالبزر طالع عند الأمام وماسك المايكروفون وهاتك سواليف ..
المشكله الأمام مايبي يبطل صلآته وينشغل فيه ’ عشان كذا ما لمسه ..
وطول الصلاه وسواليف و اناشيد ، طبعاً احنا المأمومين لو تسألنا وش قلنا في الصلاه ما حد يجاوبك ، كلنا مشغولين بهالبزر

..
المهم الركعه الأخيره جا واحد وسحبه ، لكن بعد ايش ..
بعد الصلاه تسمع صوت شيبان الحاره طايشيين

..

هذا الموقف لن انساه ..
الي يجيب ولده للصلاه بالمسجد يا يمسكه يصلي جنبه ، ولا خله فالبيت وريح المصليين من آذاه ..
لـكـ

Dexter Morgan · #5 02/09/2009, 09:25 PM

اول شي لبسك مو ليس صلاة ياخي البس زين مو جنز وربطة مايصلح للاصلاة اللة يهديك البس لبس يصلح للصلاة ثوب احسن

_ricardo_KAKA · #6 03/09/2009, 03:24 AM

إقتباس

الرسالة الأصلية كتبت بواسطة $naro$


	اول شي لبسك مو ليس صلاة ياخي البس زين مو جنز وربطة مايصلح للاصلاة اللة يهديك البس لبس يصلح للصلاة ثوب احسن

ماشاء الله الصلاه صار لها لبس اخاف بكره تقول لا تتصدق إلا بالبس الفلاني بس حبيت اسألك الثوب حق الصلاه ابيض ولا اصفر كبك ولا عادي ؟؟

الله قال (( خذو زينتكم عند كل مسجد )) وأنا اشوف زينتي بهذا البس أنا مالبست شي خادش للحياء إذا كنت تشوف الجنز خادش للحياء هذي وجهة نظرك ..

وأرجو من كل عضو يرد يركز في الموضوع او لايرد مابي المموضوع ينحرف عن مساره زي الي قبله ويضيع هدف الموضوع .. شاكر لكل الي ردو

مـ ـلـ ـلـ · #7 03/09/2009, 01:46 AM

اقول بس لبسك وش زينه
جينز تي شيرت ثوب لو لابس خيشه
دامه مغطي العوره .. خلاص !

والبزر موب مخليك بحالك بس لأنك لابس ثوب

!

لاعمرك تصف جنب بزارين

Dexter Morgan · #8 03/09/2009, 01:52 AM

الجنز يصلح لروحات وطلعات مو في المسجد اللة يهديك مايصلح برا المسجد البس اللي تبي كل مكان لة لبس يصلح لة
بالنسبة للورع عطة كم كف على طراق او اقرصة ويهجد

بنت عبد العزيز @ · #9 03/09/2009, 03:16 AM

صاحب الموضوع اعذرني على تدخلي

بس ..!

ابي افهم الحين الصلاة في المسجد لها زي خاص ورسمي ؟!

الي يصلي بغير هالزي تعتبر صلاة ناقصه ..!
يعتبر انتهك حرامات احد ..!
اذى الناس بمنظر او ريحه ..!

مجرد اني ابي افهم وش فكرتكم !

الزعيييييييييييييييم · #10 03/09/2009, 05:47 AM

صح المفروض تطلق بزارينك تخليهم يتعودون على المسجد تطلق سراحهم تخليهم يطلعون كل اللي يقدرون عليه في المسجد تعطيهم كامل الحرية..

فيه ردود ترفع الضغط صراحة..

فاهمين تعويد الاطفال للمسجد غلط ..

مايبيلها تفكير ..

طفل مايفهم شي لاتاخذه لانه ماراح يفهم شي وراح يزعجك وراح يخرب خشوعك وخشوع المصلين ..

ياخي اذا صار عمره 7 سنوات خذه للمسجد وخله جنبك وهجده وقلة ولايتحرك..!

على العموم فيه بعض الاطفال مؤدبين تقدر تاخذهم وفيه بعضهم مايعرفون وشو الادب ..

يعني هذا يعود لتربية الاهل خلال سنوات مضت ..

أما اللي يقول جنز ومدري ايش

تلقاه هو يروح للمسجد بقميص ..

الجنز يعتبر من اللبس الزين اللي يطلع به ويتكشخ به يعني هو لبس لبس زين وراح للمسجد
مالبس لبس نوم ..

بس حقة البوكسر ماحبيته بنوب منوب يابوحبكة انت..

صريح الكلمه · #11 03/09/2009, 07:26 AM

انا ارى ان بيوت الله لها حرمه ويجب ان يلبس المصلي مايرضيه امام ربه ,,,

أما بالنسبه أنك تروح للمسجد وأن ترتدي هذي الملااابس عندي لك هذا السؤال يااللى تلبسون هالجينزات والربطات

إن رحت لعزيمة أو صالة فرح لتسلم على من عزمك هل تتعطر له وتقوم بمرحلة النظافه تلبس أجمل ماعندك ؟

ام تلبس البرمودا الذي ذهبت لتقابل ربك به ؟؟؟

اترك الجواب للمتلقي ,,,

كل الود ,,,

أبو نوف الزعيم · #12 03/09/2009, 07:39 AM

مسكين هههههههههههههههههههههههههههههههههههههههههههه

أبوخـــلـــودي · #13 03/09/2009, 03:47 PM

البوكسر ماطلع ؟؟؟

وربطه يدك مافكهاا؟؟

ياربي هذا طفل متوحش كش عليه

ماقول الا ياصبر الارض بس

AL PACINO · #14 03/09/2009, 03:59 PM

صدق بعض البزران استغفر الله يحلى له اللعب بالمسجد ولو تهاوشه زعل ابوه ليش تهاوشه توه بزر
طيب دامك داري انه بزر لاعاد تجيبه معك انا ساعات لا صليت واحس بازعاج حولي ودي اصفقهم يقهرون
الله يصلحهم