السلام عليكم << وش عنده اليوم ؟

يالله .. وش ذا النوم اللي طايحن علي بهالشهر .. يعني الواحد اذا كان صايم تزيد خلايا النوم عنده ؟ .. << أبوك والتفسير المنطقي

الظاهر كذا .. لأني ألاحظ هالشيء على كل الناس

طوووول النهاااار وهو يشحن .. واذا جا المغرب أفطر .. والعجييييب إذا أفطر جاه النوم من جديد !! .. والأعجب من ذلك انه اذا حط راسه .. انسدح .. انبطح بأي وقت .. أي وقت .. يجيه النوم مباشرة !!

::> نعوذ بالله من ابليس <::

أمس من زود الطفش .. ومن زود النشاط << الله لايضرني

قعدت أحوس بشنطة السيديهات .. << الحين هذا نشاط

عاد هالشنطة تعتبر مستودع للسيديهات القديمة .. المهم لقيت سي دي .. شدني صراحة وحسيت ان فيه ذكريات ولا أحلى .. قلت أشوفه في الجهاز .. وصراحة هالني ما رأيت

ماااالذ وطاااب .. صور رحلات قديمة .. صور مناظر طبيعية .. تصاميمي قديم .. يعني كل شيء لقيته .. بالعربي اللي يبي فضايحي يسرق السي دي

لقيت ذكرى .. وش تقول بس

:: على فكرة .. من الحين .. اللي مو ناوي يسمي علي .. ويقول ماشاء الله .. يحط الخلف .. مانيب ناقص ::

نجي للب الموضوع ..

طبعا أي طالب يدرس .. لازم يكون عنده دفتر << احلف


وأي طالب يكون طفشان مثلا بالقاعة ماوراه شيء .. أو يكون الدكتور له من اسم الملل نصيب .. يتجه بعض الطلاب لقلم ابو ريال ودفتر ابو 40 .. ويكتب ويرسم ويشخمط .. الخ

انا وبحكم اني أحمل هم الطلاب .. وأعرف مشاكلهم .. ومايجول بخواطرهم << متعوب عليها

:: طيب أعصابك ::

قمت برسم كاريكاتير . يحكي حال بعض الطلاب ( اللي يداوم وهو مواصل )

وصلت للب المشكلة << وهذا اللي علي .. لكن أين الحل ؟؟ << عليكم يامسؤولين

^
يسمع بالكاريكاتير الهادف

.
.
.





- - -

- الصورة الثانية .. أحلى شيء الجزمة ( وانتم بكرامة ) .. ملبقها تحت .. وأحلى تكييف للأقدام ..بس وراه تارك الكرسي وطالع كنه مفارق طاولته سنين .. متلبس أبوها << أبوك من رسام

- الصورة الثالثة .. ياوييييلي على العيون .. قسم ان النشاط يتطارز منها .. بس لاحظوا الكتاب كيف طايح من الطاولة .. لاعب بحسبة ام امه وهو نايم .. لين سدحه تحت ..



في النهاية ..

حبيت انكم تشوفون ابداعي بالرسم << ايه هين

ومن خلال ذكرى كانت قابعة في طيات الزمن ..

مالقيت الا شبكتي الغالية تشاركني ذكرياتي ..

:: وكأني بلسان حالها يقول : لاعاد تجيب ذكريات يرحم امك ::
----------
فمان الله