فضيحه ( مباراه المنتخب الوديه مع ماليزيا الأولمبي ) - نادي الهلال السعودي - شبكة الزعيم

كوزيمن اولاريو · #1 31/08/2009, 01:03 AM

السلام عليكم

للأسف مستوى باهت

وفي الأخير طلع المنتخب ماليزيا الأولمبي

مع ان إدراه المنتخب السعودي صرحوا للإعلامين انه المنتخب الماليزي الأول

لا ونايف هزاازي اصيب

وين تروح يا اتحاد الكره السعودي اجل اولمبي

مطـلق الهاجري · #2 31/08/2009, 01:06 AM

منتخب مايطمن ... .. وبس

شمآلي هلآلي · #3 31/08/2009, 01:08 AM

للاسف مافيه منتخب بالعالم يتنازل يقابل منتخبنا بـ فريقه الاول حتى مآليزيا !!

HAIL · #4 31/08/2009, 01:11 AM

بالتوفيق للاخضر

الله يوفق الجميع يارب

هلاليه محترفه · #5 31/08/2009, 01:13 AM

من الاول وانا غير متفائله .. دام الإتحاد السعودي يوفر مباريات أقل منا مستوى !!
وعلى فكره الي اعرفه ان لاعبين المنتخب الماليزي هم لاعبين الفريق الاول ومتوسط اعمارهم 22 حسب ماقال المعلق انهم ماشين بخطه لبناء منتخبهم !!

وبرغم من ضعف المنتخب الماليزي إلا ان منتخبنا كان اداءه ضعيف جدا ..
ماشفنا شي نتفائل فيه !! لا إستفاده من كرات ثابته وبطئ في اللعب
ومدرب جبان يقتل الهجمه ويخلي المهاجمين يرجعون ويصنعون لأنفسهم بوجود لاعب واحد وسط صريح و3 محاور !!
وهدف مالك هو االي بدا الهجمه وانهى الهجمه !!

الاتحاد الاماراتي وقع اتفاقيه مع أكثر من اتحاد اوروبي حتى يلعبون مع المنتخب الاماراتي .. وبدؤ مع المانيا ..

طيب نشوف المنتخب البحريني يلعب مبارات وديه بدون الاعبين المحترفين في الدول الخليج ..
مع الانتر وكينيا وبكرا مع إيران ..!! !!

عموما الله يستر وانا وحده غير متفائله واتمنى ان يخيب ضني ..

الزعيمه شهد · #6 31/08/2009, 01:13 AM

ايه والله اصلن من زمااان خربانين

المنتخب منتخب حواري وليس منتخب السعوديه والله

وش ذا انا اطلع المباراة والله اضحك هذا بالله منتخب يمثل الوطن

تقبل مرووري

غمووووض · #7 31/08/2009, 01:16 AM

اقول بلا فلسفه و كثر حكي .. ؟؟
اهم شي يوقفون على مستوى اللعيبه حتى لو يلعبون مع فريق حواري ؟؟

اهم شي تجانس اللعيبه مع بعض عشان يقدمون كورة حلوه قدام البحرين حتى لو ينهزمون !!
نطلع بمستوى يشرف ولانطلع بنتيجة بدون مستوى ..

آسر ياقلبي · #8 31/08/2009, 01:31 AM

الفلوس وما تسوي

لو كل واحد يقولون له عيشك تاكله اذا فزت كان شفت كيف يبكون على خسارة مباراه

AL-GNY1 · #9 31/08/2009, 01:38 AM

وينك يا عبده عطيف للاسف منتخب مافي صانع الــــــــــــــــعــــــــــــاب

المنتخب منتخب حواري وليس منتخب السعوديه

راكان العمري · #10 31/08/2009, 01:59 AM

للاسف مهازل القائمين على المنتخب مستمره
ذبح الروح الوطنيه مستمر
المنتخب صار يسد النفس
اول مره احس ماودي يفوزون ولا يتأهلون
ملينا مسخره ملينا تعليقات
يا ناس ياعالم حتى عمان وهي عمان صارت تمسخرنا
فقط تخيلوا منتخب يلعب امام الارجنتين او البرازيل بهذا المستوى المتهالك
متوسط اعمار الاعيبه 30 سنة بالله هذا منتخب
خلاص كفايه ذبح ونحر بالمنتخب
لا والحين مستدعين ريان بلال <<< اللهم طولك ياروح
منتخب فيه تكر وعبدالغني والقاضي وابوشقير وكريري منتخب فاشل
سلطان ونواف حسبنا الله ونعم الوكيل
والداهيه المصيبه الكبرى اللى جاثم على المنتخب ولا يعرف يقول للمدرب كلمتين على بعض
فهد المصيبيح
بصراحه منتخب كل شي فيه يلوع الكبد ويسد النفس
وملينا وحنا نقول ونطالب ونناقش الين صارت مسخره
شوفوا نور بس مره ضامينه ومره طاردينه بالله وشلون تبيه يعطي للمنتخب بذا الاسلوب
ما اقول الا الله يعيننا ويصبرنا لين يرجع منتخبا اللى نعرف منتخبنا اللى يستاهل نبكي من شانه
منتخبنا اللى يستاهل يتقطع الصوت من شانه منتخبنا اللى نرفع روسنا كلنا فيه منتخبنا اللى نتحدى العرب واسيا كلها فيه مو منتخب ................!!!!!!! اه ياقلبي بس
تحيات سعودي مغترب ومنتخبه مغترب عنه