يا أخوااان أنا جاني ايميل من احد اقاربي بعنوان((مداهمة الهيئة لفرقة طيور الجنة بأحد المجمعات الكبرى))>>يمكن بالظهران او المدينة..!

وشفت المقطع بس قسم بالله ياهي قلة ذوق وهمجية و تخلف عقلي من اخوانا بالهيئة.



دخل ع المنشد فوق المسرح وهو ينشد وضحكة الاطفال وبسمتهم و شوي الا ويلقط المايك من يده

عاد بالله هذا أسلوب..!

يــ ع ــني تلفزيون يصور وبراءة هـ الاطفال و وناستهم مع طيور الجنة
وترتيبات لحضورهم بالمجمع من الاردن..!

وبــكل بساطة تسحب المآيك بالطريقة هذي..!


أنا اعترف انه منكر بحكم وجود موسيقى وهـ الخرابيط لكن ياخي بأسلوب..!

كلم المشرفين او المسؤولين عن الحفل ؛؛حاول تسحبهم ع جنب؛؛كلم ادارة المجمع

لكن ترقى فوق المسرح ولايهمك اطلق شنب و تله من يده..!


يشــهد الله اني من المحبين لرجال الهيئة الله يثيبهم ويجزاهم بالخير
واني من المؤيدين وبقوة لوجووودهم بمجتمعنا

وكلنا شاهدين وشايفين المناكر اللي يحاولون القضاء عليها في مجتمــعنا

لكن بالطريقة هذي والله ابــدآ محــد يرضــآها..!

ع العمووم اترككم مع المقــطع...!



http://www.youtube.com/watch?v=PluWDwpqwRU

يا رجال رجال الهيئه بعضهم تلقاه ينصح و صلاه صلاه

و أولادهم أدشر خلق الله

غريبه !!!!!!!

دايم اخبار الهيئه فيها قتل ضرب دهس وما شابه

اما مداهمه عااااادي فهم اصلاً اذا شافوا رجل وزوجته يمشون جنب بعض

سجلوا عليهم قضيه خلوه غير شرعية والمشكله ان البعض يطبلهم

إقتباس الرسالة الأصلية كتبت بواسطة القلم الذهبي هلابك أخوي بإختصار شديد وبما أني ساكن بالظهران .. وخواتي الصغار حضروا للحفل المسئلة كانت خليطي وقلة حيااا .. بنات كبار يرقصون على الموسيقى والطبول والرجال قدامهم .. يعني حفل مثل هذا المفروض يكون مخصص للأطفال .. وبخصوص المغني الي ماسك المايك الهيئة رصدوا المخالفات الي على الفرقة .. الي هي الميوزيك والإختلاط والرقص .. وكلموا مدير المجمع وقالوا لهـ أنهم خالفوا تصريح الإمارة لهم .. قالهم تصرفوا ! ودخل وأخذ المايك لأن المنظمين برى سحبوا على موظف الهيئة وماعطوه وجهـ بس بصراحة الوضع كان كأنك بمرقص مو حفل أطفال .. والله أعلم

بس مهما كان مايسحب المايك منه بطريقه "الهمجيه" هذا ضيف وش راح يقول اذا بلاده يقدر يكلمه يقوله انتم خالفتو تصريح الاماره ومضطرين نلغي الحفل اذا رفض ذيك الساعه يسحبه هو والمايك .. ياخي تحس من الي المواقف الي تصريللك معهم انهم طالعين من مركز الهيئه وحاقدين على المجتمع اي واحد يسوي شي ما يكلمونه لاحد تله من فنيلته بودن تفاهم ويقولون ليش العلاقه بين الهيئه والشباب مو زينه !!.. والله ودي اتكلم بس عارف الاعضاء الحين بيخلوني علماني و... ,,, لذالك اقول اللهم اني صائم .

اللهم أني صائم


..................

أهلين أخوي

أنا صحيح معك إن الأطفال قد يتأثرون من هالسالفة بشكل سلبي ضد الهيئة

ولكن مع ذلك نلتمس لهم العذر لأننا وبكل بساطة ما ندري وش اللي صاير بالضبط وبعيدين عن الحدث

والمفروض ما نحكم على الأمور من ظواهرها..

يعني احنا نعرف إذا كانوا مكلمين المسؤلين ولا لا؟؟!! ما ندري..!

أنا عني نفسي ما أذكر القصة اللي صارت بالضبط ولكن في أحد الأعضاء في المنتدى جاب القصة كاملة

واللي أتذكرة إن طيور الجنة هم اللي بدوا في المشكلة بسبب انهم ما إلتزموا بالشروط اللي حاطتها الجهه اللي

أخذوا منها الإذن في إقامت الحفل

وبعدين أنا من وجهة نظري إن الخطأ على أهالي الأطفال من البداية اللي سمحوا لأنفسهم وأطفالهم إنهم

يشوفون كل هالبلاوي (من موسيقى ورقص على حسب ماقريت في المنتدى) وقاعدين...

....................

حنا مشكلتنا إننا ما عندنا إنصاف في بعض الأمور... ولا ننظر لها من جميع جهاتها

ولا نستمع لجميع الأطراف اللي تدور حولها القضية

وخصوصا إذا كانت المشكلة تتعلق بالهيئة...والسبب على ما أعتقد إن الهيئة إذا صارت قضية عندهم فإنهم يتكتمون عليها

ولا يظهرونها للناس... وهذا الشي غصب عليهم...لأنها الهيئة ما أوجدت عشان تفضّح بخلق الله وإنما لتحل مشاكلهم...

وحنا بدورنا المفروض إذا أشكل علينا شي ما نتسرع في الأمور ونطلق الأحكام

وإنما لازم نسأل ونستفسر أو نسكت ونكون محايدين لأن الأمور مو واضحة

في الأخير

# أنا ما أقول إن الهيئة ما عندها أخطاء..لا الأخطاء موجودة..ولكن الهيئة جهاز حساس لأنه هو

أكثر جهاز يخالط الناس..فمن الطبيعي تحدث الأخطاء.

##الكلام كله مو موجه لصاحب الوضوع وإنما لمن يقرأ.

آسف على الإطالة

::تحياتي للجميع::

اقتباس جزئي لاخوي القلم الذهبي رده استوقفني

إقتباس الرسالة الأصلية كتبت بواسطة القلم الذهبي هلابك أخوي بإختصار شديد وبما أني ساكن بالظهران .. وخواتي الصغار حضروا للحفل المسئلة كانت خليطي وقلة حيااا .. بنات كبار يرقصون على الموسيقى والطبول والرجال قدامهم .. والله أعلم

كيف الله واعلم يعني انت السالفه سمعتها ولا شاهد ماشاف حاجه ؟

’،

عموما

الامن عندنا بشكل عاااام يبيله اعاده نظر ...

قتلوا فرحة الاطفال بهذا المشهد ..

أنا انصح بعدم حضور أي فرقة للسعودية عشان ما نتفشل ..

الكلام اللي ورد بالمنتديات عن حفل المدينة عار من الصحه

يبه كل ذا تفقيش

القضية حصلت بمجمع النور بالمدينه, الحكايه ان كان فيه موسيقى تصدح بالمجمع واشياء لا تمت لحفل اطفال باي صله

وجو شباب وقالولهم وقفوا الحفل ومنعوهم رجال الامن <<<< رجال الامن معهم حق لان وظيفتهم وقف الشغب

بعدها سمعوا الهيئة من الشباب وراحو يطلبون اغلاق الموسيقى ورفض رجال الامن

وبقيت شد جذب حتى انتهى الحفل

-----------

اما عن قضية الظهران اللي جبت الفيديو يا اخي الواحد وش يدريه وش قال هالمغني امكن تجاوب مع الامر او ممكن عارضه

غير كذا اعتقد حفل طيور الجنه يعني لاطفال موب يجي مغني رجال

ياخي نفسي اعرف الناس ليه متحاملين على رجال الدين

اي شي لو كان مو غلط يقومون عليهم

الله يجزاهم خير رجال الحسبه هاذي فرقة طيور الجنه هاذي فرقة طيور ابليس ديجي يصدح بها في كل مكان وتراقص على انغام هاذي الموسيقى لاحول ولا قوة الا بالله اليوم فرقة طيور ابليس غداً فرقة الفور كاتس

مكـٌــــــــــــــرٍرٍ ,,

هههههههههههههههه

يوم شفت موضوع وكاتب بكل هجميه قلت بس صار مثل ما صار بمسرح اليمامه ..

اشوف انها ما فيها شي . دخل الرجل والعسكري اخذ المايك ..

وين الهمجيه ..

الله يهديك . بس..