وووووو .. مقلبت بك .. وووو هههههههههههه - نادي الهلال السعودي - شبكة الزعيم

A L 7 Z N · #1 29/08/2009, 04:43 AM

الموضوع باين من عنوانه

السالفه ومافيها ان نسيبي توه متزوج اختي ماله شهرين

وقبل اسبوع تقريبا سوو فيني مقلب

دقت اختي علي الساعه 1 او 2 بالليل وقالت تعال خذني

وهم ساكنين بالقصيم

اقول لها ليه تقول تعال وبس بسرعه

يابنت وش فيك وش صاير

وتسكت ماترد علي

المهم منا ومنا وهم يفكونها ضحك

دريت انه مقلب قلت والله ما اخليها لكم

عاد دورني عند المقالب

وبعدها بيومين تقريبا طرت لي فكره

قلت هم بيجونا الاربعاء واذا جو يمشون الجمعه بخلي اخوي يكتف اختي

وانا بلبس عبايتها ونقابها

وبركب مع رجالها على اني زوجته

واذا مشى مع الخط بصااااايح بأعلى صوتي واخليه ينهبل

قلت لأخوي الكبير ووافق لآنهم مسوين المقلب فيه بعد

ويوم جاء الاربعاء جونا وانا اتوعدهم

المهم وجاء يوم الجمعه بالليل ..

وجت اختي بتلبس عبايتها وانا اجيها انا واخوي ونكتفها والبس عبايتها ونقابها

بس فيه مشكله انا اطول منها بواجد بيدري رجالها انها مو هي

سوينا خطه ..؟

اخوي راح لرجالها وهو بالسياره يحتري قال تعال ادخل سلم على امي وابوي قبل تمشي

الرجال على نياته دخل

وانا على طول اطلع مع الباب الثاني واركب سيارته وانا مرتبك خخخخخ

ويوم ركب كلمني قال عطيتي اخوك الشريحه وانا ساكت وما اطالع فيه

قال وش فيك ؟؟

يابنت ؟؟

وانا ساااااااكت واخوي عالدريشه من عند رجالها

ويسأل اخوي يقول وش مسوين لها

واخوي يقول ماسوينا شي

المهم قرب من عندي يبي يكلمني

وانا انقز عليه واصاااايح

وهو ينقزبغى يطلع مع الدريشه بس محطني على راسي من الخووف

وقام يلعن ويمحطني

وانا منسدح من الضحك واطلع من السياره وانا اركض والعبايه علي

اشوا ان حارتنا مافيها احد والا شرهوا علينا

والحين يتوعدني يقول والله لأردها

وش رايكم فيني مقلبت به

W.H 50 · #2 29/08/2009, 04:58 AM

احلى شيء المحطه اللي جت على راسك ..

+

إقتباس


	ويسأل اخوي يقول وش مسوين لها واخوي يقول ماسوينا شي

<< بريئين

..

الله يوفقكم ..

فـارس سـدير · #3 29/08/2009, 05:03 AM

والله صراحة شعوري الان بعد ماقريت المقلب و بطاريتي شبه فاضية صراحتان طيرت النوم مني

اهنيك على اسلوبك الروعه في سرد الكلمات

رجل من عالم آخر · #4 29/08/2009, 05:08 AM

خخخخخخ
كنت احسبك بتجي تكمل حلقة طاش اليوم

صراحة , موقف لا يسحد عليه نسبك , ياليت ما كان في شيء اسمه شريحة
و كملتوا الطريقة و .... إلخ

mr.faw · #5 29/08/2009, 05:11 AM

ههههههههههههههههههههههههههههههههههههههههههههههههههه

جعلي مااطيح بحدا مقاالبك

taigar_373 · #6 29/08/2009, 05:12 AM

‘،

ههههههههههههههههههههههههههه
هذآ وله شهرين تسوي فيه كذآ
أجل لآرآحت سنه وش بتسوي به هههههههههههه

يعطيك العآفية على المقلب خيو

ابو طـــــلال · #7 29/08/2009, 05:14 AM

مهبل هع هع هع هع هع هع

بس عاد لاتطول المقالب مثل طاش ....

تحياتي لك ياكابتن

A L 7 Z N · #8 29/08/2009, 05:15 AM

منورين الموضوع حبايبي

للمعلوميه هو من جماعتنا والا كان ماسويت فيه هالمقلب

نمون عليه

زعيم المستديرة · #9 29/08/2009, 05:18 AM

موضوع و اسلوب روعه اخوي

بس لا تكثرون منها ترا المقالب بتصير جد يوم من الايام

ع ـشقهــا هـلالـي · #10 29/08/2009, 05:21 AM

الله يرجك خخخخخخخ
ياليت بس ساكت لين رحت معه
عشان فعلآ ينصعق خخخخ..
يثلموو موضوع منتآز جدن ..

أحلـى هلاليه · #11 29/08/2009, 05:29 AM

هههههههههههههههههههههههههههه

مسكين سويتوا فيه مقلب لا يحسد عليه

بس عليك افكار تجنن
اذا بغيت اسوي مقلب باحد بخليك دبر لي مااعرف اسوي مقالب

محب الجنه الخرج · #12 29/08/2009, 05:39 AM

هههههههههههههههههههههههههههههههههههههههههه

ااااااخ ياليته ماسك خط عشان ينزلك ويعلمك كيف تمقلبه

لي رجعة مع مقلب ولا مثله طبعا رايح اجيب الفيديو من اليوتوب وبجي

ياهووووو مقلب لوني منه اطلع برا القارة

A L 7 Z N · #13 29/08/2009, 05:47 AM

انا ناوي اخليه لين يمسك خط بس قام يسولف وانا ساكت

وللاسف ما اعرف اقلد صوت بنت خخخخخخخخ

وحنا بالخدمه للي يبون مقالب

وشكرا جميعا عالطله

Qηαs SuĐeeя · #14 29/08/2009, 06:47 AM

,,

أهلاً بالقميلين كلهم ..

إزيك يا بآشآ ..

؟
غطست يا أبو و مآ صرت تنشآف ..

يآلبى المقآلب اللي خلتك ترجع لنآ ..

وش ذآ المقلب ..

لا وآضح إنك متأثر بطآش ..

شكلك بعد مآ سويت المقلب سويت مثل القصبي قعدت ترقص و تقول مقلبت بك مقلبت بك ..

إقتباس

الرسالة الأصلية كتبت بواسطة رجل من عالم آخر


	خخخخخخ كنت احسبك بتجي تكمل حلقة طاش اليوم صراحة , موقف لا يسحد عليه نسبك , ياليت ما كان في شيء اسمه شريحة و كملتوا الطريقة و .... إلخ

وش يسحد ذي ..

أبد ما كآن يقصد يُحسد ..

مآ تعرف تكتب أنت و خشتك ..

و ربي إني أحبك يآ برهوم بس دعآبه دعآبه ..

ع ـوآفي خيو على هيك موضوع ..

بس الوآن الموضوع مو حلوهـ وع ..

بس نمشيهآ لأن الموضوع منك ..

الموضوع الجآي خله أزرق و أبيض ..

في حفظ الرحمن ..

عبآدي

,,

محب الجنه الخرج · #15 29/08/2009, 01:32 PM

رجعت مع المقلب الاجنبي

ـــــــــــــــــــــــــــــــــــــــــــــــــــــــــــــــــــــــــــــ

هذا ثنين اخوياء قطعوا على انفسهم وعد ان كل واحد يسوي مقلب بخويه
وكان من شروط المقلب انه مايكون تسبب بوفاة او دخول سجن اواضرار

المهم الاول فيهم سوا مقلب بخويه بملعب
عطاه تذاكر حضور هو وخويته واتفق اللي يبي يسوي المقلب مع حقين الملعب يطلعون اعلان على شاشات الملعب بين الشوطين
ان خويه اللي بياكل المقلب
يطلع اسمه بالاعلان وهو يسال خويته فلانه هل ترضين بي زوج لك
طبعا اللي بياكل المقلب طفران ومامعه قرش

طبعا اللي بيسوي فيهم المقلب قعد بعيد عنهم وقزهم بالدربيل وصوروهم ناس قريبين منهم
طبعا البنت يوم شافت الاعلان اللي بالصوت والصورة قامت هاوشته وعطته ذاك المخمس اللي يحبه قلبك قدام العالم

طبعا المقطع دام فيها نساء ماني حاطه عشان لااتوقف ولا شي

طبعا مرت الايام والاسابيع جا الثاني يبي يرد المقلب ويبرد قلبه

خلا خويه يحضر مبارة لكرة السلة
وراح اللي يبي يرد المقلب واتفق مع حقين الملعب

انه بوسط الشوطين العادة عندهم يسوون مسابقة يختارون مشجع من الحظور ويسدون عيونه ويعطونه كورة سلة وشرطهم من مسافة بعيدة جدا يرمي الكرة وعيونه مسدودة وان دخلت الكرة الشبك ربح مبلغ مادي كبير جدا (ناسي كم هو المبلغ)
طبعا اللي يبي يرد المقلب اتفق مع الجمهور انه ان رمى الكورة الجمهور يصفق له على انه جابها وهو ماجابها وعشانه مسدوجة عيونه ماراح يدري انه جابها ولا لا

اترككم مع المقطع

http://www.youtube.com/watch?v=bI7AUgp5fPI