|
عسى ماشر اشوفك طولت وبدات تخرب القصه اقول وش رايك تسرد باقي القصه بدون اجزاء |
مشكووووووور يالغالي على هالقصه الحلوووووه ........ والف شكر لك...... ويعطيك العافيه على هالمواضيع الرائعه...... اختك/ عاشقه الهلال |
أســــــــــــــــــــــــــــــــــــــــــف على التأخير وأتمنى أنكم تعذروني وهذا الجزء الخامس والعشرين 000 ويوم حست نوره بنظرات دانه لخالد ... انفردت فيها بالغرفه وكلمتها بان نظراتها فيها شي .... فكبرت المشكله بين نوره واختها دانه .... فدانه عاشقه لخالد ونوره زوجته وحبيبته الابديه في قلبه التي تعذبت من اجله ... واصبح الصبح وقام خالد للفطور .. وبعد الفطور حبت ام نوره انها اتروح معاه لتشتري بعض الاغراض للبيت ... بدون نوره ... وهنا بدأت خالد بالكلام ..... خالد : ياعمه انا ودي اقول لك شي في قلبي وانا متعذب من الشي هذا ام نوره : اشفيك ياخالد .... قول لا تخجل مني انا مثل امك خالد : دانه تراها عاشقتني الام : انا ادري من الشي هذا .... بس وش بيدي ,,, قول ان شاء الله نوره مايكون عندها خبر بالموضوع خالد : وهذا اللي انا خايف منه ... ونوره تراها مشكله مهب هينه ..... تدرين انها اتغار علي حتى من سلامي على حد من بنات عمي او هلي الام : شوف انا اعرف نوره عدل ... تراها اذا حبت ... تذبح نفسها بس مايخونها اللي يحبها ولا ترى تقلب دنيته الى جحيم خالد : وش الحل مع دانه الحين الام : في وحده من صديقاتي .. تبي اتزوج ولدها ... يمكن اقول لها عن دانه حتى تفتك من هالمشكله وتنتبه لدراستها احسن خالد : اتمنى انك اتساعديني في هالمشكله الام : خل الموضوع علي وانا ان شاءالله بحل المشكله ويوم راحت نوره الصالون ... طار عقل خالد بانه يكتب شي من خواطره لدانه ... بس حتى تفرح شوي ... وكتب لها كلمات جميله باحساس ومشاعر ... وبعد رجوعهم للبيت ... بدون علم نوره ... وصل خالد الكلمات لدانه وفرحت دانه حق هالرساله .... وراحت تقرا الكلمات اللي كتبها خالد .... كانت كلمات جميله وشاعريه مما اطلق روح دانه انها تسافر على خيال وكلمات خالد ... وهذا الشي خلها تحس بان خالد يحبها ويبادلها نفس المشاعر والحقيقه بان خالد انجرف ورا دانه بالقلب والمشاعر .... ولكن ماكان هناك اي تقصير من ناحيته لزوجته نوره ... بس انه يبادل دانه مشاعرها ...... وتوطدت العلاقه بين دانه وخالد .... حتى اصبح خالد يدور اي حجه علشان يروح الكويت ويشوف جمال عيون دانه .... وهنا تركت هالنظرات من خالد لدانه ومنها لخالد ... بانهم يعيشون قصة حب من نوع اخر ... يعني قصة حب عين بعين ... وكلام بالقلوب .... وامل حست من حركات دانه بالشي هذا وخبرت نوره عن حركات دانه ... فكبرت المشاكل بين نوره ودانه وخالد ... خالد دائما ينفي هالاشياء ونوره اتأكد وتعرف بان دانه وراها بلوه من نظراتها لخالد .... ويوم من الايام ... بالصدفه افتحت نوره ورقه صغيره في درج السياره اثناء نزول خالد مكان ... ورقه فيها كلمات حب ومشاعر جميله ... ومن هالكلمات ... حللت نوره بان الكلمات اتكلم عن حب بالعيون ..... وهنا تأكدت بان حب العيون هي النظرات اللي يتبادلها خالد مع دانه في البيت .... وركب خالد السياره ... نوره : انا من حقي اني اعرف هالكلمات اللي كتبتها من له خالد : انت كيف اتفتشين في اوراقي نوره : انا زوجتك ومن حقي اعرف كل شي خالد : هالكلمات كتبتها لك ... قال هالكلام حتى يغير من شك نوره نوره : شوف يا خالد انا اعرف اذا انت كتبت لي او حق غيري ... وانا متأكده بان هالكلمات حق دانه .... وحاول خالد ان يدافع عن نفسه ويغير كلام نوره .. لكن نوره متمسكه بكلامها وتعرف بان الكلام لدانه مهب لها ..... ووصلوا البيت ونوره زعلانه من خالد ولا تحب اتكلمه ... وراحت غرفتها تبكي على حظها العاثر اللي عقب هالعذاب يجزيها بحبه لاختها .... وانتبه خالد لبكاء نوره ... بس باي حجه يقدر يقنع نوره بانه ما يحب دانه .... وهو في قلبه يعرف بان هذا الشي حقيقي ومشاعره انجرفت ورا دانه ومرت الايام وتعدلت الاوضاع بين نوره وخالد .. ولكن نوره مانست هالشي فكان كل ماتشوفه تحس بانه يخونها مرات ... فتدهورت حالة نوره .... وفي يوم من الايام وهم في الكويت لزيارة امها .... حاولت نوره الانتحار علشان تفتك من العذاب اللي تعيشه .... وقامت وابلعت حبوب كثيره .... وطاحت مغشي عليها ... وبكل احاسيس الجنون .. اخذها خالد للمستشفى وهناك ... نامت تحت العنايه المركزه لمدة يومين .... وخالد يبكي على الشي اللي سواه بنوره .... واعترف بانه غلطان بالشي هذا وانه لازم يترك دانه في حالها ولا عاد يفكر فيها مره ثانيه ... ولكن دانه ماتعطيه مجال بانه يهرب منها فكانت نظراته دائما على خالد ومرات تكتبه كلمات واطرشهم له على بريده الخاص ... حتى جا اليوم اللي يبون يخطبون دانه .... وهنا دانه وافقت على خطيبها الجديد .... فشرطت على خالد بانه هو اللي ياخذهم للصالون ويجيبهم اذا خلصوا من هناك ... اما بالنسبه لنوره ... فقدم خالد كل ماعنده من حب ومشاعر لنوره حتى يغير الجو اللي هي فيه ... وهذا غير شوي من تفكير نوره لخالد ودانه .... وخاصه يوم اخطبوا دانه ..... يوم الخطوبه او الحفله .... كانت نوره في صالة الافراح اتقلط المهنئين وخالد ينتظر ام نوره ودانه عند الصالون .... وقلبه يدق .. كيف ان دانه بتروح عنه ويتنسى مشاعره ... وهالشي ترك اثر في قلب خالد اللي سريع التأثير بعواطفه .... وبعد خروج دانه وامها من الصالون ... اركبوا مع خالد وقلبه يدق من الخوف .... ونست ام نوره غرض في الصالون فنزلت وهنا انفرد خالد بدانه وقام يقول لها كلمات شعر بفراقه لدانه وللي يحبها خالد : دانه ودي اشوف عيونك قبل الوداع دانه : ارفعت عنها الغشوه ... وشاف خالد صورتها .... ماصدق بان هاذي دانه وكان القمر في ليلة بدره طلع في سيارة خالد .... وراح فكره بعيد في تصوير جمال دانه وعيونها ..... حتى وصلهم الى الصاله ... وبعد كم يوم من الخطوبه ... ما عجبها دانه خطيبها .. لانه مهب مثل خالد اللي يعرف يتكلم بالمشاعر وكلمات الحب والغزل وخاصه نظرات العيون ..... ************* وللجروح بقيه 0 |
وهذا الجزء السادس والعشرين 000 حاولت دانه انها تنهي الخطوبه من خطيبها ..... ولكن ابوها عارض هالشي لانه مديون ولا يمكن ان الخطوبه تنتهي ... لانه ماعنده فلوس يرجعهم للرجال ... فرضخت للامر الواقع .... وبأصرار من ابوها تم تحديد يوم للزواج ..... اما خالد .. فبعد مرور كم شهر على خطوبة دانه ... ارزقه الله بطفل ولد .... وكان خاطره ببنت علشان يسميها دانه .... ولكن الله عطاه ولد حتى يرحمه من مشاكل وخاصه ان في عقله اذا كانت بنت يسميها دانه ..... وتزوجت دانه بعد فتره من الخطوبه ... ولكنها مثل ماكانت ... حبها لخالد تملك على قلبها فكانت ماتسعد بزوجها مثل سعادتها انها اتشوف خالد او تسمع منه شي من كلمات الحب ... اللي زوج دانه ... مايعرف شي اسمه كلمات حب ... واكثر طبعه الغضب وكان كثير ما يتشاجر مع دانه ..... ودانه تشتكي لخالد بس بالبريد الخاص وخالد مايتردد في مساعدتها او الوقوف بجانبها من كلامه الجميل العذب اللي يخليها تسبح في بحر حبه ..... ونوره ... عايشه على امل حب خالد وانه بيتغير بعد ان يكون عنده ولد ... يعني صار ابو .. ولكن خالد ماتغير منه شي وهو مقصر على نوره بشي ... يرعاها بالحب والمشاعر ... ولكن مشاعره مختلطه بدانه ... اما امل خطيبة خالد ... فرزقها الله بواحد ... وتزوجته لانه free مثل ماهي تحب اتكون ... ولكن للاسف كانت له علاقات غراميه مع بنات وكان بعض المرات يجي البيت لامل سكران ... وامل بعد ماقصرت ... هي بعد راحت تتعرف على غيره بالمكالمات الهاتفيه ... ولكن امل تمللت من زوجها ومشاكله وعرفت ان هذا من عملها اللي ازرعته بخيانتها لخالد اللي كان يحبها ..... ولكن ... ليس كل مايتمناه المرء يدركه ... فتطلقت امل من زوجها الخربان بعد حياة عذاب ومشاكل معاه .... وفي كل مره اشوف خالد تتحسف وتندم على الايام اللي كان معاها طيب وهي كانت اتخونه .... ومرات اذا اتصل خالد البيت وامل ترفع السماعه وتعرف بانه خالد .... تقول له ... ما وحشتك ياخالد انت نسيتني ..... وخالد يقول لها بان هي اللي اختارت الغير وهي لازم اتحس بغلطتها ... وهو ما كان يخونها ... ولكن هاذي هي الحياه (دروس وعبر) وكم مره امل تقول حق امها ليتني ماتركت خالد ... وهاذي جزاتي يوم اني خنته وتزوجت واحد فري بس صايع وخربان .... وبعد فتره من الزمن .... تغيرت حياة امل ... وهداها الله للايمان والصلاة .... وحتى الكل تعجب منها وخاصة صديقاتها اللي خربانين مثلها .... فكانت ماتطلع من البيت وتقضي اكثر اوقاتها بقراءة القرآن والعباده ... وهذا التغير ترك اثر كبير في قلب امل ... حتى انها الحين ما عادت مثل الاول اتكلم خالد او تحب ان تقول له شي ... ولكنها اتسلم عليه اذا كان موجود معاهم في البيت .... وفي سبيل حبها للايمان واللي شافته من نور في قلبها ... قررت امل ان تقطع تلفون الجوال اللي عندها وانها .. حتى ماتروح المدرسه ... لانها تحس بان المدرسه هي فساد لاخلاق البنت من وقوف الشباب جدام باب المدرسه ... لا حياء ولا مستحى ... والحمدلله اللي هداها .... والله عطاها انها تروح الحج مع خالتها اما نوره ... فقلبها اسمه خالد ونفسها اسمه خالد ... ولا في شي يغير من حبها لخالد ... وهي بحق الزوجه المخلصه التي تراعي زوجها في غيابه وحضوره وتحترم بكل انواع الاحترام .... وعمرها ماخالفت له راي ..... حتى مرات اذا كانت ودها تطلع مع ام خالد الى السوق او مكان .. والله انها تستأذن منه بالخروج .... والله انها لنعم البنت ..... اما دانه ... فالله رزقها بعد بولد .... ولكن قلبها حتى الحين ينطق بحب خالد ومهما اوصلت من مرحله في العمر .... فهي بعد تحب خالد ولا يمكن تكره خالد ... واذا جاء خالد بيتهم ... لازم نظرات العيون مثل قبل ... نظرة حب وغرام ........... وخالد ... عايش بثلاث قلوب ... قلب لنوره وقلب لامل وقلب لدانه ... ولا يقدر ان ينساهم ... لانهم كل وحده منهم اتركت ذكرى في قلبه امل = كانت تحب تضحك وتنكت وشيطانه وذكيه دانه = مشاعرها صوب خالد ماتغيرت حتى بعد ان الله رزقها بولد بعد تحب خاللد نوره = البنت اللي تطيع وتحترم زوجها وتحبه موت .... وفي كل يوم تفتح فيه عينها بيوم جديد ... يكون خالد جدامها بصورته اللي تحبها نوره وهاذ القصه حتى الان والله انها مستمره وما انتهت بينهم ... ما عدا امل اللي الله هداها وابتعدت عن خالد ... اما دانه ونوره فحبهم مستمر لخالد ...... حتى امهم درت بالموضوع ولكن وش بيدها ... وهي بروحها مع مشاكل ابو نوره اللي معذبها .... وناسيها ولا يصرف عليها ..... ولكنها سمت خالد ( قاتل العذارى ) نسبه الى تعلق البنات بقلبه ****************** لا أعتقد أن للجروح بقية :no: :no: :no: :no: |
وأخيراً النهاية 0000 النهــايــة في نهاية هالقصه اتمنى ان تعجبكم ... وانها تكون عبره لبعض الناس لما فيها من اشياء حقيقيه واكثرنا غافل عنها .... مثل السحر او ال... free اللي كثير منا يركض ورا هالكلمه اللي اهدمت بيوتنا وايمانا وسوت فينا حب اللهو والركض ورا الخرابيط ... واشكر كل اللي مر من موضوعي وقرأ هالقصه سواء رد عليها او مارد في النهايه احب اني اشكره على قرايته للقصه **************** اتمنى من الجميع يعطوني رايهم بخالد ... حتى لوكان الراي فيه كلام غير جيد لانه هو اللي عطاني هالمذكرات ووصاني انه يسمع رايكم فيه ويحب تقدكم له مهما كان النقد ... لو هو كلام جارح بعد يحب يسمعه ويمكن اكثركم ما يصدق هالقصه ولكنها من واقعنا الحقيقي والدنيا فيها بلاوي بس من يدري عنها واكثرنا لاهي في دنيته ونسى غيره ولكن في النهايه اقول بأن هاذي قصه حقيقيه والله انها مازالت مستمره ليومنا هذا *************** تقبلوا منى اجمل تحية حب واحترام لقلوبكم الجميله اللي شاركتني القصه وانا في انتظار نقدكم ورايكم لخالد 0 |
تحياتي لك ,AAA. |
صراااحة انا اول مرة اسمع او اقرا قصة مثل هذي...... قصة مثيرة جدا جدا... شخصيات القصة: ابو نورة: انسان حقير لا يستحق ان يكون اب. ام نورة: اخطات لموافقتها ورضاها للذهاب للسحرة. نورة: هي اعقل وحدة امل : الحمدالله ان الله هداها... دانه: كانت تعيش في صدمة نفسية عنيفة.... كان الاولى انها تعالج نفسيا من اول ما بدت تحب خالد... ولكن نتيجة للتراكمات من المشاكل والمشاعر النفسية حصل اللي حصل.... خالد:كان ماشي في الاتجاه الصحيح لكنه اخطا عندما ذهب للمشعوذ.... واخطا عندما تفاعل وهيج دانة.... المواقف الاولى اللي مرفيها خالد ..... تدل صبره وعدم يأسه......لكن ما تلاها اعتقد انه اخطا في التصرف..... وانا انصح خالد انه ينسى دانه وامل..... ويبقى مع نورة.... ويغض بصره من دانه وامل .....لان النظرات هي اساس العلاقة بينه وبين امل... احم...احم... د.كيفي كويتية...... دكتوراه في كل اشي....... يعطيك العافية على هذه القصة اللي لعبت باعصابي.....مشكووووووووووووور |
تحياتي لك أخوي.. ESM1991 وألــ 1000 ــــــــف شكـــــــر على تكملة القصه... والرد ان شاء الله بتلاقيه بعد شوي.. |
شكرا على هذا القصـــة الأكثر من روعة |
[ALIGN=CENTER] إقتباس:
8 8 هذي ردي انا يوم كنت صغيرة:D[/ALIGN] |
عزيزي أتمنى ان لا يزعجك رأيي الأختلاف في الرأي لا يفسد للود قضية محاولة جيدة ولاكن فيها الكثير من التناقضات : 1- ذكرت ان القصة حقيقية ولكن من سياق الكلام يتضح العكس 2- ذكرت ان خالد من المحافظين على الصلاة مع الجماعة وخاصة صلاة الفجر وهذا يتناقض مع ذهابه للسحرة والمشعوذين 3- طول القصة الذي يسبب الملل للقارئ تحياتي / ابـــــــــــو ســـــــــــاره |
أشكر الأخ العزيز أبو سارة على رأية الذي اضعه فوق رأسي وكمال قال الأختلاف في الرأي لا يفسد للود قضية وأنا اقول لك ان هذا القصة تم تجميعها من اكثر من شخص وأنا من وصل خيوط هذا القصة الغريبة حتى تصل إليكم بأكثر وضوح وكل ماكتب نقل من روات صادقين بأذن الله وطول القصة قد يكون ممل للذي لايستعد لأن يقرا فعلاً قصة أكثر من روعة وهي لم تنزل جملة واحد بل بالتجزيئ وكأنها حلقات مسلسل وأكرر شكري للأخ العزيز اابو سارة أخوكم عبدالله العمران |
بصراحه نسيت القصه :) ويبغالي اقراها من اول وجديد ,, والله يعطيك العافيه اخوي ,, |
شكرا اخي عبدالله على اريحية صدرك وطول بالك علي صراحة انا كنت متخوف من ردة فعلك على مشاركتي لكنك ريحت بالي الله يريحك بالك تحياتي / ابــــــــــو ســــــــاره |
أنا إلي أشكرك يا أخوي أبو سارة فأنا أنسان أهوى النقد وأعشقة لأن النقد هو الذي يبني لك صرح عالي من الشموخ والمدح ليس إلا كلباس جميل يتجمل فيه المرء اما الناس واكرر شكري وتقديري لشخصك |
| الوقت المعتمد في المنتدى بتوقيت جرينتش +3.
الوقت الان » 03:06 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd