وهذا الجزء التاسع عشر 000
مرت الايام ودانه تنتظر على نار هذا المبلغ الذي طلبته ولكن خالد ايضا يصادف
بعض من المشاكل بالنسبه لتحضير العرس ووقت العرس قريب ودانه لم يهنأ لها
بال فقررت بان تتسلف نصف المبلغ من احدى صديقاتها حتى يدفع لها خالد في وقت
اخر ... واخذت المبلغ وذهبت الى المشعوذه ......
دانه : شوفي هذا نصف اللي طلبيتيه والباقي لين يجهز العمل باعطيك اياه ولكن الحين
لازم تشتغلين فيه
المشعوذه : خلاص انا بشتغل لك من الحين وانت مري على قبل يوم الخميس
ذهبت دانه والفرحه مرسومه على شفاهاه ولكن قلبها من الداخل يشتعل من النار
حتى جاء يوم الخميس وذهبت دانه للمشعوذه
دانه : ها خلصتي الموضوع
المشعوذه : خلاص وانت ماعليك الا انك تاخذينه .. بس ها وين الباقي
دانه : الباقي بعد كم يوم باجيبه لك بس اصبري على شوي
المشعوذه : لا ياحبيبتي ,,, اول شي الباقي وبعدين تاخذين العمل
دانه : بس الحين ماعندي شي ولكني اوعدك اني باجيبه لك
المشعوذه : لا ما اقدر لازم ترهنين شي عندي يكون اثبات حتى اتردين
دانه : خلاص بكره باجيب لك الذهب اللي عندي
المشعوذه : خلاص جيبي الذهب واخذي العمل
وذهبت دانه لتبيع الذهب لتعرف كم يوصل حتى تدفعه للمشعوذه
ولكن ذهبها ماوصل الا 2500 ريال .. يعني بعد تحتاج النصف الباقي
وبعد يومين الا خالد متصل .... وبالصدفه دانه التي رفعت التلفون
خالد : السلام عليكم
دانه : وعليكم السلام .. اهلا اخوي خالد ... شخبارك
خالد مستغرب من ترحيب دانه الذي ليست كالعاده بعد ان خطب نوره
انا الحمدلله بخير وانت شخبارك الحين ان شاء الله بخير
دانه : انا بخير والحمدلله ... ها بغيت نوره
خالد : لا بغيت امك وبعدين باكلم نوره
دانه : خالد ممكن اطلب طلب وماتردني وانت مثل اخوي وانا ماعندي غيرك اسأله
خالد : افا عليك يادانه .. آمري ولا تستحين
دانه : والله بغيت فلوس علشان العرس وانت تدري ان ابوي ماعطينا
خالد : ان شاءالله يا دانه انا في الحقيقه متصل علشان اكلم امك عن الفلوس
دانه : طيب لحظه بصوت عليها
ذهبت دانه وهي فرحانه لانها بتحصل اللي بغته ... ولكن المسكين خالد اللي يدفع
بعمره ليخسر حبيبته علشان يسعد الغير بدون مايعرف
الام : هلا بمعرسنا خالد
خالد : حياك الله ياعمتى ... بس بغيت اطرش لك الفلوس ومادري اطرش على عنوان من فيكم
الام : ارسله باسم اخوي على حسابه واذا بتتصل فيه يكون احسن .. لاني ما ابغي
ابوهم ياخذها .. لان بيلعب فيها
خالد : خلاص ياعمه انا بتصل بعدين في اخوك .... عمه ممكن اكلم نوره
الام : اكيد هاذي عروستك ياخالد
.... وبعد لحظه جاءت نوره .....
نوره : الو ... بكل حياء ... والقلب يدق من الخوف
خالد : هلا والله بالحبيبه اللي احرقت القلب شوقا لها بنيران عجيبه
نوره : هلا بالغالي اللي من غيره ماعرفنا نوم الليالي
خالد : ودي اجيك على حصان واخطفك من ذاك الانسان اللي حقد علينا ومن يومها
ما عرفنا الامان
نوره : بس خالد ترى انا استحي منك
خالد : تستحين من فارس احلامك
نوره : خالد ترى عندي صديقتي جايه اتساعدني في اختيار بعض الاشياء
اذا تقدر اتكلمني وقت ثاني اذا سمحت
خالد : افا عليك يانوره ... خلاص انا بتصل لك بكره
واتصل خالد وكلم خال نوره لموضوع الفلوس ... وطرشها لخال نوره ... واخذها
خال نوره بعد يومين من تطريشهم بواسطة البنك ... وعطاهم لام نوره
وهنا اخذت دانه نصيبها الذي طلبته من خالد ... وطارت الى المشعوذه لتعطيها الباقي
.. واخذت دانه العمل والارض لاتسعها من الفرحه كانها فازت ببطوله او بقلب خالد
ولكن العكس صحيح ... فمهما التجأ الانسان الى السحر ,, فيوم من الايام سوف
ينعكس عليه ذلك العمل بحكمة الله ( كما تدين تدان )
ومرت الايام كلمح البصر وهاهو يوم خالد ونوره ... ويوم انتقام دانه ... والكل سعيد
بالعرس الا امل الذي بان على وجهها البكاء وقد رأتها امها وهي تبكي فسألتها
الام : وش بلاك يا امل ليش تبكين
امل : بعد لازم ابكي لانه كان في يوم من الايام خطيبي
الام : انت لعبتي من وراه وهذا جزاتك
امل : انا ادري بس كل شي انتهى يايمه خلاص
الام : قومي يابنتي وغسلي وجههك وباركي حق اختك .. ترى هذا حرام انك تبكين
وتخربين الفرحه على اختك ..
وذهبت امل والدموع في عينيها وكانت تحاول ان تخفيه الا ان خالد لمح بريق الدمعه
في عيون امل .. وكيف لا وهو في بدايه التعارف عشق عيون امل ... ولكن مالعمل
هذه ارادة الله .. وهي من خسرته وليس هو ... ودانه تحضر السحر في العصير الذي
سوف يشربونه خالد ونوره ... وقلبها يحترق من الحقد والكراهيه لهم
وبعد لحظه جاءت دانه والسحر في عصيرها والشيطان يساعدها وقلبها مظلم ولكن
بثوب فرح ابيض ... وعطت خالد ونوره العصير وهي تراقبهم .... وهنا سرب خالد
من العصير وشربت نوره ايضا .. وتبادلا الاكواب حتى يتشاركا العصير .... وفجأه
****************
وللجروح بقيه 0