مشكوووووووور وما قصرت والله يوفقك

وهذا الجزء الرابع عشر 0.0
وبعد ذلك اتصل خالد بام نوره يستفسر عن اخبار دانه وما جرى لها ,,,,
خالد : كيف الحال يا عمه وش اخبار دانه الحين
الام : والله ياخالد وش اشكي لك بكل صراحه انا تعبت من ابوهم اللي مايسال عنهم
خالد : وكلي امرك بالله والله كريم
الام : والنعم بالله
وهنا خالد يحاول ان يقيس نبض الام عن موضوع دانه ....
خالد : ممكن اتقولين لي وش بلاها دانه يا عمه
الام : والله ياخالد وش احكي لك تراها قصه عجيبه
خالد : ممكن اعرفها يا عمه وانت تدرين ان انا دائما معاكم في فرحكم وحزنكم
الام : والنعم فيك يا خالد ولكن الصراح ان دانه بعد متولعه فيك ... وش سويت انت
بالبنات ... وبكل صراحه انا ودي اسميك ( قاتل العذارى )
خالد : ليش ياعمه والله اني انا معتبرها اخت ولا عمري فكرت فيها ولكن هذا شي
غريب بالنسبه لي ولا اعرف وش ارد
الام : والله ياخالد ان تعبت خلاص واعتقد ان نهاية حياتي قربت
خالد : بعد عمر طويل ياعمه الله يعطيك العافيه
وهنا اغلق التلفون خالد ودمعه من عينيه نزلت .... كان يفكر في موضوع دانه
اذا كانت تحبه الى هذه الدرجه فلماذا لم تخبره من قبل ... وبدأ يفكر ااختياره لنوره
صحيح ام خطأ .... فقام يتذكر كل من نوره ودانه في الايام السابقه ... ولكنه في الاخير
استقر بان نوره تتعذب من اجله وابوها وعمامها وقفوا ضدها من اجله فلذلك لن
يتنازل عنها مهما كان السبب او من يحبه
سافر خالد الى بلدته وحاملا معه هموم الايام والليالي التي قضاها هناك وتفكيره
بنوره ودانه وابوهم .... ولكن دانه اضافت هم جديد على قلب خالد الذي لم يرتاح
من عذاب نوره مع ابوها والان دانه معهم .... لايعلم ماهو الحل حتى يتخلص من
هذه الاشياء ... ومر اسبوع وخالد كما هو ... تداهمه الهموم من كل جانب فلم
يرى الراحه ( نوره لايقدر ان يخطبها .... دانه متولعه فيه ومريضه بسببه ......
الاب ضده ولا يعطيه فرصه للنقاش ) اي قلب تحمل يا خالد .... ورجع خالد الى
المشعوذ ليرى ماهي اخر الاخبار ......
خالد : ها ياشيخ وش سويت في الموضوع ان شاء الله خير
المشعوذ : ابشر يا خالد موضوعك بينحل ان شاء الله
خالد : تكفى ترى قلبي احترق من الالم
المشعوذ : اسمع ياخالد باعطيك اورقه مكتوب فيها كلام واذا رحت لابو نوره
خلها في يدك وتحمل تفتح الورقه ترى الشي اللي عملته بيخترب
خالد : ان شاء الله وامري على الله
وذهب خالد الى ابو نوره والورقه في يده وحاملا معه آهات السنين كلها من عذاب
وآلام .... وتواجه مع ابو نوره .......
خالد : ياعمي انا جيتك ولاتردني خايب
ابو نوره : ياخالد اللي بيني وبينك منتهي من زمان ولا عاد اتكرر جيتك عندي
تعجب خالد اذا الورقه ليست منها فائده ....
خالد : هذا اخر كلامك يا عمي
الاب : هذا هم ولا عاد تفتح الموضوع مره ثانيه
وذهب خالد ومرارة الحزن والالم تعصر قلبه وتقطعه ... اي اب اي انسان هذا
لايريد غير ذلي في هذه الدنيا ... الهي اجعلت الخلق يذلون المخلوق ام ان الخالق
هو يجب ان يذل الخلق ....
***********
وللجروح بقيه 0.0

وهذا الجزء الخامس عشر 0.0



***********


وهنا خالد قرر عدم الذهاب الى المشعوذ مرة اخرى ورضى بما اعطاه الله من
نصيب بان البنت لن تكون له وربما هذا خيرا له ... ورجع خالد السعوديه مكسور
الخاطر يجر خلفه الالم والعذاب وهموم نوره ودانه والهزيمه التي انهزم بها في
معركته مع ابو نوره .... ومرت الايام وذكريات نوره ودانه في عقله كيف ان القدر
جمع قلبين في حب قلب والحقيقه انهم خوات ... ودانه لم تنسى خالد وكانت سعيده
برغم حزنها لعدم مقدرتها رؤية خالد الا ان نوره التي اشتعل قلبها شوقا لرؤية
خالد الذي قرر ان ينهزم من قصة حب قويه امام الظالم ابيها .... ولكن خالد لم
ينهي علاقته معهم فمرات يتصل ليسمع اخبارهم من امهم ... وبعد فتره من الزمن
اثناء النوم حلم خالد بانه مسافرا الى العمره ليعتمر وفي الحلم وجد رجل ابيض
وكبير في السن ووجه نوراني سلم على خالد واعطاه ورقة بيضاء ولكن لم يكن
مكتوب بها ... وقام خالد من الحلم فقرر ان يعتمر قربة الى الله ويعتقد بان هذا هو
شي من ارتكابه ذنب التصديق لكلام المشعوذين وان الله سوف يساعده وذلك
بالورقه التي اعطاها له الرجل الكبير ......
بعد عدة ايام اتصلت ام نوره بخالد ,,,,,,,,,,,,,,
الام : خالد تعال بسرعه واطلب نوره من ابوها
خالد : وش السالفه ياعمه كيف بيوافق الحين
الام : الله انتقم منه من كثر ما كان يبخل علينا علشان زوجته الثانيه
خالد : وبعدين وش صار
الام : انكسر وزادت عليه الديون وهذا هو الحين مقصوص يدور البيزه الحمره
خالد : الله لا يبلينا ان شاء الله وهذا جزاة الظالم
الام : ترى انا ياخالد مانسيتك وكل اسبوع اقول له عنك وعن نوره وفي كل مره
يصارخ ويسبني بكلام مهب زين وهاذي جزات الظالم
خالد : بس كيف بيوافق على وهو ما يحبني
الام : انا كلمته امس وهو متردد يعني غصبا عليه بيوافق علشان الفلوس
وانسان مثل هذا يبيع هله علشان الفلوس
خالد : بشرك الله بالخير ياعمه وانا الاسبوع الجاي عندكم
,,,,,,,,, فرح خالد لهذا الخبر الذي اثلج قلبه وعلم بان عمرته وتقربه الى الله لهو
الحل الوحيد لكل شي وهذه حكمته سبحانه وتعالى ..... وذهب خالد الى الكويت وفي
قلبه ابتسامه على خوف فهو لم يكن يحلم بان تتم الموافقه عليه في يوم من الايام
بسبب هذا الظالم ..... ولكنه ايضا حزين له على ما اصابه فهو لايرضى بهذه
الاشياء ان تحدث .... حتى وصل الى الكويت وعند بيت ابو نوره ..........
طرق الباب خالد وفتح ابو نوره الباب ............
الاب : نعم خالد كيف حالك
خالد : بخير وش اخبارك انت وفي قلبه علامة تعجب من استقبال الاب لخالد
الاب : انا بخير حياك المجلس
خالد : حياك الله يا عمي وفي قلبه ابتسامه كبيره
الاب : نعم خالد وش عندك
خالد : انت تدري يا عمي اني من زمان وانا ودي بنوره وانا لو مهب شاريكم
كان ماجيت وطلبتها منك
الاب : بس يا خالد انت تدري ان نوره بنت يعني لازم يكون لها مهر وانا ماابغي
خطوبه ابغي زواج على طول
خالد : اللي تطلبه يا عمي ومايسير خاطرك الا طيب
وعلم خالد بان هذا الاب لايحب الا نفسه وماله وصدقت عمته عندما قالت بانه
يبيع بناته من اجل المال
الاب : خلاص مر على بكره وانتفاهم
خرج خالد وهو مسرور للخبر وبشر نوره قبل عمته بالتلفون ولكن دانه التي
ازعجها الخبر وامل ابتسامه ولكن في قلبها ندامه
وحان وقت اللقاء بنوره



**************

وللجروح بقية مادام القلب ينزف دماً

مشكووووور اخوي عبد الله والى الامام


ولا زلت اطالب بثبيت نتظر الجزء السادس عشر بفارغ الصبر

مشكوووووووور مشكووووووور

بإنتظـــــــــــــــــــــارالجزء السادس عشر...

مسكين خالد...الله يكون بعونه..

تورط مابين نوره و دانه...!!

ولا يهمكم هذا الجزء السادس عشر 0



**************************************************

****
اصبح الصبح والفرحه على وجه خالد المسكين وهذه اول مره ينام الليل وقلبه
مرتاح .... وقام من النوم وكانه نام الدهر كله بعد عذاب الايام والشهور التي
مر بها خالد .... وبعد فتره .... ذهب خالد الى بيت ابو نوره ,,,,,,,,,,
خالد : ها ياعمي قول شنهي طلباتك وانا حاضر انت فصل وانا البس
ابو نوره : شوف ياخالد ترى المهر كذا ومصاريف عشا الحريم كذا وعليك وبعد
الصالون عليك .... وكان المهر الذي طلبه ابو نوره خيالي بالنسبه لواحد كخالد
الذي كان معهم ونسيبهم في السابق ولكن هذا هو القرار الاخير الذي اتخذه ابو نوره
ولم يتردد خالد حتى لايرفض ويخرب عليهم كل شي
خالد : ان شاء الله ياعمي بس متى العرس
ابو نوره : اول شي اتجيب المهر ونروح على طول عند الشيخ
خالد : طيب ياعمي عطني فرصه خلني ارجع السعوديه علشان اسبح من البنك
ابو نوره : شوف يا خالد ترى عندك اسبوعين وعقبها ترى في رجال متكلم على نوره
وهو يبغيها وترى المهر عنده جاهز
وفكر هنا خالد وقال في نفسه اي اب هذا الذي يبحث عن الاموال وبيع بناته
الله يلعن الفلوس ويلعن اليوم اللي خلت الانسان يذل بنفسه علشانهم
وهنا ذهب خالد الى السعوديه .... واجتمع مع اهله وقال لهم بهذا الخبر ان اهله
اعتذروا لخالد لعدم مقدرتهم حضور العرس لاسباب ان نوره اخت امل ,,,,,
اين يذهب هذا المسكين وقلبه مليء بالجراح حتى اهله لايريدون ان يشاركونه
فرحته ولكن كل شي يهون من اجل عيون نوره ... فذهب خالد واستقرض من البنك
المبلغ الخيالي الذي طلبه ابو نوره ومهما حصل فان نوره سوف تكون له وليس
لغيره .... وبعد ايام اتصل خالد بام نوره ..........
خالد : ها ياعمتي شخبار الجميله نوره
الام : ايه ياخالد الحين خلنا نسمع كلماتك الحلوه ترى من زمان ماسمعنا منك شي
ومانسمع هنا الا كلام ابو نوره اللي كانه ( ...... )
خالد : على العموم ياعمتي قولي حق عمي اني جاي الخميس علشان نروح عند
الشيخ وبلغي سلامي لنوره وقولي لها تراك ملكتي قلبي قبل لااملك
الام : ان شاء الله يا خالد والله يساعدك والله يساعدني ويفكني من هذا الظالم بعد
..... وقالت الام لنوره باتصال خالد وسلامه وكلماته الجميله عن نوره ........
فرحت نوره كثيرا لكلمات خالد ......... ولكن دانه احرقها الحسد فقامت من امام
امها واختلت بنفسها والدموع تملء وجهها ... وامل البنت الطائشه لم يهمها كثيرا
وذلك لكثرة الشباب التي تعرفهم والذين يملؤن حياتها بكلمات خداعه واكاذيب باطله
.... ورحل خالد من يوم الاربعاء حتى يكون الخميس هناك من الصبح ويخلص
الموضوع مع ابو نوره وهو في طريقه بالبر صادفه جمل في الطريق وقدر الله ان
يعمل حادث في تلك الليله المشؤمه ... ولكن الحمد لله بان خالد كانت اصاباته غير
خطيره وهذا من نعمة الله وحفظه لخالد .... وكان ابو نوره وام نوره ينتظرون قدوم
خالد عليهم ... ولكن مرت الساعات وحل الليل ولم يكن لخالد وجود بينهم ........
وهنا تكلم ابو نوره والغضب يملء وجهه ............
الاب : انا ادري انا خالد مهب قد الكلام ولا هو بقد العرس ولكن خلاص انا قررت
ازوجها للرجال اللي جاني .......... سمعت نوره هذا الكلام والدموع تسيل على
وجهها الملاك الذي ليس لها ذنب غير انها حبت خالد حب طاهر من قلب طاهر
وهنا تكلمت الام وهي فيحالة الغضب .........
الام : انت من اي نوع من البشر .... والله اني اندم على اليوم اللي شفت وجهك فيه
واتمنى الموت قبل لا اخذ واحد مثلك ......... وهنا غضب اكثر ابو نوره وغضبه من
اجل المال زاد للطين بله ......... فاخذ يضرب ام نوره ونوره معها التي لم تقل شي
ولكن قلبه الاسود اعمى كل شي امامه من اجل المال .... وثاني يوم اتصل اخو خالد
بام نوره واخبرها بحادث خالد على طريق البر في الكويت اثناء قدومه للخطوبه
وهنا بكت ام خالد ونوره بلاخص وايضا دانه المولعه به ..... واتصلت ام نوره با ابو
نوره واخبرته بالخبر حتى يذهب ويطمئن على خالد .... فذهب ابو نوره المستشفى
وراى خالد وتكلم من قلب اسود ............
الاب : الحمدلله على السلامه ياخالد وماتشوف شر
خالد : الله يسلمك ياعمي .... سامحني ياعمي ماجيت في الوقت المناسب ,,,,,,
يعتذر خالد بكل عفويه كانه ارتكب ذنب في حق هذا الظالم الجاحد
الاب : لا ماعليك يا خالد .. ترى نوره من نصيبك بس اذا دفعت الحين ممكن انأجل
الملكه .... خالد وقلبه يشتعل من النار ,,,, اهكذا اب يقتل الناس ويمشي في جنازتهم
خالد : اليوم ياعمي باكلم اخوي يجيب الفلوس لك ولكن ودي اتحضر الشيخ معاك
علشان يكتب الكتاب مره وحده ( حتى لايقع خالد في خبث ومكر هذا الظالم )
الاب : خلاص بكره العصر الشيخ بيكون هنا مع نوره
***************
وللجروح بقيه 0


أخوكم :

عبدالله العمران

وهذا الجزء السابع عــشر 0
وعندما سمعت ام نوره بالخبر .... غضبت وتشاجرت مع ابو نوره لهذا السلوك
الغير لائق في المستشفى .... حتى علم ابو نوره بخطأه وقال لام نوره ان تكلم خالد
بانه سوف ينتظر حتى خروجه من المستشفى .... وبعد خروج خالد من المستشفى
اصر ان يذهب خالد الى ابونوره حتى ينهي الموضوع وبعد ذلك يرجع الى السعوديه
حتى موعد الزواج ..... اطرق خالد الباب على ابونوره .... ففتحت الباب زوجته
الثانيه التي يكرهها خالد لسؤ اخلاقها مع ام نوره ......
زوجة الاب : اهلا نعم بغيت شي
خالد : بغيت عمي ابونوره ...
زوجة الاب : وهي تنظر اليه بنظرات الكراهيه والخبث ... لحظه
تشائم خالد لرؤية هذه الخبيثه التي لاتعرف الا المال
الاب : اهلا خالد الحمدلله على السلامه حياك المجلس
خالد : ياعمي انا مستعجل ولازم اسافر بس بغيتك تروح معاي حق الشيخ
الاب : وش فيك مستعجل ياخالد
استغرب خالد من كلام ابو نوره ... وهو يهمس في قلبه (سبحان مغير الاحوال)
من كم يوم مستعجل على الفلوس وانا في المستشفى .... واليوم اشفيك مستعجل
خالد : الله يسلمك ياعمي لازم اروح اشوف الاهل واحضر نفسي للعرس
ابو نوره : خلاص ياخالد انروح العصر عند الشيخ
خالد : تم ياعمي .... يالله مع السلامه
صلى خالد العصر وتوكل على الله الى الشيخ وهناك التقى بام نوره ونوره ودانه
والاب ولكن امل لم تحضر معهم ....
وهنا لمح خالد وجه دانه كانه انقلب الى اللون الاحمر من شدة الغضب والحزن
فلم يعلم ماذا يفعل ... ونوره مبتسمه وخجوله ... حتى تم كل شي على خير
.... فهنأ الاب خالد ... والام هنأته ايضا اما عن دانه ... فشحب وجهها واصفر
اما نوره ... فكانت البنت الخجوله التي اسعد قلبها خبر الزواج وحصولها على
خالد .... وبكل عفويه ... نظرت اليه وابتسمت
وحدد خالد موعد العرس بان يكون بعد ثلاثة اشهر من اليوم
.... وسافر خالد والفرح يملء قلبه ونوره تطير في البيت كانها ريشه خفيفه تطير
مع الرياح من شدة فرحتها اما امل فواجهت الواقع وهو انتقال خطيها الاولي
الى اختها ... ولكن الماساه دانه .... التي حزنت كثيرا وقادها عقلها الى طريق
الشيطان بان تعمل سحر لاختها ليكرهها خالد ويتركها ... فمرت الايام ودانه
تخطط لخالد ونوره حتى اتت الفرصه من احدى صديقاتها في المدرسه التي دلتها
على أمراه من المشعوذات تعمل السحر للناس .... وهنا قررت دانه الذهاب اليها
********
وللجروح بقيه 0

هذا هو الجزء الثامن عشر من القصة 0000^^^^
هنا قررت دانه اخت نوره ان تذهب الى المشعوذه برفقة صديقتها التي تشاركها
في هذه الجريمه الشنعاء في حق اختها نوره المسكينه التي ليس لها ذنب في ذلك
الا ان خالد خطبها ولم يخطب دانه .... وبعد ان فرح خالد بما هباه الله من القلب
الذي كان يسعى له ... انطلق الى السعوديه حاملا معه صورة نوره الجميله التي
وفقه الله ان يخطبها بعد عذاب الشهور والايام وما بالك اذا حسبنا فيها اللحظات
بكل دقيقه يعيشها بعيدا عن حبيبته وملكة قلبه نوره والشي الذي اتعبه كثيرا هو
تحمل نوره عذاب ابوها واعمامها التي ليس لها ذنب في ذلك ... ولكن دائما المصائب
تقع على راس القلب ... الذي دائما يسعى للاحلام والخيال ليعيش افضل لحظاته
مع القلب الاخر في الاحاسيس والمشاعر وناهيك عن صواديف الاقدار لما تحمله
من اخبار او قلوب جديده تعشقك في الخفاء وانت لاتعلم عنه .. ك عشق دانه اخت
نوره لخالد الذي لايعلم عنها وكان يعتبرها بمثابة اخته الصغرى ... ولكن احيانا تسير
الرياح بما لاتشتهيه السفن مثل مايقولون ...
التجأت دانه الى هذه المشعوذه بقلب حاقد تريد الانتقام من قلبين جمعهم الحب في
طريق واحد والمشكله بوجود دانه في هذا الطريق .... ووصلت دانه الى المشعوذه
المشعوذه : نعم يابنتي وش اللي جابك هنا
دانه : انا ودي انتقم من واحد خانني وتركني وحيده وراح لغيري
ولم تقل دانه بانها اختها او بانه لم يخنها ولكنه لايعلم بحبها ولكن الشيطان رسم
لها قصه كاذبه من حقد قلبها على خالد واختها .....
المشعوذه : طيب عطيني اسم الولد واسم البنت مع اسامي امهم
ولم تتردد دانه في العمل الذي قامت به فاعطتها كافة البيانات التي تريدها المشعوذه
اخذت المشعوذه الكتاب وقرأت بعض من كلماته وتمتمت بكلمات غير مفهومه يدعون
ان هذه الكلمات هي احضار الجن للسحر واخذ المعلومات عن المطلوبين .....
المشعوذه :بس يابنتي هذا يتطلب مبلغ كبير لانه مهب سهل تفريق بين اثنين
دانه : يعني كم بغيتي
المشعوذه : هذا يتطلب 10.000 ريال حتى اقدر ان اسحرهم بسرعة البرق
دانه : انت اشتغلي في الموضوع وبعدين بتكون الفلوس جاهزه عندك
المشعوذه : لا يابنتي اول شي الفلوس علشان اشتري فيها الاشياء المطلوبه
وهنا تفكر دانه من اين سوف تأتي بهذا المبلغ وابوها مقصر عنهم ولايفتكر فيهم
دانه : خلاص انا بروح وباجيب لك الفلوس بس انت اشتغلي باللي عندك شوي
علشان الوقت لا يضيع ... قالت دانه هذا الكلام وهي تفكر بعرس اختها القريب
وهي تريد ان تخرب كل شي قبل العرس .....
وذهبت داته مع صديقتها الشيطانه وهم يفكرون بالمبلغ الذي طلبته .. ولكن من اين
لهم بمبلغ كهذا ... وفكروا حتى وجدت صديقة دانه الحل .....
صديقة دانه : عندي فكره ليش ماتكلمين خالد وتقولين له بانك تبغين اتفصلين لك
ثياب للعرس وهو يدري ان ابوك ماراح يصرف عليكم وبعدين هذا شرط من شروط
ابوك انه يدفع لكم الصالون
دانه : بس كيف اكلمه وانا استحي من هالموضوع وبعدين بيقول ان المبلغ خيالي
لتخيط او شراء ثياب بهذا المبلغ
صديقة دانه : انت كلمي امك وهي تتصرف
وذهبت دانه والشرر يتطاير من عينيها والحقد ملء قلبها وهي تنظر الى اختها نوره
وهي تبتسم للعرس ... فقامت وقالت لها بقصد ان تجعلها تكره خالد او تشك فيه
دانه : نوره انت كيف بتاخذين خالد وهو كان مع امل يعني كل يوم بتشوفون بعض
وامل انت تدرين عنها كيف هي شيطانه
وتداخلت كلمات دانه في قلب نوره ... واحزنها هذه الكلمات لما تحمل من واقع
ولكن انتهي بالنسبه لخالد ولكنه لم ينتهي بالنسبه لاختها امل .....
نوره وبكل عفويه هروبا من كلام دانه : خالد اعرفه زين وبالنسبه لامل انا باحذرها
ان تبتعد عن خالد ولا اتكلمه ...
وهنا فرحت دانه بان كلامها الحاقد قد تخلخل الى قلب نوره المسكينه التي تريد ان
تفرح بعد عذاب الدنيا ..... وذهبت دانه لتكلم امها عن موضوع المبلغ المطلوب
دانه : يمه ودي اتكلمين خالد باني ابغي فلوس علشان افصل ثياب للعرس
الام تنظر الى دانه وعلامة استغراب في عينيها : كيف يعني دانه انت خلاص
نسيتي خالد وشليتيه من مخك
دانه : خلاص يايمه هاذي اختي وخالد بيكون مثل اخوي
هيهات هيهات والحقد والكراهيه يملوؤن قلبك يادانه ... فانت لاتفكرين باختك انما
بالانتقام منهم
الام : كم بغيتي من الفلوس انا اعرف ان خالد مايقصر مهب مثل ابوك البخيل اللي
يصرف على زوجته الثانيه صاحبة الدلال
دانه : ودي بعشرة الاف ريال
الام : وليش هذا المباغ كبير وهو اكبر من تفصيل ثياب .. لايكون انت العروس
وحنا ماندري
دانه : يايمه انت تدرين اني من زمان مافصلت ثياب وابوي مايعطينا فلوس
وبعدين نوره بتروح مع خالد يعني من بيصرف على بعدين
اقتنعت الام بكلام دانه ووعدتها ان تكلم خالد
اي قدر هذا لقلب المسكين خالد الذي سوف يدفع من عرق جبينه ليقتل به قلبه
وحبه نوره ويفرق بين القلوب وهو لايعلم بهذه المكيده من دانه التي يعتبرها اخته
**********
وللجروح بقيه 0

وهذا الجزء التاسع عشر 000
مرت الايام ودانه تنتظر على نار هذا المبلغ الذي طلبته ولكن خالد ايضا يصادف
بعض من المشاكل بالنسبه لتحضير العرس ووقت العرس قريب ودانه لم يهنأ لها
بال فقررت بان تتسلف نصف المبلغ من احدى صديقاتها حتى يدفع لها خالد في وقت
اخر ... واخذت المبلغ وذهبت الى المشعوذه ......
دانه : شوفي هذا نصف اللي طلبيتيه والباقي لين يجهز العمل باعطيك اياه ولكن الحين
لازم تشتغلين فيه
المشعوذه : خلاص انا بشتغل لك من الحين وانت مري على قبل يوم الخميس
ذهبت دانه والفرحه مرسومه على شفاهاه ولكن قلبها من الداخل يشتعل من النار
حتى جاء يوم الخميس وذهبت دانه للمشعوذه
دانه : ها خلصتي الموضوع
المشعوذه : خلاص وانت ماعليك الا انك تاخذينه .. بس ها وين الباقي
دانه : الباقي بعد كم يوم باجيبه لك بس اصبري على شوي
المشعوذه : لا ياحبيبتي ,,, اول شي الباقي وبعدين تاخذين العمل
دانه : بس الحين ماعندي شي ولكني اوعدك اني باجيبه لك
المشعوذه : لا ما اقدر لازم ترهنين شي عندي يكون اثبات حتى اتردين
دانه : خلاص بكره باجيب لك الذهب اللي عندي
المشعوذه : خلاص جيبي الذهب واخذي العمل
وذهبت دانه لتبيع الذهب لتعرف كم يوصل حتى تدفعه للمشعوذه
ولكن ذهبها ماوصل الا 2500 ريال .. يعني بعد تحتاج النصف الباقي
وبعد يومين الا خالد متصل .... وبالصدفه دانه التي رفعت التلفون
خالد : السلام عليكم
دانه : وعليكم السلام .. اهلا اخوي خالد ... شخبارك
خالد مستغرب من ترحيب دانه الذي ليست كالعاده بعد ان خطب نوره
انا الحمدلله بخير وانت شخبارك الحين ان شاء الله بخير
دانه : انا بخير والحمدلله ... ها بغيت نوره
خالد : لا بغيت امك وبعدين باكلم نوره
دانه : خالد ممكن اطلب طلب وماتردني وانت مثل اخوي وانا ماعندي غيرك اسأله
خالد : افا عليك يادانه .. آمري ولا تستحين
دانه : والله بغيت فلوس علشان العرس وانت تدري ان ابوي ماعطينا
خالد : ان شاءالله يا دانه انا في الحقيقه متصل علشان اكلم امك عن الفلوس
دانه : طيب لحظه بصوت عليها
ذهبت دانه وهي فرحانه لانها بتحصل اللي بغته ... ولكن المسكين خالد اللي يدفع
بعمره ليخسر حبيبته علشان يسعد الغير بدون مايعرف
الام : هلا بمعرسنا خالد
خالد : حياك الله ياعمتى ... بس بغيت اطرش لك الفلوس ومادري اطرش على عنوان من فيكم
الام : ارسله باسم اخوي على حسابه واذا بتتصل فيه يكون احسن .. لاني ما ابغي
ابوهم ياخذها .. لان بيلعب فيها
خالد : خلاص ياعمه انا بتصل بعدين في اخوك .... عمه ممكن اكلم نوره
الام : اكيد هاذي عروستك ياخالد
.... وبعد لحظه جاءت نوره .....
نوره : الو ... بكل حياء ... والقلب يدق من الخوف
خالد : هلا والله بالحبيبه اللي احرقت القلب شوقا لها بنيران عجيبه
نوره : هلا بالغالي اللي من غيره ماعرفنا نوم الليالي
خالد : ودي اجيك على حصان واخطفك من ذاك الانسان اللي حقد علينا ومن يومها
ما عرفنا الامان
نوره : بس خالد ترى انا استحي منك
خالد : تستحين من فارس احلامك
نوره : خالد ترى عندي صديقتي جايه اتساعدني في اختيار بعض الاشياء
اذا تقدر اتكلمني وقت ثاني اذا سمحت
خالد : افا عليك يانوره ... خلاص انا بتصل لك بكره
واتصل خالد وكلم خال نوره لموضوع الفلوس ... وطرشها لخال نوره ... واخذها
خال نوره بعد يومين من تطريشهم بواسطة البنك ... وعطاهم لام نوره
وهنا اخذت دانه نصيبها الذي طلبته من خالد ... وطارت الى المشعوذه لتعطيها الباقي
.. واخذت دانه العمل والارض لاتسعها من الفرحه كانها فازت ببطوله او بقلب خالد
ولكن العكس صحيح ... فمهما التجأ الانسان الى السحر ,, فيوم من الايام سوف
ينعكس عليه ذلك العمل بحكمة الله ( كما تدين تدان )
ومرت الايام كلمح البصر وهاهو يوم خالد ونوره ... ويوم انتقام دانه ... والكل سعيد
بالعرس الا امل الذي بان على وجهها البكاء وقد رأتها امها وهي تبكي فسألتها
الام : وش بلاك يا امل ليش تبكين
امل : بعد لازم ابكي لانه كان في يوم من الايام خطيبي
الام : انت لعبتي من وراه وهذا جزاتك
امل : انا ادري بس كل شي انتهى يايمه خلاص
الام : قومي يابنتي وغسلي وجههك وباركي حق اختك .. ترى هذا حرام انك تبكين
وتخربين الفرحه على اختك ..
وذهبت امل والدموع في عينيها وكانت تحاول ان تخفيه الا ان خالد لمح بريق الدمعه
في عيون امل .. وكيف لا وهو في بدايه التعارف عشق عيون امل ... ولكن مالعمل
هذه ارادة الله .. وهي من خسرته وليس هو ... ودانه تحضر السحر في العصير الذي
سوف يشربونه خالد ونوره ... وقلبها يحترق من الحقد والكراهيه لهم
وبعد لحظه جاءت دانه والسحر في عصيرها والشيطان يساعدها وقلبها مظلم ولكن
بثوب فرح ابيض ... وعطت خالد ونوره العصير وهي تراقبهم .... وهنا سرب خالد
من العصير وشربت نوره ايضا .. وتبادلا الاكواب حتى يتشاركا العصير .... وفجأه
****************
وللجروح بقيه 0

الله يعطيك العافيــــــــــــــــــــــه...

مــعــقــوله دانه تسوي كـــــــــــــــــــذا..؟؟


ليه تحسد أختها بها الشكـــــــــــــــــــــــــل..

أعوذ بالله ماكنهــــــــــــــــا أختهــــــــــا

ليه ماتكمل أخوي...
وين بقية القصه؟؟؟

لاتلومني على أنقطاعي وخاصتاً عن هذا الموضوع والسبب لما أراه من تجاهل متعمد وأشكر شهد الدلوعة على أهتمامة وهذا
وهذا الجزء العشرين 0000

شرب خالد العصير ونوره ايضا ... وفي لحظه وكان الدنيا اخذت تدور بخالد ... وهو
ممسك بيد نوره شد عليها بقوه فتعجبت نوره منه ... فاعتقدت نوره بان خالد ممسك
بيدها من حبه لها ... ولكن هيهات ... فكان السحر يمشي في جسده وهو لايعلم
ودانه تراقب الموقف ... وخالد ينظر الى دانه وهو لايعلم بمصيره الى عالم السحر
والشعوذه ... وبع لحظه كان كل شي عاديا بالنسبه لخالد .... فسألته نوره
نوره : اشفيك خالد هوست على يدي بغيت تكسرها
خالد : متى هذا يانوره
نوره : ليش انت ماتدري
خالد : لا والله يانوره بس حسيت ان الدنيا اتلف فيني شوي
نوره : عسى ماشر ياخالد
خالد : لالا مافي شي يانوره
.... بتسألون ليش ماصار شي لنوره ... لان السحر كان باسم خالد وبعدين صار شي
حق نوره بس يمكن ماحست فيه ... لان الارواح تختلف في طبيعتها ,,, وطبيعة
خالد ان عنده شفافية الروح اللي مرات يحس بالشي قبل لايستوي وهذا اللي خلى
خالد يحس بالدوران .... والسحر اللي اعملته المشعوذه قوي جدا على روح خالد
المسالمه .... المهم انتهت الليله على خير ... وراحوا خالد ونوره الفندق علشان
يرتاحون ... ودانه تقطع في اظافر يدها ودها تسمع باي خبر يطمن قلبها على السحر
وامل هاذي هي ... شويت دموع في عينها .. ولكن هاذي جزات من يخون العشره
... وفي الفندق ... عيون خالد تناظر عيون نوره والكل عايش في عالم ثاني كانه
عالم الخيال والحب والغرام .... وخالد بدا يقول لنوره بعض من كلمات الغزل والحب
ونوره تسمع وقلبها طاير فوق عند السحاب من الفرحه ... وكعادة المعاريس نوره
استحت في اول ليله انها تنام مع خالد ... فقالت له ....
نوره : خالد واللي يسلمك ان تعبانه اليوم وخلني الرتاح ومن بكره اللي اتحب اتسويه
سوه وانا راضيه فيه بس اليوم اعذرني
خالد : ابتسم وضحك وقال لها .. تصبحين على خير يا احلى ورده انزرعت في قلبي
ونامت نوره .. ولكن خالد لم ينم ولم يذق للنوم طعم ... فكان الجبال على صدر خالد
ولا يقدر ان يتنفس ... فتعوذ خالد من الشيطان ... وراح وتوضأ للصلاه وقراءة
القران حتى يرتاح من هذه الكتمه التي على صدره
حتى اذان الفجر فقام خالد للصلاه وحست نوره به ... فقامت هي الاخرى للصلاه
وصلى كل منهم وحمدوا الله على نعمته ... وبشروق الشمس نعست عين خالد
ونام وراح في قفوه كبيره ... ولكن في احلام مزعجه وكريهه ... حتى الظهر ...
فجاءت ام نوره مع دانه ولكن امل لم تحضر كعادتها ... فسلموا عليهم وعيون
دانه تنظر الى خالد وهي تسأل ... ليش ماصار شي يعني هالعجوز قصت على ...
لازم بكره اروح لها .... وشوف شتقول ... وعند الغداء ... راى خالد ان دانه تنظر
اليه وكان بينهم قصه قديمه ولكن غير واقعيه ... وبعد ذلك استغفر ربه خالد على
هذه النظره ... واكملوا الغداء حتى الليل وبعد ذلك ذهبت ام نوره مع دانه
... وهنا الليله ليلة خالد كاي عريس حلله الله له لتسكن نفسه بها ....
فحاول خالد ان يتقرب منها ... ولكن كان شي يبين لخالد بان نوره كريهه وغير نوره
التي احبها وعشقها قلبه .. فتعوذ من الشيطان ونوره مستغربه للتغير الذي طرأ على
خالد من ناحيتها ... وحاول مرة اخرى ... ولكن محاولته فشلت وتغيرت صورة نوره
في عين خالد كان هذه ليست بنوره وكانه يراها عجوز شمطاء بشعر ابيض كثير
... ونوره مستغربه من الموقف ... فقال خالد وهو يخفي في قلبه الالم ....
خالد : ما ادري يانوره .. قلبي يدق وخايف كاني مقدر اكون معاك الليله
نوره : وش فيك ياخالد ... ترى هذا شي عجيب في هذا الزمن ان الرجال يتردد
ويخاف من حرمته
خالد : لا بس الشيطان على قلبي كانه هم .. وانا اقول الافضل اني اقرا قرآن احسن
وخليه الشي هذا ليوم ثاني
نوره : القران احسن ياخالد ... الله يفرج عنك .. تقولها من قلب صادق وبريء
... ومرت الليله حتى اصبح الصبح ... وخالد لم يذق طعم للنوم من شدة الهم الذي
اصاب قلبه وهذا جعله يمر بمرحله نفسيه بانه غير قادر على التقرب من زوجته
**********
وللجروح بقيه 0

لاتزعلون على كلامي ومهما صار وبيصير بنكون حبايب

وهذا الجزء الحادي والعشرين 000
مرت دانه على المشعوذه علشان اتعرف متى العمل او السحر بيبدأ مفعوله
دانه : ترى هالسحر مانفع في خالد
المشعوذه : اصبري يا بنت وبتشوفين بعدين وانا اذا سويت شي لازم فيه فايده
دانه : يعني متى وهم من الامس مع بعض
المشعوذه : عطي السحر وقت ياخذ له مكان في قلب خالد وبعدين ترى هذا السحر
مهب سهل وبتشوفين بعدين
وراحت دانه وقلبها مملوء غضب على خالد .. والكره عمى عينها عن كل شي
حتى عن احساس اختها
وتكلمت نوره في فترة غياب دانه وامل عن خالد ... بانه ماقربها حتى الحين
واستغربت الام من الخبر وقالت يمكن كم يوم وبعدين بيكون زين
ولكن نوره دخل في قلبها الشك ... وتذكرت كلام اختها دانه ... يوم قالت لها بانه
خطيب امل يعني لازم بيحن لها ... وهذا الشي زلزل توازن حب نوره لخالد
ووصل خالد للمشعوذ .....
خالد : ياشيخ ساعدني انا حاسس فيني شي غريب مهب صاحي
المشعوذ : اشفيك .. نوره واخذتها وش فيك بعد
خالد : كيف دريت عن الزواج
المشعوذ : ليش تحسب انت اني ما اعرف شي عنك
خالد : اذا كنت اتعرف عني كل شي ... لازم اتقول لي وش فيني
المشعوذ : انا اقدر اقول لك بس لاتسألني من اللي عمل لك السحر
خالد : سحر ... وهو مستغرب من الكلام ... اي سحر
المشعوذ : شوف ياخالد انا كنت اتابع اخبارك من بعيد وادري بكل شي
وانت مسحور من شراب شربته وقت العرس وهذا الشي هو اللي مأثر عليك
خالد : من يعني بيسحرني وانا احب كل الناس ولا اكره احد .... يمكن يكون
ابو نوره ....
المشعوذ : لا ياخالد ... انا قلت لك ما اقدر اقول لك من ... بس اقول لك بانك
شربت شي فيه سحر وحتى نوره اشربت بعد بس نوره غير عنك
خالد : كيف يعني غير عني وكلنا وانت تقول باننا كلنا شربنا مع بعض من السحر
المشعوذ : انا اللي اعرفه بانه اثر فيك لشفافية روحك ولكن نوره ... الحمدلله
ما صابها هذا الشي
خالد : طيب وكيف اتفكني منه
المشعوذ : هذا العمل قوي ومخشوش في مكان يمكن يكون مقبره ....
لانه يبين عندي ظلام .... بس انت عطني وقت وانا بحاول اعرف وين
وراح خالد وهو يبكي على حظه العاثر في كل شي حتى في اللي يحبها اسحروه
.... هموم وهموم تكونت على قلب خالد ... ونوره المسكينه بعد اتعبت من
بلاوي قبل والحين بلوه جديده وهي اتفكر بانها بلوة اختها امل مع خالد .....
واعرفت دانه بالموضوع ... وقلبه سعيد وحزين في نفس الوقت لانه حرب
بين النفس الاماره بالسوء وبين فطرة الايمان اللي الله اوجدها في قلب كل
انسان .... ولكن الشيطان غلب دانه في حربها واخسرت ... رضى الله ...
الايمان .... اختها نوره ......... خالد ..... عملها الباطل
مرت الايام وخالد على نفس المصيبه وحالته اتسوء كل يوم والمشعوذ تاخر
عليه ونوره اتظن ان حبه لامل هو اللي تعبه .... حتى تكلمت نوره ....
نوره : اسمع ياخالد انا اشك انك ماتحبني وانك اخذتني علشان تنتقم من امل
خالد : وش هالكلام يانوره ... حرام عليك عقب هالعذاب اللي ذقته تقولين لي
هذا الكلام ... انا بعت كل شي علشانك
نوره : احنا من تزوجنا الحين اكثر من اسبوعين وانت ماتقربني ليش
خالد : يانوره انا امر بحاله نفسيه صعبه واتمنى انك تفهميني
نوره : وش هالحاله النفسيه .... تكلم قول ريحني من العذاب
خالد : انت اصبري علي شوي والله بيفرجها ان شاءالله قريب
وراح خالد للمشعوذ وهو مهموم والوجه شاحب ... من التعب ومن خجله من
نوره ... كانه يحس انه مهب رجال ... وهذا اتعبه كثير ... وحالته النفسيه
تزداد كل يوم وهو حتى مارجع للسعوديه مع عروسته ... وهله ينتظرونه
ولكنه اتصل لهم وقال انه بيروح بيسافر في رحلة شهر العسل ,,,,, اي عسل
هذا اللي بيروح له خالد وهو مكسور الخاطر ومنحرج من نوره ....
خالد : ها اش سويت في موضوعي
المشعوذ : مثل ماقلت لك ... العمل مخشوش في مقبره وهذا يبغي له وقت
علشان انعرف المكان بالضبط
خالد : يعني اشلون ... خلاص اتم على هالحال حتى اخر العمر
المشعوذ : لا ياخالد والله انا احاول اساعدك بكل ما استطيع بس يبغي له صبر
.... وراح خالد والدمهع تسبق عينه ... وف عقله نوره وهو خجول منها ....
ففكر بالسفر يمكن يتغير شوي ....
*********
وللجروح بقيه 0

أبشروا وهذا الجزء الثاني والعشرين 0

سافر خالد مع حبيبته نوره للخارج لمدة اسبوعين ... والحال مثل ماهو مايقدر
يتقرب من نوره .... والالم يعتصر خالد ولكنه رسم على وجه نوره ابتسامه من
هالسفره ... ومرت الايام سريعه ... نوره سعيده بخالد ولكن خالد حزين على نفسه
وفي الرجعه قرروا انهم يروحون السعوديه علشان يسلم على هله اللي ماشافهم
من مده ... وكان هناك ترحيب حار من اهل خالد لنوره ... وحست نوره بسعاده
اكثر لترحيب اهل خالد ..... واعزمت ام خالد كل الاهل علشان نوره .... بس
للاسف بعض من البنات من اهل خالد نظراتهم لنوره كانت كريهه .... لانهم
يقولون ان نوره اخطفت خالد من اختها .... وللاسف الشديد ان محد يعرف
حقيقة امل اللي تركها خالد الا خالد ونوره ... ولكن ارضاء الناس غايه لاتدرك
.... وبصراحه ام خالد كانت سعيده بنوره كثير وشافت من نوره الحب والاحترام
والاخلاص .... ودائما يشوفونها تصلي .... وهذا الشي غير من فكرة خوات
خالد لنوره ... وفرقوا بين امل ونوره بسبب ان امل يوم كانت مخطوبه لخالد
وكانوا يجون السعوديه وينامون في بيت ابو خالد .... فكانت امل اكثر اوقاتها
نايمه وماتصحى الا قريب الظهر ..... عكس نوره اللي اتقوم من الصبح .....
وتسلم على ام خالد وتحب راسها كل يوم ..... وبعد فتره قرر خالد يرجع الكويت
حق المشعوذ ... حتى يشوف وش اللي يقدر عليه ويفكه من المشكله .........
ورجعوا الكويت ..... طبعا امل سلمت على نوره ولكنها ماسلمت على خالد ..
ودانه سلمت عليهم ونظراتها في عين خالد اللي استغرب هالنظرات .......
وهنا .... انفردت دانه بامل وتسألها عن حالها مع خالد ......... وقالت لها نوره
ان الحال مثل ماهو ماتغير شي .... وفرحت دانه من قلبها .... بس حبت ان
اتشوش على اختها نوره مره ثانيه ....
دانه : شفتي خالد يوم ان امل ماسلمت عليه كيف كان يطالعها
نوره : لا ما انتبهت له ... ولكني بوقفه عند حده اذا شافها مره ثانيه
دانه : ترى اتعرفين انت شطانه امل ... وسوت نفسها تبكي في العرس علشان
تلفت انتباه خالد لها بانها مظلومه .... وحزينه من فراق خالد .....
وهنا بدأت المشكله بين امل ونوره بأيعاز من دانه التي تريد ان تزرع الحقد
بينهم لتترك خالد او ان لاتتهنى بالحياه معاه ...
نوره : شوفي هاذي اخر مره يا امل اشوفك تجلسين معانا اذا خالد كان هنا
امل : وش فيك نوره انخبلتي
نوره : تبكي ليلة العرس علشان تلفتين انتباه خالد .. ولكن هذا بعدك .....
وانا ما بعطيكم لحظه وحده اتكلمون مع بعض
وبدأ الصراخ بين نوره وامل ... بسبب هذه المشكله ودانه تؤكد لنوره بكلامها
الحاقد ..... وتدخلت الام لتنهي النزاع بين امل ونوره .... وخالد لم يكن في
البيت .... كان في طريقه للمشعوذ ... حتى وصل عنده ....
خالد : ها بشر عساك لقيت المكان
المشعوذ : شوف المكان صعب اني احصله لاكني بعطيك اشياء تشربها وهي
مقري عليها وماي تغسل فيه جسمك ولكن تحمل هذا الماي ينكت في الحمام
لانه مقري عليه بالقران ومخلوط مع ايات قرانيه
خالد : طيب وكم يوم تبغيني استعمل هذا الماي
المشعوذ : حتى يخلص وبعدين مر علي علشان اعرف وش سار معاك
خالد : خلاص انا من اليوم بستعمل الماي وعلى الله يفيدني
وراح خالد بالماي ...
واستعمله ولكن مافاد فيه شي .... ورجع للمشعوذ .... وبعد عطاه اشياء غير
ولكن مافي فايده منها .... حتى اتصلت صديقة ام نوره وشارت عليها بالعجوز
المشعوذه اللي راحت لها دانه ..... وقررت ام نوره انهم يروحون مع خالد
.... ودخلوا عليها نوره وخالد وام نوره .... بس دانه ماتدري من له راحوا
وهنا اشرحوا الموضوع للمشعوذه عن اللي صار لخالد حتى اليوم ....
كالعاده خذت المشعوذه اساميهم مع اسم الام .... وهنا قالت لخالد انا مستعده
افكك من السحر بس لازم تدفع 15.000 ريال ... وهنا لم يتردد خالد ولكنه
شرط عليها اذا ما فكته من السحر بيعلم عليها الشرطه بعدين ...... ومادرى
خالد بانها هي اللي اسحرته باعمالها الحرام .... وراح خالد علشان الفلوس
وبعد يومين رجع لها ومعاه الفلوس بس لحاله بدون نوره وامها .....
خالد : شوفي انا مستعد ازيدك 2000 ريال زياده بس اعرف اسم اللي عمل
لي السحر ..... وبتردد المشعوذه ...
المشعوذه : شوف اسم اللي عملك السحر مهب سهل اعطيك اياه لخطوره
الموضوع ... يعني يمكن بعدين اتروح وتعمل معاهم مشكله وهذا ياثر على
باني انا اللي قلت لك اسم اللي عمل لك السحر
خالد : بزيدك الف ريال زياده .... ها اشقلتي ووعدك اني ما راح اكلمهم او
اتطرق لهم باي شي
واعمى المشعوذه الفلوس عيونها ووافقت ....
المشعوذ : تعال لي بكره وكل شي بيكون جاهز
راح خالد وهو فرحان للخبر اللي بيعرف من اللي عمل له السحر
وهنا دخل البيت خالد وعلامة الفرحه على وجهه ... وتعجبت نوره لخالد
نوره : وش فيك خالد اشوفك فرحان
خالد : بكره ان شاء الله اتفكني هالعجوز من مشكلتي
نوره : الله يساعدك
خالد : الله يانوره والله ودي المس جسمك ودي احس اني متزوج
نوره : بس عن هالكلام ياخالد
وهنا ادخلوا ام نوره مع دانه ... واعرفوا بالخبر .... وعلامات تعجب على وجه
دانه اللي ما كانت تحب تسمع بالخبر ..... ومر اليوم واصبح الصبح ....
وخالد مستعجل للمشعوذه .... حتى وصل عندها
خالد : ها اشسويتي في الموضوع
المشعوذه : اسمع يا خالد انت اتروح المكان الفلاني ... عند مقبره قديمه
وهناك بتشوف قبر تقريبا عند حجرة المغسل وهو قبر وحيد وخربان .....
ابغيك اتحفر عند الشاهد .... بتحصل خلجه صفره مربوطه ... تحمل تفتحها
خذها وجيبها عندي ... وعدل المكان اللي حفرته
خالد : بس انا ماادل هنا ....
المشعوذه : المقبره قريبه من هنا واذا ضيعت اسأل
خالد : طيب والاسم
المشعوذه : انت جيب اللي قلت لك عليه وبعدين باعطيك الاسم
وراح خالد .... وسأل عن المقبره و اوصفوها له ... ودخل المقبره وقلبه يدق
... هاذي اول مره يدخل فيها مقابر قديمه كلش .... وراح يفتش عن القبر اللي
قالت عنه المشعوذه ... حتى حصله .... وقام يحفر بيده وقلبه يدق من الخوف
... وهو يسمي باسم الله ... ويقرا القران ... حتى حصل الخلجه الصفره .....
وعدل المكان .... ويبغي يطلع من المقبره .... الا وشرطة المخابرات عند الباب
كانوا يراقبونه وهو مايدري ... لان المقابر القديمه مسكره ... فظنوا انه يبغي
يخفي شي او ينبش القبور .... وتخرع خالد لشوفته لهم .....
خالد : نعم وش صاير
الشرطه : انت وش عندك هنا اتحفر
خالد : لا انا جيت ازور القبر بس
الشرطه : اتزور ... هاذي مقبره صار لها اكثر من 20 سنه مسكره .... ومن
لك هنا ...
خالد : واحد يقرب لي
الشرطه : اشوف عطني اوراقك الثبوتيه
وعطاهم خالد الاوراق ... وشافوا انه سعودي مهب كويتي ...
الشرطه : انت سعودي وكيف تقول بان الميت يقرب لك
خالد : يا خي هو يقرب لي من بعيد
استغربوا الشرطه من كلام خالد ....
الشرطه : يقرب لك وقلنا مصدقينك ... بس انك اتحفر عند القبر فهذا شي
ما نقدر انصدقه .....
خالد : والله هاذي المشكله الحين .... انا جيت فيي شغل هنا
الشرطه : وش شغله في المقابر
على العموم تعال معانا المركز وهناك اشرح لنا شغلك الجديد في المقابر
وخذوا خالد للمركز الشرطه .... والخوف مسيطر على تفكيره ولا يعرف
كيف يشرح لهم عن الموضوع .....
****************
وللجروح بقيه 0

هلا اخوي ESM1991:
صراحه اول مره اشوف هالموضوع
امس يوم رفعته اختي شهد
وبالفعل قصه حزينه وغريبه
واللي يعيش يشوف
وكمل باقي الجروح
ومشكوووووووووووور اخوي