مرحبا
فالبداية مُبارك عليك الشهر مؤخراً
بالنسبة للموقف الأول ...
فـ حقيقة غريزة بعض البشر تحكم عليه انه يطمع بأشياء كثير وهذا مصداق لقول المصطفى صلى الله عليه وسلم "لو أن لابن آدم وادياً من ذهب أحب أن يكون له واديان ، ولن يملأ فاه إلا التراب ، ويتوب الله على من تاب"
والانسان ما راح يحس بالنعمة الا اذا فقدها مثل ماذكرتي اختي الكريمة .
وحقيقة استغرب من قولها انها تريد الظهور الإعلامي وان تصبح مشهورة وما الى ذلك !
بالنسبة للموقف الثاني ..
ايضاً طمع , لكن هذا مع جشع وحماقة ,,
الآن خسر زوجته وقبل ذلك والده وعمه وخسر قبل ذلك "سُمعته"
خسر كل شي بسبب الطمع ... اللهم عافه ولا تبلانا ...
انا بالنسبة لي عندي موقفين ...
الموقف الاول .. احد اصحابي الغالين على قلبي اهديته هدية ما , وبعدها بيومين تقريبا ذهبت إليه في منزله ,
ومن خلال سياق الحديث "لمح لي" انه لم ينقصه الا شي واحد وهو يحاول جمع مبلغ من المال لشرائه ,
لأنه في السابق لمح لي انه يود شراء ذاك الشيء الذي اهديته وبعدها باسبوع تقريبا اهديتها اياه ,
وعاد الكرّة مرة اخرى والمح لشيء آخر وهذه المرة تلميح اشبه "بالتزبيد" وانا تضايقت منه حقيقة .
الموقف الآخر .. بخليه بالعامي احسن
احد اخوياي بدوام ابوه عندهم شركة طالبين موظفين سعوديين بالاجازة يسجلون اسماءهم ويسلمونهم شهريا 1000 ريال بدون مايحضر بس يعطيهم اسمه ورقم حسابه ,
المهم خويي سجل اسمه وفوق كذا قال ابداوم صيفي وزيادة عليه عنده ترم صيفي !
انا قلت له ليش كل هالظغط وانت باجازة ؟ قال فكر معي . 1000 ريال من الشركة + تقريبا 2000 ريال من الدوام الصيفي + مكافأة الجامعة 990 ريال كلها تساوي تقريبا 4000 , قلت طيب 4000 ومنت متنهي بالعطلة !
قال عادي تعودت على الكرف ! بس هالمرة تكرف ويجيك مبلغ صح ,
المهم بعد تقريبا اسبوعين من هالسالفة "السالفة بداية هالاجازة" سألته وش صار عليك ؟
توظفت ؟ قال لا ! يقول عندي ترم صيفي وسجلت اسمي بالشركة حقت عمل ابوي ,
وبيعطوني 1000 شهريا + مكافأة الجامعة , المهم تقريبا بعد شهر جاء يبي دراهم مني !
انا طبعن ماقلت له تراك تستلم 2000 وانا مكافاة الجامعه بس عطيته اللي يبي ,
اتضح لي سبحان الله ان طمعه خلى فلوسه ماتتبارك !
مع اني اعرفه مو من النوع المُبذر , بس سبحان الله هذي حكمة الله
والله يكفينا شر الطمع
عذراً على الإطالة ..
الف شكر
.
.