(( يوميات رمضانية " 4" )) الاستشاري المفولجي: الصخرة " يتجرد من قصمنجيته ويقلب مكاَوي " - نادي الهلال السعودي - شبكة الزعيم

المنتدى الاستشاري · #1 26/08/2009, 04:08 AM

فكرة - سندريلا الهلال
اعداد ومتابعة - الهنوووف
تصميم - عسيريه

لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات
وكل عام وانتم بخير

**][يوميات رمضانية 1430 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم .
. في سلسلة تحمل بين طياتها يوميات الأعضاء الرمضانية من كل عام ،
هذه السلسلة أنتم أهل بيتها ونحن ضيوفا في حضرتكم ،،،
+
+.........+
+
أهلا وسهلا بكم أحبتنا ..
ودعونا نرحب سوية بالمضيف "الرابع"
الاستشاري المتألق " الصخـرة ."
لكي يحكي لنا احداث يومه مع شهر رمضان المبارك ..

السلام عليكم ورحمة الله وبركاته

ارررررحبوا جميعاً

كيف حالكم ياصايمين

وصايمات

و( مفطرات )

انا من ناحيتي ازقح

ورب الكون اني ازقح زقحاً لايشق له غبار

أنوز وأجاكر البنوز... واحب الآرسنال

وأكره البلوز

إييييييييييه ياحزم الظامي... وين حنا فيه

إيه صح... يومي الرمضاني

طبعاً لايخفى على الجميع انني في الايام العادية من انصار الجنرال ( فول )

( مفولجي ) من الطراز النادر

وكل صبح وانا بالطريق الدوام .. اوقف عند فوال بابصيل وادق التحية العسكرية

ويوم الخميس تصير ( مذبحة ) عند الفوال واغطس بالجرة والسكين تقوطر طحينة

تعرفون لا قالوا ( فلان سكّينه تقطر ) ؟؟ هذا انا.. تقطر طحينة وزيت زيتون

وفي رمضان
اتجرّد من قصمنجيتي واقلب مكّاوي

ولايزال الفول متربعاً على عرش الصدارة في قلبي ومخيخي وكل احاسيسي

بلا سمبوسة بلا ( درابيز )

<< اسألوا عنها شيبانكم يالقصمان

اروح بعد العصر للفوال... ممسكاً بتلك الحافظة الكويسة
واصف سرى مع البقيّة الباقية من البني آدمين المتنّحين مثلي حقّون الفول

ياخي مدري ليش أحس بالفخر وانا واقف بالسرى عند الفوّال

من زود الحماس ودّي اطب على كل اللي واقفين وامطخهم مع خششهم

وهـ بص... اخيراً جاء دوري

وبعد ماتمتليء الحافظة بزلال الفول سحاً غدقاً طبقاً مجللاً
اروح للبيت وأنصى خيمتي العزيزة والغالية على قلبي

واحط حافظة الفول قدامي واتربّع بجلسة القرفصاء

واتصنّم ( سكتم بكتم ) وكأنني ابوالهول
مطيّر عيوني بمطبقية الفول والدموع اربع اربع

واللي يمر من قدامي ويشوفني يحسبني من هالبوذيين جالس اتعبّد حافظة الفول

وحتى تصير الساعة خمس ونص تقريباً
اصحى من حلمي الجميلواكتشف اني فاهي ومضيّع

وتطلع لي يد من اذني اليسرى وتقول : ويييييييين يابوالشباب

واتذكر ان فيه فطور اول قبل الفول
يعني ... قهوة وحلا وعصير وماء وحركتات بركتات

ومثل ماتلاحظون اني جحدت ام التمر وماجبت له طاري
لأني للاسف ما آكل التمر... يسبب لي حموضة وحرقان في جدار المعدة

لذلك استغني عنه بالطرمبه واللقيمات والاصابع.. ( الاصابع طبعاً مافيها جبنة.. فول ايضاً )

وبعد ماتنتهي الحفلة.... واتوثّم بذيك الحافظة
يجي فصل جديد من فصول التاريخ لحظة ارتشاف بيالة الشاهي اللازوردية
وخلوني آخذ فاصل قصير علشان اعطيكم حكاية احلى شاهي بالوجود :
مشهد سينمائي حالم

حاول يشتريه مني يوسف شاهين ويرشح لبطولته عمر الشريف وهيا الشعيبي

لكني مازلت مؤمن ان راسي ( بلكّه ) ... مسوّي فيها ( صعب المراس )

المشهد كالتالي :
راعي بنشر حضرمي

.. عنده برّاد شاهي اصفر من قبل مايستلم القذافي الحكم بليبيا

جيته قبل فتره اضبّط كفراتي... وشفته يمخمخ على ذاك الشاهي ( الكويس جداً )

وعرفت ان السر في البرّاد الاثري
وبعد نزاع وجدل بيزنطي... شريت منه البرّاد بخمسة أريل

وصرت اضبّط لي شاهي موب صاحي البتة البتة

مع كل بيالة اتلطّم بشماغي وانعفط واقول بهمس ( يحلموووووووووون )

عدنا :
بعد الفول والشاهي
يعتقني المذّن عقب عشا الطير

واقوم اتروش وادحدر الى الجامع
مع ان الشيخ صالح الشمراني امام الجامع استاثم فيني الله يهديه

جاب موكيت جديد للجامع مع رمضان
وانا رحت فيها مع الحساسية والوبر حق الموكيت الجديد

صرت مثل الروافض... لابغيت اسجد حطيت منديل

الموهيييم
خلصت الصلاة وركبت السيارة
وكم مشوار... على كم محل... واهم شي السباك اوقف عنده خمس دقايق اسفّل به حبتين

ارجع للبيت واقعد على النت الى الساعة 2 ... يتخللها بعض النقرشة لأي شيء مأكول

ثم اروح انعفط بفراشي وانام الى اذان الفجروتوته توته خلصت الحدوته

لا لا اصبروا نسيت

ماخلصت الحدوته

باقي الصور

خيمتي بعد العصر

أهم جزء بالخيمة... المكيف اللي فوق اساسي واللي تحت احتياط

جامع المنيع... حيث الصلاة والحساسية

اخيراً

طبعاً هذا قبل الفول... وارجو التركيز على نوعية الماء

فورزا قصمان

... فورزا قصمان

فطوري

... الفول بالحافظة.. مافتحتها علشان مايبرد

اصلاً مايحتاج افتحها.. اكيد كلكم تعرفون شكل الفول... مثل اللبن لكن بنّي وفوقه شوية مطاريس

الابريق السحري

... مصدر الالهام لألذ شاهي على مر العصور

وهـ.. تعبت

شاكراً لكم طيب المتابعة... ومع احلى الاماني

<< علشان تصير النهاية دراميه وحزينه

كل الشكر
للمتميز **][ "الصخــرة"♥][ **

وانتظرونا غداَ
مع عضو اللجنة الأعلامية المتألق -K I N G . M I L A N

.-

أرق التحايا وأطيبها من
مشرفي واستشاري
المجلس العام

هلالي--911-- · #2 26/08/2009, 04:11 AM

ماشاء الله
يوم هادئ

وطلعت من محبين الفــول

إقتباس


	الابريق السحري ... مصدر الالهام لألذ شاهي على مر العصور

اكيدمن تجربة شخصية

يعيطك العافيه على اليوميات

وشكرا للقائمين على موضوع اليوميات

وننتظــر K I N G . M I L A N

المزرعة · #3 26/08/2009, 04:15 AM

لي عودة
..............................................

ريكيلمي · #4 26/08/2009, 04:23 AM

صباح الخير

ما شاء الله تبارك الله يابو صالح .. كم مرة ذكرت الفول في يومياتك

أنت انسان ذوّيق و راعي كيف .. عرفت هذا من حبك للزيتون الأخضر

بالعافية يا عمي

شوق الكويت · #5 26/08/2009, 04:26 AM

اخوي الصخره

يوميات حلوه اول مره ادري انك من عشاق الفول

بس مو كنها قصيره حبتين ولا الظاهر البنات الحبيبات هذره

يعطيك العافيه عاليوميات الحلوه والخفيفه

هلالي من ارض اليمن · #6 26/08/2009, 04:26 AM

يا لبيه يا اللبناني

حبيب الشعب والأمة والضمير العالمي ( عنادا في القذافي

)

يا شيخ روح .. ربي يسعدك دنيا وآخره

شعورك بالشموخ في طابور الفول وجلوسك للقرفصاء .. هذا وصف لا يجيده سوى افلاطون وشلته

كلمة شكرا لا تكفيك يا صديقي

يعطيك الف عافيه ،،،

عريب عبدالله · #7 26/08/2009, 04:27 AM

يعطيك العافيه عمو فهد

وبالنسبة للحساسية مالك الا تستخدم حبوب تخليك طبيعي لكن نعسان يعني تجيب النوم لكن تفكك من العطاس

أهم شي ما تنحرج من الجماعه أتشو أتشو "الأخ صيني "لكن ممكن تنحرج أنك تسجد أول التراويح وما تدري الا الهندي يقومك يقول بنسكر المسجد

عموما يوم جميل ويعطيك العافية

بالحب والإشراق

iOsαмαн · #8 26/08/2009, 04:37 AM

صباح الفول .. والشاهي ,

يوميتك حلوة .
والخيمة حلوة يوم شفتها أحسبها أستوديو حروف وألوف

<-- وش جابها !

شكـراً شكـراً لك يا ( الصخرة ) !

وننتظر بكرة ( K i n g . M i l a n )

فنون هلاليه بجنون · #9 26/08/2009, 04:38 AM

هذا المكيف الي مالقيت له مكان ببيتك ..!!
ههههههههههههههههههههههههههههههههههههههههههههـ

<< طرالها موضوعك حق المكيف

يوم جميل بس ماحسيت أنك برمضان

ومن شفتك تفطر على زيتون وجبنه
وأناغاسله ايديني انك من الشعب السعودي

..!!اكيد فيك عرق شامي

..!!

كل عام والجميع يارب بألف خير

..!!
وكل الشكر لمن كان خلف الأستضافه ..!!

لكم تحياتي
فنووون .

GOLDEN BOoOy · #10 26/08/2009, 05:23 AM

ههههههههههه

حلو شكلك وانت متربع تصور ع براد القهوهـ

يعطيكم العافيه جيمعا "

i am here · #11 26/08/2009, 05:35 AM

ايوا كدا

إنت أحسن واحد

فطور خفيف الواحد يعرف يتعبد بدل ما يضيع وقتو بالمطبخ

أما حكايتك مع معشوقك الفول

إنت سيم سيم بابا

والله لو ايش الفول لازم منو

إن شاء الله لو السفرة مافيها غير الفول خلاص يكفي

لو يوم قلتلو اليوم بلاش فول نعمل شي تاني

على طول يفرقز لي

الله يخليلكم الفول ولا يحرمكم منو

يومك خفيف مرررة بسرعة خلص

بس حلو ما شاء الله

S@LEH · #12 26/08/2009, 05:36 AM

//

وآلله يـ آحس آن شغلتكم تكرهك كره من كثر مآ كرفته

!

وآلله يـ آطلق يوميه شفت حقك يـ الصخره

..
و بعدين مآ خبرت آحد يآكل فول بـ طبآخ آلتمر

آمآ مآء آلقصيم يـ لبيه !!
وآلله يآشكلي منب نآيمن آلآ وآنآ شربن ثنتين /،

-

*

.. لكل من بذل جهد في هذآ آلموضع ..

[آلتمر وينه شكلك من آلعجله نسيت التمر وآفطرت ع حلى لآبعد بمدينه التمور القصيم

//

] <×

طفلة خانها التعبير · #13 26/08/2009, 06:00 AM

عليك بالعافيه يالصخره

ومواضيعك دايما تجذبنـــــــــي

وخيمتك روعه..

الله يوفقك ويسعدك

تقبل مروري

كـــــــايد

متابعة بجنون · #14 26/08/2009, 06:02 AM

إقتباس

الرسالة الأصلية كتبت بواسطة رائدة الزعيم


	يعطيك العافيه عمو فهد وبالنسبة للحساسية مالك الا تستخدم حبوب تخليك طبيعي لكن نعسان يعني تجيب النوم لكن تفكك من العطاس أهم شي ما تنحرج من الجماعه أتشو أتشو "الأخ صيني "لكن ممكن تنحرج أنك تسجد أول التراويح وما تدري الا الهندي يقومك يقول بنسكر المسجد عموما يوم جميل ويعطيك العافية بالحب والإشراق

يوميات خفيفه ومفوله .......

مانقدر ع التعصب ....... >>> كان نزلت الصوره بمنتدى الجمهورتصلح لهم ..

لبناني + مكاوي " يساوي ">> الاشاره مو راضبه تطلع .....يقولون قصمنجي

يعطيك العافيه صخرتنا .

الهاديو · #15 26/08/2009, 06:10 AM

ياهلا .. ياهلا
بالغالي الصخـرة ،،

العنـوان شفتـه ( وطق فيني عرق ) ، قلت آفا دا الصخرة بيمرمطنا حنا هالمكاوية ، دحين آنا
أوريه ، لـكن :

للآسف لم يتجرد من قصمنجيته بل سعى بكل قوة لكسب ود القراء بـ إعلان لمياه القصيم ،
وللآسف توقعت إنه متجرد منها ومعاه : موية الصفا ولا الهـدى ،،

والفـول اللي مدري وشـسمه حسبالي : فول الغامدي ولا هالنواشف اللي حاطها قلت شكلها
من أبو نار ، آخرتها فورزا قصيم ض1

للآسف خاب ظني فيك .. ياغدااار ض1 ق1

عزيزي الصخرة .. سيبك من اللي فوق ،،

هالمشاركة مجرد تعبير بمدى حبي لك يا أبو صالح ، وتشرفت بقراءة يومك ،،

لكم ودي ، وكل عام وأنتم بخير ،،

الهاديو ،،