إقتباس الرسالة الأصلية كتبت بواسطة القيصر رهيب يبدو انك متابع غير جيد للتلفزيون السعودي سباق المشاهدين يا رعاك الله في نسخته التاسعة وليست العاشرة يا أخي

عليووووه مرحبمبم ...

الوكاد إنه بيوصل للجزء الخمسطعش ..

أهلا ابو طلال ...

بغض النظر عن سخافة المسلسلات , بتكلم عن نقطتين , الأولى خواطر , صحيح إن البرنامج مستمر من 5 سنين , لكن مع ذلك - كل سنة يقدم أفكار جديدة , واللي يأكد ذا الشيء إن ذي السنه رايحين اليابان ويصورون هناك , يعني البرنامج يبحث عن التطوير من جد , وترى البرنامج كله على بعضه ما يزيد عن ربع ساعه .....

نجي للثانية , وهي سباق المشاهدين أخيرا القناة الأولى سوت شيء صح , فكتنا من برامجها اللي مال أهلها معنى , الحين إفتح موقع سباق المشاهدين , عدد المتصفيحن تعدى 10000 وهذا كان قبل يومين , يعني ثلات ايام بس وحقق ذا الجماهرية الكبيرة

صحيح إن فيه بعض البرامج تمسخها وفيه مسلسلات وصلت للجزء السادس وهي ماعندها نية تغيير الاسم حتى , حتى فيه مسلسل سوري نفس حكاية باب الحارة او قريب منه , في الجزء الأول مات رئيس الحارة اللي هو بسام كوسا ( الدعشري ) , وفي الجزء الثاني اللي يعرض الحين رجع وبنفس الشخصية بعد يا لسخافة هؤلاء

إقتباس الرسالة الأصلية كتبت بواسطة باسكن روبنز اهلين أبو طلال كل عام وانت بخير من زمان عن مواضيعك مسلسل باب الحارة وربي مسخوهاااا تابعت مقتطفات منه ماتشجعت اكمل اشوفه كله حرب X حرب من جد ملل الظاهر بيصير نسخة ثانية من مسسلسل ليالي الحلمية وبيوصل للجزء السادس << البزران الي هنا مايعرفونه الله يعطيك العافية على الموضوع الخفيف

يامرحبتين كبار

وإنتي بصحة وسلامة

من زمان عن مواضيعي وحنا من زمان عنك بكبرك ... يوزرك نسينا شكلة من القطاعة

نسيت هو باسكن روبنز وإلا كانزون

بعدين من وين طلعتي ( ليالي الحلمية ) مغبر !!

مسلسل باب الحارة أحس إن ودهم يقنعونا بالمرجلة .. وبالحرملة ( حرمة ) يعني .. بالغصب ...

الرجولة والشهامة .. والمباديء .. و و و ... لين ماقلبوا روسنا وتغير راينا فيهم من معجبين إلى مستخفين بهم ...


الواحد لاقال كيف الحال .. قاله ياباطل وهات سكاكين وقوات ( فرا نسية ) وعصمليات رايحة جاية ..!! انا مدري شلون راحت القدس من إيدينا وحنا عندنا هالأبضايات بهالمسلسلات .. خصوصا إنهم يتكلمون عن ذيك الفترة من زمن العثمانيين والإستعمار .. وإحتلال القدس !!

خواطر هو البرنامج المكرر ( إسمياً ) لكن متجدد ( ظمنياً ) وبأمانه مقدمة أحمد مبدع بس عيبة ان فترة عرضة قصيرة جدا

حياالله العسكريمه ... إفطاراً شهياً وسحوراً أشهى ورمضان كريم

إقتباس الرسالة الأصلية كتبت بواسطة شوق الكويت اولا مبارك عليك الشهر اخوي ابو طلال والله كان في بالي انزل نفس الموضوع بس تعيجزت كل سنه البرامج والمسلسلات سخيفه بس هالسنه سخافه بدرجة امتياز .. المفروض اذا الشي نجح خلاص يكتشفون شي يديد لكن هالشي معدووم عندنا اللي ينجح يكرر نفسه الى ان يفشل ونزهق منه . انا اقول بس كلمه وحده الله يشغلنا بعبادته بهالشهر الفضيل ويبعدنا عن هالسخافات اللهم امين تقبل مروري اختك شوق الكويت

هلا بأخيتي شوق الكويت .. الشهر مبارك علينا وعليك .. الله يسعدك


انا قصرت عنك العنوه ونزلت الموضوع عنك .. كلنا واحد

طبعا انا مااقصد كل شي تكرر إنه سخيف .. في مثل طاش ماطاش بصراحة يعجبني .. خصوصا ناصر القصبي

وخواطر مكرر بس يعجبني .. بس السؤال ليش التكرار !

بس على قولتك إذا الشي نجح يكررونه .. يعني يلعبون على المظمون ! هذي طريقتهم كل سنه .. الوضع ربح وخسارة بالمقام الأول .. ودامهم لاقين هالمشاهدين الضعوف اللى مثلي بيكسبون أكيد

والله لايشغلنا إلا بطاعتة ..

شكرا أختي العزيزه

.
.

أنا مع أختي اي ام هير , قناة المجد هي المُتميزة برمضان -وغير رمضان - لكن بصراحة فاجأت الجميع ببرامج أروع وأحلى وأكثر فائدة من كل البرامج الثانية .

* برنامج "ذكرى " قبل صلاة المغرب بتوقيت الرياض
* برنامج "سماء الذاكرة" لأُستاذي ومُعلمي الدكتور عبدالوهاب الطريري بعد صلاة المغرب في مكة .
* برنامج " تاريخ العقيدة" للدكتور سفر الحوالي على قناة المجد العلمية بعد صلاة المغرب .
* برنامج " أسرة ناجحة" للدكتور فهد السنيدي قبل صلاة العشاء . وبصراحة هذا البرنامج رائع جداً جداً , كل يوم حلقة عن أسرة سعودية نجحت في حياتها بكل المقاييس طبعاً .
وفي برنامج رائع جداً للشيخ الي أُحبه في الله ( أ.د ناصر العُمر ) يجي بالعصر تقريباً الساعة 4 رائع جداً جداً .

*وفيه برامج الترفيه "كل يوم سيارة " و "مسابقة الحرمين " هذي كلها تجي بعد منتصف الليل .

صراحة كذا البرامج النافعة ولا بلاش . الله يبعدني عن ضياع الوقت على الأشياء الثانية .

وتقبل الله منا منكم صالح الأعمال

شكراً لك

إقتباس الرسالة الأصلية كتبت بواسطة BLUE-STAR مرحبا اخونا ابو طلال .. وكل عام وانت بخير ان شاء الله ..وينعاد على الجميع بالصحه والعافيه .. اوما البرامج فهنا حدث ولاحرج(الشين عندنا والزين حوالينا) والمشكله اعتقد ..انه لاقينن سلنتح يتبطحوون ويناظرونهن ولا بعد يزأفوون لهم ماتشوف اغلب هالأمه تفكيرهم محدوود ومنصك ومنغلق صآروآ(تنكن مجمعه) ليه؟ بس لانهم تعبو بالفكره <<الله واكبر عاد مكتشفين قانون الجاذبيه تراكم فقر وفاقه وحمير نهاقه .. عاد عقب يقولون الله الله بالاجزآء ولا غيروآ الستايل او الديكور تراه تجديد - للأسف صآرت حياتنا كلها تكرار وروتين كل مانلتفت بمكان نشوف الملل وعلامات الغصب هى المسيطره على الجو! كل هذا اعتقد بسبب ان كل حاجه صارت الحين مقتبسه مافيها اي رووح او فكاهه .. يعطيك العافيه كل ابوو بتله لاعدمنآ جديدك وواقع طرحك ..

ياهلا والله والشهر مبارك علينا وعليك

أجل الشين عندنا والزين حوالينا ... << مالظاهر حتى حوالينا زين

وعلى طاري السلنتح .. هما يقولون كل ساقط وله لاقط ..

بس إذا تدورين عن الجديد في الفكرة أنصحك بمتابعة برنامج ( خواطر 5 ) صحيح خمسة بس الفكرة الأولى غير الثانيه والثالثه لين الخامسة ...


انا اللى غاثني وفاقع مرارتي .. إنهم بسباق المشاهدين جايبين جورج قرداحي ! ( يازمان العجايب ) برنامج لشهر رمضان ضيوفة وأبطالة غير مسلمين بغض النظر عن التعصب بس المناسبة إسلامية وشهر مقدس عند المسلمين المفروض له خصوصيته !

شكرا لك ولحضورك اختي

إقتباس الرسالة الأصلية كتبت بواسطة ‏Mr.RęLǻҗ ,, أخسس ياكبيره أنتي . /, أبو طلال , ياقلبي هالشهر مره وحده بالسنه وماتدري انت تلحقه السنه الجايه ولا لا ! تروح تدورلي ليه الدراما فاشله , ياخي المسلسلات عندك باقي السنه 11 شهر كامل شف فيها مسلسلات الين تشبع . حنا والله بششهر فضيل حرام نضيعه على تفاهات موجوده وتتكرر طوال السسنه ! أذيوس ,,

شكرا على النصيحة يابعدي ... والله يهدينا وإياك وكل مسلم ويصحلنا أجمعين .. قل آمين

إقتباس الرسالة الأصلية كتبت بواسطة هلاليه كووول22 هلا ابوطلال كل عام وانت بألف خير والشهر عليك مبارك وش عليك منهم خلهم يكررون ان شفت شفت خواطر وطاش عشان مع الاهل ولا مو من زينه عوافي ابوطلال

هلابك اختي

الشهر مبارك علينا وعليك

والله خواطر ممتاز ... وفكرته حلوه ومتعوب عليها ...

طاش والله لو مافيه هالخبل القصبي وإلا مااشوفة .. بس الكذب خيبة .. القصبي يجوز لي

شكرا لك ولحضورك

إقتباس الرسالة الأصلية كتبت بواسطة ريكيلمي الله حي ابو طلال .. مشكلة البرامج عندنا أن الواحد ما يصدق ينجح له شي .. الا كل سنة يطلع له جزء حتى لو موب مرتبط فيه مثل نايف الراشد ( الظاهر اسمه كذا ) طلع شر النفوس العام و نجح .. طلع هالسنة شر النفوس جزء ثاني و بقصة و شخصيات مختلفة عن المسلسل الأول و لا يمت له بصلة الله يرحم الحال بس و يقوينا و اياكم على طاعته

هلا والله اخوي ريكلمي ...

بعض المسلسلات تستخدم إسم المسلسل لرواج العمل .. وبعضها لنجو م المسلسل لرواج المسلسل .. وتختلف أدوات التسويق المختلفة .. وكلن يبي سوقة يمشي .. حتى مرات تلقى مسلسل تاريخي يمثلة ( نصارى ) و ( يهود )
!!

تحياتي لك اخوي .. وشكرا لحضورك

إقتباس الرسالة الأصلية كتبت بواسطة A S D اهلين ابو طلو يأخي انت ما تعرف العرب , مقفلين مره ما يصدقون على الله , لكن يالله الحمد لله على كل حال الحمد لله اننا مسلمين بس و الله الشهر ذا ما تابعت شي , تابعت طاش الـ3 حلقات لكن مو كلها كل حلقه اتابع نصها على بالي بيجيبون شي زين , لكن الله يخلف على أُمن جابتهم ابو طلال لا تقطع كثير تراي من متابعينك , بس انتبه تطلّع اجزاء فيصل

هلا وغلا بأخيي فيصل .. والله لك وحشة

مبارك عليك الشهر


بكرا بنزل موضوع بالمنتدى عن تكرار البرامج برمضان ( الجزء الثاني ) بس ترى الشخصيات تختلف .. لاتخلينا

تحياتي لك يالغالي وشكرا لحضورك

إقتباس الرسالة الأصلية كتبت بواسطة هلالي مافيه حيلة2007 صبحك الله بالخير ابو طلال مبارك عليك الشهر والله يتقبل صالح الأعمال بالنسبة للمسلسلات احسن انها تتكر خل الناس تملها وتكرهها وتنصرف عنها عقول الناس ويتفرغون للصلاة والعبادة عن نفسي كرهت طاش وكرهت بيني وبينك يحومون التسبد باب الحارة يعني هه تسنها قريبة من قلبي( ومسوي زحمة اول الرد واخر شي يتابع باب الحارة)) تصدق حتى النصر ما تغير الكديش فيه فيه في النهاية اهدي لك باقة قيمات

خل عنك ..

إقتباس باب الحارة يعني هه تسنها قريبة من قلبي

>> هذي من وين جبتها !!

يسلمووو على اللقيمات .. مقبولة ولو إني منيب أحبها ..