( سبب لخبطة شركة الاتصالات السعودية) الحقوا دراهمكم وفواتيركم يا شعب - نادي الهلال السعودي - شبكة الزعيم

FAHADONA · #1 24/08/2009, 05:22 PM

بسم الله الرحمن الرحيم

احبابي اعضاء وزاور شبكة الزعيم المحترمين الموقرين .. حرصا عليكم وعلى دراهمكم وفواتيركم ومصلحتكم حبينا نحطكم بالصورة دائما وابدا كما تعودتوا منا

ما تلاحظ الفواتير ما صارت ترسلك .. ؟
ما تلاحظ ان حدك الائتماني 500 وفاتورتك صارت 800 .. ؟
ما تلاحظ فيه خدمات توقفت من كم يوم ولا حس ولا خبر .. ؟
ما تلاحظ عندك مشكله بالفاتوره قالوا لك تحديث وراح نشوف الموضوع .. ؟

بكل اختصار شركة الاتصالات ركبت نظام جديد وحاس الدنيا وما فيها .. وللاسف الشديد ان الموضوع هذا لازم يوقع عليه الدويش بكبره وللاسف ما وقع عليه الا شخص واحد واعتمده وحاسوا الدنيا .. وراح تكون فيه اجرائات قويه بخصوص هالموضوع بداخل الشركة
مسألة ان قرار تغيير نظام كامل تتم الموافقه عليه والتوقيع من شخص واحد بدون الرجوع لموافقة الاداره العليا هذي بحد ذاتها مصيبه كبيره واكيد انه راح يطير من منصبه هذا اذا ما تم فصله الان .. وهالشي سبب لخطبة بفواتير العالم بشكل كبير للاغلب

يا ليت من الجميع تتأكدون من فواتيركم وتعرفون اتصالاتكم اول باول وتشيكون على اتصالاتكم وتنشبون لهم ولا يروح عليكم ريال واحـد .. وخاصا ان كثيير مننا يسدد الفاتورة وبس ولا يدري وشو الي صاير ودراهمه تروح عليه للاسف

[CENTER]هذي صورة من بعض الضحايا من الشعب السعودي

http://www.kharjhome.com/news-action-show-id-4411.htm

وهنا المشكلة نزلت بجريدة الرياض بدون تفاصيل دقيقه
http://www.alriyadh.com/2009/07/31/article448747.print

الزبــدة يا عيالنا .. لا يروح عليكم قرش واحد ولا تسددون فواتيركم الا وانتوا متأكديـن منها ميه بالميه وطالبوا بفواتيركم الي ما راح تنرسل لكم وحسبي الله عليهم ان كانهم اخذوا ريال واحــد موب لهم

التفاصيل هذي من مصادر موثوقة وقوية في شركة الاتصالات ولمصلحة الشعب حبينا ننبهكم للموضوع هذا وبالتوفيق جميعا

مع الشكر الجزيل لكل من واقف خلف الكواليس

* منقول

wolf2006 · #2 24/08/2009, 05:35 PM

شكرا أخوي فهدونا

والله حنا حولنا لموبايلي من سنه والفرق شااااااااااسع

الفاتوره ماتتعدى 200 ريال ولا 150 ريال

حسبنا الله عليهم

شكراً أخوي على الموضوع

pr_fahad · #3 24/08/2009, 05:42 PM

<<موظف مسكين في الاتصالات

في اليوم اصرف الف عميل من كثر مشاكل النظام الجديد وادارة ماحولك احد ومشكلة الفواتير مطووولة واللي حاط حد ائتماني يزيد عن المبلغ اللي حاطه..واللي يسدد انت وحظك فلوسك توصل او لا يشتغل جوالك ولا مايشتغل...الخ

الإمبراطور نواف · #4 24/08/2009, 05:47 PM

وانا أقول ليه بعض الخدمات تأخرت وأنا طالبها من شهرين

أحسن جعلهم من هالحال وأردى بعد

ياسلام لو نسوي حملة فواتيرهم لهم

ونتفق ماحد يسدد شوفوا شلون بتخسر الشركة

هنووي الهلالي · #5 24/08/2009, 07:59 PM

مسخرة في مسخرة انا من شهر وانا اتكلم وازاعق واقول وجوالي مقطوع من شهر ونص

ما اقول الا حسبنا الله ونعم الوكيل

ما نبي الا اعتذار واضح وتعويض زي الناس

فارس القصيم · #6 24/08/2009, 08:16 PM

شكرا على التنبيه
بعد موضوعك
تفاجأت بعد إتصالي عشان الفاتوره
إلا ماحطيني بهاك الفاتورة
الله لايوفقهم

sul123 · #7 24/08/2009, 08:24 PM

حسبي الله عليهم

حرااااميه

دقيت قبل يومين ابغى اشوف كم المبالغ الغير مفوترة

طلعت 300 ريال

والمفوترة 100 ريال

وبعدها بفتره دقيت اشوف كم

طلعت 800 ريال

لييييييييه...؟

ودقيت عليهم رد عليا الموظف يقلي

كلها مكالمات عليك

لانك ترجع الخدمه و الجوااال مفصوووول...!

بس وربي ريااال زياده ما يشوفو

يضحكو علينا الحراااميه

همسـ الهلالـ · #8 25/08/2009, 01:16 AM

ان شاء الله يخترب نظامة واللي عليه مديونية تنشاال

قولو أأأأأأأأأأمميييييييييييييين

خخخخخخخخخخخخخخخخخخخخخ

الاتصالات السعودية عالم من السرقة

ههههههههههههههههه