23/08/2009, 07:59 AM
|
| زعيــم مميــز | | تاريخ التسجيل: 18/12/2007 المكان: makkah
مشاركات: 2,789
| |
|
رسـآلة جآتني ع الأيميل وعجبتني,, وحتعجبكم ..ولآ تحكمو بآلمظآآآهـر,,>> فضفضة Teenager ,,,
آلسلآم عليـكم
آنـآ جآية آتكلــم في موضـوع ..نفسي آتكلـم في و آوصلو
لآنو النآس في آلزمن دآ مرررة محتآجيـنو
وآنآ آعتبر دآ الايميـل..مجرد فضفضة
الموضوع ومآفي انو دحين سآيرين بنسمع حكآوي ..وحتى بتسيـر معآنآ ومع اخوآننآ برضو
نسمع فيهآ ..انو شيـخ مآرضي يدخل ولد الحرم عشان ملابسو !! وشعرو كدش !!
وآحد مآشي..وعشآنو هوة لابس توب وكدة..والتانين بدل وبنطلونات ..مآشي يحقر في دآ ويتكلم على دآآ
ويتفآآآآآآجأ بـ انو لمن يأدن ..دول اللي بيحقر فيهم تلاقيهم في الصفووف الاولى في المسجد
وفين حقون التياب ؟؟..لسة ما جو المسجد
اوكي ..انا هنا ..لازم تفهمووني صح..مآ بآقوول انو لاازم نلبس بنطلونات وبلايز ونكدش شعرنا
ولا تلبسو تياااب او شي..لاااااء
آنـآ هنآ بدي اتكلم عن ..التحقـــــير في الشبآآآآآب..عشآن مظآآآآآهرهم بعض الاحيآن
وانو انا خلااص الحمد لله لابس توب ومربي دقني والتوب قصير انا خلاص الصح ..وكلهم دوول غلط ومو كويسين
انا الملتزم باللبس ..
طيب ليش سرنا نهتم بـ القشوور ونسيب اللـب
ما تدري يمكن ايمآن دا الـكدش وعقلو افضل واقوى من ايمااانك يللي ملتزم بالقشرة فقط دون اللب
(بس دا مو معنى اني ضد الالتزام باللبس الكويس )
بس مررررة غلــط لمن نقول احنآ الصـح وهمآ غلط..ومن ايــه اصلا حكم ..من مجرد مظهر !!..انت مآتعرف دآ ايش مقآمو عند ربنا
بس احب اقلكم ..انو يآآآآمآ ويآآآمآ ..بنت بـعبااية ع الراااس ..مشبكة اولاد المدينة كلها وتانية ماشية كآشفة وجهها..ولا عمرهآ رفعت سمآعة على ولد !!
تحصل ولا مو ؟!
وبرضو طبعا تحصل انو العكس !!
يعني مغطية وكلو تمام ماشاالله..وكاشفة ..يالطيف
يعني اللي بقصدو من كلامي..لاتهتمو بالمظآآآآهر وتسيبو اللب ..اشتغلو في الاتنيــن
يعني ولد رآيح يصلي الصبح في الحرم ...تمنعو عن بيت الله ..عشانو كدش ولبسو مآنآآسبكـم !!
بأي وجه حق ؟؟
بدل مآ تشجعو بالعكس انو جي صلااة الصبـح..دحيــن نتمنى الشبآب يقومو يصلو الصبح حاضر.. في المسجد مو في الحرم !!
ازآ ربنآآآآ ..اللي هوة ربنآآآآ ..ما يطل في اشكآآلنا ولا انسآآبنا ..يطل في القلوووب التي في الصدووور
اوكي ..تبغى يعدل من شعرو ومن لبسو ..احتوي..بطريقة حلوة ..
بس للاسف احنا دحين في زمن ..لمن الوآحد يسوي غلط في شكلو بس يعني لبس او شعروكدة..ممكن ينجلد او يتلطش..او يتاخد في الجيمس ..
او يتهاان
مع انو كآن رسولنآ يجيلو الزآآآني..ما يرفـع صوتو عليه صلى الله عليه وسلم
..للآسف
حآلنا مرة يحزن ..
سرنآ في دنيــآ مظآآهـــر
مغطية وجهك ولابسة عبااية تمااام انتي مؤمنة ومسلمة وشريفة وتصلي
وانتي يللي كآشفة ..افجر بنت في التآريخ..
وانت يللي بتووب ودقن ..اكيييد ..مآشي تماام وعلى تعاليم الدين الاسلاامي وما تغلط
بس انت يللي لابس جينز نازل تحت وشعرك كدش..معليش ..ما يسير تخش الحرم
واكيد انت فآجر
...لا تفهمووني غلط..واني ابغاكم تكشفو يا بناات ..او يآ اولاد..اصحكم تلبسو تيااب ..
اعيد واكرر لاااء
بس ..لا تحكمو عـ النااس ..من مظهرهم
ولآ تِكَرِهُوووهـم الديـــن وتعآليمو ..بآسلوب التحقير دآ لمظهرهم او حتى عن طريق نصحهم بقسآوة
..بسسس
وسووري ..ازا كنت طولت
بس هآدي كآنت مجرد \ فضفضة Teenager
احتفظ بي لنفسي |
" 
... ولا تنسى تسكر ازارير الثوب كلها و تحط بجيبك قلم ما يكتب 
الوضع العادي
