23/08/2009, 03:57 AM
|
| زعيــم نشيــط | | تاريخ التسجيل: 03/03/2009 المكان: جامعة البترول & الجبيل
مشاركات: 716
| |
حكايتي في مجلس ممتلئ بغير الهلالين السلام عليكم ورحمة الله وبركاته
صبحكم \ مساكم الله بالخير --- وتقبل الله منا ومنكم صالح الأعمال
اتشرف بكتابة اول موضوع لي بالمنتدى بعد عناء طويييييل حتى تفعل الحساب
والله الشاهد فرحتي بمشاركتي لكم في كل مايخص الزعيم الموضوع يمكن انه جاء متأخر بس كان ودي اكتبه من قبل --- وسامحوني ان زليت بكلمه
ا لسالفة ومافيها ( عزيمة في بيت عمي ) وماشاء الله عيال عمي & انسبانا & اخواني & عيال عماتي
وصل العدد عائليا للشباب الي فوق 15 سنه الين 40 سنه -------> قريب ال 25 شخص
بعد مامشوا الشيبان بدري - جلسنا بالمجلس ( الشباب لحالنا ) ومابهم الا انا وولد عمي وزوج عمتي -----> هلاليين
ولد عمي ماخذ الامور ببرود اعصاب هلالي صميم بس مايرد على احد بس يقول له (48) ويسكت
اما زوج عمتي متعصب -------> ومن قوة التعصب يسكتتتت اذا احد تكلم على الهلال يخاف انه يخسره بكلمة غلط
اما انا واعوذ بالله من كلمة انا ارد على الي قدامي ( على قدر المستطاع ) ------> والباقي 20 واحد موزعين نصراوييييين & اتحاديين & واحد اهلاوي ------------> وكلهم مستلميني قالوا لي روح مع النادي حقكم و و و
وسالفة التبرعات الي مزعجينا فيها و و و بقولكم ردي ----> واتمنى ان غلطت في شي تصححون لي : بصراحه من قهري عليهم صارخت بالمجلس وسكتوا كلهم وسمعوا الين قالوا لي هدئ هدئ
بديت بالاهلاوي قلت له انت اخر واحد يتكلم (( تذكر ياسر وش سوى بخمسة لاعبين من عندكم الي انتشرت بأغنية التاكسي) --------> وفوق كذا يقولون ياسر تجيه الكورة جاهزة مجهزة --- وهذا وش يسمى ؟؟ سحب لحاله ب 5 لاعبين وجينا للنصراويين -----> قلت لهم انتوا اول اوووووووه ابطال تضاهون ريال مدريد اوكي ؟؟ ارتحتوا ؟؟
(( ولكن ليس الفتى من قال كان ابي )) -----> بس اذا كنا بنتكلم على كورة القدم في شي ينقال له بطولات
وهذا الشي كل العالم تعترف فيه قالوا لي ايه : الاسطوانة المعروفه ( ايام ماكانوا الحكام معاكم -- ونص بطولاتكم غش - ونصها الثاني بطولة الخطوط السعودية و و و وانتوا عارفين الباقي ) قلت لهم : والله ما انساها قالوا حكم حكم حكم - جبنا لهم حكام اجانب وظلمونا وطردوا ( المرشدي ) تذكرونها؟؟
وفوق كذا فزنا عليكم - وانتوا بأقصى قوتكم والعدد كامل عندكم جينا للاتحاديين -------> قلت لهم اما انتوا واحد من الاثنين يانكون احنا بمستواكم والا نكون افضل منكم
وشرحت لهم السالفة : اننا نلعب بمدرب ما تألقم مع الفريق وسالفة ياسر الي طلعت عليه ( والرجال ان كانه على حق الله ياخذ حقه منهم-- وان كانهم صادقين فيها ( كل ابن آدم خطَاء وخير الخطائين التوابون ) ) بس نفسيته قفلت من عباراتهم الوصخه والي محد ردعهم فيها -- وطرد عزيز ( الي حتى وان كان يستحق الطرد مالنا دخل فيها ) بس نلعب ب 10 لاعبين
وهم بأقصى قوتهم وقتها ومافازوا علينا الا 2 - 1 ------> يعني فرق هدف والا لو فزنا كان اخذنا الدوري قالوا ايه انتوا مجمعين نقاط من ايام كوزمن - قلت بسسسسسسسسس انتوا قلتوها بعظمة لسانكم ( يعني لو مدربنا الي متعودين عليه موجود كان علمكم ان الله حق ) اما فوزنا على الشباب 2 - 1 بكأس الملك سوينا شي ماقد صار -----> جبنا هدفين بأقل من دقيقتين
على نادي قوي واحنا نلعب برضو بمدرب مو متأقلمين معه وفي الاخير قلت لهم : على اسوأ احوال مر بها الزعيم ويطلع من الموسم بـ
بطولة ولي العهد + وصيف الدوري ( والفارق مباراة وحده والا كان صرنا المتصدر ) + الثالث في كأس خادم الحرميين
+ 16 من اسيا
اشهد انه زعيييييييييييييييييييييييييييييييم
واسف ياشباب على طرح الموضوع وادري بتقولون مو وقتها ترجع على هالسوالف بس من قهري والله
لقد اسمعت لو ناديت حيا *** ولكن لاحياة لمن تنادي
ولو نار نفخت بها اضاءت *** ولكن انت تنفخ في رماد
وسلامتكم |