طب × مطب ..! - نادي الهلال السعودي - شبكة الزعيم

متابعة بجنون · #1 19/08/2009, 01:05 AM

>>>>>>اشتقنا ياحلو والله اشتقنا .. من زمان وانت مفارقنا

..

صباح الورد ..!
صباح الورد والفل على الحلوين بس حبيت أقول لهم نحن مرره مرره مشتاقين ..

صباحكـ .. ريحته قهوه
وطعمه بالحلا
"معقود ..
صباحكـ/ نغمته تغريد ..
وصوته ينعش المجهود !
[ صباح الخير ,
وغلاكـ يحطم المعهود ..
.. صباحكـ يبتدي منّك ؛ لانك شمسه الي تسود !
~ صباح الكلمه الحلوه
صباح الحب بليا حدود ..

*
,.’
*

طب × مطب مع متابعة بجنون >>>

ffice

ffice" />
مره بنروح للزواج ومحسوبتك خلصت بدري ولبست نعال اللله يكرمكم وكنت مره فرحانه فيه ...>>>> الصدق عمري مافرحت بواحد غ.يره >> مادري ليه ..
ا..لمهم اخواتي باقي ماخلصوا وللعلم فيه منهم متزوجات واروح لبيت عمي طايره وانا طايره جاني ابليس وطرح فكرته علي اللي هي اني ارجع بيتنا بنفس السرعه للعلم بيتنا خالي من الرجال ( مابوه احد منهم) شوي وتقولين خالي من الدسم
المهم وتعجبني الفكره واجي مسرعه واصارخ ولساني يردد حرامي جانا
حرامي جانا الله لايوريكم اشكال تضحك ....>>>>

وسيده ع آخر غرفه في البيت وهم و رايه والباب مفتوح ع خبره والمكياج ع الارض وكل شيء يستخدم في التجهيز
سقط منهم اثناء الجري ... >>>> حلوه الجمله صوح
وبعدين يوم شفت الوجيه ماقدرت وفكيتها ضحك وهاك ياثقل دمك ...... متخلفه ....... فرحانه بعمرك ....... افرضي لو صار لوحده منا شيء من الفجعه وش بتسوين ........

>>>> وربي كرهوني في نفسي واللي سويته حسيت اني مالي داعي انا ومقلبي ,,
ولا ليتها جات ع كذا علموا ابوي عاد ابوي قاعد يقولي محاضره لين نصفنا طريق القاعه ..........

اما هذا لو اعيش عمري مرتين ما نسيته ..
مره واحده من صحباتي جايه عطر هديه من آخوها بمناسبه فوز الهلال وفرحانه فيه وكل يوم بنات عطري وإذا تعطرنا لاتخلصونه وغير كذا فصلها معرف بالسرقه ......... وعاد استغليتها وفكرت واخذت عطرها بس موالهديه واحد ثاني والحمدلله ماسوت سالفه وعدى ع خير وجلس عندي اسبوع بحاله لين اجيب اخوه الثاني وبعدها بكم يوم آخذت العطر ( الهديه) وربي سوت سالفه وفي الباص ازعجتني عطري انسرق ياجعل اللي سرقه ب ......... وهاك دعاوي وتحسب
وانا لاحرام عليك لاتدعين عليها ادعي لها انه ربي يهديها وترجع العطر<<<< اجل ادعي لها
وهي تقول لي من متى الطواعه ذي >>> وربي شكيت في نفسي ساعتها اني منحرفه
تقول اقول توقعين مين آخذه فلانه لإنها أصلا العطر معجبها ...... وإلا فلانه لإنه شفت معها عطر نفس اللون توقعين هو عطري .........
وانا ياحرام لاتظين في البنات ظن السوء موحلو

وهى يوم الجمعه جاي وربي لادعي عليها ......
وانا خلاص شوي واخربها .......... لا يمكن تكلمك وتقول لك ...... تكفين لاتدعين عليها ..

هى لا انت اليوم فيك شيء ........ >>> بلاك ماتدرين انا وش مسويه ....

ووصلنا البيت والحمدلله اعتراف مااعترفت .........
ورحت البيت ونزلت العطر وحطيته مع آخوه ويوم فضيت له جلست افكر وقلت خليني اغلفه ع اساس هديه ..
وهاك تغليف .. ولصقت عليها ورقه وكتبت فيها ارجوس لاتفتحينها إلا بالمنزل .. وورقه جوه كاتبه فيها
اهداء من ام .........>>> انا
وام ......... << ووحده من صحباتي معاي
إلى ام ......... >>> وربي كل ماذكر الموقف اضحك ..
وبس واكلو خس ......
واخذتها اليوم اللي بعده الى المدرسه واعطيتها وحده من البنات من فصلها تحطها بالدرج وقت الفسحه ..
وبعدها انا في فصلي وهى في فصلها لين الحصه السابعه مالت E إلا وارفع راسي واشوف صاحبتي اللي
سويت فيها المقلب وجها مخطوف ...... وشوي إلاتقول استاذه ممكن متابعه واللي جنبها >>> انا وصحبتي
زنطلع لها ... خير وشوفيك ........ بنات لقيت هديه في درجي ومكتوب عليها ..... أنا خفت افتحها وقلت اروح اوديها للوكيله تفتحها انا لحقت ع عمري ياغبيه مالها داعي افتحيها انتي هي لا اخاف فيها شيء مخدرات ولاشيء >>>>
وانا خلاص افكها يقطع ابليسك مخدرات وين احنا فيه ..
هي انا مالي دخل اخذتها يوم جيت اروح وانا اتلمس الهديه واحس العطر او شيء زي كذا فيها >>> موشطاره منك بلاها من التغليف ..
قمت طلعت العطر علشان ماياخذونه الاداره .. واروح للاداره ومعاي التغليف والاوراق واعلمهم بالسالفه من طقطق
لسلام عليكم وانه فصلنا يسرق وووو......... والوكيله تموت ضحك يوم شافت ام فلان >>> لقبها
اجل انت ام ......... هي لاوالله .......
فيه احد من الجماعه اسمه ......... فيه شيء قولي ........ هى لاوالله والوجه خلاص .........
قالت خلاص احنا نتصرف يام ...............>>>> حفظت الاسم
المهم من اول ماهى تقول السالفه انا وصحبتي نضحك وهى عمى وربي مقهوره نفسي اعرف مين وانتم تضحكون
وربي اوقف واقعد اجلس من الضحك احس الموقف صار صعب بالحيل كيف اقول لها انه انا ....
وشوي قلت ابقول لك شيء ..... هي قولي ياحظي .......
انا .......... بس ماتزعلين انا و.......... احنا اللي اخذنا العطر ......
هى الفكره فكره مين .......... انا ( وفيس مستحي ) انا ... هي ...طيب والله لرجعه لك بس اصبري يالنذله
وربي مالك داعي انت ومقلبك ...... وانا اقول وشبها تقول لاتدعين ع البنات ..... بس احسن وربي يوم الجمعه تحسبت عليك سبع التحاسيب ...... انا لاحرام عندي اختبار بكره ... هى مالي دخل فيك ..
انا الخلاء بس واعقلي مقلب وصار ...

اما المقالب اللي انطبت فيها من غيري ....
وحده من البنات متفقه مع وحده من البنات>>>> فهمتوا شيء
المهم راسائل مجهوله الهويه رساله ورى رساله وفي نفس اليوم والوقت انا خلاص انلحس مخي وارسلت ع واحد
من الارقام مين أنت... جاني الرد
تدري من انا واحد ماتتوقعه خذ مهله وفكر هاه ماعرفتيني
اكيد ناسيني انا اللي منتظر موعد عيونك
................... الخ
وبعدها شكيت في وحده من اللي يرسلون واكلمها وتقول ابدا ماعرف الرقم يابنت الحلال انا شاكه انه انت
هى لا موانا ....
المهم وقاعده ع هالحال لين قبل العيد بايام وجتني رساله من هالارقام فيها ....
كلميني بسرعه انا في مركز الشرطه إذا تعرفين احد صارت لي مشكله
وتحتها بمسافه طويله كلام بس انا ماانتبهت من يوم قريت البدايه
وانا خلاص الخووف ذابحين قلت اكيد انه ولد ويعرفين بعد ياربي وش اسوي وادق ع بنت عمي وتطلع لي
واراويها الرساله بعديت لفت علي قالت وش فيها قلت يابنت يقول في مركز الشرطه وإذا تعرفين احد كلميني
انا خايفه ...... وهى تفكها ضحك ياهبله لها تكمله شوفي مسكوني شايل حبك بدون تصريح
غرموني ابوس خدك لين اطيح .. أهديك بوسه العيد قبل كل البشر وكل عام وانت بخير ...

خلاص اموت واعرف مين بس ماعاد اقدر اسوي شيء غير اني انتظر ...
واول ايام العيد اتصل نفس الرقم ....... انا قلت لاعاد شكله بعيد علي قبل الكل .. لانه وربي الناس توهم ماخصلوا الصلاه
واحنا باقي العيد مابدا .. رديت وانا ساكته وطلع صوت بنت قالت متابعه قلت ايوه بعدين قلت لا >>> خفت وانكرت

قلت مين>>> محمد أمين >>ياكرهي للي يقولها.. قالت انا ...اسمهاعاد..... هاه كيف المقلب قلت عمى في شكلك جلستني في رعب طول الايام اللي راحت ....
وفيه مطبات اخرى بس الحمد لله كفشت اصحابها .. ومانطبيت فيه ..

يالله عاد المايك لكم علقوا ,, اكتبوا مطباتكم ,,

والسلام عليكم ورحمة الله وبركاته ..

رابط طب في مطب مع الكابتن سامي والحمدلله ع سلامتك ..

إقتباس


	http://http://youtube.arjwan.com/youtube-830

متآبعه بصمت · #2 19/08/2009, 01:15 AM

إقتباس

الرسالة الأصلية كتبت بواسطة متابعة بجنون


	يابنت الحلال انا شاطه انه انت

لا عمرك تشطِّين مره ثانيه

أحلى موقف لما لبستي الكعب وقمتي تراكضين فـ البيت حراااااااااامي

//

بالنسبه لي

أنا برييييييييييييييييئه ما أحب أسوي مقلب في حدا

الزعـــ روح ـــيم · #3 19/08/2009, 01:36 AM

صباح الفل

........................................

متابعة بجنون · #4 19/08/2009, 01:47 AM

إقتباس

الرسالة الأصلية كتبت بواسطة متآبعه بصمت


	لا عمرك تشطِّين مره ثانيه أحلى موقف لما لبستي الكعب وقمتي تراكضين فـ البيت حراااااااااامي // بالنسبه لي أنا برييييييييييييييييئه ما أحب أسوي مقلب في حدا

بالله يعني بس هالخطأ >>>علبالي بيطلع اكثر تدرين ليش اول مره اكتب ع ورد 2007..
بعدين عليك عيون ماشاء الله >>>مومنك من الطماطم والشطه

شكراً يالبي ع هالرد ...

Meme · #5 19/08/2009, 05:00 AM

وي وا وي وا >> لاتسألين وش ذي هع
الحين داخله ومتعبه نفسي يادوبه واخر شي طب في مطب هع هع
يعطيك العافية )ورده(

‏>‏>انتظري ام بي سي يتصلون عليك ويقولون لك بعدها طب في مطب من ميمي هع هع

اختكم >> ميمي

.,. SoOSoO .,. · #6 19/08/2009, 05:30 AM

ماشاااء الله عليك تعرفين تركضين باالكعب << انا امشي فيه ويضحكون علي خوااتي

( حسبي الله على اللي طلّعه

)

مواااقف حلوووه

وسن الهلالية · #7 19/08/2009, 05:55 AM

ههههههههههههههههههههههههه
عاد الاول احس انه فيه من مطبات النسيم
الله يعينهم على المقلب
>>>>>>>>>>>بعده ماسئلتيهم وش يحسون فيه
عاد اتخيل احد يسوي فيني كذا على طول بموت خوف>>>>>>>>>>>>يقالها ناعمه وحساسه لايغركم اللون الوردي

ذآيب · #8 19/08/2009, 06:12 AM

صبـٌآح آلقشطـٌة ,,

يعـٌطيك آلعـٌآفية ع ـآلمطبـٌآت آلحـٌلوٍهـ ,,

مـٌوٍدتيّ ,,

الســفيرة · #9 19/08/2009, 07:46 AM

صباح الخير

يحليلك انتي ومقالبك

مرة من المرات وفي ايام مراهقتي

كنت جالسه بالبيت بروحي ويا الخدامه _ كان عندي اختبار

_

المهم مدري كيف لعب الشيطان بعقلي واروح البس ثوب ابوي وشماغه وعقاله واتلطم

وانزل عليها بالمطبخ كانت تقطع ،، نزلت بهدووووء ووقفت اطالعها لما شفتها مانتبهت صرت اتنحنح

الله لايوريكم كيف ردة فعلها

الحمدلله بس ماتصرفت بالسكينه الي بيدها

اذا تذكرت مواقف ثانيه سدحتها هون

يعطيك العافية

ربطـه و شبـاصه · #10 19/08/2009, 08:31 AM

ههههههههههههههههههه
موآقف حلوَه، تمنياتي لكِ بالمزيد

يعطيك العافيه يامتآبعه بقنووووون

شوق الكويت · #11 19/08/2009, 08:44 AM

موقفج الاول ضحكني

على طاري العرس اذكر لي موقف

عرس اخوي ولما اوصلوا الرياييل ( الرجال )

لبست عباتي وطلعت اكلم اخوي ولا واقف مع عيال عمي اشوي ولا ماانتبهت للدرج وحطيت اول خطوه ماحسيت بروحي الا وانا طايحه بالارض

مساكين محد فيهم ضحك بس احس بطنهم بينفجر من الضحك اخر شي دخلت واول مادخل اخوي بكيت طبعا هو من الفشله والناس تحسبني فرحانه لاخوي

يسلموووو حبيبتي متابعه عالموضوع الحلو

همس الحراااير · #12 19/08/2009, 11:00 AM

صباح الخير ................

هههههههههه انا احب المقالب والله فلة

كعب وحركات واخرتها تراكضين حرااااامي مو لايق

يسلمووووووووووووو على المواقف الحلوة...

إحساس خالد · #13 19/08/2009, 11:29 AM

احلى موقف

حق قرقعه الكعب وحراااااااامي حراااااامي هههههههههههه شي<< عاش الموقف

إقتباس

الرسالة الأصلية كتبت بواسطة متابعة بجنون


	رديت وانا ساكته وطلع صوت بنت قالت متابعه قلت ايوه بعدين قلت لا >>> خفت وانكرت

على كيف كيييييييييفك ايه... لا

------------

انا قريت موقف وتحديدا بمجله الاسره << دعايه بلاش

زبدهـ السالفه وش تقول

انه فيه ولد ثقيل نومه واهله يقومونه للمدرسه ...

بالقوه قااام وماله خلقه للدراسه ((فيه نوم)) لبس ملابسه وكمل النومه

بالصاله ...وابوه يقوله ياولدي قوم

افطر (( بعصبيه)) الولد من الزعل اللي فيه راح اخذ شنطته وينتظرهم برا

بالشارع مركي ظهره على جدار البيت اللي بالشارع (( متركي على الجدار ووجه على الشارع وكملها غفوهـ))

عاد ابوه طلع يوديهم للمدارس ((الولد وخواته) ) شافوه وبدو يضحكون الولد يسمع ضحكهم ومطنش

ماله خلق ((زعلان الولد ومتهاوش مع ابوه جوا البيت)) واثاري الولد كيف من التناحه اللي فيه بدال

مايشييل شنطه من العجله شايل المكنسه

ويحتريهم برا البيت

وبس

ابو عسل

هذا من المطاب المحزنه ههههههههههه

متابعة بجنون · #14 20/08/2009, 03:39 AM

إقتباس

الرسالة الأصلية كتبت بواسطة شوق الكويت


	موقفج الاول ضحكني على طاري العرس اذكر لي موقف عرس اخوي ولما اوصلوا الرياييل ( الرجال ) لبست عباتي وطلعت اكلم اخوي ولا واقف مع عيال عمي اشوي ولا ماانتبهت للدرج وحطيت اول خطوه ماحسيت بروحي الا وانا طايحه بالارض مساكين محد فيهم ضحك بس احس بطنهم بينفجر من الضحك اخر شي دخلت واول مادخل اخوي بكيت طبعا هو من الفشله والناس تحسبني فرحانه لاخوي يسلموووو حبيبتي متابعه عالموضوع الحلو