التميز واساليبه @@ كل له طريقته والهدف واحد - نادي الهلال السعودي - شبكة الزعيم

MaNcHeStEr-7 · #1 18/08/2009, 12:41 AM

السلام عليكم ورحمة الله وبركاته

التميز وما ادراك ما التميز ... نعم انه التميز وما ادراك ما التميز ... نعم نعم فعلا
انه التميز وما ادراك ما التميز ... ماني قادر استطيع اوصلكم معنى التميز لانه فعلا ما ادراك
ما التميز ... انه التميز بكل بساطه .

مقدمه اقل ما يقال عنها انها رائعه بحق ... حاولت اني ما امدح نفسي يا حبي لي لكن
ما قدرت وش اسوي ربي خالقني كويس كذا واسوي شغلات خطيره ومقدماتي تهبل وتدنن

ببساطه اي شخص لديه حب التميز ... منهم من يحب ان يتميز باسلوبه ... منهم من يتميز
بطريقه حركاته ... تصرفاته ... مشيته ... صوته ... ضحكته ... منهم من يختار
طريق خالف تعرف حتى يتميز عن غيره !! كل شخص يحاول ان يتميز عن من حوله ... او
يحاول بطريقه او باخرى ان يكون مختلف سواء كان تميز ايجابي او سلبي !!

مشكلة هذه الايام ان كثير من الناس بدأ يختار طريق التميز بشكل خاطئ واحيانا بشكل مقزز او بطريقه
ملفتة للنظر لدرجة الوقاحه ... صار الناس يتميزون بلبسهم وستايلهم ... قصات الشعر ...
طريقة الكلام ... وطريقة التفاخر بالغلط امام الجميع !! وغيرها الكثيييييييير

بالمقابل ... هناك ناس مريضين ... يدفعون الالوف والملايين من اجل لوحة سيارة مميزه !! رقم
جوال مميز ... وشغلات ثانيه كثير في عدة مجالات لا تعد ولا تحصى اقل ما يقال عن اصحابه هو
ناس ما تدري وين تودي فلوسها ... واللي معاه قرش محيره ... يشتري طير ويطيره ... صح لساني

من كثر ما اصبح التميز في هالمجال مرض ... وصلت السخافه الى اني والله مرة شفت باحد الصحف اعلان
عن بيع ايميل مميز ... متخيلين السذاجه الى اي درجة وصلت ... معقوله لهالدرجة الناس وصلت عقولهم !!
سواء عقل اللي اعلن او عقل اللي بيكلمه عشان يشتري الايميل !!

الغريب بالموضوع ... ان كل شخص يتميز حتى لو كان متميز بشيء سلبي !! تجده يتفاخر لدرجة انه يكابر
ولو على غلط !! ويحس اني اللي سواه هو ثورة في عالم المدري وش اسمه ... رغم ان الكل ينتقد طريقته
بالتميز !!

وعلى فكره في موضوعي هذا درس لك و(لك) بكسر الكاف يا اخي زعيم جديد ... واختي زعيم جديد برضو
هنا المنتدى عندنا منفتحين يساوون الرجل بالمرأه العالم كله يحاول يلحقنا مو قادر ... كل الدنيا تطالب بالمساواه
واحنا نعتبر هالشي قديم منتهين منه من زمان خخخخخخخخخخ

الدرس هو انه تحاول تجيب افكار من ابسط الحلول والمواقف .. وتحاول تتميز بشي يفرقك عن الاخرين من اقرانك واعضاء المنتدى من حولك

الناس ياخذون فلوس عشان الاستشارات وكذا ... انا ببلاش ما ابي منكم شي ابدا مرررررة ما ابي اي شي
ابد ابد بس عصير الكويس ابو ريالين مو تلعبو علي بعصير خايس >=== يقلع ام طموحك

استغلو هالفرصة واستفيدو مني الحين هو زمانك عزيزي زعيم جديد بنوعيه الاثنين

حاولو تثبتو انفسكم . وتحفرو يوزراتكم في قلوب من هنا بماء الذهب . وترى ذولي كلمتين عاجبتني
مدري لو ينفع نجمعهم مع بعض بجمله وحده بس من الصبح ادور لهم على جمله ... بس لو موية الذهب ممكن تسوي مشاكل بالقلب
او الاوعيه الدمويه رجاء لا احد ياخذ بنصيحتي خلص انسو الموضوع مو ناقصني مشاكل

عموما محاور النقاش بالموضوع :

- شي تشوف انك تتميز فيه عن البقيه وعاجبك !!
- رايك في بعض فئات الشباب هاليومين اللي بس يبغى يتميز بغض النظر عن الاسلوب اللي يختاره !!
- هل تعتقد اني مغرور كثير من خلال ما قرات في موضوعي !! لدرجة اني من زود الثقه تحس اني واثق !!
- مساحه حرة للحديث حول صلب الموضوع .

والدعوه مفتوحه للمشاركه وابداء الرأي ... الاسئلة مو الهدف منها التقيد فيها غصب ابدا الدعوه
اخويه ومفتوحه .

شكرا لكم جميعا احبتي

متآبعه بصمت · #2 18/08/2009, 01:25 AM

لي عوده

..............................................................

متعمق في حب الهلال · #3 18/08/2009, 01:33 AM

خلاااص اخوي لاتميزت اجي سلاااام

مشكووووووووووووووووووووووور

MaNcHeStEr-7 · #4 18/08/2009, 01:48 AM

اخوي متعمق رجاء الموضوع ما هو موضوع سخيف لدرجة استهبالكم العنوان يمكن اخطينا في اختياره وبعدله لاني من خلال ردك اشوف انه ما يناسب يمكن لكن رجاء ردودكم تكون افضل من كذا وليتها باسلوب نصح يعني هل لاني يوزر جديد الكل جاي يشوف نفسه علي !! لازم اكون خويكم عشان كلكم تردون علي وتشاركوني موضوعي

S@LEH · #5 18/08/2009, 01:59 AM

متآبعه بـ صمت آللقب آللي تحت آسمك وشهو !

مآآ شآء آلله عليك ، درستنآ آلتميز ،
لآكن آلصرآحه آنت تميزت بموضوعك ،

متآبعه بصمت · #6 18/08/2009, 02:02 AM

إقتباس

الرسالة الأصلية كتبت بواسطة S@LEH


	متآبعه بـ صمت آللقب آللي تحت آسمك وشهو ! مآآ شآء آلله عليك ، درستنآ آلتميز ، لآكن آلصرآحه آنت تميزت بموضوعك ،

اللقب يخص عدد المشاركات فقط

weهلالي · #7 18/08/2009, 02:12 AM

اعتقد ان ان التميز شيئ من اروع مايكو اني اكون مميز بس حاوالت امن ابحث عن شيئ فيني متميز مالقيت>واقعي ما اعرف الف وادور

بس احس بداخلي شعور اني متميز

تقبل مروري