][ مشعل في النادي اللياقي ][ - نادي الهلال السعودي - شبكة الزعيم

مشعل911 · #1 17/08/2009, 04:17 AM

السلام عليكم ورحمة الله وبركاته

اهلا بالساده والسادات

طبعا نبارك لكم اولا بنهاية روايه
((اعوذ بالله وش ذا ))
للكاتب الزعيماوي
هلالي معالي ((خالد))
بعد معاناة مع الفواصل

ــــــــ

قدر الله علي وسجلت بنادي لياقي>>يعني اول مره تسجل

كنت في قسم الصغار قبل كم سنه

وسجلت واليوم اكمل اسبوع

طبعا ماكنت اعرف الا مدرب واحد

بدأ مشواري في النادي

اول يوم
طبعا كنت تقريبا الاصغر بين اعضاء النادي

الاغلب كان متزوج والثاني
كبير بالسن
والاخر في نهاية الــ20

دخلت اول يوم وسوالي الكابتين السوري مدري اردني
الفحص لياقه ومرونه ووزن والخ...

وكانت تبشر بالخرابيط

والمدرب اللي سوالي الفحص احس قلبه كنه هالفيس ((

))

المهم
وداني وقالي هذا مدربك الفلبيني
قلت بقلبي هذا البدايه

مشيت في السير المدرب قالي ربع ساعه
وانا امشي وحاط السماعه باذوني
واناظر العارتي جايبون ساميو
المدرب قالي ربع ساعه
وانا قلت اكيد بيرجعلي ويقول روح للجهاز الثاني
الا انا مادريت الا وانا اللي ماشي
45 دقيقه
وجهي

وانهبل
وش اسوي المدرب التفت مالقيت الا اللي سوالي الفحص
واقوله صارلي كذا وكذا
وقالي خلاص روح عالسيكل ربع ساعه يكفي >>>يعني كانه من حركاته انه مستهزء بهالوقت

انا قلت بقلبي هذا اول يوم وكذا

وامشي واقول يالله
واخلص
ويوديني لجهاز ثاني
ومن جهاز لجهاز ولما خلصت
وثاني يوم نفس الموضوع

وبعدها تعرفت على اول شخص بالنادي

والسالفه صارت كذا

اذن المغرب

قعدت انتظره يقيم
ويجيني واحد يسئلني عن النادي والتعامل
ولاحظت من كلامه
انه يقطع بكلامه ولسانه ثقيلته
ورحمته وصرت اكلمه واسولف معه
وتحسون انه على نياته
وسواليفه زي سواليف الشباب
واحس انه مالقى احد يكلمه ويصير خويه
ومع هذا تدرون انه اكبر مني بــ6 سنين

واليوم الرابع او الثالث قلت اذا خلصت وبعد العشاء كوره

واروح اسبح
طبعا ماحد يكلم الثاني كل واحد وخويه او اخوياه

واقعد اسبح لحالي

واقعد بالجاكوزي

وقعدت بالجاكوزي لحالي
ويوم اذن العشاء لبست ورحت اصلي
وبعدها نزلنا نلعب كورة
يعني بصراحه تقريبا كان فيه بعضهم 2 شوي كبار بالسن واثنين تقريبا مثل جسمي
يعني اللعب حلو

وكنت لاعب المباراة مع اني بس لعبت يمكن نص ساعه
سجلت هدف وصنعت كم هدف ووحده بالعارضه
بعدها طلعت من النادي ورحت الى بيتنا العزيز
اقصد لغرفتي العزيزه
ودقيقه خل اتذكر لاني كاتب الموضوع كذا

خلاص الموضوع انتهى بس حبيت اضع كم سؤال

الاسئله>>>كانها اختبار

>>>لاعاد تنكت

س 1 / ليش الشباب مايحبون يتعرفون على مثل الشاب اللي تعرفت عليه

س2 / ليش الشباب مايحبون يكسبون صداقات جديده

س3 / هل صداقتي مع هذا الشخص فيها غلطه

س4 /هل هناك سؤال كنت تريد ان اكتبه ولم اكتبه (اذكره + اجابتك)

بصراحه انا مدري وش فايدة الموضوع بس حبيت اكتب من جديد مشتهي اشوف الردود

мя.ħάίţħάм · #2 17/08/2009, 04:23 AM

والله يالغالي مشعل

زي ما قلنا سابقا الدنيا تغيرت ..

والواحد من الشباب اللحين مسوي أنا التوب ..
ما أدري كيف
بس ما يبي يتعرف

زي أنا من زمان كنت أحضر دورة للتطوير لاختبار .. المهم

انا دخلتها لحالي عشان اركز ازين

المهم وانا قاعد بالفصل الا ويجك واح يسلم ويقول لي وين قاعة كذا .. المهم ودردشنا
وآخرته بس 3 أيام وصار صقيقي

والقهرخلصت الدورة ونسيتآخذ رقمه بس والله فله انك تسولف مع واحد ما تعرف وتاخذ وتعطي معه ..

ع العموم الف شكر مع التخية لك

وان شاء الله تصير أحسن وآحد بالنادي ..

وبالتوفيق

فَيْلَـسُــ زَمَانَهُ ـــوفْ · #3 17/08/2009, 04:29 AM

بررررررررررررررررررررب

لي

بآآآآآآآآآآآآآآآآآآآىىىىىىىىىىىىىكـ

S@LEH · #4 17/08/2009, 04:30 AM

آلسلآم عليكم ورحمه آلله وبركآته ،

.. مبروك عليك آلتسجيل فـ آلنآدي ،
وآن شآء تخلص آلآشترآك وآنت مستآنس !!

ج1 / الشبآب يحسون آنه سبيكه ولآ شئ وتلقآآه آرجل منهم بـمئه مره ،
ج2 / آلشبآآب آغلبهم معجبهم وضعهم ولآ قين آخويآهم آللي يعرفون لـ بعض !
ج3 / لآ بـ آلعكس كذآ ترفع من شخصيته لآ بعد يمكن يتحسن بسبتك لا نه لقى من يعطيه وجه وتكون كسبت فيه آجر ،

<× وترى آخوي الصغير يعآني من نفس آلمشكله هآذي لآكنه تعآفى الحمدلله وآنآ كنت آوديه للمستشفى وآعرف لحآلته ،

آلنآدي آلليآقي آللي فـ آلروآبي ولآ !

نشوفكم ع خير { ..

مشعل911 · #5 17/08/2009, 05:01 AM

إقتباس


	آلسلآم عليكم ورحمه آلله وبركآته ، .. مبروك عليك آلتسجيل فـ آلنآدي ، وآن شآء تخلص آلآشترآك وآنت مستآنس !! ج1 / الشبآب يحسون آنه سبيكه ولآ شئ وتلقآآه آرجل منهم بـمئه مره ، ج2 / آلشبآآب آغلبهم معجبهم وضعهم ولآ قين آخويآهم آللي يعرفون لـ بعض ! ج3 / لآ بـ آلعكس كذآ ترفع من شخصيته لآ بعد يمكن يتحسن بسبتك لا نه لقى من يعطيه وجه وتكون كسبت فيه آجر ، <× وترى آخوي الصغير يعآني من نفس آلمشكله هآذي لآكنه تعآفى الحمدلله وآنآ كنت آوديه للمستشفى وآعرف لحآلته ، آلنآدي آلليآقي آللي فـ آلروآبي ولآ ! نشوفكم ع خير { ..

النادي اسمه مركز واحة اللياقه الرياضي وله موقع عالنت وممتاز جداً

واخوي ياليت تضيفني عالايميل عاجل جدا وللضرورة
[email protected]

LIFE · #6 17/08/2009, 05:24 AM

يا الله ذكرتني بالنادي ............. وقهرتني .. اشتراكي بيخلص ولارحت الا كم مرة .....

بالفعل كل واحد يالله يكلم الثاني ... ولا احد يكون صداقات جديدة .... ماذكر سولفت بالنادي مع احد اعرفه الا مرة وحدة قبل كم يوم في مباراة السعودية وعمان جلسنا غصب .... نسولف بالمستوى اللي يرفع الضغط ...

مدري بس احس حنا يالسعوديين نفوسنا شينة شوي .. ولانعرف نتعامل مع بعض ... تلقى الواحد حركاته تبين انه شخص سيء ومغرور .. لكن اذا قربت منه وعرفته ... يكون عكس ذلك تماااما ...

غير كـــذا ... اتوقع السبب الرئيسي ان الواحد مايكون صداقات جديدة .. الخوف من هالصداقة ... يعني اذا ماعرفه في مكان الدراسة او العمل وشافه كثير .. ولا مايأمنه .... أحس هالشيء غلط ... وصح بنفس الوقـــت ....

تخيل انك تصادق أحد بالنت .... أنا ارفض هالشيء تممااما .... لكن والله العظيم أخوي كان يعرف 3 من النت وتصادقوا ... وصاروا مع بعض تقول متربين مع بعض ويسافرون مع بعض ... أقسم بالله اروح معهم .. قمة في الاخلاق والتعامل وعيال ناااس .....

بس مازلت ارفض هالشيء .... مدري ..

المهــــم خذانا الكلام .. بس من جد الواحـــد لازم يكون منفتح شوي .... ويتكلم مع هذا ويسولف مع ذاك ...

مشعل911 · #7 17/08/2009, 05:34 AM

والله حلو تواجد لهالموضوع مع اني ماتوقع هالردود ماشاء الله
لان الموضوع ماتوقعته

ومشكورين واتمنى ان تقدرون تعبي عالموضوع

مـوت ومـيـلآد ! · #8 17/08/2009, 05:40 AM

اهلين اخووي..

والله يعينكم على مشاااوير هالنواادي...

بس حلو انك تغير شوي من جو البيت..

ومو شينه انك ماتتعرف على شبااب بالعكس..

حلو انك تتكون صدااقاات بكل مكاان..بالعكس ترا بترتااح اذا صار لك صديق من الناادي او غيره..

لكن مانقول الا انك تعدي هالاشهر على خير يارب..

ومشكووووووووووور على هالمووضوووع...

ومضات في آفاق التميز · #9 17/08/2009, 06:24 AM

إقتباس

الرسالة الأصلية كتبت بواسطة مشعل911


	س 1 / ليش الشباب مايحبون يتعرفون على مثل الشاب اللي تعرفت عليه

اهلا اخوي مشعل

ان كانك تقصد عامة الشعب في سؤالك فاتوقع ان الامر بيطول عشان تقنع الناس بان تكوين الصداقات من غير ربعهم شي عادي ويكون محمود احيانا , البعض اصلا يرفض الحوار الخفيف في الاماكن العامة ماادري ليه ::

يمكن نحس بعدم الامان من الغريب ..

اما ان كان خاص بنوعية الشاب اللي تعرفت عليه الغالبيه منهم يكونون اصلا منعزلين , مش منعزلين كلش ما يطلعون لا العكس :

خلني اوضح اكثر .. اعرف بنتين واحده مدري وش مشكلتها والثانية عندها ضمور في المخ مخلي الحركة عندها ماهي ثابته وكلامها متقطع : كل البنتين يحبون الاجتماعات والحياة والناس ويحرصون عليها بحكم منطقتنا صغيرة دايم كل ما اروح لمكان القاهم لكن مايحاولون يحتكون باحد الا لمن يبادر هو ممكن متحطمين او حاجة من هذا المهم اني مخاوية الثنتين , الاولى لك عليها الله يشفيها عاجل غير اجل امين يارب العالمين.. والثانية ماقدرت تكمل دراستها الجامعية لهالسبب والله اعلم لكنها على قولة اخونا عقلها اكبر من عقول بعض الناس تبيها سياسة تجي معاك تبيها مواضيع ثقافية تكمل مو اي اكمال محاورة راقية وفكر ارقى

وتقبل بالراي والراي الاخر

وتبحث عن اللي يزيد معرفتها بالحياة في اي مكان وبكل طريقة.

اعتقد كذا وصلت اللي في بالي لاني تعبت من الكتابة

<< زووووولـــــه

حقيقة انا استفدت منها كثير وزاد اصراري بان الانسان لازم يبذل جهده وزياده حتى يستغل الطاقة اللي بداخلة..

... تـــعـــبـــت ...

ḾŎĤǍṀẠḊ · #10 17/08/2009, 09:33 AM

حياك بالفعل الجو في النادي كئيب شوي اذا كنت رايح لحالك

بس انا الحمد لله احاول اشوف واحد اسولف معه بس ترى حنا نخاف من البدايه صدقني لو حاولت بتلاقي ناس تسولف معك

بس مشكله النادي الناس ما تستمر فيه يعني انا لو يسون معي مقابله عن الي مشتركين بالنادي انفع في شاهد على العصر هههههههههههه

كل فتره اكلم واحد واسولف انا وياه وغالبا مايكون فيه اتفاق بينا يعني يكون وقت جيتنا للناد مع بعض
ونفس المدرب يعني اكيد تحتاج انك تتكلم معه وتسولف

تشكرات

والله لي اسبوعين ما رحت النادي وودي اروح بس اخ .. الله يعين ان شاء الله قريب

• м é é s н o • · #11 17/08/2009, 10:39 AM

وش اسم النادي اللي مشترك فيه

محب الجنه الخرج · #12 17/08/2009, 01:45 PM

هلا اخوي مشعل

اشكرك على موضوعك اللي غير من رتم المواضيع قليلا

اخووي انا مثلك اشتركت الاسبوع الماضي بنادي ومع خويي وبكرة بكمل الاسبوع الثاني ولله الحمد

وفي واحد كان معنا باول الايام تعطيه بالستينات ماشاء الله عليه وانشط منا كلنا وطبعا في ناس كثير اكبر مني وفيه القليل اللي كبري

المشكلة ان اغلب التمارين تطول ويكون خويي بعيد عني ولما اجي ابي افتح موضوع مع اللي جنبي يالله يرد علي وان رد رد على جوابي وسكت

يلعن ابليسك ربع ساعة تتمرن وانت ساكت كيف تتحمل

بس المشكلة اني تعرفت على مصري باول يوم يوم وليتني ماتعرفت عليه غثيث ويبط الكبد

والصراحة انك تحاول تسولف مع احد تكون علاقات جديدة مع ناس اخريين ولكن يقابلك البعض بالتهرب وعدم مناقشتك ومن هالهرجة

والله يصبرني على هالنادي ياانه متعب

كبير يا ((هلال)) · #13 17/08/2009, 02:07 PM

ذكرتني ان شاء الله في رمضان على طول في النادي

abu nana · #14 17/08/2009, 11:28 PM

جدي يقول لي: ضع لك في كل مدينه قصـــــــــر,,
قلت: وشلون يا قراند فاثر؟؟؟انا مو مليونير..
قال: تبا لك يا فتى,,المقصود ان يكون لك صديق في كل مدينه(القصر=الصديق)
شكرا مشعل.

حكر المنحكر · #15 18/08/2009, 12:14 AM

سؤال اخرجي يا اخ مشعل

كيف نادي وقت اللياقه وش رايك فيه ؟

ودي اسجل فيه بس متعاجز