نادي الهلال السعودي - شبكة الزعيم - الموقع الرسمي

- منتدى المجلس العام (http://vb.alhilal.com/f1/)

- - ][ مشعل في النادي اللياقي ][ (http://vb.alhilal.com/t800971.html)

إقتباس:

وش اسم النادي اللي مشترك فيه

مركز واحة اللياقه الرياضي

إقتباس:

سؤال اخرجي يا اخ مشعل

كيف نادي وقت اللياقه وش رايك فيه ؟

ودي اسجل فيه بس متعاجز

بصراحه مدري عنه ولكن شكله كويس من برى ولكن تمارينهم ماعمري تدربت بهالنادي

إقتباس:

جدي يقول لي: ضع لك في كل مدينه قصـــــــــر,,
قلت: وشلون يا قراند فاثر؟؟؟انا مو مليونير..
قال: تبا لك يا فتى,,المقصود ان يكون لك صديق في كل مدينه(القصر=الصديق)
شكرا مشعل.

هههههه عجبتني قراند فاثر
بصراحه حكمه رائعه جداً
واسعدني مرورك

إقتباس:

ذكرتني ان شاء الله في رمضان على طول في النادي

ان شاء الله والله يوفقك ولاتنسى العبادة في رمضان

إقتباس:

هلا اخوي مشعل

اشكرك على موضوعك اللي غير من رتم المواضيع قليلا

اخووي انا مثلك اشتركت الاسبوع الماضي بنادي ومع خويي وبكرة بكمل الاسبوع الثاني ولله الحمد

وفي واحد كان معنا باول الايام تعطيه بالستينات ماشاء الله عليه وانشط منا كلنا وطبعا في ناس كثير اكبر مني وفيه القليل اللي كبري

المشكلة ان اغلب التمارين تطول ويكون خويي بعيد عني ولما اجي ابي افتح موضوع مع اللي جنبي يالله يرد علي وان رد رد على جوابي وسكت

يلعن ابليسك ربع ساعة تتمرن وانت ساكت كيف تتحمل

بس المشكلة اني تعرفت على مصري باول يوم يوم وليتني ماتعرفت عليه غثيث ويبط الكبد

والصراحة انك تحاول تسولف مع احد تكون علاقات جديدة مع ناس اخريين ولكن يقابلك البعض بالتهرب وعدم مناقشتك ومن هالهرجة

والله يصبرني على هالنادي ياانه متعب

والله ياخوي لو هو عالكبار عندك مثلا ممثل شحصيه رامبو
شايب معرعر مدري كم عمره فرعون ماشاء الله وناظر جسمه
حتى الحين جسمه ممتاز جداً
والله يوفقك بالنادي

إقتباس:

حياك بالفعل الجو في النادي كئيب شوي اذا كنت رايح لحالك

بس انا الحمد لله احاول اشوف واحد اسولف معه بس ترى حنا نخاف من البدايه صدقني لو حاولت بتلاقي ناس تسولف معك

بس مشكله النادي الناس ما تستمر فيه يعني انا لو يسون معي مقابله عن الي مشتركين بالنادي انفع في شاهد على العصر هههههههههههه

كل فتره اكلم واحد واسولف انا وياه وغالبا مايكون فيه اتفاق بينا يعني يكون وقت جيتنا للناد مع بعض
ونفس المدرب يعني اكيد تحتاج انك تتكلم معه وتسولف

تشكرات :rose::smilie47: والله لي اسبوعين ما رحت النادي وودي اروح بس اخ .. الله يعين ان شاء الله قريب:cry:

والله من جد الجو كئيب

وشو هالنادي.. اللي أنت مسجل به..!؟

لإن والله في نادي عند بيتنا و ناوي اسجل به ان شاء الله..

و أخاف يطلع مثلك ناديك الجميل

اذا جينا على الجد لازم االاخذ والعطا مع الناس
لكن هنا شعب الله بالخيرنفسي نفسي

لاعدمنااااااااااكم ياحبايبي

إقتباس:

مركز واحة اللياقه الرياضي
في شارع الامام الشافعي
وتراه قريب من الروابي

إقتباس:

اذا جينا على الجد لازم االاخذ والعطا مع الناس
لكن هنا شعب الله بالخيرنفسي نفسي

لاعدمنااااااااااكم ياحبايبي

والله من جد بس ماعندك احد

السلام عليكم ورحمة الله وبركاته

هلابك مشعل .. :smilie47:

شف يالغالي .. هالانديه حلاتها تسجل مع شله ..

لكن لو سجلت بلحالك مثلي .. عاد انت وشخصيتك واختلاطك مع الناس ..

لو انك اجتماعي بتكون صداقات بسرعه .. ولو انك تمشي جنبي الحيط .. رح تمشي مع بلحالك . :laugh:

بالنسبه للي يسأل عن نادي وقت اللياقه .. أنصحكم تسجلون فيه .. نادي خرافي ويستاهل وانا به حاليا .

وأزين من نادي ( واحة اللياقة ) اللي مسجل بها مشعل .. ترا ناديك مخيس يامشعل مع احترامي :s2:..

عوافي:smilie47:

إقتباس:

يعني انت من جيران النادي ههه

بالعكس والله النادي ماشوف منه اي شي

لايكون هذاك اللي بنفس شارع الموجود فيه مستشفى اليمامه
على إيدك اليمين
طبعا لازم تلف من عند ماك<أختصارماكدونالدز
ثم تلقى ع ايدك اليسار مشغل شيفون<قلب
ثم بنهاية الشارع أو قبل نهايته ع ايدك اليمين قصر أفراح_
هذا النادي مسجل فيه أخوي
وترا أخوي مايمشي ع السير
يمشي ع شي حق سباقات
‏<أذكر واحد سأل اسأل والمجلس يجيب
في يبي حل بسمنته
وأنا أعطيته تجارب أبوي وأختي و*أخوي*
أقول ل هذاك الشخص<ناسية اسمه
يروح يشوف أخوي بالنادي كيف نحف
هو توه متين بس نحف عن أول بكثير
وإنت يامشعل حمسه_
معليش أنا خرجت عن محاورك آسفه
بس هو هذاك النادي صح ولا
اختك*شلهوبيه

صح تذكرت
من ميز هالنادي اللي مسجل أخوي فيه
إن له فروع
مثلا لما أخوي سافر مكه
ماقطع التمرين*كان يروح جده يتمرن_
عندهم فرع هناك
‏<أعتقدأن ناديك نفس نادي أخوي
ياالله فعلا الدنيا صغيره<تستهبل ههه

^^

تقصدين نادي " وقت اللياقه "

هذا أنا فيه ( اللي بشارع الامام الشافعي ) .. وهو فعلا له فروع بالمملكه . وبإمكانك تدخل اي فرع تبيه .. :smilie47:

وفوق هذا .. لو سافرت خارج المملكه تقدر تكلم موظف الاستقبال ويسوي لك اجراءات علشان تقدر تدخل نادي معين بالبلد اللي بتروحه ..

وهم اشتراك بـ 3000 نادي حول العالم ..

اما بالنسبه للي يركض عليه اخوك .. هذا اسمه " مضمار جري "

يعني جري طبيعي .. مب جري على جهاز السير .

بعدين كني عرفت اخوك << :s2:

هو كان دب ودايم يلبس تي شيرت ابيض :to:.. والحين نحف عن اول بشكل واضح .. :razz:

فمان الله

شف يابراهيم..

أبسجّل بوقت اللياقة.. إن شاء الله
اللي عند بيتنا بالروابي

و إذا طلع مهوب زين... أبوريّك شغلك

عزوز ..:s2::smilie47:

لا تسجل باللي عند بيتكم .. هو كويس وفيه ملعب قدم وطائره وسلة وكل شي حلو ( يكفيك ان نص اعضاء الشبكه به :to:) . لكن زحمممه .

تبي شي رواقه .. تعال ع اللي بالامام الشافعي .. كبير ومافيه زحمه ( لكنه مافيه ملعب قدم وطائره )

وطبعا يمديك تدخل اي فرع وقت ماتحب ..

تعال بس وماعليك ..