لجميع الطلاب الذين يبحثون عن قبول جامعه.. هذه سبعة خطوات جدا مهمة اتباعها - نادي الهلال السعودي - شبكة الزعيم

رعـش قلــبي · #1 17/08/2009, 02:30 AM

السلام عليكم ورحمة الله وبركاته جميعا..

نظرا للكم الهائل من الاستفسارات التي نقرأها .. وتأتينا استفسارات كثيرة جدا بخصوص البحث عن قبول جامعه في أمريكا.. فانني اضع بين ايديكم الخطوات التي اعتبرها مثاليه في البحث عن قبول جامعه والتي طبقتها اثناء بحثي عن قبول جامعه والحمدلله انها نفعتني بشكل كبير جدا :

الخطوة الأولى: عمل لستة بالجامعات الموصى بها من موقع التعليم العالي في التخصص الذي تريد ..

الخطوة الثانية: نظرا لان اللجنة التي قامت بتوصية الجامعات في التعليم العالي قد اوصت عليها من عدة سنوات مضت.. فان الملحقية الثقافية السعودية قامت بتحديث واضافة الكثير من الجامعات الى قائمة الموصى بها ولكن للأسف لم تضعه في موقع التعليم العالي وتحتفظ بتلك القائمة.. فيجب على الباحث مراسلة الملحقية الثقافيه للحصول على اللستة الجديدة وأخص بذلك مراسلة طارق الشيخ وهذه معلومات الاتصال به

Tarig alshaikh
202-298-8858
teltayeb @ sacm.org

الخطوة الثالثة: مراسلة WES على هذا الموقع

http://www.wes.org/ .. فالجامعات الامريكية لاتقبل ان يكون المعدل من 5 كما هو مطبق في السعودية.. وتتطلب ان يكون المعدل من 4.. وهذه الشركة تمتاز بميزتين رائعتين.. الاولى انها معترف بها من جامعات كثيره في امريكا .. ثانيا.. أكثر اصدقائي وانا بينهم وجدنا ان المعدل قد زاد بشكل ملحوظ ووجدنا ان مثلا المادة التي اخذت فيها + C اصبحت -B وهكذا..

الخطوة الرابعة: عمل لستة بايميلات الانترناشيونال ادمشن للجامعات الموصى بها International admission.. وكذلك لستة بايميلات منسق البرنامج الكوردنيتر في التخصص الذي تريد ان تدرس فيه..

الخطوة الخامسة: كتابة ايميل وارساله الى الانترناشيونال ادمشن لجميع الجامعات اعلاه وتضع لهم ثلاث استفسارات .. الاول: هل من الممكن ان يعطون قبول مشروط باللغه؟ هل اختبار الجيمات او الجي اري او السات او غيرها متطلب؟ واذا هو متطلب فهل من الممكن ان يعطى بناء عليه قبول مشروط؟ هل شهادة ال WES معترف فيها ؟

وايضا انصح بارسال ايميل الى منسق البرنامج للتخصص الذي تريد ان تدرس فيه وتكتب مقدمة حلوه توضح فيه خبراتك ومعدلك اذا هو عالي والاشياء الي تشعر انك مبدع فيها.. مثلا تقولهم ان معدلك فوق 3 او انك من الطلاب الاوائل على الدفعه وعندك خبرة سنتين في المجال وتدريبات ووووووو وفي الاخير تكتب سؤال هل من الممكن انكم تلغون عني اختبار الجي ار اي او الجيمات ؟ صدقوني اغلب الجامعات يطلبونها بس اذا شافو عندك اشياء تفتح النفس يلغونها عنك او اضعف الايمان يقولون لك جبها خلال او سنة دراسة لك معنا ... الخ

الخطوة السادسة: حصر اسهل ثلاث جامعات مثلا تشعر ان لديهم تقبل كبير وترحيب بك وتسهيل الاجراءات من خلال الرد على استفساراتك السابقه مثلا اذا جتك جامعة تقولك نقبل WES ونعطي قبول مشروط باللغه ولا نطلب جيمات او جي ار اي هذه بالعربي تقولك انت ارسل اوراقك والقبول بكرة يجيك يعني مرة سهله الاجراءات.. فعموما انت حاول تحصر كم جامعه الله يسلمك .. وبعدها ترسلهم الاتي:

- الضمان المالي

- WES اذا هم طالبينه

- الترانسكربت حقك اذا هم يطلبون ذلك

- توصيات الدكاترة اذا انت طالب ماجستير او دكتوراه

- الابليكيشن حقهم وتدفع قيمته قبل ماترسلهم اي شيء علشان اي شيء يوصلهم يكون عندك ملف مفتوح ويجمعون فيه مستنداتك

- شهادة الخبرة

- درجة التوفل اذا عندك شيء يفتح النفس او اي شهادة بخصوص اللغه

- شهادة الجيمات او الجي ار اي اذا انت ماخذهم

- السيرة الذاتية اذا هي مطلوبه

-الغرض من الدراسة اذا هم طالبينها منك

- امممممم ومن هذا القبيل .. وانت اسالهم وش متطلباتهم ..

الخطوة السابعه: اذا جاك اول قبول وضمنت ان عندك قبول .. بعدها تدلع الله يسلمك .. ونق لك الولاية الي تعجبك مثلا انصح ب : كاليفورنيا - اوريغن - واشنطن - كلورداو - مدينة اتلانتا في جورجيا - فلوريدا - نورث كارولينا - واذا دراهمك واجده فرح لواشنطن دي سي او هاواي .. وبصراحة عني انا.. فافضل مكان جيته في امريكا بصراحة هاواي وغيره لاتدووووور (( موية المحيط قزاز ودافية مو مثل الولايات الشرقية بنية خايسة والا الولايات الغربية بنية خايسة وباردة بعد ماينسبح فيها طول السنة - جو رائع طول السنة - طبيعة خلاااابة والي شاف المسلسل التلفزيوني الشهير لوست رايح يعرف كيف طبيعتها )) مشكلتها الوحيدة السكن غالي والي يضبط معه السكن يروح ولايشاااااور .. وعموما هذه المناطق الي انصح فيها بس اهم شيء ابعدو عن شيء اسمه شمال وبرد وقرف .. اعوذبالله 8 شهور فصل الشتاء عندهم تقرف من حياتك.. بس اول خطوة ياجماعه جبو لكم قبول حتى لو انه في غوانتمامو وبعدها تشرطو.. يما عالم قامت تتشرط واخرتها السعودية.. اول شيء تسوونه جيبو قبول وبعدين تشرطو المكان وشفو لكم قبول في اي جامعه اخرى .. وهذه والله نصيحتي للكل.. والخطوات الي فوق على ماقالو شيء بس يجيب لك اول قبول وبعدها تاخذ راحتك في البحث عن قبول للجامعه التي تريد او الولاية الي تريدها..

طبعا ارفقت لكم ملف اكسل في الملف المرفق يسهل عليكم تبعئته لاحقا .. وطريقة املاء الحقول الخاصة بالجامعات.. وهالطريقه يالله لك الحمد نفعتني كثيرا في التسهيل في عملية البحث والحصول على قبول من جامعات كثيرة.. واخرتها الحمدلله اخترت الشيء الذي تمنيته..

وهذا شرح للحقول:

الاول : اسم الجامعة

الثاني: الولاية

الثالث: اسم المدينة

الرابع: ايميل الانترناشيونال ادمشن وعلى فكرة بعض الجامعات يكون مدموج الانرناشيونال ادمشن مع الادمشن وتحصل فقط ايميل الادمشن

الخامس: ايميل منسق البرنامج الي تدرس فيه وتحتاجه اذا تبيهم يلغون عنك الجيمات او الجي اري او السات او.. لان الانترناشيونال ادمشن يطبق قوانين فقط ومايتساهل في هالامور والي مو بيده وبيد القسم..

السادس: الابليكشن ديد لاين .. لايكون تبي تقدم في الخريف القادم وتلقى التسجيل منتهي والا بينتهي وانت ماخلصت اوراقك

السابع: درجة التوفل المطلوبه و تكتب معها مشروط اذا هم ممكن يعطونك قبول مشروط .. ونفس الطريقه الثامن والتاسع والي هو الجيمات والمتشيقن بديل التوفل في بعض الجامعات ..

العاشر: مبلغ الابليكيشن

الحادي عشر: WES وتكتب نعم اذا هم طالبينه او موافقين عليه والا تكتب لا اذا هم رافضينه

الثاني عشر: من خلال ردودهم السابقة عليك كيف تقيم قبولهم .. وتكتب صعب جدا - الى سهل جدا (( انت وتقييمك))

الثالث عشر: الكونفورميشن.. تكتب انتظار اذا مابعد ردو عليك او كونفورم اذا ردو على كل استفساراتك

الرابع عشر: اسم القسم .. مثلا تلقى تخصصك موجود في قسم الهندسة مثلا وفي جامعة ثانية في تخصص البزنس ..

الخامس عشر: اسم التخصص

السادس عشر: ملاحظات اذا عندك ملاحظات.. مثلا مطلوب جيمات خلال دراسة اول ترم في الجامعة ..

السابع عشر: موقع الجامعة على الانترنت ويفضل ان تضع رابط موقع التخصص حقك بدل من انك تدخل موقع الجامعة وتسوي بحث ..

وفي الاخير ارجو ان لن تبخلو علي بدعواتكم القلبية ..

تحياتي للجميع.. وتمنياتي لكم بالتوفيق ،،

اول شيء بمايتعلق ب WES

WES باختصار شغلته يعادلك شهادتك من معدل 4 بدل ماهو من 5 .. ومعادلة الشهادة من 4 هذا شيء اجباري في الجامعات الامريكية.. وبعض الجامعات مو فاضية تعادلك شهادتك فيجبرونك على ال WES .. والجامعات القوية مرة في الغالب انها ماتعترف ب WES وهم بنفسهم يعادلون لك الشهادة.. وانا في موضوعي حرصت على الطلاب الي بس يبون يضمنون قبول ويدور جامعة سهلة تعطيه قبول.. والا الجامعات القوية انا انصح ان يكون التقديم عليها بعد الحصول على قبول من جامعة سهله.. اهم شيء الواحد يكون شيء بيده.. وبعدين يتشرط الي يبي.. ووقت اجراءات ال WES انت وفلوسك .. اذا انت مستعجله عليه وتريده في بضع ايام بتدفع اكثر .. بس انا ماكنت مستعجل عليه ودفعت عليها اذا ماخانتني الذاكر 160 دولار وفي هالحدود .. وعلى فكرة الملحقية تعوضك قيمتها .. وأخذت مني قرابة الثلاثة اسابيع.. والي هم يطلبونه منك انك ترسلهم سجلك الاكاديمي الأصلي ويكون مغلف في ظرف الجامعة ومختوم عليه وتحط ظرف اخر للايصال الي دفعته لل WES وترسلهم كلهم الظرفين في ظرف واحد .. انت اذا دخلت موقعهم رايح يعلمونك وش تسوين..

وهذا كل الي أعرفه عن ال WES ..

الموضوع منقول