[ وش رايكم يصير طقم الهلال بألوان أخرى][ والآرتي نخليها ببلاش ] أقلقتونا - نادي الهلال السعودي - شبكة الزعيم

سـكـشـن · #1 16/08/2009, 04:27 AM

السلاااااااااام عليكم

كيف الحال حقتكم

انا الحال حقتي الحمدلله تمام

اخواني ماتحسون انكم ازعجتونا بمواضيعكم الخايسه << يمون

لا والله بجد يعني الواحد يدخل المنتدى ويمل من تكرار المواضيع اللي مالها اي فائده سواء للمتلقي او الكاتب نفسه

انا معكم انه لازم نناقش امور الهلال اول بأول

بس هناك كم هائل من المواضيع اللي تعيد نفس الموضوع

يااخوان اللاعبين بحاجتنا يعني لازم نوقف معهم ونترك الكماليات ونهتم شوي بالأساسيات

وبدل مانلقى 50 فكرة وموضوع بالمنتدى
نلقى المنتدى كله يتكون من موضوعين

المفروض يكون هناك قانون او ضوابط تؤيد عدم تكرار الفكرة - عشان نقدر نناقش اكبرعدد من الافكار

المشكلة الأول [ مشكلتنا مع الآرتي ]

المواضيع اللي نقراها منكم تتكرر بشكل ممل وسخيف واسمحوا لي على هالكلام
لكن بجد مصختوها << برآأآأآأآ

يعني ابي افهم الحين - نص المنتدى يشتكي مانبي الارتي والنص الثاني مع الخيل ياشقرا وهو مايدري وش السالفه

الحين انتم مشكلتكم ماتبون تفهمون او تحاولون انكم تستهبلون

الامير عبدالله بن مساعد قال قبل شهرين
اذا نبي نجدد مع الآرتي راح تكون بشروط الهلال و اشتراك للقناة لحالها

طيب كلام حلو

ومن بكرا نلقى موضوع تكفى مانبي الآرتي
الفراج مستقصد الهلال ومدري ايش

صاحين انتم ؟؟

الفراج هذا راس ماله مذيع خايس وانتم عطيتوه اكبر من حجمه بكثييييييييير

ادارة الهلال ياناس ابخص

هم يعرفون وش يسوون - احنا مالنا الا نفرح بالبطولات مع بعض

فياليت تفكوننا من مواضيع الآرتي

لأن كل الشعب عنده دريم بوكس

يعني وش مزعلك ؟؟؟

--------------------------

المشكلة الثانية والجديدة [ الأطقم ]

اللي يقول ماهو زين - واللي يقول خايس واللي يقول ممتاز
وانا اقول اذا لقيتوا طقم افضل منه بالدوري السعودي قولولي

اللهم الطقم الثالث لنادي الشباب هذا روعه

شفتوا حق النصر الخايس ههههههههههههه

احمدوا ربكم وبعدين لازم من التغيير الى متى وحنا على نفس الشكل والشاكله << بن فطيس

والله كثرتوا المواضيع اللي كذا وكل موضوع نفس الموضوع الثاني ههههههه

الموضوع انتهى والطقم الثالث راح يكون مفاجأه على كلام الادارة

وبعدين الطقم ماله علاقه بالمستوى

وبكرا لا جاك ابوقحط ولابس الطقم بيكون احلا طقم بعيونكم

--------------------

الدوري مابقى عليه شي ويبدا

يعني اللاعبين محتاجين لنا اكثر من حاجتنا لهم

نبي ندعمهم ونوقف معهم

----

ورجاء لاحد يجيني ويقعد يسب

اخوكم سكشن اللي هو محمد اللي هو انا

تشو تشو

ماجد عاشق الهلال · #2 16/08/2009, 04:33 AM

أقول الاخلاء
وأقول أعلى مافراسكـ نزله
وأقول خلي العلم لأهله والراي لأصحابه والمواضيع الي زي موضوعكـ لكـ
وشكرا على موضوعكـ المتخلف والمختلف

سـكـشـن · #3 16/08/2009, 04:34 AM

إقتباس

الرسالة الأصلية كتبت بواسطة ماجد عاشق الهلال


	أقول الاخلاء وأقول أعلى مافراسكـ نزله وأقول خلي العلم لأهله والراي لأصحابه والمواضيع الي زي موضوعكـ لكـ وشكرا على موضوعكـ المتخلف والمختلف

وش الاخلاء

انت ماتعرف تكتب
يعني ماتعرف تقرا
يعني ماتدري وش السالفه

بالنهاية - وش جابك هنا ؟؟

هلاليه وذوقي هلالي · #4 16/08/2009, 04:34 AM

سوف يبدى الدوري بعد ايام قليله ..خلونا ياجماهير يكون مصب انظارنا وتركيزنا على الدوري ومباراتنا الاولى امام القادسيه والثلاث نقاط ....
الاي ار تي >>>>>>شر لابد منه ..اقتنعوو شئنا ام ابينا ...
والله يوفق الهلال

ماجد عاشق الهلال · #5 16/08/2009, 04:38 AM

إقتباس

الرسالة الأصلية كتبت بواسطة سـكـشـن


	وش الاخلاء انت ماتعرف تكتب يعني ماتعرف تقرا يعني ماتدري وش السالفه بالنهاية - وش جابك هنا ؟؟

الخلاء روح في صحراء خاليه أحسن لك
وبعدين لازم نناقش زي الارتي والاطقم
هذا شي يخص الهلال

محمد اللهبي · #6 16/08/2009, 04:40 AM

والله يالغالي ارضاء الناس غايه لن تدرك ... تقبل ودي قبل مروري.!

سـكـشـن · #7 16/08/2009, 04:41 AM

إقتباس

الرسالة الأصلية كتبت بواسطة ماجد عاشق الهلال


	الخلاء روح في صحراء خاليه أحسن لك وبعدين لازم نناقش زي الارتي والاطقم هذا شي يخص الهلال

قل الخلا بس لاتقول الاخلاء لأنه غلط - تعلم الكتابه من الحين

المهم

انا مو ضد اننا نناقش امور الهلال

بس مو بالكم الهائل من المواضيع المكرره والسخيفه بنفس الوقت

موضوع واحد يكفي عن كل شي

فهمت قصدي ...؟؟.

ولا اشرح لك على بروجيكتر

20 الكاسر ياسر 20 · #8 16/08/2009, 04:41 AM

شكرا لك سكشن

فعلا تكرار المواضيع اصبح شي سلبي بيننا ،

مختلفـ جداً · #9 16/08/2009, 04:43 AM

والله امنيتي انه يكون الطقم الثالث
وردي يعلن ابو فن الهلال لو يكون وردي
بيصير عندنا الدوري الاسباني

سـكـشـن · #10 16/08/2009, 04:45 AM

إقتباس

الرسالة الأصلية كتبت بواسطة محمد اللهبي


	والله يالغالي ارضاء الناس غايه لن تدرك ... تقبل ودي قبل مروري.!

اكيد غاية لاتدرك

بس لو ادارة المنتدى تضع قوانين عدم التكرار

خلاص انحلت المشكلة

ولقينا اشياء ثانية نناقشها

لاهنت ع المرور

@ذايب بفن التايب@ · #11 16/08/2009, 04:47 AM

كلام كلام

لايهمونك والله كلام

والله (جزء) من اعضاء شبكة الزعيم مسجلين الظاهر للمهايط والتحطيم

مشكووور على الموضوع ننتظر جديدك

Hilalih 4ever · #12 16/08/2009, 04:52 AM

أما لويصير وردي فله

أما من ناحية تكرار المواضيع لاتلومهم والله بلى من الصدمه من الزي الجميل

sale7 · #13 16/08/2009, 04:52 AM

مع احترامي لك من اسم موضوعك يدل على انك تافه ....

وبعدين مافي احد جبرك تفتح كل المواضيع ...

الموضوع للي يجوز لك افتحه واقراه ... واللي ماهو جايز لك

مالك فيه ...

وبعدين حنا كجمهور يحق لنانبدي وجهة نظرنا للاداره

ويحق لنا اذا شفنا شي مايرضينا نعترض للاداره

والاجدارة ماتقصر تأخذ براي الجمهور وهذا الاهم

اما سالفه اني ابي اجي ادودل راسي تقل كمخه مادري وش السالفه

وانا من داخل محترق لا ....

اقل شي افضفض واكتب اللي بخاطري هنا لعلا وعسى يعجب الاداره ..

لو على كلامك نقفل المنتدى ونخليه بس للاخبار ومافي داعي احد يكتب ..

دام بعض المواضيع مافيها سب ولا شتم الحمدلله ...