14/08/2009, 11:10 AM
|
 | زعيــم مميــز | | تاريخ التسجيل: 22/12/2007
مشاركات: 1,607
| |
|
اللاعب:عبدالعزيز عبدالله جبر وماذا حل به....؟
السلام عليكم ورحمة الله وبركاته ندخل بالموضوع زبدة الحسي كلمت منصور الاحمد والسلام عليكم السلام من معي قلتله (maxyy) لاتصدقون انتم قلتله فلان قال امرني قلتله مايمر عليك عدو بس انا عندي لاعب عمره 19سنه يلعب راس حربه طويل وجسمه ممتاز(طوله تقدر تقول مثل العنبر ) لاعب فلته من سكان مدينه عرعر اللي ابيه منك ياطويل العمر تحدد موعد لهاللاعب وابي احجزله طيران على حسابي الخاص وبيجي تشوفنه وتوقفون على مستواه اذا اللاعب مقنع فالحمدلله هذي امنيتي وامنيته واذا ماقنعكم فانتم ماقصرتم عطيتوه فرصه بس انا متأكد ان اللاعب راح يقنعكم لاعب مهاري رجل قويه هداف بالرأس وابشرك يامنصور ابوه هلالي متعصب ومو طالب فلوس يبيه بس يلعب بالهلال والولد هلالي بعد .وش قلت؟ قال اعذرني والله ماقدر افيدك بشي وصدقني الهلال ماتجوزله اللاعيبه الا لمى يشوفهم بالنوادي الثانيه ويشتريهم قلت طيب ليش كل هاللفه انا متأكد انه راح يقنعكم وبعدين اقولك لا هو ولا ابوه طالبين فلوس ومو مسجل بأي نادي يعني المسأله سهله وحنا وقت صيف يعني المسابقات كلها منتهيه وحسب علمي ان كل الانديه في هذه الفتره تستقبل المستجدين وتاخذ اللي يقنعها من اللاعيبه وش قلت؟ صدقني ماقدر. يابن الحلال عطنا موعد لو بعد شهر قال : ماقدر والله يوفقه ان شاء الله شوف النوادي الثانيه. قلت هذا كلامك قال ماعندي غيره. * * * المشكله كنت جاي مستانس للنادي لاني ابي اخدم ناديي غير واجبي اللي هو التشجيع والوقوف مع الهلال وين مايروح جايب لاعب للزعيم لاعب صغير بالسن وطوله ممتاز ويفت كوووووووره ومش مسجل بنادي عشان نقول انه الهلال ينشبون له ويطلبون مبالغ عاليه .(وصدقوني ان اللاعب ممتاز ولا ماكبرت براسي ورحت للنادي عشان اتفشل ويقولولي عساك ماتكلفت مثل المره الاولى مدرب الناشئين .. زفني خوش زفه بكلمته .كل هذا عشان الهلال ريح بيتكم احسن لك) وانا مسؤل عن كلامي وايميلي تحت. طيب ليش احنا لمى نبغى نشارك بخدمة الهلال بالمجان يقابلونا بالطنش يعني لازم نجيب سمسار عشان يعرفون ان اللاعب كويس ويحددون له موعد....عجيب والله ويصير بها اللي يصيرمن عقود ومبالغ .وابوه الله يجزاه بالخير قال مابي لاعقد ولا راتب ولاشي ابيه يلعب بالهلال بس هذا طلب ابوه! واللاعب عبدالعزيز عبدالله طلب من نادي الوحدة وابو رفض مايبيه يروح للغربيه اقولكم كيف اطلبوه . قرايب علاء الكويكبي من عرعر مسوين دورة باسم علاء وفي المباره النهائيه علاء جاء لعرعر عشان يحضر ويسلم الجوائز اعجبه اللاعب وكلمه قال هذا رقمي خل ابوك يكلمني واتصل ابوه وقالوله نقصلك تذاكر ونخلي المدرب يشوف اللاعب اذا اقنعه سجلناه ونعطيه مميزات مالها داعي اذكرها.. والله على مااقول شهيد! *انا اذكر لمى صار المؤتمر حق اعتزال سامي الجابر وسألو سامي هل هناك كتاب يحكي مسيرت وانجازات سامي الجابر خلال الفتره اللي قضاها بالملاعب؟ رد ابو عبدالله: وذكر ان المسوي الكتاب الاخ حافظ ملهي الرويلي وعبدالله عبيد من عرعر مسوين كتاب وجاري طبعه الآن؟ طيب اكيد ان هناك اتصالات بين سامي وحافظ.وياريت ابو عبدالله يسأل حافظ عن هاللاعب وراح يعرفه على مستوى اللاعب وابو عبدالله مايقصر على الهلال لو يعطي دمه ماعنده مشكله...لبى قلبه اتمنى من القائمين على الكشافه بالنادي اذا كان فيه يحرصون على استقبال اي لاعب يبغى يعرض نفسه ويعطونه فرصه اذا كان يستحق اللعب للزعيم او لا؟ *اللاعب حسب علمي سجل بنادي عرعر يعني راح نشوفه لمى يلعب الهلال بعرعر والمباراه منقوله على العارتي وانتم احكموا ايها الزعماء. اسف على الاطاله.......ودمتم محبكم maxyy  ردودكم تهمني فلا تبخلوا بها للتواصل [email protected]
اخر تعديل كان بواسطة » هلالي توب في يوم » 14/08/2009 عند الساعة » 01:54 PM |
الوليد
الوضع العادي
