السلام عليكم ورحمة الله وبركاته ...

اسعد الله مسائكم بكل خير ..

الجميع شاهد مبارة المنتخب وشاهد الاداء العشوائي كننا في مبارة حواري ..

ولكن مو هذا موضوعي ... موضوعي يتمحور حول الكاسر ياسر ..

ياسر ليس ياسر .. نعم ليس ياسر ..

ياسر في المباريات الاستعدادية لم يظهر بالمستوى المطلوب ... نقول مباريات استعدادية واسترجاع لياقة ... ما قلنا شئ ..

بس بعد مباراة اليوم يؤسفني انني ارى ياسر بهذا المستوى ... اين مهاجم اسيا الاول .. ايـــــن ؟!

ياسر ..

مافي تمركز صحيح ..
مافي فتح مساحات ..
مافي حماس ..
استهتار ..
كثير مناقشة الحكم ..

ما ادري يا ياسر هل هذا من الضغوط الهلالية والا من ما تعرضت له الموسم المنصرم والا ما ودك تلعب ؟!

والله اتمنى عودة ياسر وحماسه في المبارة مو اذا ضيع فرصة قام يتبسم ..!!

الحين بيجي واحد يقول انت مندس ..

والله الذي لا اله الا هو اني من عشاق الزعيم وعشاق ياسر ..

والصديق من صدقك وليس من صدُقك

والسلام عليكم ورحمة الله وبركاته ..

يا رجال جايه على ياسر

المنتخب كله فاشل كان

الله يعين القناص


يعني منتخب كامل مافيه وسط وش تبونه يسوي

طيب هزازي وش سوا والجاسم والقحطاني

ماابدع الا عطيف وهوساوي


,,,



ياحبنا للنقد



تحياتي لك

الله يعين القناص


يعني منتخب كامل مافيه وسط وش تبونه يسوي

طيب هزازي وش سوا والجاسم والقحطاني

ماابدع الا عطيف وهوساوي


انا ماادري وش سوى البقيه اصلا عشان ننتقد ياسر وين صانع اللعب ؟

صار ياسر شماعه

ادري ان المنتخب كله فاشل ... اليوم

ولكن ياسر من مباريات النمسا وهو كذا .. ما تغير شئ ..

زين ياسر ما يعرف يتمركز صح ؟!

تقولون نايف شف نايف حماس لاخر درجة اما ياسر صراحة مو ياسر ...

اقول ماله داعي الموضووووووووووووع حتى وان كنت هلالي ترا والله عيب نتكلم على ياسر ماله داعي
وتقدر تزيد رصيد مشاركاتك بدون ما تنتقد ياسر

إقتباس الرسالة الأصلية كتبت بواسطة لوس انجلوس ادري ان المنتخب كله فاشل ... اليوم ولكن ياسر من مباريات النمسا وهو كذا .. ما تغير شئ .. زين ياسر ما يعرف يتمركز صح ؟! تقولون نايف شف نايف حماس لاخر درجة اما ياسر صراحة مو ياسر ...

انت شكلك داايخ ؟؟

اللحين ياسر صار ما يلعب زين وهزازي كويس ليش لانه حماااسي ههههههههه يعني المهم يتحمس وخلاص لا يلعب زين

يا حبيبي كانك شفت المباراه ياسر صنع هجمه لهزازي ما تضيع وانفرد هزازي وضاعت .. والله لو ضيعها ياسر كان قامت الامه العربيه عليه ..

عموما ننتظر عوده الاخضر بمستواه المعهود ..!

إقتباس الرسالة الأصلية كتبت بواسطة حمـ(الهلالي)ــد الله يعين القناص يعني منتخب كامل مافيه وسط وش تبونه يسوي طيب هزازي وش سوا والجاسم والقحطاني ماابدع الا عطيف وهوساوي ,,, ياحبنا للنقد تحياتي لك

اعذرني اخوي , معليش اترك العواطف على جنب ,.

الرجال صادق ياسر اليوم موب ياسر اللي نعرفه .. و له مده و مستواه نازل ..

ولو نرجع نشاهد المبارايات التي لعبها ياسر في الآونه الاخير بتلاحظون هالشي المغآير في مستوى ياسر الذي عهدناه من قبل .

ونحن هنا ننتقد يآسر نقد بناء لما فيه مصلحه اللآعب والنادي << هنا الفرق يآعزيزي

ونحن نطمع من يآسر بالكمآل ( والكمال لله ) حتى لاتكون عليه ايت شآئبه (( مانبي الكلام يجينا من الغير ))

طيب ليه ماقلت الزوري ؟؟؟؟

معقوله مالقيت الا ياسر

عجبي !!

حط وراهـ صانع لعب صح واسأل عنه بعدين

اعتقد ياسر يحتاج الى صانع لعب

يا اخوان .. ياسر حتى بالهلال كذا

ووراه ويلي والشلهوب يعني الخطأ من ياسر

الحين المنتخب كله ضايع

ياسر يرجع للوسط يصنع كور

وبلخير ياسر ضايع وياسر وينه

ياخي مافي صانع لعب اليوم كل المنتخب فاشل اليوم

جت على ياسر بس مافي صانع لعب

خلها على الله بس

هذا ياسر و هذي آمكانياتهــ

عاد وش نسوي لو انه كرستيانو كنا ممكن نطلب منه الكثير عاد حنا المفروض نكون مع ياسر مو ضده

و بعدين يا طارح الموضوع لا تحكم على اللاعب من مبارااه وحده

اللومه مو على ياسر بالتحديد يالغالي ليه ماننظر للتشكيله انت شايف كيف وثانيا فراغ عبده عطيف واضح ولاننسى اعتماد الهجوم على الوسط وش بنسوي لكن الله يوفق المنتخب في المباريات المقبله