مساكم \ صبحكم الله بكل خير والله يلحقنا رمضان .. ويجعلنا من صوامه وقوامه .. وان يكتبنا ووالدينا ممن اعتقت رقابهم من النار في هذا الشهر ..
يالله حي كل(ن) بـ يوزرهـ الله مير يحييكم .. متى يفتحون قسم في مستشفى الامل لـ رعاية مدمني المجلس العام << يخونه التعبير كل ابو دايم ..
والله يا اني حرثت الفراش حرث ابي انام .. ما قدرت .. من الساعه 4 وانا اتقلب على الفراش ما قدرت انام .. وكل شوي داخل علي واحد ومطير النوم من عيوني .. اخرتها دخلت الوالده وانا في منطقة الثمان طعش في فراشي .. طلبت منها التغيير قالت انثبر ولا يكثر << كوزمين على غفله
من زوود الطفش والفهاوهـ قعدت افكر افكر افكر .. وفجآة قررت انزل موضوع .. وعاد تراي مفطر فول وكبده ومعصوب بالقشطه ( للأمانه بدون موز ) وشارب بيبسي وشاي .. آآيه نسيت اقول لكم اني عطلت يوم الاثنين .. وان شاء الله ( قولوا يالله ) اني ناجح واتخرج واصير مسّلك قد الدنيا المهم .. موضوعي اليوم عن سياحة بلادي
الا تتذكرون برنامج الصيف والناس اللي كان يجي زماااان .. بعد الظهر .. والله يا اني مشتاق لـ مراسل التلفزيون من عرعر هذك اللي صوته مميز .. يقولون والعهده على الراوي .. ان مركز الملك عبدالعزيز التاريخي .. عطى اهله تثمين .. يبون ينزعون ملكيته ويحطونه في المركز
<<< يا حبك لـ الهذرهـ .. انجز علينا
ليلة من ليالي العمر عند الساعه الثالثه فجراً .. كنت قابعاً في استراحتنا المصونه انا ومعي مجموعه من الجحلط يا لبى قلوبهم وبقول لكم عيارتهم .. عشان اذا دخلت شوي النت اخليهم يشوفوني وانا كاتب عيارتهم ( ابو هباش , فلبينو ، المصري ، آل حويرش ، سوزان ) << بالله ذّبو عليهم .. المهم قررنا ناخذ لنا جوله في ارجاء بلادي ( القلب مجامله ترا ) تعرفون متعودين اننا ناخذ اجازتنا في الخارج .. << اجار الاستراحه قد حل في 10 \ 8 يا بو الشباب .. المهم قررنا نطلع للشرقيه .. الله يا ذيك الطلعه اللي يشوفها يقول رايحين يطقطقون كوره في غابات النمسا .. وش فرق محمد نامي عننا .. احسن مننا يعني ؟ المهم مشينا للشرقيه مع اذان المغرب .. ووصلنا ع حدود 9 .. رحنا نفر نفر وندور وندور نبي شقه ما فيه وش نسوي ..؟؟!! رحنا للخبر ما حصلنا .. رحنا للظهران ما حصلنا .. الدمام ما حصلنا .. قالوا الشباب مالنا الا الثقبه .. قلت تهبون .. قالوا يا محمد شارع 20 يشكي .. اقلت اها بس لو تحج البقر ع قرونها ما سكنا فيها .. جات الساعه 12 واحنا ما حصلنا .. قررت انا طال عمري بما اني راعي السياره اني اوقف اتعشى واروق .. قالوا الشباب مالك الا الديوانيه قلت تعقبون << صدق اني ميت عليه .. بس ابي اثبت شخصيتي عليهم من الاول .. عشان ما تخرب الطلعه .. قلت لا .. بنروح لـ ماك نتعشى وبعدها ندور شقه وبعدها الديوانيه قالوا طيب " مساكين وش يقولون وانا مانن عليهم بـ سيارتي " وقفنا عن ماك ونزلنا .. الا ذيك الجلسه اللي ما ودك الا انك تطق الاربعه عليها .. دخلنا وطلبنا وتعشينى << بالله تعشيتوا ؟ اخاف تغديتوا بالغلط .. بعد ما طلعنا .. قالوا يالله ع البحر ( اهل الرياض وش نقول ) قلت اها بس اثقلوا على اهل الشرقيه خل ندور شقه ونرتاح ولاحقين على الطلعات .. وفر فر فر فر فر الين طقت الساعه 4 واحنا ندور ..وما لقينا .. لا ويقولون سياحة وطنيه سياحة طل .. نص العالم نايمه ع الهاف مون .. يا ولد عدل بدل شوف الثقبه قلت معصي .. المهم ويرزقني الله بـ شقة الله يكرمكم تقل خيمة صلبي يرب دلال على اربعين النسيم << ترا ماني من اهل النسيم بس كل ما مريت مع الاربعين اشوف خيام واجد .. اخذنا الشقه ونمنا .. نومه الا لا يعيدها من نومه .. اجل شقه ما فيها زل << طعس ما ينام الا ع الارض ..بس خل عنكم والله يا الارض فللللللله .. اليوم الاول الشباب لابسين احلى لبس اللي طاق الرسم تقول بيحضر عرس الملك عبدالله الثاني والثاني لو ( تمغط ) تشقق التي شيرت .. قالوا يالله نبي نتغدى في سوق ( هم قالوا سوق والا ما قالوا ) تذكرت حلف ودعوه دايم تقولها جدتي وصرفتها الهم ( الله يجعلني ان رحت لها لـ السلال ) ويا لبى قلوبهم يحبوني باين من عيونهم .. المهم قلت نتغدى هنا ونطلع قالوا طيب .. والله وادق لك على هاك المطعم اللي يحبه قلبك واطلب حبتين ونص مضغوط وما فيه الا بـ الخمس يا مال الشحم .. تغدينا وطلعنا لـ العزيزيه .. وهم ما يبون بس انا ابي اوريهم مهاراتي في ركوب الخيل << موب عاقل عبدالله بن متعب .. ركبت الخيل والله يا اني تهيضت .. اوووووف كاني الزير .. شوي الا السياره اللي وراي .. تسمع صوتها وهي بـ 2 .. اطالع الا هم حبايبي لا لا يمزحمون العيال يمزحون يمين يسار فوق تحت << اللي يشوفك يقول بتطلع حركة جديده في شريط قراند ثيف .. المهم ما وقفوا الا يوم شافوني تافلن ام العافيه .. عاد يقولون ان لساني جاب العيد بعدها رجعنا لـ البحر قلنا نبي نجلس جلسه شاعريه ونسولف ونضحك وكل واحد يتكي على خويته << هيه هيه تراك جبت العيد .. نزلنا الفرشه والبارد .. واهم شي لاب توبي .. والله واشغل اصاله " اسمع صدى صوتك " واقعد اطالع في البحر واتآمل في الماء .. عاد يقولون من شدة تاملي للبحر يقولون ان برج المراقبه في ايران صادني .. شوي الا الصجه واللجه .. وش العلم يا ولد .. الا اللي موقفين .. ويرقصون .. موب مشكله لو الاشكال تساعد والا تدرون موب مهم الاشكال اهم شي الاغنيه .. لا والله لا ذي ولا بنت اللذي .. لا اشكال ولا اغنيه .. اجل احد يرقص على حبيب الدويله ( انا العرس ودي ما .. ) الله يرحم مزنه الاغنيه هذ يقولون مغنينها يوم عرس جدي الثاني المهم العالم طولوا وصارت الريحه كلها ريحة السيارات .. مشينا غصباً عننا .. قالوا العيال يالله على واجهة الخبر .. وانزلهم واروح ادور موقف .. ما حصلت الا في قلعة وادرين .. واقابلهم ونتمشى شوي .. عاد بيني وبينكم والله انا ما احب اجلس في ماكن واذا طالعت يميني شفت عبايه .. ويسار عبايه .. تعرفون انا مولود في بيروت وما دريت اني مواطن ملحط الا يوم جاء عمري 6 سنوات << وش عنده ... مشفر ، المهم ما طولنا ومشينا .. قلت بسوي نفسي ادل في الشرقيه قلت يالله يا شباب ع جزيرة المرجان .. قالوا قدام .. ونطلع لها .. يوم وصلنا عن البوابه الا ذاك التفتيش اللي يحبه قلبك .. الرخصه والاستماره لو سمحت .. واعطيه الاستماره .. وين الرخصه .. في الرياض .. وخذ لك قسيمه يحبها قلبك وابلع العافيه .. دخلنا الجزيرة وجلسنا .. بينما نحن جالسون الا واشوف ذك المنظر اللي يذكرك بـ اولمبياد بكين .. سبعين الف قطوه تركض من جنبك .. وحواليك ناس تسد النفس لا استغفر الله ما اعطيتهم حقهم .. الا تقطع الرزق .. اجل ما يمر من جنبك واحد الا طاق ابو وجهك بـ اشعه x .. مصور وجهك تصوير .. حتى مره مر من جنبنا واحد وقعد يقز الين عرف ان في رجل خويي سيخ حديد .. كل هذا يهون الا لما تشوف السرج على البقر .. وحده احلف ان كوع خدامتنا ( رملا ) اطلق من وجهها .. ولابسه عابيه مطرزه وفيها فصوص .. ويقولون ليش ما تتزوجون .. يا بوي حسنوا نسلكم ونتزوج موب تجيب لي وجيه تقطع الرزق .. والله يا هم مقروشينا العنوسه والعنوسه .. حومتوا تسبودنا .. ترا الزواج مشكله .. بكرهـ اتزوج وحده اقرب ما تكون ( نخله ) لا بعد نخله زينه .. الا سعفها غريب .. ابي اصبر عليها عمري كله ؟ معصي قال ايش قال تزوجوا .. نرجع لمحور حديثنا حسبي الله على واحد قايل لـ اللي شفناها انها قمر وصدقت
المهم هذا اليوم الاول انتهى
اليوم الثاني طولنا في النوم .. ما صحينا الا بعد المغرب .. قالوا العيال يالله ع البحرين قلت معصي .. يا ولد يمين يسار .. قلت اها بس ما فيه .. قالوا والله بس نتمشى فيها .. قلت يالله مشينا .. وصلنا للجسر ع الساعه 8 .. الا وذيك الزحمة اللي تقول زحمة خريص .. المهم دخلنا البحرين .. يمين يسار الا خلصت البحرين .. يالربع لا لا يمزحون يوم سموها مملكه البحرين .. ما يمدي السيارة وصلت ثمانين الا وحنا في آخرها ..المهم تمشينا فيها شوي .. دخلنا وسط الحواري اللي الله يهدها على من سكنها .. تقول انهم بيذبحونك ذبحة طلي .. بيني وبينكم والله يا ربعنا لاعبين فيهم لعب البحرين بـ اختصار " عــزي لـ شعبً ما تعزه سيوفه " عسى الله يديم علينا حكم ابو متعب واخوانه .. المهم طقنا الجوع قالوا وقف نبي نتعشى .. قلت ابك شيعه .. قالوا واذا .. قلت شيعه .. قالوا واذا .. قلت يا عيال الكلب شيعه منب ماكلين عندهم .. الا ويقعدون يضحكون علي يقولون وقف عندي اي ماك والا كنتاكي العمال من الفلبين واندونيسيا موب شيعه .. قلت من جاور الجرب مع الوقت يجرب .. والله ما ووقفنا الا منفذ ديار ابو متعب والله يا ان قلبك يرتاح في ديرتك << جايب شي جديد الله يصلحك .. تعشينا بعدها وعينا من الله خير .. وطلعنا لـ مقهى وتكينى فيه وما فيه الا قوت اربعه الين اذن الفجر .. والى الشقه ..
ذبه اليمه | يقول لك رئيس دولة صور 4 في 6 طلع كله في الصورة
اليوم الثالث .. ما فيه شي مميز مثل اليومين اللي طافت .
اليوم الرابع .. تهورت وقلت بنطلع نستاجر لنا ( دباب بحري ) .. حشى والله لو اني طاق لي نعيمي انه ابرك بـ الف مره من ركوبنا لـ الدباب .. اجل ساعه بـ 400 والله لو اني راكب دباب جوي .. اخذنا ساعه في البحر .. وبعدها طلعنا .. وساعه ونص واحنا نبي نرجع للخبر ما قدرنا .. زحمة امة لا اله الا الله .. الشعب يرقص في وسط الخط .. واللي يتلقف على عوايل خليجيه .. ما ادري موب عادينهم رجال والا كيف ..؟؟!! .. افتكينا من الزحمة وطلعنا لـ مقهى بعد بس ماش ما جاز لي ابد .. طيحني وكدش ووو .. الله يديم النعمه .. صدق ان عندنا في الرياض خير وبركه .. بس ما يسوون مثل اللي شفتهم .. وصلنا للشقه الساعه 2 .. على اننا بننام .. بس ماااش الضيقه لاعبه فينا .. آآهـ يالرياض .. جات الساعه 4 واحنا ما نمنا .. صلينا الفجر وقالوا الرياض .. قلت لعنبوا من لامكم الرياض .. والساعه 8 واحنا في الرياض يا لبى قلبها .. تصدقون ان على الرياض منظر الييييييييم بعد ما تتعدى تفتيش ( سعد ) .. والله اول ما شفت انوار الرياض طرى علي بيت الامير خالد الفيصل :
ليالي نجد ما مثلـك ليالـي غلاك اول وزاد الحب غالي
ورد علي ابو هبّاش : يا ضايق الصدر بالله وسع الخاطر دنياك يا زين ما تستاهل الضيقه
ويقولون انه جاب بيتهم في 5 ساعات مشي بعد البيت هذا
ما يستفاد من قصة الشرقيه :
1- يختلف سكان مناطق المملكه في الاصل منهم المتشدد بـ ماضيه وعقلياتهم .. ومنهم من يعتقد انه سابق وقته في كل شي .. وكل منهم يرمي تهمة إسائة منظر المملكه على الاخر .
2 - وجيهنا هل هي وجيه سياحه ؟ والا يخب علينا مسبح 6 × 4 في اي شاليه وتك في ديرتك ؟
3- هل لـ اهل المناطق السياحيه دور في دعم السياحه ؟ المفروض نعم !!
أحد يروح للشرقية في عز الحر ؟؟ الا ان كان عنده شغل .. و الله يا عليهم شمس تزلغ الجلد <----- حبة فير اند لفلي و صلحووو
إقتباس
كل هذا يهون الا لما تشوف السرج على البقر .. وحده احلف ان كوع خدامتنا ( رملا ) اطلق من وجهها .. ولابسه عابيه مطرزه وفيها فصوص .. ويقولون ليش ما تتزوجون .. يا بوي حسنوا نسلكم ونتزوج موب تجيب لي وجيه تقطع الرزق .. والله يا هم مقروشينا العنوسه والعنوسه .. حومتوا تسبودنا .. ترا الزواج مشكله .. بكرهـ اتزوج وحده اقرب ما تكون ( نخله ) لا بعد نخله زينه .. الا سعفها غريب .. ابي اصبر عليها عمري كله ؟ معصي قال ايش قال تزوجوا .. نرجع لمحور حديثنا حسبي الله على واحد قايل لـ اللي شفناها انها قمر وصدقت
كل الموضوع كوم و الكلام اللي مذكور أعلاه كوم ثاني
و الله يا تمزعت ضحك على (حسنوا نسلكم)
الله يرجك محمد و يعطيك العافية .. وسعت صدري على هالصبح الله يسعدك
ياهلا وسهلا وش هالنور ياخي تصدق نورك واصل منتدى الجمهور
مع انك ذاب علي بـ موضوع علي بس ياخي ما اقدر اقاوم لازم احط لك فيسات
إقتباس
( ابو هباش , فلبينو ، المصري ، آل حويرش ، سوزان )
ابو هباش مهضومه فلبينو هذا اكيد بخاري المصري اكيد حتسيه كثير ال حويرش ناقصه جكيت مشقق
لكن سوزان ياخي تجيبون بني بالاستراحه ولا تعزمني يالخاسي ولا لبنانيه بعد
الحين الحويرش وفلبينو بتاخذهم معك بسفريه صاحي انت ولا بعد بارجاء بلادك من زينها الحين تصدق حتى انا استغربت يوم قلت ارجاء بلادي متعود انك تقضي الاجازة بالخارج بس شكل الازمة الاقتصاديه ماثره عليكم انت وبن حويرش الحين رايحين المغرب ووصلتو 9 كم تمشون انتم الي اخبره المغرب الساعه 7 وصلتم 9 والله يالسياره تشكي عـ الخط بعدين من جدك تروح الشرقيه والله لوني منكم خليتها مطب وجه على التو سيز وخل الشرقيه مطب
إقتباس
جات الساعه 12 واحنا ما حصلنا .. قررت انا طال عمري بما اني راعي السياره اني اوقف اتعشى واروق .. قالوا الشباب مالك الا الديوانيه قلت تعقبون
لالا يا شين الي كذا لا عمرك تسافر معي وش الي تثبت شخصيتك سفريه وعناد من بدايتها ما يصلح المشكله انهم سمعوا كلامك بس وش نقول بن حويرش وفلبينو وسوزان بيقولون لا ذولي
إقتباس
.. شوي الا الصجه واللجه .. وش العلم يا ولد .. الا اللي موقفين .. ويرقصون .. موب مشكله لو الاشكال تساعد
يعني انت الحين مهوب معترض على الرقص معترض على اشكالهم طيب يعني الشيون ما يرقصون على طاري الرقص
تذكر مباراة المنتخب والكويت ببطولة الخليج هدف الفريدي بعد المباراة طلعنا ولقينا ناس ترقص وانا حقيقه تهيضت دقيت اللطمه وقعدت ارقص
واحلى شي يوم سوو دائرة وانا دخلت بالنص انا وواحد حسيت اني بنزل باليوتوب بس اشوا كنت داق اللطمه
إقتباس
.. ويقولون ليش ما تتزوجون .. يا بوي حسنوا نسلكم ونتزوج موب تجيب لي وجيه تقطع الرزق .. والله يا هم مقروشينا العنوسه والعنوسه ..
اها يعني تبي تقنعني ان الي ما خلاك تعرس ان البنات الي كوع خدامتكم رملا <~~ (متاكد انها اندونسيه) اطلق من وجهها يبو روقنا بس والله الي ما خلاك تعرس انت وهالراس ان مابوه فلوس ولا والله انك كل يوم تتفل بوجه بن حويرش وسوزان ودك بالعرس
الحين انت وهالراس رايحن للبحرين عشان تتعشون فيها قسم بالله ان الشرقيه تخب عليكم ولا جاي تسب ربوع بلادي بحرين لا بعد والله انك ما تعرف لها مارحت الجوكر :$
ولا مارحت فندق الاندلس ترى بالدور العاشر مكان يحبه قلبك <~ من زود الخقه معاد عرف وش يحط
اقول والله اني تعبت بكمل الموضوع قراية خلاص محمد لا عمرك تسافر وإذا سافرت لعاد تاخذ فلبينو معك <~ فلها واجد
وعليكم السلام ورحمة الله وبركاته
حي الله جرحوحي ،
مبروك مبروك ألف مبروك ، شفت بيرسونالك وقلت بأبارك لك بس قلت لا يبثرني ذا حكيه واجد
/،
أنت من جدك يوم تسمي الروحة للشرقية سياحة ؟
قل صياعة ، قل هياتة ، قل "قل سنع" ، أما سياحة والله قوية قوية !!
مسكة الخط للشرقية لا تعدو كونها وناسة بمسكة خط الشرقية ، الشي الثاني تشم هوا رطب غير الموجود بالرياض ،
غير كذا مافيه شي يستحق نسميه سياحة ، يابن الحلال لا تزعل علينا الدول المتغدمة !
أجل الدمام سياحة والنمسا سياحة خخخخخ
يعني بالله يا جرحوحي ، تخيل أنك قررت تسافر التشيك مثلاً ، وسافرت وتونست ،
ثم رجعت الرياض ورحت الاستراحة ودخلت وقمت تسولف مع اخوياك ، وجو يسألونك ها جرحرح وين رحت ،
قلت أبد والله جولة سياحية ،
ثم يسألون واحد من اخوياك البثرين ، ويقولونه وين رحت يقول والله أبد جولة سياحية " وهو تلقاه سيّر ع الطايف والباحة ومدري وشو " ، !!
بالله ما تنغبن كلكم تحملون نفس مسمى السياحة ؟!!
هلا والله جرح
عاش من شاف لك موضوع
لا وموب أي موضوع آخر جوله سياحيه لنا للحين دابلتن تسبدي
حشى والله ماهيب سياحه
عاد حنا لاسافرنا نكتتتتتتتته !
ولو اقولك عن جدولنا يوم رحنا والأماكن اللي رحنا لها بالشرقيه كان تقول وش مطلعكم من حايل ؟
كل النهار نايمين ولاجاء الليل قمنا وطلعنا وكل الأشياء مسكره ولاجاء الصبح رجعنا ونمنا
يالبييييييييييييه ياجولتنا السياحيه
ماعلينا
ماشاء الله يعني مايصير تروحون للشرقيه من دون ماتمرّون البحرين
خلكم مميزين طيب مهوب لازم تقلدون شباب الشرقيه لاطفشوا قالوا مشينا هناك --> منقهره ماحصلتلها البحرين
الا على فكره يقولون اللي ماجاء العزيزيه والهاف مون معناها ماجاء الشرقيه ؟ هو صدز
بس والله ياأنت غثيث وتتمننّ خييييييير عشانها سيارتك تذلهم
ترى هالحركات شبعانين منها عندي اخو نسختك
إقتباس
دخلنا الجزيرة وجلسنا .. بينما نحن جالسون الا واشوف ذك المنظر اللي يذكرك بـ اولمبياد بكين .. سبعين الف قطوه تركض من جنبك
يرحم أمك لاتذكرن
أبشع مكان شفته بحياتي
وسخ وقرف وكله كوم والبساس كوم ثاني
يعععععععع ياكثرهن والله ماقدرت أجلس عندهم آخر شيء رحت السياره وجلست
هالجزيره عذاب للخوافين مثلي .. للحين مدري ليه ماينظفونها زين
شكلها حلو بس اللي فيها كله مو حلو
--> الموضوع عن السياحه والا عن هالجزيره
عواافي جرح على الموضوع اللي يقهر ماامداني نسيت هالسفره الا وتذكرن فيها
ولابغيت السياحه على أصولها حياك الله بحايل
بس مهوب لاجيت تدعي علي من اللحين أقولك مالي دخل
الله يهديك يا إياد ( ماخذ نص الصفحة ) إفترت عيوني وأنا أحرك الماوس يمين ويسار علشان أقرأ
محمد سياحة مين اللي إنتا قي تئول عليها ياخوك ربعنا حرامية يعني تخيل بتطلع إنت وعائلتك للشرقية أو جده. بتستأجر شقه بـ 500 ريال. دخول ملاهي ( لاحظ بس الدخول ) بـ 200 ريال. عشاء ما عنك وعن الـ 250 ريال!!. يعني يوميتك طال عمرك ما عنك وعن الألف ريال!!. وش تركوا ربعنا للمغرب على قوله الشباب ( يومك وألفك )
يا زين ديار الفسق والمجون بالتمشية والسياحة. تستأجر لك فله طول بعرض بـ 150 ريال بتسأجر ( جيت سكي ) ساعه كاملة بـ 50 ريال!!. وتآخذ لك تيس كامل بـ 90 ريال.
يا محمد والله من الفسقة إننا كل يومين طاقين لنا تيس لا وفوق هذا جالس بجنه الله في أرضه غابات - ما تشوف إلا خضار حولك وحواليك الجبال كلها خضراء جو ولا أحلى - على شويه مطر وعزبتك معك وين ما تروح
تحس إنك بالصمان بس الوجيه اللي حولك كلها فِنس
بديرتك إذا بتسافر - بتسافر رح لمكة أو المدينة
أما جدة والشرقية والطائف وأبها !!!.
آخر مره طبيت الشرقية من 12 سنه ومن بعدها وأنا أشوف أنوارها من بعيد وأنا على السريع
أ. إياد تراك حست ابو الصفحة
برب
ــــــــــــ بآآآك جرح يشكي وش هالزيـن وانا خوك .. والله ياموضوعك قهقهت عليه قهقهة ماهيب صاحية الزبدة إن اخوياك جازو لي خاصة سوزان بس لايكون قصدكم بسوزان تشبهونه بناصر القصبي يوم يسوي دور سوزان المهم من ناحية الشرقية احسن شيء مسكة الخط في الظلام ينعن ام الجو وإذا وصلت لايردك إلا البحر وخلّك رجّال وشب الجمر بلا ديوانية بلا هم وعش جوك وإستمتــع وخل ابو طلال يصدح بصوته الحل الصعب او علمتني او رجاوي قسم أكوس شيء وإذا حبيت تعيش جو إنك مصري شغّل ابو نورة وإذا كان معك واحد قلق مثل هتلر شغّل ابو نايف عشان يسكت ..~ المهم نرجع لمحور حديثنا السياحة الوطنية قسم بالله إني إذا سمعت هالكلمة تجيني القهقهة من يومني صغيّر وانا اسمع إعلانهم بالقناة الأولى السياحة في وطنّا غير يعني للحين مقنعين أنفسهم إن عندنا سياحة.., لا واللي عاد يغبنك لاجابوا دعايات جدة غير وإلا مع ابها صيفنا أبهى عاد إسمع ذي الطايف عروس المصايف !!! ههههههههههههـههههههههههههههههههههههههههههـ ياعمي ريّح ريّح لاقينا ذولا اي سياحة وأي بطيّخ !!؟ عاد تسنهم في الأخير حسوا شوي حبوا يصرفونها شوي قالوا صيفنا مع أهلنا أحلى يقالهم يعني جابوا شيء جديد الحين .. ياحبي لشطحات بلادي فعلاً وطني الحبيب وهل احب سواه .. ***
إقتباس
الرسالة الأصلية كتبت بواسطة جرح يشكي
كل هذا يهون الا لما تشوف السرج على البقر .. وحده احلف ان كوع خدامتنا ( رملا ) اطلق من وجهها .. ولابسه عابيه مطرزه وفيها فصوص .. ويقولون ليش ما تتزوجون .. يا بوي حسنوا نسلكم ونتزوج موب تجيب لي وجيه تقطع الرزق .. والله يا هم مقروشينا العنوسه والعنوسه .. حومتوا تسبودنا .. ترا الزواج مشكله .. بكرهـ اتزوج وحده اقرب ما تكون ( نخله ) لا بعد نخله زينه .. الا سعفها غريب .. ابي اصبر عليها عمري كله ؟ معصي قال ايش قال تزوجوا .. نرجع لمحور حديثنا حسبي الله على واحد قايل لـ اللي شفناها انها قمر وصدقت
والله لو انكم رايحين ديرة اخوان سوهارتو انه اطلق لكم مليون مرة .....! اعنبو ابليسهم ربعنا وش هالسياحه ؟ ماغير يصلخون في خلق الله بهـ الاسعار
لوتطلع لأندونيسيا فلوس كشتته اسبوع بالمملكه بتكفيك شهر هناك مثل ماقال عبدالله غير الجو الهبال<< واحد من العيال يوم شاف الجو هناك قال يالربع والله توني احس اني انسان من جد
بس يخوي يوم انكم مخربينها ورايحين تكشتون كشته داخليه كان رحتوا لأبها ع الاقل استمتع بالامطار ...... ولا الشرقية ورطوبتها ....!
الا ماقلت لي اخبار بيسان تاور ؟ اجل الشرقيه بس هآهـ
اجل سياحه بالشرقيه..حررررررررر+رطوبه..الله يسويها معكم..
احسن ما فيه سياحتكم روحتكم للبحرين ..وانا عارف ان فيه اشياء ما انقالت ..عارف عارف وش مسوين ما يمديك تجحد..<---
والله اللي يقول سياحه في بلادي انه يكذب ع نفسه ..
كمناظر واجواء ما فيه الا ابها والطايف..لكن قسماً ان يطلعوها من عيونك هالسياحه..
اجل عمي ياجر الشقه بـ 500 ريال خخخخخخخخخخخخخخخخ الله يسويها معك عموو..
والسنه الماضيه لما صارت مشكلة التحليه والمياه طلع نظام جديد ان الساعه 11 راح يقفل الماء على المستاجرين خخخخخخخخخخخخخخخخخخخخخ
يا عمي الله لا يحوجنا لك..
اللي عرف لها بابها الكويتين وبعض القصمان..يجون عشرطعش عايله وياخذون استراحه كبيره عريضه بالشهر..
ع كل حال لا اسمع احد يقول سياحه في ربوع بلادي مره ثانيه عشان لا يصير مضحكه..
ترا ما اقصدك يابوحميد..هذي المره سماح..
اللي يبي سياحه ابو اسبوع وما عنده وقت اطول..يطس من هنا على الغردقه
رايح جاي بعباره اتوقع الف وشوي..فيه واحد من العيال حلف ان باسبوع كلفه تقريبا 2000 ريال وفال ابوها بعد..
اللي يبي احجز له يعطيني كول مي..ولا ينسى يحط بباله نفر زياده بالسفره..
محمد..
موضوعك فلاوي وخفيف مع سياحتك خايسه بس محليها محمد..
لا تقطع يا فتى..
حيا الله محمد اهم شئ استانست في الشرقية ؟ مافيه احد اعرفه قد جاء للشرقية وما استانس ! بس اذا ودك بأماكن تقول في نيوزلندا تعال هنا أبها والله لاخليك تكره شئ اسمه الرياض وتشيل توقيعك ذا وبعدين ليش مارحتوا الديوانية ؟ خربتوا نص الطلعة كاملة ولا شكلك رحت العزيزية , اخس قهاوي السعودية هناك المهم لاعاد تقطع علينا تحياتي
![][يـا بـلادي .. صـيـفـنـا دجـّهـ ][](iconimages/t799397_rtl.gif)
][ يـا بـلادي .. صـيـفـنـا دجـّهـ ][ 
والله يلحقنا رمضان .. ويجعلنا من صوامه وقوامه .. وان يكتبنا ووالدينا ممن اعتقت رقابهم من النار في هذا الشهر ..
ابي انام .. ما قدرت .. من الساعه 4 وانا اتقلب على الفراش ما قدرت انام .. وكل شوي داخل علي واحد ومطير النوم من عيوني .. اخرتها دخلت الوالده وانا في منطقة الثمان طعش في فراشي .. طلبت منها التغيير قالت انثبر ولا يكثر << كوزمين على غفله 
( ابو هباش , فلبينو ، المصري ، آل حويرش ، سوزان 
.. قالوا يا محمد شارع 20 يشكي .. اقلت اها بس لو تحج البقر ع قرونها ما سكنا فيها .. جات الساعه 12 واحنا ما حصلنا .. قررت انا طال عمري بما اني راعي السياره اني اوقف اتعشى واروق 
.. قالوا الشباب مالك الا الديوانيه 
.. يا ولد عدل بدل شوف الثقبه قلت معصي .. المهم ويرزقني الله بـ شقة الله يكرمكم تقل خيمة صلبي يرب دلال على اربعين النسيم << ترا ماني من اهل النسيم بس كل ما مريت مع الاربعين اشوف خيام واجد 
المهم العالم طولوا وصارت الريحه كلها ريحة السيارات .. مشينا غصباً عننا .. قالوا العيال يالله على واجهة الخبر .. وانزلهم واروح ادور موقف .. ما حصلت الا في قلعة وادرين .. واقابلهم ونتمشى شوي .. عاد بيني وبينكم والله انا ما احب اجلس في ماكن واذا طالعت يميني شفت عبايه .. ويسار عبايه 
، 
آخر جوله سياحيه لنا للحين دابلتن تسبدي 
خييييييير عشانها سيارتك تذلهم 
الوضع العادي
