صبحــتم بالخــير جــميعاً
كيف الحــلويـن والشيون
عسـاكم طيبين مستانسين وأهم شي تكونون مفطرين...
الدوريات وما ادراكـ ماالدوريـات أنا شخـص كنت أقدح لكــل وآحد مايعجبه تصرف بعــض رجـال الأمــن ولكــن اليـوم عقب اللـي شفته قمت ألوم نفسي عن كـل كلمه دآفعت فيها عنهم
موقفي
أنـا شـاب ومــن سكــان حــي الروابي شرق مدينة الريـاض قـدر الله علــي اليوم ومسكت معي غلط وأتصل على ولد خالي وأعرض عليه فطور على حسـابي في الصـاج الذهبي وهو ماتردد ابداً أعطــاني الموآفقه كــانت السـاعه الـسادسه صبـاحـاً المهم وأنـا طـالع مادريت إلآ والوالدهـ الله يحفظها شادتني من قفاي
أمي: طـالع
فهد: لآداخل
أمي: تنكت
فهد: لآ أبد
أمي: طالع للمرهـ الثانيه
فهد: إيوهـ طالع سمي
أمي: جيب طماط مافي طماط
فهد: طماط مع الصبح وش هالمسكه
أمي: عشان مافي طماط يا ذكـي
فهد: مايصير أجيب العصر
أمي: والسلطه أبوكـ مايتغدا إلآ بسلطه وانت واخوك ماتصحون الا العصر
فهد: أقعد يا الشياب من متى هو إتكيت
أمي: إتكيت بعينكـ ولد قليل أدب
فهد: يمـه إتكيت يعني ابوي كـويس
أمي: وانا وش يدريني المهم جب طماط وبأصلح لكـ فطور لين تجي
فهد: يعطيكـ العـافيه ميمتي بفطر برى لآتكلفين على نفسكـ
وأنا أمسكـ الدرج ركـض تأخرت على ولد الخـال
فهد: هلآ يسور
ياسر: صباحو ياعسل
فهد: يله أركـب
ياسر: بعد ماركب تكفى لآتفتح المسجل خلنا هادئين
فهد: وش عندهـ ياسر
ياسر: مالها داعي اغاني مع الصبح
فهد: من عيوني بلآ مسجل بلآ هم
وصلنا الصاج وأنزل آخذ اللي طلبناهـ وأركب موتري وبعد ماتعديت الإشارهـ بقليل مادريت إلآ
طآآآط طآآآآآآآآط ويكبس
فهد: يالييييل وش يبي ذا
ياسر: يلــعن****<<مشفر
فهد وياسر ينزلون من السيارهـ
راعي الدوريه: صباح الخـير
فهد وياسر : صباح النور والسرور
راعي الدوريه : بطاقاتكم والرخصه والإستمارهـ
فهد: (( يطلع بوكـه )) سم طال عمركـ
ياسر: يحكـ شعرهـ والله مو معي بطاقتي
راعي الدوريه: إيوهـ هذولآ اللي نبيهم
ياسر: وشلون
راعي الدوريه: باخذكـ القسم وهناكـ تعرف وشلون
فهد: القسم مرهـ وحدهـ ليش وش مسوي
راعي الدوريه: طنش وقام يفتش بالموتر(( ماتركـ فيه مسمار مافتشه ))
فهد: بعد الشنطه شفها يمكن تحصل شي
راعي الدوريه مستمر بالتنطيش ويفتش
ياسر: فهد إنت مسوي شي ومبلغين عنكـ اعترف عادي
فهد: رح لأفكـ وجهكـ وش أسوي بالله عشان اعترف
راعي الدوريه: يمسكـ جوالي هو اللـي رآح يفتشه
فهد: (( بعد ماسحب الجوال )) خصوصيات طال عمركـ
ياسر: والله بغى يجيب العيد ليته فتشه يقولها بضحكه
فهد: ياسر ورى ماتنطم لآ أخليه يركبكـ ويروح يوديكـ القسم
راعي الدوريه: وين كنتم ياشباب
فهد: نفطر
راعي الدوريه: مواصلين
فهد: تقدر تقول
راعي الدوريه: وليش للحين صاحين
فهد: إجـازهـ وش تبينا نسوي..؟
راعي الدوريه: اجازهـ تسهر للصبح
ياسر: (( قفلت أخـلآقه )) ياخي من بيضرهـ السهر إلآ وإلآ حنا
فهد: (( يطق إبتسامه عريضــه ))
راعي الدوريه: أسمع إنت ويـاهـ لآعد أشوفكم الصباح بالشارع
ياسر: بالله لآيكون في منع تجوال وحنا ماندري..؟
راعي الدوريه: ترى حنا نعرف حركات الشباب لآتخلينا ندقق
ياسر: ياعمي اطلع من مخي
فهد: إن شاء الله مايصير إلآ اللي تبيه
راعي الدوريه يسلم البطاقه والرخصه والإستمارهـ ويركب دوريته ويروح يدور له غيرنا
.
.
ما يستفاد
.
.
*اخذ من وقتنا نص ساعه لأمر تافهه وبرد فطورنا
*تصرف أشبه ماينقال عنه غبي من راعي الدوريه واعتقد إنه مايحمل إلآ الشهادهـ المتوسطه وبتقدير جيد
*العسكري يجيكـ متطاق مع زوجته ويحط حرته بالضعوف...!
*تغيرت نظرتي الإيجابيه لرجال الأمـن البعض منهم وليس الكـل
*الشباب يفحطون ولآيقول لهم على الأقـل طآآآآط
*قبل ماتطلع من بيتكـ حتى لو إنكـ رايح على رجـلينكـ خذ بطاقة أحوالكـ وإذا تقدر صورهـ من دفتر العـائله
وقــعت السـالفه أمام محطة الدريس بحي الروابي إمتداد أسواق عبدالله العثيم
سيارتي بي أم أسود2008<<يمكن أحد شباب المنتدى قزنـا
((
ميمتي سـامحيني نسيت الطماط 
))
ويعطيكم العــافيه<<<ضغطه للحين مرفوع
الوضع الشجري
