كيف الجميع ان شاء الله مبسوطين شباب بنات .. تدوم البسطة يارب برضاه وطاعته ...
شسمه
عجبني قسمكم وحبيته بصراحه واسمحولي بذبة وجهي كان مابه خلاف خاصه مع توقف المباريات بغير من العالميه للمجلس شوي وصرت ادور الافكار عشان انزلها واطرحها لكم بصراحه ...
موضوعي اليوم كالعاده من ارض الواقع .. يا عن قصة صارت يا تعجبني واتمنى استمرارها .. والا شي قاهرني ويحزني واتمنى عدم حدوثة نهائيا وهو مقصدي من هذا الموضوع ...
.... :::: زبــــدة الموضــــــوع ::: ....
جاين وش حليلي اليوم الصباح بوقف عند باب بيتنا انا وخويي عقب الفجر الا والاقي راعي الدوريات الله يحفظه شاطف الشارع .. طبعا قلت لخويي ياكثر ما اشوفه هنا ..
المهم شفته لاف من جهتنا .. قلت ذا يبينا خلنا دامنا موقفين ومعنا كل شي خل نهايط عليه شوي نشوف وش عنده >>> قوي
ويجينا الحبيب طبعا كالعاده نفسه بخشمه بالبدايه ويأشر بأصبع يقول تعالوا ... ويجيه خويي ..
والحقه انا .. وانا امشي له ويناظرني من تحت كن بيني وبينه ثار للأسف
ويقولي الرخصه والاستماره وقال لخويي اثباتك ..
سئلنا وش عندكم قلنا ابد هذا بيتنا قال من صاحب البيت قلت انا .. قال وانت قاله خويي انا ولد خالته >> مدري ليه قالها لكن عشان ما يمسك علينا شي محنا فاضين له ...
شافنا كويسين وماعلينا شي .. جو للتصريفه الثانيه ليه مظلل ؟؟؟ تظليله خفيفه ومالها دخل بس كذا يبي يسوي شي .. المهم حاولت امغط فيه شوي وارفع ضغطه >> ومن هناك يرجف وقلبه بيطلع من رجوله من الخوف
قلت له مادري الوالد هو اللي مظللها >> على فكره السياره كانت مع الوالد همن اخذتها انا ...
همن كنه سرح عني شوي بالاثبات قاعد يشوفه .. سئلني ثانيه وجاوبته نفس الجواب قلت له ويدخل به الدوام عادي ماقالوا له شي >> ابي اوصل لهالمدخل بأية صرفه تدرون ليه الوالد عسكري وبالدوريات وعارفن اني بيطلع منها لادرا عن الوالد ...
همن بدا يصرف قال من ابوك يقاله ما شاف الاثبات وشاف اسمه المهم انا مزبن وضعي ومعي صوره لأبوي بالبدله شافها وقال ايييه اييه ظلل ظلل وهو يضحك ..
عطانا اثباتاتنا وسكر شباكه ومشا واحسه حس بالذنب يوم درا ان هذا هو ابوي وقال ليتني ماجيت ...
شرااااااااايكم فيه احلى من كذا هياط بهالنتيجه يمديكم والا لا >> كنه اول واحد يمشيه راعي حكومة ومن هناك قلبه يرجف
1- الى متى واحنا على هالحال .. من يعرفك بيمشيك ومن مايعرفك انواع النذاله .. حتى لو يعرف واحد انتو واياه نفس العايله ومتهاوشين تاكلها انت .
2- مبدأ الواسطه متى بنحط ببالنا ان مانمشي بدونه .. يعني انا مسرور من هاللي صارلي اليوم لا والله .. واحد يقابلك بنفس شينه ويأشر باصبعه وتجيبه يشوفك من تحت .. يوم شاف ماعليك شي قال مظلل .. ويوم درا عن ابوي ضحك وقال ضلل خلاص .. !!! هو صحيح خلو عنكم فله وقويه وتحس انك ملك لكن ليه تمشي وغيرك ياكلها ..
3- قابلت واحد من اخوياي اليوم بعدها يوم طلعت بفروج الشفا داخل الملك خالد الجويه .. الله يوفقه .. كان توه جاي من اختبار اللياقه و كنت اسئله عنه كيفه .. قال يبن الحلال معي واسطه .
4 - وقت تقديمي على الكليه الجويه هذي نفسها .. كانت عندي مشكلة وجيت بسئلهم .. قال الموظف لمن دقيت عليهم .. سكر صفحتك وكبر وسادتك ونام عندك واسطه تعال وراح تنقبل حتى لو بعد التقديم بشهر .
5- ولد خالتي بيطلع رخصه وسئلته عنها كيف طريقتها لأنه مايسوق مره .. قال معي واسطه >> مسوي طالع منها مطلعها بتعبه .
6- ذاك اليوم اخوي وقفوه تفتيش وصفط على اليمين توقعوا ليه .. حق التفتيش بيسئل اخوي عن سيارته بيشتريها لولده ويبي رايه فيها . بعدها قاله امش .
7- كنت اكلم ولد عمي من اسبوع عن جامعته وش بيسوي فيها قال يمكن حرس والا ادرس برا ... ويوم قلت له كيف بيمديك خلص التقديم .. قال يبن الحلال كرسيي موجود .. معي واسطه ..
8- ايام الدراسه كان يجيبنا تعب وانا كنت شاطر و كويس على الاقل عاقل وفي حالي .. كانت اخلاق الوكلاء معي قافله لا استئذان ولا اطلع اجيب لي فطور بالفحسه من برا .. كان قبالنا معطم .. وخويي يسئذن لو شخط بالقلم على يده والا ثوبه .. ويطلع يفطر كلما خمت معاه ... وانا لا عشان معه واسطه .
9 - كان احد الوكلاء بالمدرسه بالثنوي معروف عندنا شدييييد وما يعرف يمزح .. جاه فتره وصار بينه وابوي نقاش وخدمه ابوي .. بعدها شف الترييييييييش اللي يسوي فيني هالوكيل .. اذكر مره بالمصلى كنت اسمع قرءآن .. ويجي ينبرش الوكيل يقول للمدرس هالطالب عطه اعلى درجه يستاهل رجال .. ابوه ما قصر و و و و .. شفوا القلبه كيف اول اخلاقه زفت وما يحاول يفهمك ويوم عرف ابوك صار خويك >> بس حسافه ماعرفناه الا اخر سنه والا كان حللته واستفدت منه .
10 - واحد من اخوياي متوظف واذكر احد المدراء جاه وقاله وانتوا كلما خمت مع واحد منكم جيتوا هنا وتوظفتوا .. يكفي كم واحد من عايلتكم >> لأنهم جايين من مطرف مدير ثاني .
11- اذا ذاكرتي زينه وماني واهم ... كلمة قالها الملك فيصل الله يرحمه ( قضينا على كل شي بالمملكة الا الواسطه ماستطعنا ) . لاتعلييق على هالجمله شوفوا من متى والى متى مستمره .
12- اذا بنمشي على هالمنوال ليه ما كل شي يصير يتمشى .. على اعتبار انك اذا ماعرفتني بتعرف ابوي .. واذا مو ابوي اخوي ولد خالته يصير صديقه ولد عمة امه يعني صار كل شي فيه واسطه ومردك يتعرف واحد يمشي لك الموضوع .. خلاص مشه من البدايه وريح عمرك ..
.... :::: خاتمه ::: ....
الله يعينا ويتوب علينا بس ... صار الواسطه شر لابد منه ...
طولنا عليكم يالغالين بالموضوع .. لكن سالفة تجر وراها سالفه وملف هالموضوع طويل حاولت استدرجه من جميع نواحيه من المشكلة اللي صارت معي اليوم ... ونبحث عن حل ونكون صريحين مع بعض ...
اسئل الله العزيز القدير ان يوقفنا جميعا لكل مايحبه الله ويرضاه من اقوال وافعال .
واستغل هذه المناسبه لو ماوسعني الوقت لأضافه موضوع اخر في وقتٍ قادم لأهنئكم بشهر شعبان واسئل الله العلي القدير ان يبارك لنا في شعبان ويبلغنا رمضان .
بنات 
... ويجيه خويي .. 
.. جاه فتره وصار بينه وابوي نقاش وخدمه ابوي .. بعدها شف الترييييييييش اللي يسوي فيني هالوكيل .. اذكر مره بالمصلى كنت اسمع قرءآن .. ويجي ينبرش الوكيل يقول للمدرس هالطالب عطه اعلى درجه يستاهل رجال .. ابوه ما قصر و و و و .. شفوا القلبه كيف اول اخلاقه زفت وما يحاول يفهمك ويوم عرف ابوك صار خويك 
والتحيــف في نفس الوقت 
الوضع العادي
