طبعاً احب اقولكم معاناتي..

والله يآ كــنت أفحط أبي اليوزر حقي يتفعل والله يا إني خست... ورحت للعالم اللي عنده كم يوزر في المنتدى الزعيم يعطيني واحد لو اشتريه... يعني مشآكل

وأخيراً اخوي إنتدب وصآر مو فآضي وزي منتو شآيفين مشاركاته قليله ..وصآر عنده يوزر ( ورابض وما علمنـــي ) فكأني يعني مدري وش اقول بس ..

المهم انا من القراء سابقاً والحين من الاعضاء .. اغلب المواضيع اللي هنآ دخلت وشفت مضمونها صـح ان بعض المواضيع تكون ماهي على مستوى المنتدى الموقر حقنا...

لكن لاحظت فيه ردود تحبط الواحد يعني كانه شآتمه ولا كأنه قايله شي عنه .؟

ليه الواحد يقول اللي في باله عجبك الموضوع رد ما عجبك خلاص لا ترد ولا .. انك تكون في موقف الصواب وتنقــد نقد هآدف يمكن صآحب الموضوع يستفيـد ..

ترانا اخوان وحبايب وحتى مافيه يعني عنصريه في التشجيع هذا منتدى ولكنا نشجع صاحب الموقع اللي هو ( الهلال).. يعني مافيه سبب انك تجرح اخوك صاحب الموضوع برد..مهوب في موقفه!!

خلونا نعتلي هرم المنتديات الرياضيه بالرغم اننا معتلينها ومنافسنا في القآع ولـكن نبي نطمح للأفضل ..
والله العظيم اني انقهر من بعض الردود واقول وين العضويه بس ابي ادخل انزل هالموضوع
وأنتم تشوفون الاخوان المشرفين يتعبون واللجآن ما يقدررون حتى ياخذون نفس ..يـعني لازم نقدر تعبهم شوي... وً الحمد الله المنتدى قآيم بـعد الله ثم فينـآ إحنا يا الاعضاء...

فلابد من النقــد يكون بنآء مهوب تحطيم...

ولي رأي... فمن يكون معي يقول انا معك واللي مهوب معي ( يعني يآخذ من الموضوع وينتقد نقد كويس)

رأيي: ان الاخوه المشرفين اذا لاحظو من بعض الاعضاء بعض الردود اللي اقل من مكانها يحذف قدر معيـّن من مشآركآته واذا تكرر الوضع.. ينذر بإلغاء عضويته من المنتدى.. وإن شاء الله كلي عشم فيكم يا زعمآء ...

(بارك الله فيكم وبالتوفيق للجميع ولهلالنا )