أستغرب من المطالبين بتشغيل قناة الزعيم عالجزيرة !!! - صفحة رقم 2 - نادي الهلال السعودي - شبكة الزعيم

heron76 · #16 05/08/2009, 07:29 PM

اخوي ضحكتني والله , تكفى ياللي ماخذين حقوقنا الان , ياخوي مشاكلنا مع الاتحاد

الاسوية تهون مع الاتحاد السعودي والعصابةا لداخلية , اهلا بالجزيرة

ADEL ALI · #17 05/08/2009, 07:31 PM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كيف حالك بس ؟؟؟؟؟؟

هلالي ويحب الحارثي · #18 05/08/2009, 07:34 PM

انا بس ابغى اعرف وش دخل الاتحاد الاسيوي في الجزيرة..~؟

المختار الازرق · #19 05/08/2009, 07:35 PM

استغرب من المطبلين للأيه ارتي امثالك
يعني وقف عقلك عن ذا النقطه ,,
لو قناه الجزيره يديرها ابن همام نفسه ارحم من الارتي

معذبهم 15 · #20 05/08/2009, 07:37 PM

يالرجال الجزيره اطلق من ارتي الخايسه بالف مليون مره وثاني شي وش دخل قطري

مع احترامي لك الجمهور الهلالي يبي الجزيره الرياضه وبس

ع ل ي 666 · #21 05/08/2009, 07:40 PM

مشاكلنا مع الاتحاد الآسيوي ليست يوميّة لكي نغض النظر عن " الجزيرة " , هذا أولاً
ثم ما الفائدة التي خرجنا بها عندما تعاقدنا مع " السعودية " ART ؟؟

أترك الإجابة لك ... مع تحياتي

هلالي الجنوب 07 · #22 05/08/2009, 07:41 PM

هتكون ان شاء الله بطاقم سعودي اوربي

اللهم القطريين يوفرون الموارد الماليه

سا9ي · #23 05/08/2009, 07:44 PM

إقتباس

الرسالة الأصلية كتبت بواسطة المختار الازرق


	استغرب من المطبلين للأيه ارتي امثالك يعني وقف عقلك عن ذا النقطه ,, لو قناه الجزيره يديرها ابن همام نفسه ارحم من الارتي

أقول قريت الموضوع أنت أو بس من العنوان؟؟

متى تنتهي الإجازة بس

أرجع للموضوع وشف وش قلت أنا

قلت أنا ما أبغى الأرتي

أبغى الهلال يشغل قناة بنفسه وليست تابعة لأي قناة أخرى

بلا جزيرة بلا ارتي

وراح تشوفون لا صارت مشكلة بين الهلال والإتحاد الآسيوي وش يصير إذا اتفق الهلال مع الجزيرة

أتحدى إذا دافعوا عن الهلال

بيتكتمون عالموضوع

واللي يقول وش دخل الخليفي وإدارته بقناة الهلال الجزيرة
يعني تقول إن الجزيرة بتحط إدارة القناة هلالية 100%

طيب هذي الأرتي حاطه إدارة قناة الزعيم هلالية
والنهاية يتدخل أبو فراج وشلته بقيادة ضفدع كامل بالقناة

أحبك لو تجافيني · #24 05/08/2009, 07:44 PM

والله انت تفكيري غريب ... والله وش دخل بن همام بقناة الجزيرة .... اجل تبي الارتي ... اللي بس ترزز رئيس الهلال ... والجماهير مايهمها بس ادفعو ...

وانا عارف ان رئيس الهلال ... بيوقع مع الارتي لأن المشجع الهلالي .... مايهمه غير جيبه ... واولهم الاداره الحاليه ..

روسنيري هلالي · #25 05/08/2009, 07:46 PM

إقتباس

الرسالة الأصلية كتبت بواسطة Al Suwalih 9


	والله تراك فتحت المواجع وراك ذكرتنا بقطر نسيت ان ام صلال هو من طلعنا من اسيا اخ يالقهر نادي مغمور يطلعنا برى المهم موضوعك مع احترامي ماله دخل فالجزيرة الرياضية ستكون مشغل القناة لكن الادارة كاملة ستكون بيد نادي الهلال بالتعاون مع الجزيرة الرياضية

مدري ليش أشم فيك ريحة واحد مندس

مدمن بطولاااات · #26 05/08/2009, 07:51 PM

يا بووووي وش دخل بن همام في الجزيره

حمدلله والشكر بعض الناس نظرته قاااااصررررررره

يا لبى الجزيره بس نبييييييييييها تكفى يا بن مساعد

الـــراقـــي · #27 05/08/2009, 07:53 PM

يااااخي الادارة وكل شي بالقناة بيكونون هلاليين 100%

جكوت 11 الهلالي · #28 05/08/2009, 07:54 PM

ياخي وش بك انت
ياخي حنا جربنا أي آر تي
ومانجحت
ياخي نجرب الجزيره
يعني تبي تبتل وانت تناضر قناة فاشله
جربنا ال إي آرتي خلنا نجرب الجزيره تحياتي

فريقي الهلالي · #29 05/08/2009, 07:55 PM

إقتباس

الرسالة الأصلية كتبت بواسطة سا9ي


	السلام عليكم ورحمة الله وبركاته كلنا نعرف بأن الجزيرة هي أفضل قناة عربية رياضية ( بل في الشرق الأوسط ) بسبب أنها تنقل كلا من : 1- الدوري الإيطالي 2- الدوري الإسباني 3- الدوري التركي 4- الدوري الهولندي 5- كأس إنجلترا 6- كأس الكارلينق في إنجلترا 7- تصفيات أوروبا لكأس العالم 8- تصفيات آسيا لكأس العالم 9- كأس أمم أوروبا 10- كأس أمم آسيا 11- كوبا أميركا 12- تصفيات أمريكا الجنوبية لكأس العالم 13- دوري أبطال أوروبا ( ابتداءا من الموسم المقبل ) 14- دوري أبطال آسيا 15- أغلب المباريات الودية الكبيرة وغيرها من الألعاب الأولمبية ( مثل أولمبياد أثينا و بكين ) وكلها باشتراك بسيط مناسب للمشتركين ولكن هل تعرفون بأن رئيس الإتحاد الآسيوي هو قطري الجنسية؟؟ وهل تعرفون ما يقوم به هذا الرئيس ضد الهلال؟؟ يعني هل تعتقدون بأنه إذا صارت مشكلة - لا سمح الله - بين الهلال والإتحاد الآسيوي بقيادة ابن همام ستقوم قناة الزعيم ( الجزيرة ) بالوقوف في صف الهلال ضد ابن همام ؟؟ لا أعتقد فالجزيرة قطرية وابن همام قطري وأيضا من الممكن أن نلعب ضد فريق قطري في أي بطولة كانت وحدثت مشكلة كبيرة أو إشكالية أو مشاجرة في الملعب - الله لا يقدر - ولكنها أيضا في الحسبان هل ستظهر قناة الزعيم ( الجزيرة ) انحيازا للهلال ضد الفريق القطري؟؟ لا أعتقد ملاحظة / لا تصدقوا كل ما يقال من أي شخص فعندما قال الخليفي بأنه سيقدم أفضل قناة للزعيم في حال الإتفاق مع إدارة الهلال فهو يريد فقط أن يدخل مشاريعه في السعودية ( والتي يعلم بأنها ستدر عليه ذهبا ) نظرا لشعبية الهلال الجارفة فهل تتذكرون ما قاله ابن كامل ( ارتي )؟؟ قال نفس الكلام وكلنا تفاءلنا وقلنا متى يتم تشغيلها ( على أحر من الجمر ) والنهاية فشل ذريع فكيف إذا كان مشغل القناة قطري !! طبعا لا يخفى عليكم حقد القطريين على السعودية وخصوصا الهلال أنا صراحة لست مع البقاء في الأرتي ولست مع الإتفاق مع الجزيرة ولكن سؤالي هو / ماذا ينقص إدارة الهلال حتى لا تشغل قناة بنفسها وتكون خاصة للهلال وليست تابعة لأي قناة؟؟ الكوادر موجودة المحللين الهلاليين موجودين المعلقين الهلاليين موجودين مقدمي البرامج الهلاليين موجودين الكتاب الهلاليين موجودين والفلوس ولله الحمد موجودة وطبعا تكون مشفرة حتى لا يخرج أي خبر خارج البيت الهلالي وحتى يكون هناك دعم للإدارة من قبل الجمهور المشتركين في القناة بشرط أن يكون المبلغ مناسبا تحياتي..

مشكووووووووووووووووور اخوي

كلام سليم وواقعي

و إنشاء شبيه يسوي قناة متخصصه للهلال

وماتابع لاي قناه نفس اي ارتي والجزيره وغيرهاا

بس بعض وسائل الاعلام ضد الهلال

هاذي المشلكه

وفي شيء ثاني قناة اي ارتي تحاديه

ودليل مدح منصور البلوي باي برنامج بس الشكوى لله

بالتوفيق للزعيم

N ALRASH · #30 05/08/2009, 07:56 PM

إقتباس


	هل تعتقدون بأنه إذا صارت مشكلة - لا سمح الله - بين الهلال والإتحاد الآسيوي بقيادة ابن همام ستقوم قناة الزعيم ( الجزيرة ) بالوقوف في صف الهلال ضد ابن همام ؟؟ لا أعتقد فالجزيرة قطرية وابن همام قطري

بيقـفون مــع الهـــلال

أخوي بالله وش عاجبك بالآرتي ؟؟!!!