ملـتقى هواة الـ ( iPhone ) - صفحة رقم 43 - نادي الهلال السعودي - شبكة الزعيم

عالية الهمه · #631 17/12/2009, 08:50 AM

جزاك الله خير اخوي

وصلته موبايلي واشتغل والحمدلله

MOHANNAD14 · #632 17/12/2009, 03:13 PM

إقتباس

الرسالة الأصلية كتبت بواسطة عالية الهمه


	جزاك الله خير اخوي وصلته موبايلي واشتغل والحمدلله

الحمدلله

وان شاء الله

تكون اخر التعليقات

موفقه

saoud0000 · #633 17/12/2009, 06:29 PM

شباب الأيفون موجدود للأن في موبايلي او لا ؟

فروع الرياض

The Rocket · #634 18/12/2009, 01:14 PM

شباب كم سعر الجهازين الحين ؟؟ الجي إس والثاني ..

ثانيا .. هل الجهاز له شريحة خاصة ولا عادي أي شريحة .. يعني مثلا عادي احط فيه شريحة الإتصالات ؟

مع العلم اني بشتريه إن شاء الله من موبايلي !!

MOHANNAD14 · #635 18/12/2009, 06:37 PM

إقتباس

الرسالة الأصلية كتبت بواسطة The Rocket


	شباب كم سعر الجهازين الحين ؟؟ الجي إس والثاني .. ثانيا .. هل الجهاز له شريحة خاصة ولا عادي أي شريحة .. يعني مثلا عادي احط فيه شريحة الإتصالات ؟ مع العلم اني بشتريه إن شاء الله من موبايلي !!

بامكانك الاطلاع على كامل الاسعار في الرابط التالي

ايفــــــون موبايلي

والايفون يقبل جميع الشرائح ولايهمك كلام الموظف فقط للتسويق يقول لك ماتقبل الا موبايلي

موفق يالغالي

The Rocket · #636 18/12/2009, 09:32 PM

إقتباس

الرسالة الأصلية كتبت بواسطة MOHANNAD14


	بامكانك الاطلاع على كامل الاسعار في الرابط التالي ايفــــــون موبايلي والايفون يقبل جميع الشرائح ولايهمك كلام الموظف فقط للتسويق يقول لك ماتقبل الا موبايلي موفق يالغالي

تسلم ع الرد ..

بالنسبة للرابط .. دخلته ولقيت مليون طعشر عرض

فـ وش معنى مفوتر ومسبق الدفع .. ؟ يعني يجي معه شريحة ولا كيف ؟

اللي ابيه جهاز آيفون 8 جيجا بدون العروض اللي حاطينها .. كم سعره ؟

MOHANNAD14 · #637 18/12/2009, 10:13 PM

إقتباس

الرسالة الأصلية كتبت بواسطة The Rocket


	تسلم ع الرد .. بالنسبة للرابط .. دخلته ولقيت مليون طعشر عرض فـ وش معنى مفوتر ومسبق الدفع .. ؟ يعني يجي معه شريحة ولا كيف ؟ اللي ابيه جهاز آيفون 8 جيجا بدون العروض اللي حاطينها .. كم سعره ؟

طيب سوري عاللخبطة
بحاول اشرح لك بما
انك حصرت طلبك في
الـ8 جيجا

بالنسبة للمفوتر (يعني تنزل لك فاتورة شهريه) فهي ثلاث باقات

إقتباس


	1. باقة 99 ريال اشتراك شهري....السعر (1875) ريال العروض المقدمة في هذه الباقة......75 دقيقه مجانية...75 رساله مجانية.....و200 ميجا انترنت

إقتباس


	2. باقة 299 ريال اشتراك شهري....السعر (1999) العروض المقدمة في هذه الباقة......350 دقيقة مجانية....2-- رساله مجانية....500 ميجا انترنت

إقتباس


	3. باقة 399 ريال اشتراك شهري...(لايوجد سعر حاليا) الباقة غير معتمدة حاليـــا ...

مدة الالتزام في الباقات السابقه (سنه)

يعني لازم تتدفع رسوم اشتراك سنه ...مو تقول بدفع لهم وبسحب ماراح اسدد

ام بالنسبة للمسبق الدفع (بطاقات شحن)

إقتباس


	شحن عادي .... قد ماتشحن قد ماتقدر.....مع عرض مميز 250 انترنت مجاني غير مرتبط بشحنك الالتزام 6 شهور..... السعر..... (2199)ريال....

نصائحي لك

استخدم الباقة المسبقة الدفــع سعر مناسب وانترنت مجاني 250 ميجا بالشهر

شي رهيب والله

ان شاء الله شرحت زين ماحستك اكثر

اذا بغيت شي اكثر بانتظارك

موفق يالغالي

abadi saleh · #638 18/12/2009, 10:49 PM

السلام عليكم

اخواني انا نويت اشتري ايفون ثري جي اس 8 قيقا

ابي اعرف هل العابه تفرق عن النوكيا سهولة تصفحه يعني هـ الامور

انا ناوي اخذ المفوتر بـ 99 ريال .. وحبيت اسأل عن الـ 200 ميجا تكفي لتصفح .. وهل اقدر اشبكه عن طريق وايرلس البيت ؟

ويعطيكم العافيه

وياليت اذا فيه صور للايفون شخصيه يعني مو وصور من النت

ابي حج مصور جواله يرفعها

الله لايهنيكم

.

The Rocket · #639 18/12/2009, 11:08 PM

إقتباس

الرسالة الأصلية كتبت بواسطة MOHANNAD14


	طيب سوري عاللخبطة بحاول اشرح لك بما انك حصرت طلبك في الـ8 جيجا بالنسبة للمفوتر (يعني تنزل لك فاتورة شهريه) فهي ثلاث باقات مدة الالتزام في الباقات السابقه (سنه) يعني لازم تتدفع رسوم اشتراك سنه ...مو تقول بدفع لهم وبسحب ماراح اسدد ام بالنسبة للمسبق الدفع (بطاقات شحن) نصائحي لك استخدم الباقة المسبقة الدفــع سعر مناسب وانترنت مجاني 250 ميجا بالشهر شي رهيب والله ان شاء الله شرحت زين ماحستك اكثر اذا بغيت شي اكثر بانتظارك موفق يالغالي

أولا .. الله يعطيك العافية على تعبك معي ..

ثانيا .. يا انا اللي مافهمت .. يا انت اللي مافهمت علي

أنا مثلا لو أبي جهاز إكسبرس 5800 .. له سعر واحد .. مثلا 1000 ريال .. مايقولي شريحة ماشريحة ..

هذا الآي فون عطونا عروض مع شرايح .. انا ابي الجهاز لحاله .. يعني مامعه شريحة ..
الشريحة موجودة عندي .. لكن ينقصني الجوال ..

يعني هل الآي فون له شريحة مخصصة تختلف عن باقي الأجهزة ؟
اذا كان لا .. فـ ليش عارضين لنا عروض مع هـ الشرايح ؟
لو واحد يبيه لحاله مثلي وش يسوي ؟

هذا اللي عندي .. واتمنى تفهم قصدي ..

أتوقع انا اللي مافهمت

MOHANNAD14 · #640 18/12/2009, 11:52 PM

إقتباس

الرسالة الأصلية كتبت بواسطة The Rocket


	أولا .. الله يعطيك العافية على تعبك معي .. ثانيا .. يا انا اللي مافهمت .. يا انت اللي مافهمت علي أنا مثلا لو أبي جهاز إكسبرس 5800 .. له سعر واحد .. مثلا 1000 ريال .. مايقولي شريحة ماشريحة .. هذا الآي فون عطونا عروض مع شرايح .. انا ابي الجهاز لحاله .. يعني مامعه شريحة .. الشريحة موجودة عندي .. لكن ينقصني الجوال .. يعني هل الآي فون له شريحة مخصصة تختلف عن باقي الأجهزة ؟ اذا كان لا .. فـ ليش عارضين لنا عروض مع هـ الشرايح ؟ لو واحد يبيه لحاله مثلي وش يسوي ؟ هذا اللي عندي .. واتمنى تفهم قصدي .. أتوقع انا اللي مافهمت

هههههههههههههههه ان شاء الله الشرح يفيدك مع الاخوان ان شاء الله...

بالنسبة لسوالك ...

الايفون يباع عالميا عن طريق شركات الاتصالات

مثلا موبايلي في السعودية...فودافون في الكويت....اتصالات في الامارات وهكذا

وشركات الاتصال هذي تستغل حصرية الجهاز عندها وتقدم معاه شرائح ( الزاميه )

لتسويق منتوجاته

بالعربي..

تشتري ايفون مو موبايلي ( لازم ) شريحه ولو باقل العروض

الشريحه فيك فيك ...

اذا ودك تشتري ايفون من برا موبايلي بامكانك انك تاخذه من محلات الاتصالات العادية

بسعر قريب لاسعار موبايلي ومفتوح ويركبون لك برامج

يعني جهاز زي العسل

طبعا الفرق ...ان موبايلي معاه ضمان سنه ....برا بدون ضمان

طبعا انا شاري من برا موبايلي....والحمدلله الجهاز يشتغل على جميع الشرائح السعودية...

ها بشر شرحت اللي تبيــــه.....

موفق يالغالي

MOHANNAD14 · #641 18/12/2009, 11:59 PM

إقتباس

الرسالة الأصلية كتبت بواسطة abadi saleh


	السلام عليكم اخواني انا نويت اشتري ايفون ثري جي اس 8 قيقا ابي اعرف هل العابه تفرق عن النوكيا سهولة تصفحه يعني هـ الامور انا ناوي اخذ المفوتر بـ 99 ريال .. وحبيت اسأل عن الـ 200 ميجا تكفي لتصفح .. وهل اقدر اشبكه عن طريق وايرلس البيت ؟ ويعطيكم العافيه وياليت اذا فيه صور للايفون شخصيه يعني مو وصور من النت ابي حج مصور جواله يرفعها الله لايهنيكم .

حياك اخوي

وان شاء الله تفرحنا بخبر اقتناءك اطلق جوال في البسيطه....

بالنسبه لمقارنتك الايفون بنوكيا.....مع احترامي للشعب النوكيي...
الايفون لايقارن باي جوال من ناحيه التصفح والسهوله والالعاب

كنك تقارن ميتين ال مع اسكاليد ابيض فل .....

الايفون الجوال الاول عالميــا من ناحية الترفيه وسهولة تصفح الانترنت

الـ 200 ميجا

احد الزملاء كان يحاول يخلصها نهايه الشهر ويضغط روحه بيوتيوب....يعني مناسبه اذا كان استخدامك مسنجر وايميل....

وبالنسبة للواير لس.....ببساطه تعاملك مع لابتوبك زي تعاملك مع الايفون مع اغلب النواحي

بخصوص الصور....

انا مامعي الا جوال واحد شلون اصوره.....يمكن مع مرايه

موفق يالغالي

هلالــ( ever4 )ــيـه · #642 19/12/2009, 01:14 AM

يعطيكم العافيه ،

بسألكم عن
iPHONE 3GS‎ ابيض
16 قيقا - المفتوح - بكم سعرة ؟
وين ممكن القىه في الرياض

وهل اقدر اتشري من موقع ابل ( اي فون ) بدون
اشترك شركتهم حقت الاتصالات ؟

و ايش تنصوني اشتريه من فين ؟

و هل تدرون هل بينزل من iPHONE جهاز جديد قريب ؟
و اذ فيه متى ينزل ؟

The Rocket · #643 19/12/2009, 01:41 PM

إقتباس

الرسالة الأصلية كتبت بواسطة MOHANNAD14


	هههههههههههههههه ان شاء الله الشرح يفيدك مع الاخوان ان شاء الله... بالنسبة لسوالك ... الايفون يباع عالميا عن طريق شركات الاتصالات مثلا موبايلي في السعودية...فودافون في الكويت....اتصالات في الامارات وهكذا وشركات الاتصال هذي تستغل حصرية الجهاز عندها وتقدم معاه شرائح ( الزاميه ) لتسويق منتوجاته بالعربي.. تشتري ايفون مو موبايلي ( لازم ) شريحه ولو باقل العروض الشريحه فيك فيك ... اذا ودك تشتري ايفون من برا موبايلي بامكانك انك تاخذه من محلات الاتصالات العادية بسعر قريب لاسعار موبايلي ومفتوح ويركبون لك برامج يعني جهاز زي العسل طبعا الفرق ...ان موبايلي معاه ضمان سنه ....برا بدون ضمان طبعا انا شاري من برا موبايلي....والحمدلله الجهاز يشتغل على جميع الشرائح السعودية... ها بشر شرحت اللي تبيــــه..... موفق يالغالي

ايييييييييييييييييييييه ..

هذا اللي ابيه ..

طيب لو بشتريه من برا موبايلي .. كم بيكون سعره ؟ .. ومن أي محل آخذه ؟

MOHANNAD14 · #644 19/12/2009, 02:50 PM

إقتباس

الرسالة الأصلية كتبت بواسطة هلالــ( ever4 )ــيـه


	يعطيكم العافيه ، بسألكم عن iPHONE 3GS‎ ابيض 16 قيقا - المفتوح - بكم سعرة ؟ وين ممكن القىه في الرياض وهل اقدر اتشري من موقع ابل ( اي فون ) بدون اشترك شركتهم حقت الاتصالات ؟ و ايش تنصوني اشتريه من فين ؟ و هل تدرون هل بينزل من iPHONE جهاز جديد قريب ؟ و اذ فيه متى ينزل ؟

حياك اختي

بالنسبة للايفون حسب مواصفاتك

موجود عند موبايلي بشرط انك تاخذي شريحه من عندهم (سياسه شركه ابل عالميا...توزع الايفون من شركات الاتصال )

السعر ( 2600 ريال).....مع شريحه مسبقة الدفع

اما برا موبايلي يعتمد على مجهوددك في البحث

بما انك من الرياض راح اقول لك اهم مكان ممكن تحصلينه فيه

مجمع المرسلات 90% راح تحصلينه هناك وباسعار قريبه من موبايلي ( بدون ضمان)

اما اصدار جديد ماتوقع خلال عالاقل 10 شهور الى سنه

يمكن ينزل دفعه مطوره ( بدون اختلاف الشكل )

موفقه

MOHANNAD14 · #645 19/12/2009, 02:52 PM

إقتباس

الرسالة الأصلية كتبت بواسطة The Rocket


	ايييييييييييييييييييييه .. هذا اللي ابيه .. طيب لو بشتريه من برا موبايلي .. كم بيكون سعره ؟ .. ومن أي محل آخذه ؟

زين اني شرحت صح...

برا موبايلي على حسب المحل

اذا من الرياض راجع الرد السابق

اذا من الخبر ان شاء الله الاخ ( استري) يفيدك

موفق ان شاء الله

قفله....

استري....لك فقده ..