صرح اليوم فواز المسعد انهم يبي يجيبون لاعب عالمي وقال ان ماتورانا ابلشنا قال بدال مانجيب ثلاثة لاعبين اجانب نجيب واحد بس يصير عالمي وابن كلب وقال المسعد اللي قاعد يضف قراشيعه من النادي اننا نبي ناخذ بشور ماتورانا وبنخليه هو اللي يختاره وقال ماتورانا انه احتمال يجيب لاعب من كولمبيا لانه خابرن كم لاعب زين ونشدنا احد الجماهير الهلاليه المسطبله بالنادي عن رايهم بشور ماتورنا ورد علينا واحد منهم وهو معصب قال ان ماتورانا عنصري ويبي يجيب واحد(ن) بثر من جماعته مثل الكاتو ويبي يقعد على قلوبنا بالتشكيله الاساسيه واختتم هذا المشجع حتسيه وقال ان من يوم شفت خشة ماتورانا وانا غاسلن ايدي منه وقال اللاعب النكبه الكاتو يوم سئلوه عن هو يبي يقعد بالهلال ولا يبي يضف وجهه لكولمبيا قال : انا احب الهلال ومستحيل اشوف نفسي بنادي ثاني وانشاالله الهلال يصيرون حليلين ويخلوني اقعد عندهم السنه الجايه لاني تعودت على معسل الامبراطوره وصعبه اتركه عاد سئله واحدن من الربع معنا عن سر هالشوشه اللي له سنه ماحلقها وهل هو يطمح انه يكون مثل فالديرما رد علينا وهو يضحك :
ماعندكم حلاقين زينين وتؤكد احد المصادر ان الكاتو ماهوب ذالف عن النادي وانه يبي يشارك بكاس الامير فيصل لان خزنة النادي مابه الا قشور فصفص عقب استقالة سعود بن تركي

بعـــــد ريفــــــــــاليـنـو مـــــــاعـندك لاعــــــــب عـالـمي ............

الموجودين الآن كلهـم على رأي المثل (( صــــــب قهــــــــوة )) .............

إقتباس إقتباس من مشاركة الكنز الازرق بعـــــد ريفــــــــــاليـنـو مـــــــاعـندك لاعــــــــب عـالـمي ............ الموجودين الآن كلهـم على رأي المثل (( صــــــب قهــــــــوة )) .............

الا والله العالمي توليو

لا تنسو ادميلسون الفنان

توليو ....................ادميلسون...................... صلاح الدين بصير
تكفون نبي ولو واحد منهم يرجع

واش ادملسون الكاتو وبس....ههههههههههههه

إقتباس إقتباس من مشاركة الكنز الازرق بعـــــد ريفــــــــــاليـنـو مـــــــاعـندك لاعــــــــب عـالـمي ............ الموجودين الآن كلهـم على رأي المثل (( صــــــب قهــــــــوة )) .............

نعم لاعب واحد على مستوى افضل من ثلاثة فكة . بس عاد لا تدخل فيها العنصرية و يكون الا كولمبي

والله كلهم قهوجيين

يازين حتسيك زينااااااااااااااااه.