سالفتي مع [ إخفاق وايرلس ] ،! .. - نادي الهلال السعودي - شبكة الزعيم

ملآذ الطير · #1 30/07/2009, 03:44 PM

.
.

بسم الله الرحمن الرحيم ..
السلام عليكم ورحمة الله وبركاته ..

.

[ الموضوع منزله في أكثر من موقع .. أبي عيال الـ .... يقرون الكلام ويعدلون لي النت ]

.

جاي احكي لكم قصتي ..
مع إخفاق واير لس حق الاتصالات ..

.

انا واحدن من خلق الله .. مثلي مثل أي واحد في العالم ..

قدر الله علي وقدمت على آفاق دي اس ال .. الكلام هذا قبل سنة ..

قالوا : اسبوعين ونتصل عليكم عشان الاشتراك وكذا ..

راح الاسبوعين .. وين الناس ؟؟

قالوا : اسبوعين ثانيين .. ويلا ننتظر .. وتميت تقريباً شهرين كذا ..

في الأخير رحنا لهم .. قالوا : العداد اللي جنب بيتنا ما فيه الا عشرين خط دي اس ال بس ،! ..

وآخر خط دي اس ال فيه خذه واحد قبل ست سنوات .. ولا كان فيه طلب عليه فـ ما جابوا عداد جديد ..

المهم قلنا لهم وش الحل ؟

قالوا : المشكلة أصلاً منتهين من حلها وبس ننتظر العداد يجيبونه من الرياض ..

>> الكلام هذا قبل سنة .. وإلى الآن ما غيروا العداد اللي جنب بيتنا ..

.

المهم .. بعدين قدمنا على آفاق واير لس وجابوه لنا ..

قبل اسبوعين .. هنق النت عندي .. يفصل ويقطع وكذا .. طفشت منه ..

تم تقريباً اسبوع .. بعدين فصل مرة وحدة ..

دقيت عليهم ..أقول لهم : وش المشكلة ؟! .. يقولون : [ الخدمة ماشية عندك وممتازة ! ] >> ركزوا عليها ذي ..

قلت لهم : بس الاشارة حمرا عندي .. قالوا : يمكن مكانه مو عدل ..

قلت لهم : طيب جيبوا فني يشوف المودم ..

قالوا : الحين يعني بنجيب لك واحد يغير مكان المودم ؟ غير مكانه انت وجرب ..

تركتهم .. دقيت مرة ثانية .. قالوا لي : الشريحة تحتاج تعريف رح أقرب فرع ..

ما حصل لي أروح الا الأربعاء .. رحت لأقرب فرع قالوا ما عندنا اتصل عليهم وسجل بلاغ ..

>> يا ليل البعارين

..

بعدين دقيت عليهم الأربعاء في الليل ..

في البداية دقيت عليهم .. جاني انتظار .. بعدين جاني تقييم الخدمة .. شكل ...... سكر بوجهي ..

حطيت تقييم الخدمة 3

>> يعني فاشل ..

دقيت مرة ثانية .. رد علي واحد قال اسمه بس ما لقطته عدل هال...... ..

المهم وانا أقول له ومحترق .. شوي الا ...... يسكر بوجهي

..

جن جنووني هنا و [ ... محجوب

... ] ..

دقيت على الثالث .. قلت له : أتكلم ولا بتسكر بوجهي ؟؟

قال : لا لا ابشر ابخدمك ..

المهم واشكي له الحال .. انا واحد قدر الله علي و ................... إلخ ..

قال : الشريحة يمكن معطله بسوي لك بلاغ الحين وبيجيك فني خلال 48 ساعة وبيعطيك شريحة ..

تميت الأربعاء .. الخميس .. الجمعة .. وينه ؟؟ ..

دقيت عليهم الجمعة .. قالوا لي : الخدمة ملغية بـ تاريخ 15 - 6 - 1430 .. واحنا بـ 1 - 8 - 1430 ..

>> وانا طول الوقت أطارد وراهم على خدمة ملغية ..

قلت له : طيب أبغى أأسسها .. قال : دق على رقم وهم بيخدمونك ..

دقيت عليهم .. قالوا لي : ما فيه دوام الا من السبت الساعة 11 الصباح ..

وانتظر .. وادق السبت .. وقلت لهم : كذا كذا كذا..... إلخ .. قالوا بيجيك فني خلال 48 ساعة .. وبيعطيك مودم جديد ..

وانتظر ..

.

المهيم ..

جا الأحد .. ويجيب أخينا المودم .. واشبك النت ..

وخلوووشنا منهم ..

عاد الحين المشكلة ان ما فيه باسوورد .. يعني أي واحد برا بيجي يشبك على بيتنا عادي ..

بس يلا ما لي الا أدق عليهم ..

.

وهذي نهاية قصتي .. مع إخفاق دي اس ال & وايرلس ..

عقبال ان شاء الله كل من تشمت يفصل شهرين ..

.

[ ترى للحين كل شوي يفصل وطفشت من كثر ما أتصل عليهم ]
الله لا يسعدهم

.
.

برق المدينه · #2 30/07/2009, 04:07 PM

الله يخلصنا منهم حتى لو يشتغل و سرعتك عاليه تعاني من بطء السرعه

~SaKaB · #3 30/07/2009, 04:38 PM

الله يعينّا على هالمشاكل , وما راح تتغيّر حتى يدخل منافس قوي !
أحد الإخوان طالب سرعة ماكس , يوم السرعة ميةّ ميّة واليوم الثاني زفت , وعلى هالحال .

بالتوفيق

فـــهد · #4 31/07/2009, 12:54 AM

والله ياخوكـ رفع ضغطي هالواير لـس الله لآيوفقهم....
ومثل ماقال سكب ماراح يزين حالهم إلآ إذا دخلت شركه منافسه....

دمــي هلالــي · #5 31/07/2009, 01:33 AM

الله يعينك بس ..

آنآ الحمدلله حارتنا مافيها خطوط dsl .. كثير

لآكن آبي آعرف ,, متى بيحطون شركة زي العالم والناس؟؟ ..

سي يآ..

*الموج الازرق* · #6 02/08/2009, 04:46 AM

اي والله من جد متى بيحطون شركه زي الناس عالعموم يعطيك العافيه وجزاك الله خير >> والله يفك كربتك

محمد 22 · #7 02/08/2009, 10:22 AM

طيب واي ماكس وش رايكم فيها
وانت ليه ماتاخذلك واي ماكس

الداود · #8 03/08/2009, 01:01 AM

الله يكون في عونك

موبايلي برود باند وبس

الفيروسه الزرقاء · #9 03/08/2009, 07:26 PM

هلا بـ ملآذ

و عليكم السلام ورحمة الله و بركاته .

الانفصالات شركة فاشله في جميع النواحي

!!
و أثبتت فشلها أكثر يوم راحت لـ الكويت

عندي صديقتي في الكويت إشتركت معاهم و ندمت تقول شلون كنتم تتحملون هـ الشركه

قلت لها لا تلومينا عشنا معاناة مايعلم فيها إلا ربي

.. بس الحمدلله بدأت الان تجينا شركات منافسه و الآن فيه خدمة واي ماكس من اتحاد عذيب للاتصالات ، أشوف أختي مشتركه فيها وتمدحها تقول بس لو يزودون السرعه ياسلاااام

..

إقتباس


	عاد الحين المشكلة ان ما فيه باسوورد .. يعني أي واحد برا بيجي يشبك على بيتنا عادي .. بس يلا ما لي الا أدق عليهم ..

لا تدق عليهم

.. شنو نوع المودم اللي عندك و أنا اعلمك طريقه وضع باس وورد ع شبكتكم

!

إقتباس

الرسالة الأصلية كتبت بواسطة الداود


	الله يكون في عونك موبايلي برود باند وبس

الدوواد أنت مجرب برود باند !!
ودي أشترك في هـ الخدمه لكن انا عندي شريحة كونكت من موبايلي

حيل مستانسه عليها حتى لا راحت مزرعتنا شبكت باند لكس ع الروتر حتى ندخل أنا و بنات خالي

البرود باند أفضل من أي ناحية !!

سي يا

الفيروسه الزرقاء

الداود · #10 03/08/2009, 08:06 PM

إقتباس

الرسالة الأصلية كتبت بواسطة الفيروسه الزرقاء


	الدوواد أنت مجرب برود باند !! ودي أشترك في هـ الخدمه لكن انا عندي شريحة كونكت من موبايلي حيل مستانسه عليها حتى لا راحت مزرعتنا شبكت باند لكس ع الروتر حتى ندخل أنا و بنات خالي البرود باند أفضل من أي ناحية !!

يس وهو الاتصال الرسمي في البيت

بلا انفصالات بلاهم

افضل من كل النواحي بس اهم شي يكون عندك الابراج اوكي

له حالياً عندي 9 شهور وماعمره فصل معي

والتحميل 300-450 لان الابراج فل ويمكن محد يستخدم البرج غيري

اذا الابراج عندك اوكي بيكون افضل واقوى من الكونكت << وهذا على كلام احد موظفي موبايلي مع العلم ان البرودباند ارخص من الكونكت المفتوح

الشهر برودباند 299 والكونكت 350

جربيه مو خسرانه شي

يعطونك 3 ايام تجربه اذا ماعجبك ترمينه عليهم ويرمون فلوسك عليك

عاشت موبايلي

سلام

الفيروسه الزرقاء · #11 04/08/2009, 03:36 AM

^
^
^
لا مابيه إتصال رسمي في بيتنا

بخليه إتصال تجوالي

.

إقتباس


	والتحميل 300-450 لان الابراج فل ويمكن محد يستخدم البرج غيري

و الله زين أنا مدمنة تحميل

.. طب إذا احد يستخدم البرج معي بتقل سرعة تحميلي

!!
طب شنو يدريني إن أحد بيستخدم البرج .. حتى أحرسه

ولا اخليه يدخل

--> صه بس

إقتباس


	الشهر برودباند 299 والكونكت 350

خبرك عتيق

انا تجيني الفاتوره كل شهر 300 ريال الباقه المفتوحه

مدري اذا مسوين لي دسكاوند و خاصمين 50

لكن دائماً 300

يعني ماكو فرق بيني و بينك الا بريال

..

إقتباس


	يعطونك 3 ايام تجربه اذا ماعجبك ترمينه عليهم ويرمون فلوسك عليك

حلو طب عرضهم هذا مستمر إلى متى !!
أفكر أجربه في أيام المطر - إن الله احيانا- لان يمكن لا صار الجو زين

نطلع و انا ودي ودي أشبك نت من البر

---> أمنيتها

لأن العام يوم ايام المطر طلعنا للبر أبي أشبك من موبايلي كونكت ماااافيه !!
تتوقع إن الابراج اللي في البر مو مدعم بـ الجيل الثالث !! إذا كانت مو مدعومه اجل عز الله ماراح ادخل نت حتى من برود باند لان من كونكت مادخلني

.

صن كيو الداود

.

سي يا

فيو

الداود · #12 04/08/2009, 01:52 PM

إقتباس

الرسالة الأصلية كتبت بواسطة الفيروسه الزرقاء


	^ ^ ^ لا مابيه إتصال رسمي في بيتنا بخليه إتصال تجوالي . و الله زين أنا مدمنة تحميل .. طب إذا احد يستخدم البرج معي بتقل سرعة تحميلي !! طب شنو يدريني إن أحد بيستخدم البرج .. حتى أحرسه ولا اخليه يدخل --> صه بس خبرك عتيق انا تجيني الفاتوره كل شهر 300 ريال الباقه المفتوحه مدري اذا مسوين لي دسكاوند و خاصمين 50 لكن دائماً 300 يعني ماكو فرق بيني و بينك الا بريال .. حلو طب عرضهم هذا مستمر إلى متى !! أفكر أجربه في أيام المطر - إن الله احيانا- لان يمكن لا صار الجو زين نطلع و انا ودي ودي أشبك نت من البر ---> أمنيتها لأن العام يوم ايام المطر طلعنا للبر أبي أشبك من موبايلي كونكت ماااافيه !! تتوقع إن الابراج اللي في البر مو مدعم بـ الجيل الثالث !! إذا كانت مو مدعومه اجل عز الله ماراح ادخل نت حتى من برود باند لان من كونكت مادخلني . صن كيو الداود . سي يا فيو

باك

بالنسبه انه يشتغل بالبر انسي

بس يشتغل في بعض المدن ومو كل الاحياء حالياً

وبالنسبه لسعر الكونكت الي اعرفه الي الحين 350

والبرودباند ب 299 لسرعه 2 ميقا و 85 لسرعه 512 ويقولون ان سرعه 512 ممكن تعطيك بالتحميل نفس 2 ميقا

الي ب 200 لسرعه 512 بعد اول 3 شهور

ولو الفرق ريال مو مشكله يجيب بيبسي مع النت مجاناً

والفتره التجريبيه على طول مو عرض مته ماخذتيه عطوك فتره تجريبيه 3 ايام - 72 ساعه خلالها يمديك تجربينه ولو ماضبط معك ترجعينه

جربي وعطينا خبر

موبايلي

سلام

fata-sdeer · #13 03/08/2009, 03:00 AM

اللـه يعينك

الا اقول

الحين انت تعاني من انقطاع في النت من صفحة سبيد توش

زي كذا

يطلع خلل في DSL ؟؟؟

ملآذ الطير · #14 04/08/2009, 04:29 AM

أشوف موضوعي قلب سواليف

..

.

فتى سدير ..
اللي كان عندي وايرلس .. الدي اس ال ما فيه بمنطقتنا

..

.

بس الحين ابشركم .. طلعت برودباند [ الواي ماكس

] تبع موبايلي ..
ومن طلعته لي 3 أيام ولا فصل الحمدلله

.. وسرييع مررة

..
وبالشهر 200 ريال .. وان جددت حق 3 شهور 550

..

.

و ... ام الاتصالات يا شيخ

..
وداعاً بلا رجعة

..

.

على فكرة .. منزل الموضوع بشبكة الزعيم قلت يمكن يشوفه موظف عندهم ..
ويراسلني عالخاص ولا شي .. ولا يكتب في رد ..

بس خلاص الحين بالطقاق في الاتصالات

..

[ موبايلي

.. عالم من اختياري

]

.