20/08/2002, 05:09 PM
|
| زعيــم نشيــط | | تاريخ التسجيل: 03/02/2001
مشاركات: 512
| |
|
لا ولا شي هذا سعووودي
ابو سعد رجال كريم ... بس عيبه انه طول عمرة ماقلط احد .... وعنده ولد مايص مره عمره 19 سنه وتوه مخلص الثنوي بتقدير ياربيه ...
اسمه سعد ويدلعونه سعّودي ... وسعودي هذا هو وحيد امه وابوه ... وعيبه الوحيد انه مايحب السباحه يحرق عيونه الشنبو ...
وجاهم في يوم من الايام عمهم ابو حمد من الديره هو وولده حمد الي توه متخرج من الثنوي … المهم قلطهم ابو سعد … يوم توهم قاعدين
قام ينادي سعودي تعال سلم على عمك … وكل ذا والعم مطير عيونه مهوب مصدق مايسمع … ودخل سعودي ما عليه الا شلحه هههه مابقى
الا هي… في الحقيقه عليه بدله ضيقه مره ما بقى الا برميل اكسجين على ضهره ويصير كنه غواص … ومد يده ورز خده في وجه عمه وحبه
عمه وراسه يدخن من القهر … ثم قعد سعودي وقاله ابوه سعودي حبيبي ليش ماسلمت على ولد عمك حمد … قام سعودي الشاطر وسلم على
ولد عمه ورز خده في وجه ولد عمه وحبه ولد عمه … ثم قعد سعودي جنب ابوه وخدوده حمر مره مستحي … وقال له ابوه رح جب القهوه
يالقوي … وقال سعودي ياسلام سلم وشلون اشيلها وهي حاره تبغاها تنكب علي واموت … قال له ابوه طيب قم جب الفناجيل والتمر
… قام سعودي وجاب الفناجيل والتمر … ودخل عليهم وهو شايلها ويمشي بشوي شوي كنه يمشي على حبل …. والفناجيل تراقص في الصحن
والابو يشجع ولده ياقوي ولدي قوياه بعدي بولدي … والعم بينفقع منقهر … وحط الولد الفناجيل والتمر وقال لابوه تقول امي ثقيله
عليك الدله خل ابوك يجي ياخذها … وقام ابو سعدوجاب الدله … وقال لسعد ياله صبها ا
نت … وقام سعودي وشال الدله بيديه الثنتين بعد ماجاب قوة امه وابوه … ثم صب الفنجال الاول وشاله بيساره ووقف على رجليه وهو
يناظر في الفنجال حار مره وخايف ينكب عليه … شكله وهو يمشي به كنه شايل داب وخايف تقرصه … وحط الفنجال عند ابوه ورجع للدله
… ناداه ابوه وقال له عط الفنجال عمك وبعدين الفنجال يشال باليمين … قال طيب ابجيب لعمي هالحين … الدله فيها قهوه واجد مره
… صب الفنجال الثاني وحطه عند عمه … وخذه عمه وهو يتحمد … ثم صب لولد عمه … وقال لابوه عاد تراي تعبت صبها انت ….
قال ابو سعد … هاه خير يابو حمد وش عندك وش جايبك … قال ابو حمد وهو بتنفقع مرارته من سعودي ابد مافيه الا سلامتك انا جاي
ابي سعد لولدي حمد … وفي هذه الاثناء استحى سعودي وصار وجهه احمر وطلع من المجلس يركض … وراح لغرفته وانسدح على سريره وهو
ينتفض عسى ابوي يردهم ….
ثم قال ابو حمد امزح معك … بصراحه انا جاي اقدم لحمد في العسكريه … يبغى الكليه الامنيه ….
قال ابو سعد انا ودي ادخل سعودي العسكريه …. بس مشكلته ان يده انكسرت وهو في المتوسط منصك عليها كتاب …. ويوم رحنا بنقدم
له …. مانجح في المقابله روعه العسكري الي قابل معه قال له ترى بتنوم لحالك ومحد مسبحك ومن يلبسك هدومك !!… واستخرنا الله
من العسكريه
قال العم والله لو ادري ان ولدك بيدخل العسكريه معاد شجعت الهلال (وش دخل الهلال بالسالفه) هذي دعاية للازرق... المهم انا تعبان
ابا انام هالحين وقومني اذا جا الغدا … نام العم وقعد حمد لحاله وراح ابو سعد بينادي سعودي علشان يقعد مع ولد عمه … واول ماشاف
سعودي ابوه … ارتاع وقال شكل ابوي موافق واكيد انه جاي بيسالني عن رايي … قال الابو سعودي رح اقعد مع ولد عمك شفه في المجلس
لحاله … استحى سعودي وانحرج يحسب ولد عمه شارط شوفته والقعده معه … وتخيل نفسه وهو داخل عليه بالعصير وينتفض من الحيا …
وهو يفكر ويتخيل قال له ابوه رح اقعد مع ولد عمك وسولف معه تراه جاي بيسجل في العسكريه وبيروحون بكره …. ارتاح سعودي يوم سمع كلام
ابوه وصرخ صرخه قويه ياي ياي …. وحول وقعد مع ولد عمه …
قال سعودي لولد عمه نلعب دبق … ناظره ولد عمه وهو خطر يسطره وقال له نعنبوك يالرخمه وشو دبقه … قال سعودي طيب اجيب الورقه نلعب
كسب انا دايم افوز على الشغاله …
قال ولد العم…. والله انا تعبان طول امس وحن نضبب في الصمان … قال سعودي وش معنى تضببون … قال نصيد ضبان … نملى الراويه مويه
ونغر جحر الضب الين يطلع ونمسكه… وحمد يسولف سعودي كان مغمض عيونه مره ….
يقول حمد وبعض المرات ادخل يدي عليه في الجحر …. قاطعه سعودي خلاص خلاص اسكت تكفى لاتخوفني …. قال حمد وفي يوم من الا يام يوم
دخلت يدي في الجحر طلع لي داب …(( طرقع)) … ابد مافيه شي سعودي طاح في الارض مغمى عليه … وبعد جهد كبير قام سعودي … وقال لولد
عمه تكفى لاتقول كذا تراي اخاف واحلم في الليل … بعدين انتم اذا مسكتو هذي الي تقولها وش تسوون بها … قال حمد ابد نصلخه ونقطعه
ونكبسه مع الرز … قال سعودي صح ثم تعطونه الكلب … قال حمد وجع يوجعك انت والكلب ناكله حنا وخذ يامطاق على العكره …
((بووووووووووووو ععععععععع)) ابد مافيه شي طرش سعودي….
غير سعودي السالفه وقال تشوف هايدي … انا احبها مره مره مره … ويوم ضاعت ذاك اليوم قعدت اصيح وماتغديت …. واحب بيتر صح بيتر قوي
مايخاف من الغنم … وصح الغنم ماتاكل …. ((بخخخخخخخخخخخ)) ابد مافيه شي حمد نام
المهم مر اليوم على خير وراح العم وولده للديره بعد ماسجل حمد في العسكريه وقبل مايروحون قال العم لاخوه انتبه لولدك دخله مداخل
الرجاجيل وعلمه ودربه ولو توصل بك المواصيل انك تزوجه
وبعد تفكير طويل … خطب ابو سعد لولده سعد(سعودي) وزوجه … وفي ليلة الدخله … وبعد مارراح سعودي وزوجته ساره لبيتهم قعد سعودي على
السرير … ودخلت عليه ساره … وقعدت جنبه واحمرت خدوده وقام يتبعد عنها وهي تقرب له … وطفو اللمبات (احسن علشان الملقف ) … وسرعان
ماصرخ سعودي وقام يركض وصك عليه باب الحمام وساره تطق الباب افتح افتح … وقعد في الحمام الين جى الصبح وما طلع الا لما سمع صوت امه
وابوه جايين يزورونهم …. طلع من الحمام يركض وخم ابوه وهو يصيح ابروح معكم ابروح معكم لاتخلوني عندها تكفون ابروح معكم لبيتنا …..
قال ابوه وش فيك وش صار … قام سعد يناضر ساره وقال اعلم عليك وش انتي مسويه … وساره المسيكينه تقطر جبهتها عرق من الحيا …
قال انا خلاص منيب قاعد عندها تكلم علي كلام مهوب حلو وبعد وبعد حبتني …. ورحت وصكيت علي في الحمام وماطلع الا الحين …
المهم اقنعوه اهله واستمر مع ساره وحبها وصار يموت فيها … ولكن بعد 3شهور من زواجهم معاد قام سعودي يشتهي الاكل … واذا حطو الاكل
عنده خطر يطرش … وغمت عليه نفسه ومعاد قام يحب ساره … وشال شنطته وراح عند اهله
الزبده:
بعض الرجاجيل واللي حرام يطلق عليهم لقب رجال مابقى الا يحملون عن حريمهم |
الزبده: 
الوضع العادي
