مرحبا يا حلوين هاي كلمات اغنية قديمة جدا وطويلة جدا للرائع كاظم الساهر هي من الحانه ومن كلمات الشاعر عزيز الرسام وبتحكي عن قصة هي انه حبيبته خانته مع اعز اصدقائه .
انشالله تعجبكم

لا يا صديقي

لا يا صديقي لا تحذر فات الأوان
شو يفيد بعد التحذير
آني عثرت بأول حجر والعثرة عثرة بنص بير .
فات الأوان .
منهم لله أل خانوني منهم لله منهم لله أل باعوني
منهم لله منهم لله أل ظلموني منهم لله
خلو دمعي ينزل دم ولا كني بني آدم
منهم لله الغدروني منهم لله منهم لله أل ظلموني منهم لله أعز اثنين يا جرحي شايلهم وسط روحي
وجهين والعملة وحدة وثوب مقدر عليهم
الشبه نفس الشبه والغدر مزروع بيهم
يا قلبي لا تستغرب كل شي تشوفه العيون
كل شي بهالزمن جايز وكل شي ممكن يكون
عدوّك يرحم بحالك وأعز أحبابك يخون
اعز أحبابك يخون
تصوروا حبي غباء وطيبتي العمياء طريق
فرصة الهم للخيانة مثلوا دور الصديق
اللي كانت أغلى ناسي وي صديقي ترافقت
وعيني عينك بالخيانة وبالخجل ما فكرت
يا ذنب سويته آني وبالعكس دنياي دارت
لأن قلبي نقي وطيب هيك وياي صارت
ايش راح اسوّي بالصور ووين اودّي الذكريات
وين القى درب خالي ما الي بيه ذكريات
هيك يا دنيا البشر ،بارع بدور الخداع
غامض وما ينحزر وبوجهه اكثر من قناع .
المن اشكي يا زمن ومنهو اللي يسمع شكوتي
اسكت احسن يا زمن وبيدي أعالج حالتي
موتي ارحم من الغدر اللي سميته
صديق اللي جازاني بخيانة وترك بأعماقي الحريق
آني متعلم على الهم ومو جديد الهم عليَّ
بعد ايش شافت عيوني من صديقي ومنها هيّة
خلي كل شي يصير بيّ
اعز اثنين يا جرحي شايلهم وسط روحي
وجهين والعملة وحدة وثوب مقدّر عليهم
الشبه نفس الشبه والغدر مزروع بيهم
لا يا قلبي لا تستغرب كل شي تشوفه العيون
كل شي بهالزمن جايز وكل شي ممكن يكون
عدوّك يرحم بحالك واعز أحبابك يخون .
تصوروني الناس اغني واني من الداخل مجروح
روحي مثل الطير ترفرف
وشو اللي يرقص الطير المذبوح
غير الالم والحزن والعذاب والجروح
تظلم لو ترحم يا زمن ما عاد يأثّر بيّ
اذا أغلى الناس خانوا شو تعوّض إنت ليّ
صدقني ظلمك يا زمن اهون الي من جروحي
على الاقل ظلمك ينتسي وما يظل يعذب روحي
ضيعتني يا صديقي وظلمتني وجرحتني
وظلمت روحك وروحي وضيعت مني الامان
اذا انت بي تغدر بعد شو يسوي الغريب ؟
صديقي وجرحي منك واني لجروحك طبيب
روح الله اللي يسامح آني ما عندي سماح
روح الملح والزاد خنته الوفا ويّاك راح
اعترف آني خسرتكم وخسرت كل شي بثواني
لكن اللي يعز عليّة راح اظل وحدي اعاني
وانتي يلي كنتي بعيوني ملاك
قلتي انا عمري وعيوني فداك
صورتي الدنيا من غيري ابد ما تعيشين بيها
وقلتي عنها ظلمة لكن نور وجهك مضويّها
وقلتي بليالي الشتا عيوني ما تاخذ نوم
افكر بيك بردان لو دافي وشابع نوم
كنتي بالنسبة الي مثل للحب والجمال
كلمة ما كاتبها شاعر ولوحة من نسج الخيال
عمري ما شكّيت مرة ورى هالطيبة خداع
هيك العيون البريئة تنكر وتغدر بساع
هاجت الريح بغضبها وكسرت بلحظة الشراع
كل شي راح كل شي ضاع
خوفي من خوفي ليكبر
خوفي ما افارق الدمعة
وابقى وحدي بالليالي
وما اثق بضوء شمعة
المن اشكي والمن احكي وحكيي نساني اللي اسمعه
هيَّ الدنبا شبيها حتى ترخّص دمعك ؟
المن تشكي وتبكي ومن هو اللي يسمعك ؟
إنسى جرحك انساه ولا تعاود لذكراه
وبالحسرة والآه ليش تخلّص عمرك ؟
كنت عايش على الامل وكانت احلامي جميلة
كنت اتفائل بكل شي واللي بنيته انهد بليلة
ضاقت الدنيا بعيوني وحسيت بنفسي غريب
وقلت يا روحي كافي ما بقى للطيب نصيب
لا الدنيا ما تخلى ولا تتخلّى عن مجروح
الف ايد وايد تنمد ويطيب الالم ويروح
آني عثرت بأول حجر والعثرة عثرة بنص بير
وضيعت كل شي بحياتي وسلّمت لأسوأ مصير
لا تحزن ما تتألّم لا تندم على اللي يفوت
حرام الدمعة بعيونك ….الدمعة عليك تهون ؟
صامد بوجه الرياح . شامخ بأصعب جراح …
اصرخ يا ضمير ..
اصرخ بوجه اللي يظلم … اصرخ بوجه اليخون …
اصرخ وصحي المنافق .. اصرخ وصحي المخادع …..
ياااااا ضمييييير

عزيز الرسام