الدوام برمضان (دعوة للنقاش) - نادي الهلال السعودي - شبكة الزعيم

أحد المشجعين · #1 25/07/2009, 06:38 PM

بسم الله الرحمن الرحيم

السلام عليكم و رحمة الله و بركاته

من سنتين كان الناس في السعودية يعانون في دوام رمضان خصوصا الي عندهم مدارس

و ماادراك مالمدارس الواحد يقوم الصبح صايم و اخلاقه زينه و يطلع من البيت في صباح رمضان يودي عياله و تخرب كل اخلاقه الزينة و يجرح صيامه و ينسى انه في رمضان ثم يلتفت على العيال و يقلب عليهم و يسطر فيهم>>>> شطحت بقوة

هه

على العموم الحقبة هذه انتهت مرة سنة و قدامنا 9 سنوات بدون دراسة في رمضان

لكن الملاحظ في رمضان ان اغلب الناس تقضي امورها في الليل زيارات اجتماعية في المساء للإفطار او ليلاً للسحور و التسوق للعيد طبعا في الليل

الترفية بلقاء الاصدقاء .. ممارسة الرياضة(طائرة ،كورة)حتى الاتحاد السعودي يوقت للمباريات في الليل

نجي للأهم يسهر اصلا المسلم في رمضان لصلاة التراويح و التهجد و للسنن

بعد كل هذا السهر .. طبعا لن يذهب للنوم لان وراه سحور ..بعد السحور لن ينام لانه توه ماكل ما يصلح .. بعد قليل لن يستطيع النوم لان صلاة الفجر قرب وقتها

فيعاني للنوم بعد صلاة الفجر و هو مصحصح خصوصا ان الواحد ما يجيه النوم إلا قبل الصلاة لين خلص الصلاة ..مصحصح ما يقدر ينام بسهولة

بعد ساعة من المحاولات المضنية ينام الساعة 6 صباحا بعد ساعتين .. الساعة تسع يقوم يلحق قبل الزحمة يروح للدوام

هنا اتحداه ثم اتحداه إذا سوى شي في الدوام غير النوم

السؤال هنا
ليه ما يكون الدوامات تبدأ بعد الفجر بـ45 دقيقة
الواحد يلبس و يصلي الفجر و يروح للدوام و هو صاحي و يكون وقت خروجه قبل الساعة 12 ظهرا يعني قبل شدة الحر

في الظهر يكون نايم حتى المسيان يقوم يمسك القرآن يقرأ حتى اذان المغرب

شباب من جد كيف نقدر نغيير وقت الداوم الرسمي برمضان

هل هناك استفتاء .. طريقة إذا كان الأغلبية يرغبون في العمل بعد صلاة الفجر مباشرة تمكنهم من تغيير الدوام الرسمي

الي عنده علم يخبرنا علشان نبدأ الإجراءات

F I N A L · #2 25/07/2009, 07:33 PM

إقتباس


	السؤال هنا ليه ما يكون الدوامات تبدأ بعد الفجر بـ45 دقيقة الواحد يلبس و يصلي الفجر و يروح للدوام و هو صاحي و يكون وقت خروجه قبل الساعة 12 ظهرا يعني قبل شدة الحر

والله أتمنى يكون الدوام كذا
الحين إحنا راح ننكرف في رمضان
وخاصه لو دخل والجو باقي حار ,,

اللّي ارتحاوا منها الطلاب والمدرسين ^_^

الله يعيننا ,,

ربطـه و شبـاصه · #3 25/07/2009, 08:18 PM

أنا قبل ، كنت أبي رمضان يكون إجازه
بس بعد العام المآضي، تراجعت وتمنيته لو استمر دوام !!
بالدوام تحسّ بجو رمضان وتحس فعلاً بالتعب وتحس انك صمت صح وتحس ان صيامك بيكون مقبول ان شاء الله

< وش أحس فيه ؟

يعني رمضان بالآجازه نسحبها نوووومة إلى المغرب

وبعدها سهر للصبآح !!
يعني ماحققنا المقصد الجليل من الصوم اللي هو تجربة ومقاساة الحرمان والجوع

الله يوفقنا لكل خير ويبلغنا رمضان ويعيننا على ذكره وشكره وحسن عبادته

وشكراً لك ع الموضوع وكل عام وأنت بخير

،،

ذآيب · #4 27/07/2009, 02:39 PM

إقتباس

الرسالة الأصلية كتبت بواسطة ربطـه و شبـاصه


	يعني رمضان بالآجازه نسحبها نوووومة إلى المغرب وبعدها سهر للصبآح !! يعني ماحققنا المقصد الجليل من الصوم اللي هو تجربة ومقاساة الحرمان والجوع

مـٌن جـٌد ,,

مـٌن نـٌآحيتي معـٌطل وٍللـٌه آلحمـٌد ,,

وٍآلوٍآلـٌد متقـٌآعد ,,

وٍآلبـٌآقين يصطفـٌلوٍآ ,,

<_ آوٍخـٌص يآلشـٌآمي ,,

يعـٌطيك آلعـٌآفية عـٌآلموٍضوٍع آلرٍآئـٌع ,,

مـٌوٍدتيّ ,,

ḾŎĤǍṀẠḊ · #5 27/07/2009, 02:32 PM

اهم شي الحين اجازه عاد بكيفكم يال موظفين حلوها هههههههههههه

بس الحمد لله ابوي مظبط عمره اجازته بدايه رمضاااااااااااااااان يعني ما فيه دوام

AL PACINO · #6 27/07/2009, 04:02 PM

والله الدوام في رمضان وكل عام وانتم بخير وتقبل الله صيامنا وقيامنا < انهج
يعني دوام مثل باقي الاشهر بس الموظفين يكبرون الموضوع ويوترون الجو وتشوف الواحد فيهم متلطم ولا وده يتكلم وماغير هواش ويا المراجعين
انا العام تعينت في شهر شعبان وداومت رمضان صحيح تعب يعني قل النوم له مشكلة بس والله ماهنا ذاك الشغل اللي يتعب
اما بخصوص تقديم موعد الدوام فبكذا الكل يتلخبط برنامجه لان المعروف محد نايم الا عقب السحور لكن لو قدمنا الدوام خليناه الساعة 6 ونص مثلا العالم بيضطرون انهم ينامون الساعة 1 او 2 وهذا شي مستحيل الكل يبي يسهر ويفلها
وشكرا .

Qηαs SuĐeeя · #7 29/07/2009, 09:07 AM

الله يعينكم ..

و الله أرحمكم مره ..

نفس ما قالت أختنآ " ربطه " و الله رمضآن نسحبهآ نومة للمغرب و المشكلة نقول يوووه ما حسينآ بالصوم ابد الحمدلله يآرب ..

الله يتقبل منآ و يغفر لنآ ..

ع ـوآفي أخوي و الله يعين الموظفين و يهون عليهم ..

سم <<

~

عاش سام 6 · #8 29/07/2009, 12:45 PM

الحمد أنا مدرس واجازه اللهم لك الحمد
كنت ناوي عمره لكن بعد الخنازير ماضنيت
اللهم لا تغير علينا
بالنسبه لوقت الدوام انا اوافقك
لكن هذا الوقت لايصلح للطلاب والطالبات ابدا"
‏ سوف تشاهد كلهم نائمين وانا قدامهم أشرح
وبعدين لو كان هذا وقت الموظفين مين راح يوصل عيالكم الساعة 9
وشكرا"

سن

سع ـود · #9 29/07/2009, 01:54 PM

بصراحة انا من المؤيدين للدوام في رمضان

لان الواحد يستغل وقته بشيء يفيده ازين له من النوم الى المغرب

لكن لويصير الدوام من ست الصبح الى اذان الظهر نضرب عصفورين بحجر

Qadi · #10 29/07/2009, 02:13 PM

ياريت مافي عمل اصلا

والحمد لله مافي مدارس وقرف
انا يومي في رمضان اقعد لين الساعة 11 ص وانام اصحى المغرب افطر وهكذا
ماعدا يوم الجمعة اواصل الين الجمعة وارجع اطقها نووووووووووووووومة
وشكرا اخوي على الموضوع

U S A M O V I C · #11 29/07/2009, 02:26 PM

صراحه انا افضل رمضان يكون دوم لان وقتك يتنظم وتحس ان الامر مختلف

بعدين ذحين احنا ناخذ رمضان اجازة محسوب علينا لو ما اخذناه اساسا هو ثلثه اجازة ونااخذ شهر زياده

بوزوزو · #12 29/07/2009, 04:51 PM

المفروض في رمضان كل الدوائر الحكومية و كل البنوك و الشغلات الحلوة تشتغل بعد المغرب مباشرة يعني من الساعة 7 الى الساعة 1

!. مجنون في زمن العُقلاء .! · #13 29/07/2009, 05:16 PM

إقتباس

الرسالة الأصلية كتبت بواسطة أحد المشجعين


	ليه ما يكون الدوامات تبدأ بعد الفجر بـ45 دقيقة الواحد يلبس و يصلي الفجر و يروح للدوام و هو صاحي و يكون وقت خروجه قبل الساعة 12 ظهرا يعني قبل شدة الحر في الظهر يكون نايم حتى المسيان يقوم يمسك القرآن يقرأ حتى اذان المغرب

وَعَليكمْ السَلامْ وَ رَحمَةُ اللهِ وَ بَركاتهْ
إذا مَا تَتَبعنا الروتينْ المُتَبعْ كمَا أسلفتْ
هلْ تَعنيْ بـِ أنّ يَخرجْ المُوظفْ مِنْ عَمله السَاعه الثانيه عشرةَ ظُهرا ً
علىْ إعتِبار أنهُ يَذهبْ لـِ عَمله بَعدْ سَهر ليلٍ طويلْ
سؤاليْ .. مَتَىْ سَيَتمكنْ هّذا المُوظفْ مِن النومْ ؟
بـِ نَظركْ سَاعَتان بَعدَ الظهر كَافِيهْ
لـِ يُكملْ بَقيةْ يَومه مَابَينْ إفطَار وأدَاء صَلاة التَراويحْ
والسَهر والزيْارات وووووو .. إلى أن يَحين الفَجر كَمَا تَقولْ ..!!
لَنْ يُجديْ إلا مَا يُعمَلْ بِهِ حَالياً
وَ عَلى المُوظفْ أن يَستَغني عَنْ أحَدْ بَرامجه فيْ رَمضَان
سِيمَا التَيْ تُصادفْ مُنتصفْ الليلْ
لـِ يَتَمكنْ مِنْ أداء عَمله عَلىْ أكمَلْ وَجه
دُمت ..

Solely Existence · #14 29/07/2009, 05:33 PM

والله آلحمدلله آن مآفيه مدآرس ..!
والله يعين اللي يدآومون

..

وفيه نآإس آعرفهم تدآوم من 10 إلى 12 سآعة في اليوم

..!
صرآإحة قلق وقرف في هالشموس .. الله يعينهم والله ..,

وآنـآإ ضد العمل والإنسآإن يكون " صآئم " ..~
والمقصود هنـآإ بـ العمل ( يعني الدوآم الوظيفه المدرسة ..إلخ ) ..~
وعمله يكون بـ طآإعة ربّه , والإجتهآإد بـ هالشهر الفضيل ..~

يعطيكـ الع‘ـأآإفية

..~

السمسار الهلالــي · #15 29/07/2009, 05:51 PM

والله أنا أشوف الدوام بـ نهار رمضان للطلاب أفضل بكثير من النوم

!
بالنسبة لـ المتوظفين أفضّل لهم الدوام بالليل يكون أحسن لهم من تعب النهار ,!

سلام