حــــــــــرآآآآج شهـــــادات ثالـــث ثـــانوي بــ (الصور) ..وقصتي مع الـــحراج .. - نادي الهلال السعودي - شبكة الزعيم

عاشق المدفعجي · #1 26/07/2009, 01:51 AM

السلام عليكم ورحمة الله وبركاته ..

هذا الحراج إسمه ( مركز الإختبارات ) موقعه في العاصمه الرياض , وهو لتعديل الشهاداة ..

طبعا إذا أتيت إلى (الحراج) لابد من السؤال والدوران كثيرا حوله

..

لأنه لاتوجد لوحه خارجه

..

وكأنه أشبه بالمبنى المهجور ..

وهذا الصور أثــناء الحراج ..كلها من نفس المكان لكن الزاوية تختلف ..

وسبب إطلاقي عليه اسم الحراج :

لأنه ينادى بالإسم الموجود في الشهادة وأي شخص يرفع يده يعطيه الشهادة (الأصلية ) بدون توقيع ولا شي ..

ونحن في المدرسة توقيع وبطاقة أحوال ..

قصتي مع الحــــراج ..

أتيت إليهم في يوم الثلاثاء وأعطيتهم طلب التعديل والمفترض تطلع الأربعاء وأتيت الأربعاء ومعي زميلي لكي يقدم طلب تعديل وأنا لكي أخذ الشهادة قالوا لي تعال السبت , و أتيت إليهم السبت برفقة زميلي وزميلي استلم شهادته وأنا قالوا لي تعال الاثنين

..

أروح للمدير ومعي شعب من الناس المظلومين وكبار السن , وفجأة يكبير سن أثلج صدري في المدير, قال له : انتم تخطون وحنا نتحمل أخطاءكم ودارت مناوشه كبيرة, وفجأة يذهب ويترك وراءه مجموعه من الناس المسلوبه حقوقهم من إدارة فاشلة ,وبعد مدة رجع وبكل برود يقولي المدير حظك

, قلت له انتم تمشون بالحظ المفتروض اللي أتى أول هو الذي يعدل له أولا..

قسم بالله مهزلة اللي قاعد يصير

..

الله يعيننا ويصبرنا عليهم ..

وين برنامج 99 يالبى قلبك يا صلاح

وتظل الواسطة أهم شي بالدنيا ..

واحد أعرفه بخمس دقايق طلعه ..

على ما قال المدير حظظظ ..

آسف على الإطــالـة ..

تقبلوا تحيــاتي ..

kalasnikov · #2 26/07/2009, 02:21 AM

الواسطة فوق القانون!!

تقبل مروري...............

R D H · #3 26/07/2009, 02:35 AM

السلام عليكم ورحمة الله وبركاته

هلابك يالغالي ..

هالمركز أنا مريته يوم الأربعاء علشان أبعدل اسمي بالانجليزي ورقم الجواز ..

بالبدايه قالولي يوم السبت تستلمها .. بس عطنا صورة من جواز سفرك ..

قلت يووه ماصورته .. ورحت صورته ورجعت .. وعطيته الشهاده وصورة الجواز .. راح قالي يوم الأحد !

وفعلاً .. المكان مهجور .. ومافيه إلا كم غرفه كبيره .. وزحمه وعالم وتعـامل سيء ..

وبروح بكرا من الصباح .. وعالله تكون خلصت .. مب يقولون لي تعال بكرا ؟!

الله يكون بعونك يالغـالي .. وبعون كل الشباب الخريجين

وواضح أنك كنت قاعد طفشان تحتري شهادتك وقعدت تصور

لكن عندي سؤال .. الحين شهادتك المعدله شلون بيعطونك ياها ؟

هل فعلا مثل ماقلت انت .. ينادون عالاسماء .. واللي يسمع اسمه يرفع يده ..

الله يعين من جد

يعطيك العافيه

فمان الله

عاشق المدفعجي · #4 26/07/2009, 02:44 AM

kalasnikov

أسعدني مرورك ..

RDH

اتوقع ماتطلع بكرا ..

انا ابروح الإثنين ..

الله يعنيننا .

كنت ابصور بغرفة المدير ..

بس فيه سيكيورتي خفت يفقع وجهي ..

منووووووووور ..

تحياتي ..

بنت عبد العزيز @ · #5 26/07/2009, 03:07 AM

لحظه ستوب

معليش اسأل

إقتباس


	وهو لتعديل الشهاداة ..

يعدلون شهادة الثانوي او ايش ؟!

وتعديل قانوني

! او شي مو قانوني ولا مسموح !

و مين الي يعدلها !

وش السالفه

!

شـــذى · #6 26/07/2009, 03:12 AM

ما فهمت !!!!!
كيف يعني ياليت توضح
يعني هو شغل سليم ولا تزوير

وهذا الحراج تابع لمين
تعديل شهادات وجوازات

<<ماني مستوعبة

عاشق المدفعجي · #7 26/07/2009, 03:18 AM

هذا لتعديل الشهادات من الوزارة ..

والتعديل نظامي ومافيه شي

..

هذا المكان القبيح تابع للوزاره ويعدل اي شي خطأ ..

مثل الإسم وتاريخ الميلاد وأي شي خطأ وتجيب طلب تعديل من المدرسه ومختوم عليه

..

هذا موو حرااااااج هذا مركز الإختبارات اللي بالرياض بس انا سميته حراااج

R D H · #8 26/07/2009, 04:17 AM

بالنسبه للأخوات اللي يسألون ..

مركز الأختبارات .. هو المركز اللي يطبعون فيه شهادات ثالث ثانوي ..

يعني كل مدرسه تكتب الدرجات وترسلها لهالمركز .. وهم يطبعونها وطبعا على النظام التراكمي الجديد ..

وهو مركز مهجور بصراحه .. فيه اجهزه وفيه كمبيوترات وكلش .. بس المبني أي كلام .. وبشارع الوشم القاتل بسبب زحمته .

وللأسف في كثير من الشهادات اللي طبعت .. كان فيها أخطاء .. سواء باسم الطالب أو رقم الهويه والجواز أو غيره ..

فكل طالب يقدم طلب تعديل .. علشان يعدلوها له ..

والله أعلم عاد متى بتخلص !

عذرا على المرور الثاني ..

بنت عبد العزيز @ · #9 26/07/2009, 04:17 AM

اهااا الحين فهمت

إقتباس


	هذا المكان القبيح تابع للوزاره ويعدل اي شي خطأ .. مثل الإسم وتاريخ الميلاد وأي شي خطأ وتجيب طلب تعديل من المدرسه ومختوم عليه..

هلا والله كل هالي فيه عندهم خطا بشهاداتهم

!

دحوم القصيم · #10 26/07/2009, 06:19 AM

اخوي عاشق مبروك التخرج اولا
تعيش وتشوف من هالتخلف عندنا
تقبل مروري

وسن الهلالية · #11 26/07/2009, 07:33 AM

اخوي عاشق اقول وخذ مني العلم

روح لموقع برنامج 99 وحط طلب مناقشه موضوع
ولا يردك الا قناة الخشبيه
بتلاقي الغيدان سادح حلقة طويلة عريضه

ماشفت انت حلقة الاسبوع إللي طاف

غسل شراع الخطوط السعودية
شفهم الحين بداو يتسنعون

هذولا ربعنا لازم نطق لهم فضيحه وتسولف عنهم بالاعلام ويالله يتعدلون

الذيب الصغير9 · #12 27/07/2009, 06:08 AM

الحمد لله .. ما مريت فيه .. مدرستنا ما قصروا معنا .. عدلو بياناتنا وكل شي ..

الغرابيل بكل مكان .. خله على ربك بس

عاشق المدفعجي · #13 27/07/2009, 07:14 PM

دحوووم القصيم ..

الله يبارك فيك .. والله يعيننا و ييسر امورنا ..

وسن الهلاليه ..

والله فكرت بالموضوع بس متأخر ..

واللحين اكثر الناس خلصو معدلين ..

وترى الصور اللي فوق والناس قليلين ..

الذيب الصغير 9

ياحظكم بسس ..

والله يعيننا اجمعين ..

أسعدني وجودكم .