#1  
قديم 24/07/2009, 09:32 PM
الصورة الرمزية الخاصة بـ K I N G . M I L A N
عضو سابق في اللجنه الإعلامية
تاريخ التسجيل: 24/12/2006
المكان: M . I . L . A . N . O
مشاركات: 2,082
..<><>][ غطرستهــــم ! ! ][<><>..



~ ~

بسم الله الرحمن الرحيم



يالله حي المجلساويه كلهــم ,, من أصغرهم القيصر رهيب إلى أكبرهم أبو مقبل

بصراحه موضوعي اليوم سامج لكن من حرقة القلب الي فيني من هالناس الي بكتب عنهم قلت بنزل موضوع واشوف رايكم واسباب هـ الموضوع وعلاجـه



موضوعـي عن [ غطرسـة وتكبـر الدكتـور الجامعـي ] . . !

بصراحه كل الطلاب الجامعيين يعانون من تكبر الدكاتره !

إلى متى ونصف الطلاب الي يفصلون من الجامعات او يحولون من اقسامهم بسبب المقوله الشهيره بين الطلبه الجامعيين [ الدكتور مستقعد لي ] !؟


أبذكر لكم موقف بسيط لواحد من الطلاب معي بالصيفي

هذا الطلاب الله يطول بعماركم ناجح في جميع المواد وخلص كل المستويات وكلش يعني خلااص مفروض يتخرج لكن ! وش لي حاده على هـ التخرج المسيكين حامل مادة النحو من المستوى الأول !! تخيلوا حامل الماده 12 مره وإلى الآن ما نجح فيها .. يقولي الطالب هذا أنا صميت الماده صم وصرت اعرف النحو اكثر من الدكتور الي يدرسنا بس ليه ما أنجح !؟ بصراحه حالتها يرثى لها يعني ما بقى الا النحو [ المستوى الأول ] ويتخرج !! يعني معقوله 12 مره كلها بيكون هو الغلطان هو الي مقصر هو الي ما يفهم !؟


أحكي لكم عن نفسي أنا .. حملت مادة النحو أيضاً المستوى الأول ونزلتها صيفي ولا كتبوا منهو الدكتور ..! المهم انا جاي أول أسبوع مواصل وحالتي حاله الدكتور ما جا أول أسبوع , الأسبوع الثاني جيت الا والدكتور قدامي دكتور متسعود أردني مسوي فيها سعودي لابس شماغ وعقال وكأنه من حقين المسلسلات البدويه نمر بن عدوان وانت جاي المهم دكتور استقعاااااد وقلق وانواع الغثا !! جيت الأسبوع الي بعده تأخرت فقط 10 دقايق عن المحاظره .. راح طردني وقالي تعال المحاظره الثانيه قلت الله يلعنكـ أنت ومادتك ذا المخيسه وأطلع وأروح أحذف الماده طيب ليه يا ناس ليه !؟ نروح ونحذف مواد عشان دكتور مستقعد لي وعشان دكتور صار لي معه موقف واستقعد لي ومستحيل أنجح عنده !!


طبعـاً أنا ما اعمـم على كل الدكاترهـ مستحيل , بل بالعكـس والله فيه دكاتره أنهم ينحطون ع الجرح يبرى صراحه دكاتره زي العسل !

لكن الي يجيك من هـ الأجانب أو بعض السعوديين ويرفع خشمه وكأنه ملك لعنبوك ترى راس مالك دكتور هذا الحين وهو دكتور رافع خشمه ومستقعد اجل لو حطوه ملك وش بيسوي !؟ الله لا يبلانا يا رب

والله لو أقولكم شي يمكن ما تصدقون .. ! الحين الدكتور الي مرسبني بالنحو جزائري الجنسيه الله لا يبلانا والي مستقعد لي بالصيفي وحذفت الماده عنده أردني الجنسيه , يعني هذولي أجانب وشايف نفسه ورافع خشمه وهو راس ماله دكتور جاي يدرس من برى , والله أذكر مره بداية الدراسه اقسم بالله العظيم أن هـ الدكتور الجزائري يتلفظ على طلاب بألفاظ صراحه غريبه تصدر من دكتور ؟! فيه طالبين عندنا بالكلاس قاموا يسولفون شوي ويجيك الدكتور يهاوشهم طبعاً دايم هو راعي هواش مع الطلاب المهم ويجيك يقولهم [ يا حيوانات ] سلامااااااااااااات !؟ وين يبو حمير عنده الطلاب ؟! زبده الحكي عندنا دكتور من نفس القسم سعودي الجنسيه وأميـر وصاحب سمو ملكي وعضو شرف بنادي الهلال أيضاً وشاعر اقسم بالله لو تشوفونه يا ناس والله العظيم ما تصدق ان هذا امير ودكتور وشاعر ما شاء الله يا لبى قلبـه بس قمـة في التواضع قمـة في الأدب والأخلاق مع الطلاب قمـة التسهيل في الأسئلة والملخصات قمـة في التعاون مع الطلاب من خلال بريده الإلتكروني يعني لاحظ الفرق بين الاثنين هذا أمير وشاعر ودكتور صاحب سمو ملكي والثاني دكتور وأجنبي بعد !!



والله الطلاب الجامعيين يعانون يعانون من هـ الأشكال من الدكاتره ! قسم بالله تسمع قصص يشيب لها راسك والله العظيم تكره الجامعه وتكره نفسك عشان الدكتور الفلاني والدكتور العلاني !


زبدة الموضوع لأني أحس أني طولت

إلى متى رفع خشوم الدكاتره علينا يالطلاب المساكين

عندكـ حل تقدر تعطيه لنا يمكن يفيدنا مع غطرست هـ الدكاتره !؟ <<< متعوب عليها غطرسه

وش بيستفيد هـ الدكتور لو أستقعد للطلاب !؟ ولا أن بعض الدكاتره نفسيه !؟

الي عندهـ أي قصص وسوالف مع هالدكاتره يا ليت يعطينا نبي نفضفض





أعتذر عن الإطاله









// حبــي وتقديــري //

اخر تعديل كان بواسطة » K I N G . M I L A N في يوم » 25/07/2009 عند الساعة » 02:41 AM
اضافة رد مع اقتباس
  #2  
قديم 24/07/2009, 09:42 PM
الصورة الرمزية الخاصة بـ فافافوم
زعيــم متألــق
تاريخ التسجيل: 29/12/2006
المكان: North London
مشاركات: 962
والله ياخوي انا الى الحين ما وصلت للجامعه

.....

إن شآء الله
باقي سنه واعيش معاناتكم o_O
اضافة رد مع اقتباس
  #3  
قديم 24/07/2009, 10:04 PM
روماوي مميز
تاريخ التسجيل: 23/06/2006
المكان: Il Romanista
مشاركات: 6,045
السلام عليكم
هلا بالميلاني ,
تعليق بسيط على موضوعك الفضفوضي
الدكتور ليس هو المخطئ 100% , فهناك بعض اللي مسوين نفسهم طلاب هذي الطريقة الوحيدة للتعامل معهم بطريقة سهلة
و أنا أجزم أن سبب أحترام الدكتور الأول لكم هو أنكم أحترمتوه لأنه أمير ,
و أن الثاني - و لو كان مخطئ - ما احترمكم لأنكم ما أحترمتوه
هذا إذا أصلنا المشكلة بشكل عام


و من جهة أخرى هناك دكاترة مثل ما ذكرت يلبسون ثوب التكبر و الإستعلاء و اغلبهم بجامعة الملك سعود
هؤلاء لا ينفع معهم إلا التمرد .
و حدك إلا النحو
وفقك الله
اضافة رد مع اقتباس
  #4  
قديم 24/07/2009, 10:08 PM
مشرف سابق في منتدى المجلس العام
تاريخ التسجيل: 18/12/2004
مشاركات: 9,681
السلام عليكم ، مساء الخير أبو داحم لك وللمجلساوية كل ابيهم .
طال عمرك موضوع الدكاترة محيرني ومشيب شعيراتي الثلاث !!
سمعت كثير عن حوادثهم لكن بدري ما شفت منهم شي ^_^
أحياناً أقول ممكن عشان يعيشون الطلاب الجو الجامعي !!
أو يشدون عليهم لجل يأدبونهم ، عاد مثلك خابر كل الناس صارت تربي
( ان كان ما تربيتوا حنا نربيكم )
........................................ سوسو
( علينا تربية الشعب )
............................ الوليد
لكن لما تشوف الجامعات العالمية ، يشيب راسك أكثر !
تصدق أعرف واحد قدم على ماجستير قانون في واحدة من أقوى جامعات بريطانيا والعالم ،
قبلوه وأرسلوا له خطاب على البريد يقولون فيه أننا فخورين أن شخص مثلك وبخبرتك العملية يدرس عندنا !
لاحظ خبرتك العملية ( تراها سنتين بسسس !! )

على فكرة أبوداحم
سمو الأمير اللي يدرسك تراهـ مهوب ملكي ،
بس أنه حبيب خل عنك .
وانــتبه منه لا من قال : ترا محد يسقط عندي .



صح تذكرت
هذا واحد الله يسلمك يدرس هندسة
ونفس الحكاية مستقعد له الدكتور !!
وكانت المادة هي آخر مادة له ويتخرج ، المهم
الرجال تزوج وضبط وضعه على أنه يختبر ويستلم وثيقة التخرج !
الدكتور المستقعد رسبه :s !!



بالتوفيـــــــــق ،،
اضافة رد مع اقتباس
  #5  
قديم 24/07/2009, 10:35 PM
زعيــم متألــق
تاريخ التسجيل: 25/07/2007
المكان: في عالم ثاني
مشاركات: 1,016
واللةيا انك نبشت با جروح قديمة>>كلها شهر وش دعوة

معاناتنا مع بعض التكاترة المتجردين من الرحمة والتسامح بذات
العشر الدقايق الي نتاخرفيها للظروف الخارجة عن الارادة>> يا هندي البوفية اللي باخر الشارع عليه مقلقل موصاحي


عاد اقول____ معاناااااااااه بذات في تصعيب اسالت الامتحان ياخي شوية رحمة انت تتعامل مع عقول ماتتحمل اكثر من اربعخمتعش قيقا

بس ياللة وش نسوي مع ها التكااااااااااااترة
اضافة رد مع اقتباس
  #6  
قديم 24/07/2009, 10:42 PM
الصورة الرمزية الخاصة بـ مـوت ومـيـلآد !
زعيــم مميــز
تاريخ التسجيل: 22/12/2008
المكان: روما البدايات وآخر ساحل ومينا *
مشاركات: 5,084
هلاااااااااااااا اخووي..


والله موووضووعك جووووووووووونااان..




ايه والله ياااااااااااااااشينهم شيناااااااااااااه..


بس انا مايدرسني دكتور حنا بالكليه يدرسونا دكتوراات..


كاان نفسي والله دكتور ..بس مالناا اعترااض..


اقولك..فيه وحده دكتوره حااطه دوبهاا دوبي..

داااايم لا شافتني تناااااااديني بصوت عالي تخلين اللي مايدري يدري..

ودايم تعطيني محااضره عشااان اركز معهااا بنفس محااضرتهااا..ركزي معاي لا ارسبك بذي الماااده..

والله هي الوحيده اللي من تجي اسرح بخيالي..


واذا خلصت من التهزئ تفتح لي موضوع لبسي ليش قصيره تنورتك لا خليها اقصر بعد..

ليش فاكه شعرك اربطيه..ليش اكمامك قصيره طوليهاا..كرهتنييييييييي بحياااتي.

يرحم والديك اطلعي من حيااتي..بس ابد مافيه فاايده دايم تمسكني انا وصديقتي على جنب وخذ يالتهزيئه..



عاااااااااااد والله اني اسوي هالشي عنااد فيهااا..هع..والله شي يقهر..



بس يالله هاانت كلهاااا ترم واحد ونفتك..


مشكوووووووووووووور خيوووووووو..


رجعتناا لهموم تجيب لي رفعة الضغط..خخخخخخخخخخخ..


مااقصرت والله..
اضافة رد مع اقتباس
  #7  
قديم 24/07/2009, 11:31 PM
زعيــم نشيــط
تاريخ التسجيل: 04/07/2007
مشاركات: 632
السلام عليكم ورحمة الله وبركاته
مرحباً اخي K I N G . M I L A N
المثل يقول اذا كانت حاجتكـ عند الكـ ...... قله ياسيدي
انتم لاتعاندون الدكاترة امركم بين يديهم بعد الله سبحانه وتعالى
حاولوا انكم تمشون على مايبون واظهر اهتمامكـ بالماده
يعني يبيلك صبر و كله اربع سنين وانت متخرج ويكون علموك المادة العلمية وعلموك الصبر
واذا صار عليك اختبار ذاكر زين وتوكل على العزيز الحكيم
من توكل على الله فهو حسبه
وبعدين غطرست الدكاتره ماتقدر تغيره الا انكـ تدعي ربكـ ان الله يصخرهم لكـ

الله يكون بعونكم
دمنا ودمت في رضى الرحمن
اضافة رد مع اقتباس
  #8  
قديم 24/07/2009, 11:49 PM
زعيــم فعــال
تاريخ التسجيل: 03/11/2007
المكان: الافلاج-الرياض
مشاركات: 324
لا تقلب المواجع وانا اخوك عندنا دكاتره يروعون اول يو في الصيفي شفت واحد من الشباب قلت على وين بدري طالع 8 ونص قال عندي المطير مستحيل انجح احذف من اللحين اريح قلت حاول جرب قال لا يكثر

هذا الدكتور من اول ماقبلوني في الجامعه وهم يحذروني منه


الله يعين
اضافة رد مع اقتباس
  #9  
قديم 25/07/2009, 12:30 AM
زعيــم مميــز
تاريخ التسجيل: 21/04/2005
المكان: حتى ظلي له مهآبه
مشاركات: 9,440
لا والله يا دحيم ما يجي منك سماجه ( إلا والله إنك أسمج من شفته بحياتي بس لازم نجامل )

بأخذ دورة وارجع لك

باااكـ أبو عبير

أول شي الله يحفظ لك عبير اللي أمها ما بعد جت عشان تجي عبووره

دحوم زي ما تفضلت طال عمرك تكاتره يحرجونك بكرم أخلاقهم وتكاتره تطلع من محاضراتهم تدعي عليهم

درسني دكتور عبد ( كلنا عبيد لله ) من أحد الديار الافريقية واسمه كوكو
تخيل تقوم من النوم تلقى الدكتور اللي يدرسك أسمه كوكو

وهذا الدكتور محترق البشرة كان السبب الاكبر في حملي للماده

شرحه مخيس مثل وجهه الخايس ولا فيه دكتور يجي يشرح وهو يأكل تفاحة خضراء ( ألعن ام جوكم يا الخواااااااااال )

وياليت يشرح على سنع ,, يجيب معه أوراق فيها مسأل حالها مدري زارفها ويكتبها على السبوره وفي الاخير يطلع حله غلط وتروح الحصة يدور وين أخطأ فيه مع إن الطلاب من البداية مصححين له الخطأ بس ما يقتنع الله لا يوفقه هالخال

المهم في نهاية السمستر وقبل لا يرصد درجات المشاركة رحت له وكلمته كم تعطيني مشاركة وزي كذا قالي لحد الان بعطيك 6 وأبختبرك إختبار إذا بدعت فيه بعطيك 11
قلت أوكي شكرا يوم جا رصد الدرجات وألقاه معطيني 3 عسى ما تكلفت يا العبد .. ؟ ( خشيت جو شوي ) كيف ما كيف ابزودها ويعطيني حول 80 سؤال في الكتاب ويقول جبها بكره وأعطيك 6 برضو عسى ما تكلفت يا العبد .. ؟

والله وأرجع وأعطي رومييتي نص الاسئلة وأنا أخذ نص وهاتك يا حل و حل و حل
ومن بكره راجعت عنده وعطيته الاوراق تدري وش قال .. ؟

قال : أنت حليته قلت له إيه سهران طول الليل حل . قال طيب حلو اعتبرها مذاكرة لك في الاختبار النهائي

أنا أطالعه بنظرات واحد مغبون : قلت له طيب والدرجات .. ؟

قال : معصي ما أزيدك ولا نص

انغبت مره رفعت صوتي : طيب انت واعدني

يرد التكروني بكل برود : غييرت رأيي

الله يحرق الخوااااال كذا مزاجهم دايم .. ؟

الله يلعن هالدكتور ويحشره بقبره إن شاء الله الله لا يوفقه
على فكرة ترى ما عندي ولا غياب كل محاضراته أحضرها من زين شرحه
ومع ذلك يقول لي انت لعّاب وما راح أعطيك ولا درجة
المشكلة إنه ما يعرفني ولا قد تكلمت معاه إلا نهاية الفصل

ما علينا أنا بدعي عليه وأنت قول آمين معاي بس

على النقيض من ذلك يروي الوالد

يسولف الوالد يقول إن معه واحد بالدوام بدوي معاه شهادة ثانوية
يقول إذا جا يقرا يتهجأ الكلمة وإذا كتب كان الدجاج ماشي عليه
يعني مره الولد داج دراسيا

المهم أخذ الولد تفرغ من عمله عشان يكمل جامعه

راح الولد خلص جامعه ورجع والحال نفس ما هو بس الان صار معه شهادة جامعيه

يسولف لأبوي يقول / والله يا أبو علي إن أروح للجامعه ما ادري وش السالفة

بس لا شفت الدكتور فزيت واقف وعطيته من ذا الرخيص

سم طال عمرك والله حييه وكيف أصبحت الله يطول بعمرك ومن هالكلام

وإن نسى أوراق ولا شي فزيت له قلت أبد والله ما تروح تجيبها أنت علمني وينها وأبشر بعزك

يقول مره من المرات الدكتور نسى أوراق الامتحان في البيت يقول قمت وحلفت عليه

ما تجيبها انت عطني وصف البيت وأنا أروح أجيبها وفعلا راح وأخذها من ولد الدكتور وجابها للدكتور

ومشى على هالحال مع الدكاترة إلى أن اصبح يحمل شهادة جامعية

دحوووم الورد

على ما قالوا إذا صارت حاجتك عند الكلب قول له يا سيدي
وأنت تو المستوى الاول يعني ما شفت شي القادم ألعن

يعطيك العافية دحوم والله عطيتنا فرصة نتكلم شوي

والله يحقق لك مناك يا كلب

اخر تعديل كان بواسطة » القيصر رهيب في يوم » 25/07/2009 عند الساعة » 01:38 AM
اضافة رد مع اقتباس
  #10  
قديم 25/07/2009, 12:44 AM
زعيــم فعــال
تاريخ التسجيل: 25/03/2008
المكان: الرياض
مشاركات: 244
السلام عليكم
الصراحه موضوع تشكر عليه
انا عن نفسي في مواد مدري كيف انجح فيها والعكس يعني الوضع ..... خلها على ربك
يعطيك العافيه اخوي
اضافة رد مع اقتباس
  #11  
قديم 25/07/2009, 01:04 AM
الصورة الرمزية الخاصة بـ ḾŎĤǍṀẠḊ
زعيــم مميــز
تاريخ التسجيل: 15/11/2007
المكان: هنآك ^_^ !
مشاركات: 4,403
لحوووووووووووووووووووووووووووووول موضوع تحطيم

تونا مخلصين ثنويه والسنه الجايه جامعه وكذا تحطيم من اولها

تخيل يدرنس جزائري سلامااااااااااااااااات السعودين تارسين البلد ليش جزائري وش المسكه
اضافة رد مع اقتباس
  #12  
قديم 25/07/2009, 01:13 AM
الصورة الرمزية الخاصة بـ طارق
مشرف سابق في منتدى الجمهور الهلالي
تاريخ التسجيل: 11/02/2006
المكان: الرياض
مشاركات: 3,667
مرحبا عبدالرحمن

فعلا بعض الدكاترة يستغل الصلاحيات الممنوحة له بشكل بشع ، لكن حتى أكون منصف لم يكونوا أغلبية

البعض للأسف يرى أنه قد مر بصعوبات كثيرة للحصول على شهادة الدكتوراه لذى يحب أن يصعب ذلك على الآخرين بدلا من ان يكون عونا لهم
اضافة رد مع اقتباس
  #13  
قديم 25/07/2009, 02:18 AM
الصورة الرمزية الخاصة بـ K I N G . M I L A N
عضو سابق في اللجنه الإعلامية
تاريخ التسجيل: 24/12/2006
المكان: M . I . L . A . N . O
مشاركات: 2,082


~ ~

يا لبى الي ردوا كلهـم من أولهم إلى آخرهـم


إقتباس
فافافوم


هلاا فافافافافافافوم الله يوفقك إن شاء الله وجعلك ما تشوف مثل هـ العينات الي ذكرتها بالموضوع نورت الموضوع


إقتباس
الغرناطي


هلاا بالروماوي الخايس
بصراحه أقولك والله العظيم أن العكس في كلامك هو الي صاير , يعني انت تقول لأنه أمير أحترمناه ! طيب ليه الدكاتره الثانيين [ بعضهم ] متحرمينهم مع انهم دكاتره عاديين زيهم زي الجزائري هذا او غيره !؟ لا القصه مو كذا انه امير او لا , أنا ضربت مثال على الأمير بس فيه دكاتره غير كثير محترمين زي الأمير هذا , بس وربي الأمير هذا من أول ما دخل علينا وهو متحرم وأخلاق وشرحه ما فيه أحلى منه [ بالنسبة لي افضل دكتور يشرح للماده ]
مدري وش تحسبه وانت تحب ماده زي النحو !؟ حسيت أنك سيبويه جديد
أول واحد سعودي اعرفه يحب ماده اسمها النحو
نورتني يالغالي


إقتباس
كان هنا


هلاا دحـوم قلبـي من زمان عنكـ يا دب
ما تلاحظ أنك جبت العيد شوي !؟ ترى اذا تلوك مع خشمك انا مالي دخل زين أبعد عن الشر يا عمري وغنيله
نرجع لموضوعنا .. والله الي اعرفه أنه صاحب سمو ملكي يا دحيم وكل العيال بالكلاس يقولون أنه صاحب سمو ملكي ! بس الزبده ملكي مهوب ملكي أهم شي أني أقدررر ذا الدكتور دكتور غير طبيعي والله يعينك السنه الجايه على الغثى
نورتني يا دب


إقتباس
weهلالي


من الي علمك الإملاء انت !؟ قلي منهو بس أروح أتلاعن انا وياه !؟ امزح معاك يالتكاتره
والله أنا تصريفتي المعتاده للتكاتره والله يا دكتور ما فيه مواقف وزحمه برى ! عذر أقبح من ذنب بس يالله وسع صدرك هذي الدنيا
نورتني يالتكتور


إقتباس
هلاليه إيطاليه


هلاا والله بالطليانيه ردك أطول من الموضوع أمزح لا تزعلين وتطقيني زي دكتورتكم الخايسه ذي
والله بصراحه معاناة يعني هـ الدكتوره وش دخلها تستقعد لك في لبسك أو في إنتباهك للمحاظره أو شعرك !؟ وش هـ التخلف ! هي كـ دكتوره واجبها أنها تشرح لكم الدرس وتطلع تضف وجهها موب انها تقعد تغثكم بالنصايح والقلق ووجع الراس
بعدين وين أنتي آخر ترم لك بالكليه ولا آخر ترم تدرسينه عند الدكتوره ولا وش النظام بالظبط !؟
عشان إذا كان آخر ترم لك بالكليه وتخرجتي نجيب لكـ هديه
نورتي الموضوع ست هلاليه إيطاليه مقدر والله ردكـ الطوييل ما قصرتي


إقتباس
جنـــ الزعيم ـــى


هلاا جنى الزعيم
الله يصبرنا على الي باقي لنا من هالجامعه ونفتكـ : ( !
والله الوالده لبى قلبها ما تقصر بالدعوات ليل نهار لي
ما ننرحمش ما طلاتك ست جنى


إقتباس
ABO20SAUD


هلاا ابو سعد
أجل زيي انت أنا أول ما نزلت ماده عندي ثانيه عند دكتور والله ما تنجح عنده لو إيش دكتور جيزاني علطول جا أقوى دليت للماده
يعطيك العافيه


إقتباس
القيصر رهيب


هلاا ابو ساره
لا تصدق كنت أتوقع رد هلاليه إيطاليه أطول رد بس بعد ما شفت ردك طلع أطول من رد الإيطاليه وأطول من الموضوع نفسه <<< ورى ما تاكل تبن !؟
أجل مستقعد لك الخال آخر زمن أجانب وخوال يأخرون فلذات وطلاب المستقبل في دراستهم الجامعيه <<< متعوب عليها فلذات
أما سالفة خوي أبوك الي بالدوااام هههههههههههههههههههه توووحفه أجل خذ أسئلة الإختبارات هاه يلعن ام الفله
واللهم آمين الله يسمع منك يتحقق الي في بالي ويفهمون التلميح بعض الناس :$
نورت أبو الصفحه أنت يا شيخ تسلم على هالرد الاطول خلال مسيرتك الملجساويه


إقتباس
كل مالي فدى هلالي


مشكور ع المرور يالغالي


إقتباس
شكسبـal.zaeemـــير


محد جرّك مع أذنك وقالك أدخل على الموضوع
ياخي موب قصة تحطيم ولا شي بس هذا الواقع الي بتشوفه أنت خلال أقل من شهرين
يعطيك العافيه


إقتباس
طارق


هلاا طارق
فعلاً صدقت والله , بعضهم يمر بمرحلة أنه في دكتور مستقعد له سابقاً و شي من هالقبيل ويجي يطلع حرته فينا يالطلاب المساكين
نروت موضوعي يا مشرفنا العزيز



يعطيكم ألف عافيه مره أخرى








// حبــي وتقديــري //

اخر تعديل كان بواسطة » K I N G . M I L A N في يوم » 25/07/2009 عند الساعة » 02:44 AM
اضافة رد مع اقتباس
  #14  
قديم 25/07/2009, 02:44 AM
زعيــم متألــق
تاريخ التسجيل: 20/04/2009
المكان: هُناك ! عندهم
مشاركات: 1,115
الي عندهـ أي قصص وسوالف مع هالدكاتره يا ليت يعطينا نبي نفضفض
^
^
^
الرد بناءً ع اللي فوق ......
في محاضره الكيمياء كانت الدكتوره تحل الواجب وحلت كل شيء ماعاد سؤال عآد محسوبتكم رفعت يدها دكتوره <<<<< مؤدبه
قالت تفضلي قلت دكتوره سؤال ..... ماحليتيه ...
إلا وهى تأكلني أنا من أول محاضره وش قاعده أقول ماتكلمنا عن هذا الشيء قبل
قلت يادكتوره أنا حليته بس أتاكد قالت قومي حلي معايه >>>>مكذبتني
قمت وحليته صح قالت دئنتي حالته كويس باه<<<< الدختوره مصيريه صعيديه
قلت عارفه بس ابتأكد وأنت ماشاء الله ع طول هزئتيني جلست تضحك ..>>> الله لايوفقها وهذا وأنا أول سنه وأول مره أسال ......... وربي ساعتها كرهت نفسي ..

أما عن الإجانب عندنا وحدة ينطبق عليها مثل شين وقوي عين ..
بس قاعدة سب في السعوديات بس ماتدرسني وقاعدة أقول للبنات ردوا ياأغبياء عليها قالوا لا نخاف ترسبنا قلت اشتكوا عليها العمادة وربي يفصلونها .....

قال : أنت حليته قلت له إيه سهران طول الليل حل . قال طيب حلو اعتبرها مذاكرة لك في الاختبار النهائي ..

<<<<<< أبد ماضحكت عليك .......

مشكور أبو عبير <<<<< هما يقولون كذا

اضافة رد مع اقتباس
  #15  
قديم 25/07/2009, 02:54 AM
الصورة الرمزية الخاصة بـ K I N G . M I L A N
عضو سابق في اللجنه الإعلامية
تاريخ التسجيل: 24/12/2006
المكان: M . I . L . A . N . O
مشاركات: 2,082


~ ~

إقتباس
متابعة بجنون


هلاا متابعه بجنون
أجل المصريه تقولي دنتي حليتيه كويس بأه هههههههههههههههه الله يقلع ذا المصاريه والأجانب كلهم من الجزائر إلى المشرق العربي <<< أحس أني شطحت
تراني صغينون بس القيصر يحب يدلعني من أيام الثانوي أبو عبير لأني أحب هالأسم من يومني صغنن
مشكوره يالمجنونه







// حبــي وتقديــري //
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:04 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube