ياعيال روقوا بالله

يعني اشترك الونسو ! .. وش المشكلة ؟؟ .. هو لا زال مع فريقه وما وقع
معنا عشان ما نلعبه .. اعتقد فيه امور اكبر من مجرد انه لعب مع فريقه
مبارة ’ وديـة ‘ ولا لا .. الأمر مو غريب علينا كلنا اصلاً .. الطرفين لسى
ما وصلوا لـ أتفاق .. يعني لو فيه خبر انو توصلوا لـ أتفاق ولعب اليوم
ممكن نقدر نسوي مناحة ..

مثال بسيط جداً ..

ابراهيموفتش .. قالوا وقع مع برشلونة خلاص والطرفين اتفقوا وكل شي
ومع ذلك لعب مع فريقه مبارتين .. وكانت وضعيته مثل ألونسو تقريباً
يدخل كـ بديل .. بس كان يشارك دقائق اكثر بعكس الونسو الا حتى الآن
لعب 13 دقيقة في المبارة الأولى لـ الليفر والآن على كلام سليم دخل الدقيقة
83 ولا بيلعب الا تقريباً 7 او 8 دقايق ..

انا اشوف الأمر لحد الآن ايجابي .. ما فيه سبب مقنع يخلي بينتيز ما يعتمد
على ألونسو خلال المباريات الودية السابقة ؟؟ .. اول مبارة قلنا مصاب
ومشيناها .. ثاني مبارة قلنا توه راجع من اصابة وما يقدر يلعب مع الفريق
من بداية المبارة .. لكن اليوم وش الي يمنع الونسو يشارك من البداية ؟؟
هل فيه سبب مقنع غير ان الولد قربت طلعته لـ البرنابيو ؟ .. ما اشوف غيرها
قدامي بصراحة .. الأختلاف حتى الآن مادي بحت !! .. فرق كبير بين عرض
ريال مدريد وطلب ليفربول .. مع الأيام والضغوطات والمفاوضات يقترب
المبلغ ويعلنون رسمي بحول الله ..

نقطة أخيرة !!

الماركا امس اعلنت ان بديل ألونسو موجود .. كلنا نعرفه ديفور .. اليوم
ولا خبر يدل على ان فيه مفاوضات بين مدريد و فريق اللاعب .. كل اخبار
الصحف اليوم عن مفاوضات مدريد - ليفربول في برشلونة .. اتوقع بيريز
مو شايف احد قدامه غير الونسو .. وراح يرفع السعر في الوقت الي
يشوفه طويل العمر مناسب ..