اخوي مستحيل ومن سابع المستحيلات تصير

13 - 9 نلعب بالدوري مع اسبنيول في برشلونا

و

15 - 9 نلعب مع زيوريخ في زيورخ

اتوقع والعلم عن الله انه بياجلون المباره اللي بالدوري

^^^

لا المنتخبات راح تلعب الاسبوع الجاي

السلام عليكم ورحمة الله وبركاته

الله محيي الشباب

اجل عيالنا روبين وشنايدر مبدعين امس، الله يوفقهم مع فرقهم

نجي لفريقنا الحين

مبروك الفوز، بالرغم أنه صعب وبالرغم إن أغلبنا كان متوقع فوز كبير ومهرجان من الأهداف بحكم الأسماء الموجودة في الفريق لكن فوز اول الدوري مع فريق صعب زي الديبور مع 7 لاعبين جدد على الفريق اعتبره شيء جيد، والمهم الثلاث نقاط
أتوقع راح يتحسن المستوى مع الوقت ويتصاعد تدريجيا، وعلى الجولة السادسة أو السابعة بإذن الله بيكون فريقنا خورافي، بس يحتاج شوية وقت

بالنسبة للمباراة أمس

هجوميا ماعندنا مشكلة ابدا، بالعكس اتوقع ممكن يجي هدف في أي وقت، كاكا أمس كان مبدع بس للأسف الحظ ماكان معاه، ويكفي الثرو الكوبري
راؤول والحق ينقال كان ممتزا أمس، سجل هدف وتسبب في بلنتي، وهدف كان دليل على حسن التمركز وليس دليل على الحظ الحلو
كريس والبنز والونسو، لعبوا بنصف مستواهم ويبيلهم شوي
كريس واضح انه منضغط بقوة، حتى اما جاب الهدف وخف عليه الضغط شوي، احسه تحرر في الهجمة اللي بعدها، اللي سحب له كم واحد على السريع وعرضها لراؤول على قولة انت وضميرك
البنز، اتمنى وبشدة انه يصير اناني، مشكلته دائما يفكر يمرر الكورة اكثر من الحل الفردي، واللي يقهر أن عنده الإمكانيات اللي تخليه يجيب هدف بمفرده
بالنسبة لنقطة الونسو ولاس (أفضل لاعب في مباراة امس حتى وهو صايم) واللي ذكرها عبود ، انا معاه فيها واضح أن لاس مطالب بالضغط على لاعبين الخصم في ملعبهم بحكة أنه سريع ونشبة ، عشان كذا أغلب أوقات المباراة نشوفه قدام الونسو، الشيء الثاني الونسو لازم يكون أقرب للدفاع لأنه حلقة الوصل بين الشق الدفاعي والهجومي في الفريق، مرة يغير اللعب بالعرض, ومرة يجرب اللعب الطولي, ومرات الأرضية السريعة, وهذا اللي كان ناقص الريال لاعب يربط بين خطوط الفريق، لاحظوا أول ماتجي الكورة مع قلوب الدفاع يكون الونسو جمبهم يستلم منهم ويبدأبنفسه توزيع اللعب بطريقة سليمة، عشان كذا أشوف أنه وضعه خلف لاس كان قرار صائب

نجي لدفاعنا، الأظهرة اشوف انهم ماقصروا، وإن كان اربيولا يبيله شوية تضبيط عشان ماينسى الدفاع مرة
قلوب الدفاع واضح أنهم مو متفاهمين ذاك الزود وإن كنت أشوف المشكلة في قاراي أكثر من البايول
بس إن شاء الله مع رجعة راموس وبيبي راح يتحسن الدفاع كثييييير

أخيرا كاسياس

أمس محسسني أنه لاعب مغصوب، ماوده لا يركض ولا يطمر ولا أي شيء، الهدف الأول يتحمله بنسبة 10000 % يعني كورة عرضية وفي خط الستة متى بتخش؟؟؟
وكورة فاليرون اللي ضيعها بغرابة نفس الموضوع الكورة في خط الستة, احسه رابط نفسه أمس في خط الباب وحالف مايتحرك، مادري وش فيه، دائما بداية الدوري يكون كذا، ليه مادري، لاكون زعلان على سلجادو

كاساياس تكفى راجع حساباتك، فهمها كنت كبيرا فالريال اكبر منك


إن شاء الله نسمع خبر ريبري قريبا

للجميع

ابو يوسف

السلام عليكم ورحمة الله وبركاته ..
أسعد الله أيامك بكل خير وسرور ..
وتقبل الله منا ومنكم صالح الاعمال ..

أبارك لكم الفوز الأول وهو أمر جداً رائع ..
المباراة بشكلها العامة كانت جيده من قبل الريال
صحيح أن الفريق لم يكن مقنعاً بشكل كبير
وهو أمر طبيعي بحكم أنها المباراة الأولى للفريق
حقيقة أنا لا أطالب أي مستوى في حالة تحقيق الانتصار
خاصة في الخمس مباريات الأولى في الدوري ..

المباراة في الأمس كان فيها جمل تكتيكيه في خط المقدمة
تفكيك للخصم بشكل جيد .. حلول فرديه سواء في الاختراق ..
او التسديد الذي نتج عنه الهدف الثالث ..
كان هناك تبادل للمركز طوال المباراة بين لاعبي المقدمة ..
حتى خروج راؤول بعد الهدف الثالث ..

في الشوط الاول اعتقد ومن وجهة نظري أن القائد راؤول
كان نجم الشوط بدون منازع سجل هدف وتسبب في الاخر ..

الشوط الثاني فأعتقد أن ( ديارا & الونسو ) كانوا مميزين ..
رغم أنني احملهم جزء كبير من الهدف الثاني للديبور ..
ولكن يحسب لهم تغير اللعب .. وتوزيع الكرات بشكل سليم ..

السيد بليجريني .. كبداية لا أستعجل بالحكم عليه ولكن يحسب له ..
إغلاق الملعب بعد الهدف الثالث مما سهل مهمة الريال لتحقيق الفوز ..
ماأتمناه أن يتم التركيز أكثر على تخليص الكرات المرتده من الفريق الخصم ..

هذا ماكنا نعاني منه في المواسم السابقة وهو ماشكل علينا الخطورة في مباراة البارحة ..
يجب أن يركز السيد بليجريني على أستخلص الكرة من نصف الملعب ..
وأن يكون هناك انتشار سليم في خط الدفاع وتغطية للمعلب بشكل أفضل ..
مما ظهر عليه الفريق في الامس خاصة في الهدف الثاني ..
لن أكثر الانتقاد على الاخطاء الدفاعية فيكفي أن نعرف أن أهم لاعبي الدفاع ..
غائبون ( راموس & بيبي )

ختاماً ..
مبروك الفوز الأول في الدوري وللامام ..

تقبلوا تحيتي ...

نتمنى تتكرر






بآآنتظار 22\6\2009

لحد يقول وش تبي بالهدف الحين ولا وش تنظر بالتاريخ الي فوق
طحت عليه و حطيته ..,
و هذا أخر هدف لمدريد بنهائي التشامبوينز


***


يا شين الصيام الظهر

اي والله

الله يسمع منك وانشاء الله تتكرر

والله زمان يآ الريآل

عيال ملخص البايرن امس ..

زي ماقالوا العيال لايجتمع روبن وريبري مع بعض ترا ياخذون الابطال ..

مبروك الفوز يا عياال .. رغم انه كان فيه اخطاء واضحه لكن كـ بدايه نقول مقبوله
في البدايه ابي اتكلم عن الدفاع

اسوء ما في المباراه هو خط الدفاع واضح ان التفاهم بينهم نسبته 0 % و السبب انهم اول مره يلعبون مع بعض .. لكن اذا تبون الصدق .. اكثر لاعب فاقدينه هو راموس .. بصراحه اربيلوا مستواه متوسط ما عنده نزعه هجوميه و حتى في الدفاع .. لك عليه ولا فيه اوفارات صح .. ما ودي احكم عليه حكم متسرع و لكن بدايه ما تطمن عكس اللاعبين الجدد

الوسط



ما نقول الا يا حظنا فيك يا كاكا
لاعب من يوم ما كالديرون يطارد ورااه و كلنا نبيه و السبب انه ما فيه اي لاعب بـ العالم يقدر يسد خانه طيب الذكر زيزو الا انت يا كاكا
شوفوا بس الاسست حق الهدف الاول .. جنااااان
هو اللي ماسك ايقاع اللعب .. يبي يسرع اللعب ما عنده مشكله .. يبي يهدي اللعب شوي برضوا ما فيه مشكله .. يا لبى قلبك بس



شرحيلي ... والله و طلع لك ميزه و حنا ما درينا عنها
نشبه و زد على هذا شويت ... جاب هدف خاالع قدام روزنبيرغ و كملها مع الديبور
النجم الثاني في المباراه بعد كاكا .. و الله مهوب حسوفه عليك رقم 10



اعتبر هذي المباراه افضل مباراه قدمتها مع الريال .. صحيح انه الى الان ما ضهر امكانياته الحقيقيه لكن شفنا له كذا انطلاقه شكلت خطوره على مرمى الديبور و تفاعل معها الجمهور بشكل ممتاز ... فالك البشتشي يا كريس

الهجوم

بن زيماا .. قدم مستوى ممتاز بس الحظ وقف قدامه
له كورتين بالعارضه وحده منها جت هدف لـ راؤول نقدر نقييم مستواه في المباراه الاولى انه جيد جدا

نقطه اخيره احب اقولها

صدق بيليغريني يوم قال

99% من مدربي العالم يتمنون التشكيله الموجوده لدي
امووت على الهياط هذا