إقتباس الرسالة الأصلية كتبت بواسطة مملكة الريال استغفرالله فريق فضيحة مسخره وش هالدفاع ,, متى ينتهي الدوري ولله ما يستحقه الريال ,, مبروك .. لـ رونالدو مدريد فقط اما البقيه حرام تبارك لهم الفوز

لي باك بعد متش الهلال

الحمدلله على الفوز


صدق من قال ان المباراة بتكون اعصاب مباراة مافيها شي يحمس اللاعبين ماتشوف فيهم حماس ولا لاعب تشوف يتحمس على كورة حتى لاعبي الخصم اذا هاجمو ماتشوف واحد يحاول يقطعها يمشي معها الين يوصل منطقة الـ18 وغير كذا ولا هجمه حلوه او هجمه مرسومه صح كل فرصنا اجتهادات من اللعيبه خصوصا هدف كرس الاول هو اللي اخذها ودخل وسحب وشاتها وهالشي امتداد لاغلب مباريات الموسم هي اجتهادات من اللعيبه


طول عمري اقول البيول مدافع ماينفع 24 ساعه مرتبك ومافي مخ قسم بالله ماعنده مخ هالادمي يشوف اللاعب ورى ولا يدري ان الكورة تمشي وابتعدت عنه تقوم تشطفه برجلك ياثور ليه؟ لو البزر اللي يطلع باعلان STC حق ريال مدريد مهاجم وقدامه البيول قسم ان تشوف البيول مرتبك ولا يعرف يتصرف



الهدف الثاني حق اوساسونا ذكرني بهدف باتو الثالث مافي توجيه لا من كاسياس ولا من قلوب الدفاع لازم يصير في مدافع يوجه وينبه اللي معه بالدفاع مافي مدافع قائد يكرش اللي معه وهالشي مفقود من يوم راح هييرو وكان تاثير هييرو كبيرر على اللعيبه


كرستيانو كالعاده هو الروح يقطع اوم الجزمه بالكرض والشوت لاجل الفانيله ويجي بالمرتبه الثانيه مارسيلو مكثر السب اللي جاه من قبل لكن المباريات الكبيره تشوفه حماسي اكثر من غيره مثل مباراة برشلونه واشبيليه البى قلبك يامارسيلو



بالتوفيق للهلال وبالتوهيق للنصر

مبرووووووك الفوز ,
تشويق كالعاده وتذكير بموسم كابيلو ,
أخطاء بالجمله من البيول اليوم لكن الله ستر , راموس افضل الدفاع اليوم
كان صاحي ومركز وصلح اغلاط البيول الي كثرت بالفتره الاخيره ,
رونالدو روح مدريد حاليا
لولا الله ثم هو ما شفنا الاعبين اليوم بآخر الدقايق مدهرين يبغون الفوز .
مدري وش تفكيركم لما تسبون بلجريني انا من شفتكم تسبونه بالمباريات الوديه وانا
غاسل ايديني منكم , شويه واقعيه يا شباب عشان محد يضحك علينا ,

إقتباس تكلمت عن خوان فران !! , اللي مدري وش الحكمة من تدخيله !

تشوف مباراه ثانيه انت ؟
خوانفران قدم مباراه حلوه مع انه اول مره يشارك مع الفريق تحرك بكل مكان
بالملعب وانا عن نفسي شفته يهاجم ويدافع وانا مدري وش مركزه بالضبط .

يدورون اي شيء حتى يسفلون ببلجريني ويبغوننا نصدقهم .

ألاقتباس هذا ما يعني أني اقصد هالشخص نفسه انا عميت لكل الي يجيبون طاري
بلجريني بعد كل مباراه .

إقتباس شوفو نيلمار

محمد اسمه نيمآر موب نيلمار الي يلعب مع فياريآل
بعدين الدوري البرازيلي موب مقياس دوري كله هجوم ومدافعين زلايب طبيعي
بيدهرون .

تقييم الـ " MRACA " لحكم اللقاء ماثيو لاهوز



ماثيو لاهوز أنهى اللقاء دون تعقيدات ، ولم يكن عليه أتخاذ قرارت مهمة في أغلب المناطق ، عموماً حضر بشكل جيد ، وأنهى اللقاء دون أن تظهر بكثير من البطاقات الصفراء .


http://www.marca.com/marcador/futbol/2009_10/primera/jornada_35/rma_osa/