حبـيت اقولكم قصه صـآرت لي مع شـايب عمره في السبعـين
امس العصر رآيح اعبّي الغـآز من محل جنب بيتنا المهم اني مالقيت موقف زين علشان اطلّـع الغـآز من الشنطه قلت ياولد خلني اوقف ورا هالشـايب واروووووح واخذ لـفّه واجي وراه
نزلت من السياره الا ابو الشبـاب دق روووويس ومغط انا اناظر من قوة الموقف ماقالت شي مدري وش اقول جيـته قلتله ماتشوف انت ؟ مارد علي المهم بدت يده تنتفض وبقوه بعد انا كشيت شوي خفت , نزل من السياره وطآح ( انا بقلبي اقول موب وقتك والله موب وقتك وراي نادي وقروشه ) وانقز انا والهنود ونرجعه السياره !! انا مدري وش اسوي اختبصت قلتله : عمّي وش طلعك من بيتكم وين عيـآلكـ ؟؟ قـال عيالي مافيهم خير وادق على واحد من العيال قلتله تعال انا صدمت مع شايب واغمى عليه , قالي خله يموت وتعال بسرعه المباراه بتبدا المهم اني اخذت جوال الشايب وادق على آخر رقم قلت : السـلآم عليكم , فلآن : وعليكم السلام من معي قلت: هذا جوال مين ؟ قال : جوال الوالد ليش ؟ قلت : تعال الوالد صدمني وارتفع عليه السكر واغمى عليه قال : انا بعيد والله قلت : طيب وش اسوي انا ؟ قال : وده المتشفى بعدين رجعه البـيت قلـت : استغفرالله العظيم ابوك ذا ! قال : افففففففففف هذاني جـآي
التفت علي الشايب قال عيـآلي مافيهم رجآ , قلت : ادري ادري قلتلي بدا يكررها ورجع اغمى عليه , انا توهقت المهم جا ولده بعد ربع سـآعه , ورع يمكن عمره 13 وزقارته بيده ينـآفخ يقول وين ابوي قلت ابوك في السيـآره
هنا الورطه الكبيره قالي ليش تصدم ابوي , قلت ماصدمته ؟ قالي : الا الشآيب يناديه يقوله : فهد فهد انا اللي صدمته
وبديـنا نتضارب , تصدقون ليش اطقه ؟ من القهر اللي فيني بتعاملـه مع ابوه حسيت نفسي اب روحاني وانا اضرب << وش دخّل روحاني هو يضرب علشـان يحسب اني صادم ابوه , وانا اضرب من القهر اللي مسويه مع ابوه ناداني الشـآيب قال : هذي خمسين واسفين على اللي صار تعرف انا شايب وفيني امراض ولا اقدر اسوي شي
قلتله : مابي الا سلامتك
بعدها ركبت سيارتي ورحت النـآدي ويلعن امّ اليوم اللي اعبّي فيه غـآز مره ثانـيه حسبي الله ونعم الوكيل والله الى الآن ماعرف اللي سويـته صحيح ولا لا ؟ (( واخفض لهما واخفض لهما جناح الذل من الرحمة وقل ربي ارحمهما كما ربياني صغيرا ))
لاحول ولاقوة الابالله
والله ان البزر قاهرني
==============
نصيحه لك اخي الكريم
قال رسول الله صلى الله عليه وسلم
لا تسبوا الدهر فإن الله عز وجل قال أنا الدهر الأيام والليالي لي أجددها وأبليها وآتي بملوك بعد ملوك
الراوي: أبو هريرة المحدث: الهيثمي - المصدر: مجمع الزوائد - الصفحة أو الرقم: 8/74
خلاصة الدرجة: رجاله رجال الصحيح
وقال رسول الله صلى الله عليه وسلم
إن العبد إذا لعن شيئا صعدت اللعنة إلى السماء ، فتغلق أبواب السماء دونها ، ثم تهبط إلى الأرض ، فتغلق أبوابها دونها ، ثم تأخذ يمينا وشمالا ، فإذا لم تجد مساغا رجعت إلى الذي لعن فإن كان لذلك أهلا ، وإلا رجعت إلى قائلها
الراوي: أبو الدرداء المحدث: الألباني - المصدر: صحيح الجامع - الصفحة أو الرقم: 1672
خلاصة الدرجة: حسن
((ويلعن امّ اليوم اللي اعبّي فيه غـآز مره ثانـيه ))
إحرص على نفسك فإني اريد لك الخير
وسامحني على الازعاج
عمّي وش طلعك من بيتكم وين عيـآلكـ ؟؟ 
, تصدقون ليش اطقه ؟ من القهر اللي فيني بتعاملـه مع ابوه
هذا موب بس يبيله طق المفروض يٌبااااااد .... 
الوضع المتطور
