والله انا توني على البعثات .. ولا اعرف للا سيحاة تبي افييدك

اكيد تقدر تفيدني مثل المواصلات والاسعار وطبيعة الشعب
وشرفت الموضوع بمرورك

روح امريكا يالغالي ..

وبالتوفيق للجميع ..

انا ما ادري بس شف الشباب يمكن يفيدونك << ردود بعض الشباب الفاضين

والله وبصراحة أنا اقول خلها تشد أرضها وتكمل الماستر في السعودية

انا أدرس حاليا بأمريكا وما شفت منها الا الغثاء والتعب

وكل واحد في كل دولة ابتعاث يشتكي

خلها بس تكمل دراستها في جده ترتاح وتريحك << كيف الفكرة

وبعدين ياخي رح لبريطانيا وأمريكا وكندا وشف الأوضاع وشلون صايرة

ان كانك تبي تكون مع اختك أغلب الوقت .. كذا تمام

لكن ان كانك رايح توسع صدرك .. تراك بتمل بسرعه .. وبعدين بتدور الرجعة

وبعدين اختك الله يستر عليها بترفض انها ترجع ... اممممممممممم وش الحل ؟

الحل انكم كلكم تقضبون ارضكم وتجلسون

حتى لو راحت وخذت الماستر .. وش الفايدة .. مصيرها بترجع وبتصير محاضرة في جامعه والا مرشدة طلابية

يابن الحلال اسمع النصيحة وحاول تقنعها تدرس في جامعة سعودية

والا تدري خلها تدرس ماستر في جامعه .. ودخلها معهد السعودي البريطاني وقل لها الحين كأنك تدرسين برا

ههههههههههههههههههههههههههههههههههههههههههههههههههههههههههه

ياخي قسم انكم فاضين

على العموم انا انصحك بجهة دراسية اسمها طلعت ابن ابي صعلقه للدراسات العليا ومحو الأمية

تراني اعرف حارس المدرسة ان كانك تبي واسطه والا شي هههههههههههههههههههههه

Just messing around bro

يعني ردي هذا من باب المداعبة فقط

واختك الله يوفقها لو تروح بها تدرس في بلوتو ولا عاد ترجعون لكم مني كل الدعاء بالتوفيق

ترى بلوتو هالسنة جايهم خير وفيها ربيع لا تفوتك

بـــريـــطــانــيــا آفضل بــكــثــيــرررر

مـن جــمــيـع الــــنــــــوآآآآآآآآآحـــي

وهــي آصـــل الــلـــ غ ــــــه

شكرا للاخوان اللي ردو ويا ابو عقيل يارجال عادي خذ راحتك

والله شف انا انصحك ببرتش هي اصل الغه والدراسه الصدز

من ناحيه الدراسه بريطانيا افضل
اما من ناحيه المعيشه بريطانيا اعلى من امريكا

اما من ناحيه طبيعه الشعب فالشعب الامريكي افضل من الشعب البريطاني

حاليًا انا بامريكا ...

في مدينه صغيره والعيشه للمبتعثين ممتازه ,, والمواصلات والمعيشه معقوله جدًا او رخيصه مقارنه بمزملائي في بريطانيا وكندا

الجامعه الي انا ادرس فيها لغه فيها سعوديين وسعوديات والحاله ممتازه لهم ,, حتى بعضهم مااشاء الله تلبس عبايه وتغطي وجهها ولافيه احد يضايقها

وبالنسبه للشعب مره خدوم واكثر مما تتوقع ,, انا ساكن مع عائلة والحمدلله تعامها معي اكثر من راقي


واذا بغيت اي شي ثاني لايردك الا الخاص

وعليكم السلام


انا في بريطانيا

بقولك عن بريطانيا

بقولك الاشياء اليي لك اول
بريطانيا حلوه وتتاقلم بسرعه على الوضع لانها مليانه عرب وسعوديين بشكل خاص وحتى محلات عربيه واكل عربي واشياء عربيه واكل حلال وامان وفيها شبكت مواصلات ممتازه يعني ماتحتاج سياره كل شي بالباصات والقطارات

سلبياتها

جوها طول السنه بارد وامطار وتقفل بدري يعني بالليل ماعندك الا القهاوي العربيه تقعد فيها
شعبها ما اقدر اقولك افظل من الامريكي ولا اي شي ثاني لاني مارحت امريكا بس بشكل عام مو فرندلي ابد يعني عادي تقعد في القطار 3 ساعات وجنبك بريطاني ماتتكلمون الا اذا انت خشيت عليه بس عموما كويس الشعب وماتلقا منه اي مظايقات او اي شي وكثير من الناس يقولون الشعب البريطاني عنصري مو صحيح انا قاعد تقريبا سنه وما واجهت ولا اي احد اعرفه اي شي فيه عنصريه وبريطانيا عموما غااااااليه

اما من ناحيه اختك
فا عادي يعني ماراح تواجه اي مشاكل ان شاء الله يعني عادي تتحجب او تتغطى محد يقولها شي او يظايقها يعني الحمدلله الامور كويسه في بريطانيا

معليش كتبت الرد بسرعه ومو مرتب واذا تبي اي شي راسلني على الخاص

الله يوفقك وييسر لك أمورك أخوي .. ولو أقدر أفيدك أبشر من عيوني .. بس مآلي خبره والله في مجآل الإبتعآث .. والله يوفقكم

أرى بريطآنيآ ..

....................................................

راح اتكلم لك وش افضل بكل ناحية على حده :


ناحية الأولى قوة الجامعات : طبعاً بالتاكيد مافيه اقوى من جامعات امريكا ,,بالعالم كله وبالتصنيف الأخير حق الجامعات اول خمسين جامعه بالترتيب كان معظمها بامريكا !!

الناحية الثانية المعيشه : طبعاً اتوقع للسعودين بريطانيا افضل , لكثره العرب كثرة المقاهي العربية , المطاعم العربية بعد كثيره ..,, تروح اذا مليت تحضر مباريات ( مانشستر تشيلسي ارسنال ,, الخ ) غير كذا قمر نايلسات يلقط هناك يعني تقدر تشوف اغلب القنوات العربية وانت هناك كنك ببيتكم ,, اما امريكا افضل يمكن من ناحية السينما والأفلام وهي موجوده بعد ببريطانيا بس بامريكا اكثر ,,

الجانب الأخير تعامل الشعب : كلهم مايحبون يختلطون معك , لكن البريطانين اكثر شدة وفيهم غرور اكثر , ..


عموماً انت بكيفك لكن انا من رايي انت رايح تدرس ,, يعني لو مكانك باروح امريكا لقوة جامعاتها ,, منت رايح سياحة وتتمشى ..

امريكا وانا اخوك افضل شعب فرندلي وافضل حتى لو تسالهم عن السعوديه يقولون وش ذي اكله هههههههههههه
اما بريطانيا شعب متعصب ومغرور وكريهه وحقين فلوس يعني مصري بس متطور شوي وانصحك تروح مدينه صغير لانها بتكون ارخص
بالتوفيق