يسعد مساكم يازعماء نصف الأرض

رئيت الجميع يشتكي بحرقة من معاملة العارتي لزعيم أسيا ونادي قرنها

وأنا واحد منكم وربي كل شيني فيني يحترق وأنا أشوفهم يعاملونا بهالطريقة الأستفزازية الحمقاء كأشكالهم

لكن هل نسيتم أن حقوق بث مباريات الدوري حصرية للعارتي بمباركة ودعم شريكهم سلطان بن فهد

يعني أنا بأجي معكم وأطالب بفسخ العقد

ولنفرض أن الأدارة فسخت العقد معهم

طبعا بهذه الحالة لن يتم نقل اي مباراة لزعيمنا

تبي تقول نوقع عقد مع الجزيرة أقولك أن الحقوق حصرية للعارتي يعني حلم ابليس بالجنة أن يصير هالأمر

أنتم مخيرين بين أن تستمروا على هذه الحالة أو أنكم تنسون تشاهدون الزعيم بعد اليوم

خيارين كلاهما مر

لكننا مجبرين على ذلك

والمطلوب في ردودكم نبي طريقة نجبر فيها العارتي على أحترام نادي القرن في أسيا وأحترام كل الزعماء

مانبي اكثر من غيرنا

لكن نبي العدل والأنصاف

تحياتي


للتنويه .... لاحد يرد يقول أنت عميل لهم ومن هالكلام ... هالكلام كتبته من الواقع... وأنتظر ردود عقلانية

إذا كانوا بيعقلون هذه شروطنا لهم ,,


http://vb.alhilal.com/showthread.php?t=792871

والله شوف شيْ يفقع القلب

عاد مافي اليد حيله كنا نتمنى بان نتعاون مع قناة ابو ظبي لكن مثل منتو عارفين انه سمو الامير عبالرحمن بن مساعد قال يجب مقاطعة هالقناه بعد الاحداث الي حصلت

و خيارنا الوحيد انقطع فماعندنا الا العارتي ربي يصيبهم ويصبرنا عليهم

لاحول ولا قوة الا بالله

شكرا لك

وش نبي بقنــاة في قمـة الفـشل ونطالب بفسخ العقد معهم

لأنها الظاهر موجوده لترفع ضغط الجمهور الهلالي فقط لاغـير


واذا تبي تشووف مباريات الهلال ...

الله يخلي الدريم بوكس وانتهى وضعـك ..

..
ياأخي اذا المشكله واقفه على نقل المباريات .. هذي قنوات الأنديه الكبيره ارسنال والمان وتشيلسي لاتنقل مباريات فريقها وتعوضها ببرامج تناقش مستويات فريقها وتنقل التدريبات والمباريات الوديه بلا منّه .. طيب خلني اكون معاك في نقل المباريات .. يعني الحين تقدر تشترك في قناة الزعيم بدون ماتشترك في الباقي ؟ لا ادفع طال عمرك 1900 ريال عشان تشوف قناة الزعيم ! وش استفدنا ! .. اتمنى تفهم وجهة نظري اخوي .. واذا كنا بنشاهد الموضوع من جهة المباريات فاأنا اتفق معك تماما ً .. لاكن اذا بنقر باللي تقوله في هالحاله لازم نضحي بنقل التدريبات ونقل المباريات الوديه والتعليق المميز والسعر المناسب لنا وللشركه المشغله ..

رفعو ضغطنا
كل شوي تعذر تعذر ياخي نبي شي زي الناس

يفتحون لنا قناه بدون العارتي

ومثل ما القناه الرومانيه اشترت المباريات حقت الهلال نشتريها ويتم عرضها على قناة الزعيم طبعا باستوديو تحليلي وكل اللي كنا نبيهم يسوونها في عارتي الزعيم نسويه في قناتنا بدون كذابين ومنافقين

طبعا اهم شي يكونون هلاليين اللي يديرون القناهـ

ولا يفسخون العقد والله يخلي الدريم بوكس


هاهـ الحل صاحي ولا من جنبها؟؟

تبي الصدق في هذي الحاله الدريم بوكس حلال على مثل هذي القنوات الي ما عندهم ظمير

تقبل مروري

إقتباس الرسالة الأصلية كتبت بواسطة الجوووري يفتحون لنا قناه بدون العارتي ومثل ما القناه الرومانيه اشترت المباريات حقت الهلال نشتريها ويتم عرضها على قناة الزعيم طبعا باستوديو تحليلي وكل اللي كنا نبيهم يسوونها في عارتي الزعيم نسويه في قناتنا بدون كذابين ومنافقين طبعا اهم شي يكونون هلاليين اللي يديرون القناهـ ولا يفسخون العقد والله يخلي الدريم بوكس هاهـ الحل صاحي ولا من جنبها؟؟

والله ياغالي حلك مضبوط

لكن لو فكرت شوي راح تعرف أن العارتي مستحيل تبيع الحقوق لنا لو بمليار

وأكيد عبدالرحمن بن مساعد لو عنده حل كان ماسكت للحين وهو أهم شي عنده جمهوره

ضيف جهاز الدريمر للي ماعنده دي اس ال

إقتباس الرسالة الأصلية كتبت بواسطة هلالي وراسي عالي2009

وهل ماينقلونه لنا شي مميز

ياخي

التحليل الجيد عل قناتهم وليس على قناة الزعيم

التعليق الجيد على قناتهم

اذآ

مالفائده من وجود قناة الزعيم

بارك الله بك

إقتباس الرسالة الأصلية كتبت بواسطة شاعرالهلال9 والله ياغالي حلك مضبوط لكن لو فكرت شوي راح تعرف أن العارتي مستحيل تبيع الحقوق لنا لو بمليار وأكيد عبدالرحمن بن مساعد لو عنده حل كان ماسكت للحين وهو أهم شي عنده جمهوره

اولا..الجوووري= بنت
ثانيا ..صح والله اكيد راح يرفعون السعر مررره علشان يطلعون الاول والتالي