✰¤¶` العضو المتميز مواصل من عام 1413هـ ( ضيف المجلس العام )`¶¤✰ - صفحة رقم 10 - نادي الهلال السعودي - شبكة الزعيم

106sarona106 · #136 03/08/2009, 08:53 PM

وبالغد أتركه للأعضاء - لشرشحتي

.
.
.

يعني عادي نحش فيك بكره ؟؟

اجل بكره بيطلع الجانب الشرير من شخصيتي

R D H · #137 03/08/2009, 09:46 PM

السلام عليكم ورحمة الله وبركاته

مساء الخير والإحساس والطيبه .. مساء مايليق إلا بأحبابي ..

أعلم أنك قبل أن تبدأ بقراءة هذا الرد .. قمت بإلقاء نظره سريعه على محتوى الرد لترى هل من أسئله ؟!

فلن أخيفك .. لأنك ألقيت نظره .. وصدقني أنا مشفق عليك .. مشفق جداً ..

فقد مررت قبلك بموقع أخر بكرسي الأعتراف ( كما يسمونه وأسميه )

وأعلم أنك إن لم تمر بهذه الحالات .. فإنك بالتأكيد ستمر بها ..

الصداع
ارتفاع وانخفاظ الضغط
فقر الدم
الدوران
الألام الظهر
.
.
أذن لم اجد غير عصير الطماط

أعيد وأكرر .. ليس " سواد عيونك " هو السبب الذي منعني من كتابة أسئلة كثيره لك ..

بل لأني مستعجل جداً .. وهذا الرد قد يكون قبل الأخير .. قبيل سفري بمشيئة الله غداً ..

يالله ابعد شوي الحين .. وخليني اعيش جوي ..

بصراحه من أكثر الفعاليات تميزاً .. والأميز أنها مع عبدالله !

عبدالله .. كلامي هنا مارح يأخر .. ولا رح يقدم .. لا رح يزيد .. ولا رح ينقص ..

لأنك بمديحي .. وبدونه .. رح تبقى عبــــدالله ..

سبق وأنت تحدثت عن إعجابي الكبير بشخصك في موضوع فيارق ..

وأنت قرأت ردي .. فماذا لدي لأضيفه فوقه ؟!

تعجبني الشخصيات التي لا تخجل من أرائها مهما كانت مختلفه وضد التيار ..

تستهويني جداً .. تلك الشخصيات التي ترى أنه لا فائده من المجامله .. مادام انها تخالف رأيي الداخلي ..

يعجبني ويعجب كل الناس .. الشخصية الواضحه جداً .. فالناس لا تحب تلك الشخصيه التي تخفي تحت الكلام المعسول كلاماً مختلفاً ..

الناس تريد من يهدي لها عيوبها وينصحها بحق .. لا أن يجاملهم ويجاملهم ويجاملهم ..

أنت صاحب فن التزبيد لـ الآخرين !

تعرف متى تستمع ومتى تضحك

رائع في الصمت وفي الكلام

قلب كبير مشبع بالعطف والحنان ممزوج بالرحمة والأنسانية

( أوعه تصدق هالسطر

)

تتميّز بالثقافه التي تعكس مدى

رقيّك ورقيّ ما تقدم من كتابات

المعروف في تعاملك وشخصيتك

(الصدق والوضوح . والتلقائية والغموض احيانا)

مشوارك رغم قصره حافل بالعطاء

نسعد بروئية حروفك ونهيم في بحر مشاعرك << خخخخخخخخخ كن خواطرجياً ولو يوم .

مجرد وجود اسمك في لائحة ( المتواجدون الأن ) نشعر بالاطمئنان << اطمئنان حمزه تعرفه ؟!

//

استمتعت في قراءة أغلب الإجابات .. لا أقصد هنا أنه أغلب الإجابات أعجبتني والباقي لا .. بل لأني لما أقرأ إلا جزء منها .

ماعندي إلا 4 أسئلة بسيطه

1 - وش رايك فيني ؟ وهل ترغب تصير صديقي ؟

يعني .. ( إيجابيات + سلبيات ) .

2- وش كانت نظرتك يوم قرأت أول رد لي بالمجلس .. ؟!

3 - هل سبق وأن نشر أحدهم غسيلك ؟! وماكان نوع هذا الغسيل ؟

4 - ما أنواع " الخرفان " بوجهة نظرك ؟

وكفايه لأني تعبت أوي أوي ..

يعطيك العافيه يا عبدالله .. موضوع جميل جداً ..

والشكر موصول للإستشاريين .. عرفوا من يختاروا ..

يعطيكم العافيه جميعاً ..

أخوك / إبراهيم

Hictar · #138 03/08/2009, 09:53 PM

هلالية كووول

- يقال أن الحب يمحو جميع العيوب والأخطاء في المحبوب (( ما تعليقك )) ... ؟
أتفق مع هذه المقوله

فمهما أخطأ المحبوب - فلا يرى إلا أنها من أطباعه.

- سن الزواج المناسب للفتاه والشاب؟
هذا السؤال - مخصص للبنات أولاً.
لنظرتهن للرجل الذي يكبرهن بخمس سنوات بأن ( عقله توه ما صحى ).
أما السن المناسبة تعتمد على نمط حياة الشاب أو الشابة.
فإن كان الرجل ممن تحمل المسئوليه بسن صغيره فزواجه بسن 22 مناسب له.
أما إن كان من ( شبابنا من نوعيه الربطة على اليد ) فهذا لا يزوج - حتى يغير ما هو عليه

abo_nasser

هل جميع العادات والتقاليد لا تعجبك..؟؟
واذا ممكن تعطينا امثله على العادات والتقاليد اللي ما تعجبك..
لا بالطبع - فالكثير منها تعجبني
إن كان فيها أمر من الله سبحانه وتعالى ورسوله عليه الصلاه والسلام.
أما ما عداها - فلا تعجبني.

محامية
تمنيت يا محامية إنتي وعتيبيه هلالية
أن تكون أسئلتكم بالبداية

(1)هذا خبر نزل في جميع صحفنا المحلية يوم الثلاثاء 30/6/2009
تمنى وزير العمل أن يخرج من عمله كوزير كفافاً لا له ولا عليه. وقال الدكتور غازي القصيبي الذي كان يتحدث خلال رعايته الحفل السنوي لبرامج عبداللطيف جميل لخدمة المجتمع: بت متسائلاً أمام نفسي باستمرار كلما آوي إلى فراشي وأنا أرتعد خوفاً.. هل سيحاسبني الله عن كل عاطل وعاطلة؟ وماذا سأقول إذا وقفت أمامه يوم الحساب وقال لي ماذا فعلت من أجل عبادي وإمائي الباحثين عن العمل؟ وأضاف القصيبي: تحاصرني نفسي بالأسئلة: هل قمت بكل جهدي؟ هل قام الزملاء بكل جهدهم؟ هل استطعنا أن نقوم بكل ما نستطيع العمل به؟ هل هناك تقصير؟ ومضى وزير العمل سارداً معاناته...........الخ
شعورك من كل النوحي بعد ما قريت ما قاله وزير العمل ؟؟ اذا كنت قريت الخبر ؟؟
الجميع يتهم غازي القصيبي بأنه لم يحقق أي تقدم ، لمقارنتهم الدائمة بين غازي القصيبي وزير الصحة وغازي القصيبي وزير العمل.
المشكلة ليست في غازي القصيبي - المشكلة بالتخطيط المستقبلي من قبل الدولة!!.
فلا أعتقد بوجود دراسات سابقة للنمو السكاني الهائل بالمملكة!!.
وإلا لكان هنالك حلول بالمدن والوظائف والتعليم...... إلخ!!.
ربعنا الله يسلمك دائما خططهم ( خمسية فقط ) لحل مشكلة بسيطة !!.
وما أن تنتهي الخمس سنوات إلا وتفرعت منها المشاكل تكون بحاجة إلى خطه ( مئوية )!!.

(2) بما ان اول دفعة قانون بنات تتخرج من جامعة سعودية ها السنة
كيف ترى ذلك كرجل سعودي ؟؟؟
هل حقا يخاف الرجل دوما من المراة التي تعرف حقوقها خاصة في مجتمعنا المحلي ؟؟
لا لا أخاف ، بل بالعكس أنا لست ضد المرأة ، أنا مع المرأة بأخذ جميع حقوقها التي سنها الشارع فقط.
والمؤسف أن المطالبين بحقوق المرأة - لا يتعدى هدفهم التفسخ ، وحقوقها التي أمر الله بها فليست من ضمن الأجنده!!.

3- اخر سؤل بما انك شاب سعودي غير متزوج حسب ما قراءت
ممكن اعرف ليه الواحد فيكم اذا جاء يتزوج يدورا واحدة توها بزار؟؟
يمكن سؤال هذا ينطبق بالسابق ، أما الآن ( ما أعتقد ).
إنتي تشوفين بنات صغار الآن يعتمد عليهن!!.
كمجتمع رجالي - جميع من أعرفهم يبحثون عن المرأة من بعد 25 سنه!!.

ما هيتاب

. أكثر عضوو لدي له هيبته لـ درجة الخووف من التعليق على ردوده ومواضيعه هو أنت ما السبب ياترى ؟

من دخلت للمجلس - وجميع العضوات يكررون كلامتس

والمشكلة أنا أشوف نفسي - بأغلب الردود يا ( أمزح - أذب - أتريق )!!.
من وين جت هالهيبه ما أدري!!.

أستثني من جميع العضوات يمكن ( رائدة الزعيم - الفيروسة الزرقاء ) ما لاحظت عليهم الخوف مني

يمكن ( أقول يمكن ) هالصفة أخذتها من الوالد الله يحفظه.
فأنا ألاحظ عليه ( لا يعجبه العجب - ولا الصيام في رجب )

وجميع المتعاملين معه - يعملون له ألف حساب ، ولا تدري عن رده فعله وش بتكون على أيه أمر يسمعه أو يشوفه بعينه.
حتى لو تسلم عليه - توقع إنك ما تسلم منه

طبعاً أسلوبه مو تهزيئ أو سب لا ، أسلوبه تريقه بقصد التهزيئ.
فيه قصص كثيرة حصلت لي بالمنتدى - لكن صعب أذكرها.
لأني صعب أذكرها إلا بعد إستئذان المقصودين ( بالخوف مني )

Hictar · #139 03/08/2009, 10:10 PM

بريماكس

س1 :: من وجهة نظرك عبدالله كيف تعرف الصديق المخلص الذي لايرجو من وراك مصلحه وكيف تعبر لنا عن مفهوم الصداقه؟
الصديق بوجه عام - ما تعرفه إلا بالسفر
والسفر فقط!!.
أما داخل المدينة ممكن يكون على أيه صورة
بكل سفراتي - ما صادفني أيه مشكله مع أخوياي
إلا آخر سفره!!.
لو بكتب عن اللي صار فيها - بيشيب شعر راسك

الغدير الأزرق

س/ مافي عضو مايخلو من العيوب أو الأخطاء وأنا حريص إني اعرف منك
عيوبي بحكم إنك شخص ماتجامل ؟؟
صدقني يا طلال لو أنا شايف عليك شئ ( لأصكها بوجهك )

لكن دخولك للمجلس قليل ( وما شفت منك إلا كل خير ).
أما بخصوص التدخين - فأعتقد إن موضوعي عن التدخين يجيبك على سؤالك.

هلالــ

كـم عمرك ـ؟
أنا توي شباب

شويتين على الـ 31 سنه

وعيد ميلادي قريب إذا بتهديني شئ

أحلاهم وأتحداهم

لاحظت من خلال مشاركاتك انك انسان فاهم بالسياسة والاقتصاد حتى توقعت ان تخصصك اقتصاد ماشاء الله من وين اخذت المعرفة هذي ؟؟

أنا مثل ما ذكرت بالسابق - كان تخصصي بالدراسة الجامعية ( علوم سياسية ).
وأما الإقتصاد فكنت من أكثر الفاشلين فيه بمقرر 101 و 102

لكن دخولي للأسهم - ومتابعتي للمحللين الإقتصايين والقراءه لهم
أفادني كثير - هي معادلة بسيطة ( طلب وعرض ).
وبإمكانك التوقع من خلال العرض والطلب بما سيحدث.

QUOTE

1= كيف عرفت المنتدى ولماذا سجلت فيه ؟
أنا عرفت شبكة الزعيم عن طريق موقع العالمي

لكثره دخولي والضحك على المواضيع - أثارني أحد المواضيع
ناقلاً أحد الروابط لشبكة الزعيم
وبعد قراءه ( كم موضوع ) تحمست أسجل
لكن وجهي نحس - أول يوم للتفعيل كان بخسارة الهلال لكأس الملك

Hictar · #140 03/08/2009, 10:56 PM

GERRARD-8

لو يغلط عليك احد غلطه خفيفه وعانيها بقصد انه يقهرك مثلاً دقشه بالسيارة
وش راح تسوي ؟
كل شئ ولا المزح معي بالسيارة أو تمسك ثوبي

أنا أمزح باللسان - فأتوقع المزح بيكون معي باللسان
بمجرد ما أحد بس يمسك ثوبي ( أتنرفز ) - وهذي أعتبرها نقطه ضعف فيني

فما بالك بالسيارة.

الهلالي11
ولك الواه الواه

1- رايك بالهلالي 11 .... اكيد ما تعرفني كويس الى الان لكن بشكل عام رايك
بهاليوزر من خلال متابعتك له سواء هنا او بالعالميه او على الطبيعه !!
أنا معرفتي فيك يا عبدالرحمن بسيطه - لكن واضح إن ( فيك لعانه - واللكاعة تقوطر منك مقوطر )

وما أنسى نظرتك لي بعد المباراة النهائية على الكأس
عطيتني نظره كأنك تقول ( لو بتجيني بدفنك ) - فأنا قصرت الشر

أما اللي لاحظته عليك بإختصار:
إنت تجوز لي وتنفع تصير صديقي

3- اسمحلي اسال عن شخصك الكريم ... ولو سؤالي مكرر ارجو انك تجاوب مرة
ثانيه لاني والله ما ادري وش اللي دار بالصفحات الماضيه !!
عمرك !! متزوج او لا !! السن المناسب للزواج !!
الأجوبة هذي كلها بالصفحة الأخيرة

4- كنت مخطط اتزوج بـ 23 ... لكني فضلت شراء سيارة احلامي وتاجيل الزواج شوي الحين انا تقريبا 23 ... وتخطيطي اتزوج او اخطب يعني بالـ 24 او 25 حتى ... لكن مؤخرا بدت تطلع ببالي شغلات جديده !! هل تعتقد ممكن احقق هالشغلات وانا متزوج !! والا انسى موضوع الزواج حاليا لان بعد الزواج بتصير الامور مو بيدي وخارج السيطرةيعني لزوم المصاريف اللي تطلعلك والالتزامات وغيرها ؟
طبعاً أنا ما تزوجت - وكان من أسباب تأخري بالزواج
تفكيرك - إني ما راح أحقق أي تقدم بعد الزواج - وهذا اللي أسمعه من كل إنسان متزوج ، خصوصاً والمعيشة صارت جداً غاليه.
لكني أنصحك بالزواج بسن الـ 25 ولا تتأخر ، شفني الآن.
كل اللي أعرفهم عيالهم بيدخلون المدارس السنة الجاية أو اللي بعدها!!.
وأنا أحس إني ضايع - ووحيد!!.
لا تغلط غلطتي يا عبدالرحمن - الرزق اللي الله كاتبه بتاخذه.
ورزقك مو بيدك إنت متى ما بغيته بيجيك!!.

عتيبية هلالية

الكثير يتقارع الى ذهنه فكرة ان افيد الاسلام , بمعنى او اخر ماذا قدم مواصل للاسلام , كرجل مسلم يمتلك عدة مميزات تجعل منه إنسان يقدم لمجتمعه والاهم لإسلامه ؟! "ولاتحرمنا من افكارك "
ما راح أقدم أفكار - المسألة بسيطة جداً.
لا تحتقرين أيه عمل تقومين به - حتى ولو كلمه - بإمكانها أن تؤثر بالشخص المقابل ، ويكون عمله في ميزان حسناتك وأنتِ لا تعلمين.
أذكر قبل مده صليت مع ( ياسر الدوسري ) بمسجده ، وبعد الصلاه تكلم عن هذا الأمر وذكر قصه حصلت له شخصياً يقول :
كان عمري صغير جداً ( وما أتذكر كان بالإبتدائي أو بالمتوسط ) وأرسلته والدته لمحل البقالة وفي الطريق مّر عليه رجل بالسيارة ( يوزر أوراق فيها أذكار ).
يقول : فتعداني لصغر سني!!.
وبعد أمتار توقف - ثم عاد إليّ وأعطاني الورقه.
يقول : أخذتها منه - وأنا مداوم عليها إلى يومنا هذا ( وهذا الرجل الذي تردد بإعطائي الورقة لا يعلم بعظم الحسنات التي أتته والتي ستأتيه من جراء عمله ).

اممم كيف ترى الاسئلة ؟!
تمنيت يا عتيبيه أنك جئتي مبكرة بالصفحات الأولى - فأنا أحب هذه الأسئله.
وأعتذر لأخذ سؤال واحد فقط.

106sarona106

حبيت اسألك ما هي مصادرثقافتك ؟؟
السؤال اللي كنت أتوقعه ويمكن الصيغه اللي بغيتها ( من الشخصية اللي أثرت فيني )؟.
أنا عندي أخو أكبر مني ( ما شاء الله تبارك الله عليه ) أختصر الوصف بـ إجتماع 8 مبدعين ( من الدرجة الأولى ) برجل واحد.
من صغر سني ( على إن الفرق بيني وبينه خمس سنوات بس ) كان يحتفظ بمكتبه بالبيت ( خاصه فيه ).
ولما ألاحظ منطقه بالكلام يعجبني - فأخذت أقرأ من كتبه ( لعلّي ألحق عليه ).
وكل ما تقدمت خطوة - تعداني بخمسين خطوة.
ما شاء الله عليه ، طبعاً ما راح أذكر مجالات إبداعه ( غير الثقافة خوفاً عليه من العين ).
لكن بإختصار ( توقعي أيه أمر يسويه ) ما شاء الله عليه.
بالأخير حسيت إني ما راح ألحق عليه - فإستسلمت

صدقيني لو ما الله مّن علينا ( بالإسلام بالمملكة وإتباعنا لسنه النبي عليه الصلاه والسلام ) لما تمنيت أن يولد بالسعودية.

F.C.Blugrana

أذكر فيه كلام لك بنفس ذي الاستضافة ! تقول فيه إنّ التحاقك
بمراكز صحيّة أو نوادي رياضيّة ! سببها متطلبات المرأة !
ما تشوف إنّ البنت اللي عندها مظهرالرّجل الخارجي ’ شيء مهـمّ ‘
فيها من السّطحيّـة الكثير .. !! ’ وجهة نظر ‘ !؟
كشكل خارجي فقط ( نعم ) أعتبرها سطحية جداً.
- وللتوضيح فقط ( دخول النادي والحفاظ على الجسم ) ليس من متطلبات المرأة ، ولكني أرى في نفسي بأن لها الحق كما لي الحق بالإختيار.
فلو خيّرت الآن بين إمرأه بدينه وإمرأه رشيقة ( بالطبع ستختار الرشيقة ).
ولكنك مهما بلغت من بدانه - ربما ستقبل بك إمرأه رشيقة - خوفاً على نفسها من العنوسة!!.

الهلالي 11 · #141 03/08/2009, 11:18 PM

^
^

شكرا لك

ومن جد الله يعينك استضافه متعبه بس تليق فيك

رايك افتخر فيه ... لاني والله احب اسمع كلام مثل هذا عني من الناس
( اللي يهمني ) رايهم

بعد كذا ما هتم لكلام اي احد

لان سبحان
الله مرات الواحد يكون مهتم لناس ويحب يكسب احترامهم ... واذا قدر
يوصل لهالشي يحس انه حقق شي معين بباله ... حتى لو صارت شغلات
ثانيه مو على هواه يطنش لانه اصلا من الاساس ما فرق معه ولا حسب
حساب هالشي !! فاهم علي انت والا تحس اني ما اعرف اشرح

بس هذا ما يمنع اني اقولك الملكع انت ووجهك الله يسلمك

اشكرك جدا على رحابة صدرك يا صقيقي

ونصيحتك لي
انا حاطها امامي وانت شجعتني عليها ... وان شاء الله بالكثير 25
لو صح لي قبل ما رح اوفر

سي يو

Hictar · #142 03/08/2009, 11:42 PM

عاشق السندباد9

مواصل تذكر موضوع ( كبرياء انسان ) صالح , ابي اعرف وش كان الموضوع بالنسبه لك .. ووش صار على خويك صالح !!
أنا أساساً كنت متوقع لموضوعه النجاح - لأنه نزله أول مره بمنتدى ( بناء وثقافة ) ، لكن أسلوبه ما عجبني ( وكان يذكر أمور ) مالها سنع تذكر

بالبداية - كان الموضوع بالنسبة لي عادي جداً.
لحد ما سمعت طراطيش كلام بأني أنا صاحب اليوزر الثاني ، وإني أتفشخر!!.
هنا قفل مزاجي ، ولولا الله ثم بعض الأعضاء اللي يعزون عليّ كان وقفته.
أما صالح فما زال يشتغل على الليموزين - وصك عمره ألحين 34 وما أعرس وما كان له نيه من الأساس بالزواج - لكن اللي يشوفه من البنات اللي يركبون معه
غير تفكيره 180% ويبي يحصن نفسه!!.

راَي مواصل الصريح بـ القطاع العسكري الي هنا , ووش رايك الي يحسب القطاع العسكري .. الافراد الي عند نقط التفتيش .. ؟ ( ياليت توضيح كامل لان رأيك يهمني )

أنا عانيت منهم لكن من زمان جداً.
وأتوقع تعاملهم السئ مع الشباب وحكمهم للشكل الخارجي ( لبس - شعر - ربطات )!!.
لكن صدقني لو بيلاحظ على السائق ( اللبس اللي تعود عليه ) - راح يتعامل معه بكل إحترام.
هذي وجه نظري واللي لاحظته عليهم.

الأسطورة القدام

س1- كيف تقدر تجمع افكارك -ماشاء الله عليك- انا اكتب مواضيع براسي بعدين اذا جيت اكتب هنآآ تطير هي ثقافه مع الزمن تكتسبها ولا لازم تنميها ؟ والله كانت عندي اسئله كثيره لكن ضاعت
أجل أشوى إنها ضاعت

أعتقد يا الأسطورة إن الذاكرة القوية لإستحضار المعلومة هي السبب.
أغلبنا تمر عليه عشرات المعلومات لأول مره بكل يوم - لكنه ما يهتم فيها ، وينساها بعد فترة بسيطة.
أنا الحمد لله عندي ذاكرة قوية - لكن من سنه تقريباً - أحس إن الذاكرة مهيب اللي على خبري.
بديت أفوت كثير - كثير.

س2- قريت لك برد عن شخصيتك او شي زي كذا تقول انك كنت ماتقول لا انا نفس طبيعتك اللي كنت عليها يجيني مثلا واحد يقولي باخذ شي منك فرضا انه جوال ما اقدر اقول لا حتى لو كنت ادري انه بيجي اجهزها لكن تضيع اذا جاء يطلب وش السبب؟؟ لاني والله اعاني منها
س3- ماهي اسباب عدم الثقه بالنفس ؟؟ وماهي اسباب زيادة الثقه بوجهة نظرك باختصآر ....
السؤال الثاني والثالث مترابطة مع بعض ( فجمعتها ).
أنا قلتها لك يا عزيزي أول مره بتنطق كلمه ( لا ) بتكون صعبه وصعبه للغايه - كأن اللوز بحلقك بتطلع معها!!.
وبمجرد ما تنطقها ( راح تحس بخوف ) من زعل الإنسان اللي رفضت طلبه.
لكن إستمر - على كلمه ( لا ) إذا شفت أن الأمر يخصك أو أنك مستغل.
وشخصيتك وثقتك بنفسك راح تتغير للأفضل - لدرجة إنك تنطق لا بوجه مديرك

س5- ايش تحليلك لشخصيتي من كلامي وكم تتوقع عمري.؟
إنت طيب جداً - جداً
تحب تساعد غيرك بقد ما تقدر - ويمكن تتأسف إذا ما قدرت على الطلب.
تشيل هم غيرك - وغيرك ما حسّوا فيك!!.
المشكلة إن شخصيتك حلوه - لكنها ما تصلح بالزمن هذا.
وحتى الشخص اللي بتساعده يمكن يكون ( حقير ) ، لأنه يعتبرك ساذج وإستغلك!!.
فمهما قدمت من مساعدة ما يبيّن في عينه!!.
أما عن العمر فأتوقع إنك بين 22 - 24 سنه.

الهنوووف
إن شاء الله بتشوفين ردي هناك

Hictar · #143 03/08/2009, 11:46 PM

بالنهاية :
أحب أشكر كل من مّر وقرأ ( وعلى رأسهم الزوار )

أوسأل ، وأعتذر لمن لم يسعفني الوقت بالرد على باقي أسئلته.
وكلمة أخيرة :
أغلب ما ذكر بردودي أعتبر أنها وجه نظر شخصية - تحتمل الخطأ.

والطلب الآن :
أطلب من الجميع ذكر عيوبي - فأنا كنت صريحاً معكم
فكونوا صريحين معي.
ولا أحد يخاف - أنا معطيكم الضوء الأخضر

^ العنود ^ · #144 04/08/2009, 12:56 AM

ماقصرت على الاجوبه عبدالله ,,

بعدين مررره استغربت ان البنات يخافون منك !!

بالعكس حبوب ونيتك طيبه ,,

اما البنات يختي خافوا من سهل من المشاغب <<< ابدا ترا ماتخاف منهم ’’

اما مواصل بالعكس مافي اي شي يخوف منه ,,

ثاني شي ماتعجبك الا حليمه بولند وجينفر

ماعندك ذووق ابدا ههههههههههه

قرده سوده وقرده شقرا

بس خلاص هذا الي ماعجبني

برب مذاكره

شبوط · #145 04/08/2009, 01:19 AM

شاكر لك اخوي عبدالله على سعت صدرك لاعضاء المجلس العام ,,,
وان شاء الله نردها لك في زواجك وفقك الله يالغالي و دمت بخير ,,,

i am here · #146 04/08/2009, 03:03 AM

أنا أول مرة من بداية معرفتي لشبكة الزعيم والمجلس

ما عمري فكرت أدخل هالموضوع أبد

دي أول مرة أدخلو وأقرأ الردود كلها تقريبا

شكرا جدا جدا لمن خلف هذه الفعالية فهي متميزة بحق

وزاد تميزها العضو المتميز والرائع

واللي يخوف حبة وحدة << أول كان حبتين

مواصل

في البداية أقلك أريقاتووو ,, كوماسميدا,, غراتسي ,, مرسي,, قراسياس

Obrigado,, V?aka,,Te?ekkürler,, Mul?umesc,, توماري ميهر باني ,,, شكرا

لأني استفدت حاجات كثييييييييييييييييييييييييييييييييييييييير من خلال إجاباتك

وبإذن الله رح أطبقها في حياتي

لأن على قولك الطيب في الزمن دا مايعيش

وأنا أكلت على راسي كتير بسبب طيبتي

بالنسبة لعيوبك

هو مو عيب بمعنى عيب

الحين كلهم يقولو إنك تزبد المهم الكلمة دي أنا فهمتها

على إنها صراحة قاسية عفشة

أنا معاك الصراحة حلوة ولازمه كمان بس بشويش

لأن مو كل الناس يتحملو الصراحة القويه

اممممم تقريبا دا اللي عندي

لأن معرفتي فيك ليست بالكبيرة

والحمدلله على سلامتك بعد العناء

في الإجابة على الأسئلة

العنود,, أنا معاكي سهل مو بس يخوف اليخوف

بس المشاغب نوووووو هو صح يضارب مع البنات كتير

بس مايخوف أبد

سايو نارا

هلالي واعاني · #147 04/08/2009, 03:18 AM

صباح/مساء...الخير..

أهلاً عبدالله...

~~~

كانت استضافه (غير شكل)..ممتعه وجذابه..
أُرغمت على زياره الموضوع في اليوم اكثر من مره...
لايماني التام ان من يجيب ذو منطق بليغ ..أسلوب قلَ مانراه..
فهو بعيد عن الرتابه..والدبلوماسيه الشاطحه ...
في كل اجابه اكتشف جزء من عبدالله..
ولكن ماشدني وأبهرني هي ثقتك الشديده بنفسك..
واعتزازك بذاتك لابعد الحدود.
تمتلك شخصيه ذات(كاريزما) من الطراز الاول
//تبارك الرحمن//.

~~

لا تستغرب من خوف البنات منك..فانت فعلاً لك هيبه..

سنتين وانا بالممنتدى بشكل عام...ولي بضع شهور هنا بالمجلس..
الشخصيات تختلف كاختلاف اليوزرات..
كلٌ يحمل فكر واعتقادات يؤمن بها ويكتب على اساسها...
ولكن أنت../شي ثاني/ ذو هيبه ووقــار...
رغم أنك اسلوبك يخالطه المزح..بس (ماش الهيبه فيك فيك)..

~~
أتمنى أن أقرأ لك قريباً..فلا تحرمني من قلمك (وخواطرك

)..

عظيم هذا المجلس الذي ضم مواصل من عام 1413 هــ..

مَاهِينُورْ · #148 04/08/2009, 03:31 AM

.*

خلّصت الإستضافة !! يعني مايمديني أسأل ؟

كل يووم أأجل الأسئلة رأفة بك

ما شاء الله الإستضافة طووّلت و مجتهد بالإجابات , والأسئلة توها بالبداية

~> أول مرّة أشووف بردودك أخطاء إملائية غريبة

/
يلآ خيرها بغيرها

أهم شي استمتعتنا بقراءة الإستضافة وتعرفنا على شخصية مميزة

تبينا نذكر عيوبك ؟!
حتى لو عطيتنا الضوء الأخضر أنا ماقدر

مافي عيووب ما شاء الله تبارك الله
خاصة بعد هالإستضافة أعجبتني الكثير من أراءك
نسأل الله لك الثبات والتوفيق
شُكراً لك

/
أحلى مافي الموضوع اني عرفت ان في بنات مثلي يخافون

الحمد لله يا شذى و وجدان كنت أتوقع ان عندي عقدة نفسية

* العنود

إقتباس


	بعدين مررره استغربت ان البنات يخافون منك !! بالعكس حبوب ونيتك طيبه ,, اما البنات يختي خافوا من سهل من المشاغب <<< ابدا ترا ماتخاف منهم ’’ اما مواصل بالعكس مافي اي شي يخوف منه ,,

ماقلنا ان نيته شينه بالعكس "ما شاء الله تبارك الله "
هو فقط هيبة ,, طبعاً مو بس مواصل جميع الأعضاء الذكور ومن ضمنهم المشاغب وسهل الله يذكرهم بالخير

لكن مدري ليش مواصل كان أكثر هو و واحد ثاني

/

بالتوفيق عبد الله وشكراً لك على سِعة صدرك

من أكثر الإستضافات تميزاً ما شاء الله

ذكرتنا باستضافة قديمة لهلاي الظهران الله يذكره بالخير

طيب عادي أسأل سؤال خفيف و أخير ؟

هل تعتقد بأن غرابة وطرافة اسم معرفك لها دور في شهرتك ؟

~> أذكر هالسؤال لأني بحثت عن مشاركاتك قبل لا أشوف لك أي مشاركة
كان في موضوع بصيد الإنترنت زمان قبل ما أتفعل

عن أغرب أو أطرف المعرفات بالشبكة
أكثر من رد قالوا انه مواصل من عام 1413هـ

~> أجب بنعم أو لا عشان مانكلف عليك

\

شكراً لكل من وقف خلف هذه الإستضافة وجميع فعاليات المجلس

الله يجزاكم خير

.×

في أمان الله

الماسه الزرقاء · #149 04/08/2009, 03:54 AM

ربما لم ألحق على الإستضافة .. ولكنني في الحقيقة استمتعت كثيراً بردودك وارائك و إن كان بالتأكيد منها مايخالف وجهات نظري .. ولكن أعجبتني كثيراً استقلالية شخصيتك وأراؤك ولست ممن ينقادون خلف رأي معين لمجرد أن قائله له شعبية عند الغالبية طالما لم يقنعك رأيه .

شكراً جزيلاً مواصل على هذه الإستضافة الرائعة , وشكراً لمن اقترحك ضيفاً ولطاقم العمل بأكمله ,

عريب عبدالله · #150 04/08/2009, 06:48 AM

خايفة أكتب عيوبك أنت أنسان يخوف

خخخخخخخخخخخخخخخ

أما أنت تخوف

أصلا أنا ما فيه أحد أخاف منه

ما أخاف الا من ربي

بس من جد ما أذكر أني خفت من بشر أبد

أخاف من الحشرات أخاف من الحيوانات أخاف من ظلي لكن أخاف من كائن بشري فما أعتقد

ولو خفت من كائن بشري صعب يكون شخص مثل شخصية مواصل

على العكس شخصيتك بسيطه وواضحة ومحترمة

وبالإضافة لهذا الشي تتقبل النقد والمزح وثقالة الدم

بس حبيت أجرب شعور البنات اللي يخافون منك لكن ما قدرت

بما أنك قلت أذكروا عيوبي

للحق ما أحب أذم أحد قدام الناس

لكن تحمل أنت اللي طلبت

شوف شخصيتك على بدايتك كانت لك عليها

لكن لاحظت تطورها المستمر للأفضل

بدايتك في المنتدى تحسسنا أن عمرك في الطعش

لكن في الفترة الأخيرة طلع عمرك الحقيقي

أقصد ردودك أكثر إتزان ونقلت لنا خبرات كثيرة أستفدنا منها

للحق تعلمت أشياء كثيرة منك في الفترة الأخيرة

وأتمنى فعلا تستمر على ما أنت عليه من تطور للأفضل وأعتقد الجميع لاحظ هالشي

وكنت أتمنى أعرف هل فيه سبب معين للتطور أو أن الأمر موجود وما كنت ملاحظه تماما

العنود

أما المشاغب يخوف

سلطان إنسان طيب بس لو يتغلب على شيطانه

أنا أعتقد سلطان فيه خير كثير لكن لو يقدر نفسه أكثر

سلطان شخصية كويسة ويتقبل النقد بصدر رحب وما يعرف يزعل تماما مثل مواصل

المشكلة الوحيده أني مدحت الشين سلطان والشين مواصل

على فكرة بالنسبة لحليمة بولند ففعلا هالإنسانه حلوة واللي تذمها غايره منها

وحتى لو قالوا مكياج وما أدري أيش يكفي أن دلعها طبيعي

وياكثر ما يعصبون علي البنات الى دافعت عن حليمة أو زينب العسكري

من جد أنا ما أحبهم لكن ما أكرههم للدرجة اللي يساء فيها لهم

وبعدين الله يهديك وش فيها عبله كامل وحياة الفهد ليش ما عديتهم من ضمن الشخصيات الزينه

يالله أنا رايحة الحين

بالحب والإشراق