السلام عليكم ورحمة الله وبركاته

انا ناوي افتح موقع جديد يحتوي على منتدى

الشركة أو المجموعة اللي تنصحوني فيها من ناحية السرعة و الدقة و التميز

باستثناء الأسعار


وأنا ابي استضافة و دعم فني وتصميم ستايل


وشاكر لكم حبايب قلبي

الله يوفقك
والله ماعندي خبرهـ
بس لاتنسى تدعونا للمنتدى خخخخ

هلا حياك الله اخوي
حنا نخدمك من عيوننا ارسلي ايميلك على الخاص
وانا اقدر اوفر لك افضل استضافه سريه وبأرخص الاسعار وانا الي راح اكون دعم فني والي تامر فيه حنا حاضرين بس ارسلي ايميلك ورقم الجوال اذا حبيت

أنا ابي تصميم ستايل للمنتدى والموقع اضافة للاستضافة والدعم الفني

الله لايهينك ارسلي عروضك و اسعارك

واللي ينصح بشركات استضافة لا يبخل علينا

وعليكم السلام ورحمة الله

انا اعرف شركه اتعامل معهآ كويسه جداً

وهي مجموعه هآوس لخدمآت وتطبيقات الويب

شركة جداً ممتازه

وهذا رابطهم

http://www.house.com.sa/index.php

ونصيحه اذا بتفتح موقع يكون متخصص في شي معين

لان المنتديات العامه صارة كثيرهـ

و بالتوفيق لك حبيبي

هلا اخوي انا اقدر اوفرلك كل شي وبأقل الاسعار وانا المسؤول اذا احتجت لاي سؤال
وعلى فكره راح اعطيك الي تبي بأرخص الاسعار وانت منت بخسران شي شو عروضي
وانت قرر
هذا ايميلي [email protected]

انصحك اخوي بشركة فيها كذا شخص مو معتمدة على شخص واحد

علشان ما يجي يوم تطيح في موقف دعم فني ولا تغيير شي بالاستضافة

ويكون غير متواجد انت ما تضمن يكون موجود لك طول الوقت..

خاصة إن المنتديات غثا ومشاكلها كثيرة خاصة في الدعم الفني..

ولو بتعتمد على شخص واحد والله بيطفش من كثر الطلبات خاصة لو هو مشغول بعد

ومب فاضي..

انا تعاملي مع شركة ترايدنت صراحة رائعة حتى مشاكل التصفح ماعندي

والدعم الفني متوفر 24 ساعة وفي اي وقت إن شاء الله 6 الصبح..

ومثل ما قالك احد الاخوان ياليت يكون متخصص في شي معين ولا يكون عام

لأن العام صار كثير وأغلبيتها بدون هدف يذكر..

هذا بالنسبة للاستضافة..وهذه زيادة نصائح قدمتها لأحد الأشخاص بأحد المنتديات

..من واقع تجربة..

تكمن الصعوبة في وجود الأعضاء اللي يفهمون فكرة المنتدى

لو كانت واضحة حتى من قوانينه ومهما كثر أعضائه ترى مو أي أحد يدخل للإستفادة والإفادة

في ناس تدخل لأخذ غرض وتطلع وفي ناس فقط لغرض القراءة وتطلع

وفي ناس تشارك وتتفاعل وتعطي المنتدى ما يستحقه

وتندمج بسرعة مع الأعضاء وفي ناس تدخل في الشهر مرتين

تعطي رأيها أو تحط موضوع وتطلع وتخليك تشتاق لها علشان تشوفها

صحيح المنتديات عددها مهول وأغلبها لا فائدة منها ونادراً ما تلاقي

منتديات لها صيتها..من أول ما تقول للشخص منتديات... يقول أعرفها

وهذا هو سبب تميزها..

ما راح أذكر منتديات مشهورة بنفعها وفائدتها للجميع علشان ما اسوي إعلانات

عني أنا أقولك لو معزم توكل على الله..ولا تنشغل كثير عنه يبي له وقت صراحة

وأصعب شي هو تجميع الأعضاء الفاعلين وعمل إعلانات للمنتدى بالمنتديات الأخرى

والقروبات والإيميلات وما إلى ذلك..

نصيحتي..اهتم كثير بالاستايل .. بأسماء الأقسام لا تكون مثل غيرها

المنتدى اللي تحسه نايم وما فيه أي تفاعل اقفله..

اهم شي الشركة المختارة لازم تكون حمايتها قوية

لأن الاخوان الهاكرز يتدربون على المنتديات في الاختراقات..

ويا تصيب وتضرب قاعدة البيانات يا تخيب ويحط لك مجرد صفحة إندكس..

خلك بين البينين مع الأعضاء لا تكون قاسي وصعب التعامل..

خلهم يحبونك ويحسون إنك متعاون معهم في كل شي..

شجعهم في مواضيعهم حاول تتواجد فيها وترد عليها

حسس العضو إنك مهتم فيه..اسأل عنه لو غاب خاصة لو كان مشارك فعال..

خله يفتح لك قلبه لو متضايق من شي معين..

اختار لك ناس ذو ثقة معك بالطاقم الإداري وقدها وقدود..

من مشرفين ونواب ومراقبين..

حاول تدلع أعضاءك بالخدمات الإضافية لإعطاء جمالية للمنتدى..

ابعد عن تحديد عدد المشاركات لإرسال رسالة خاصة أو تغيير الاسم

يعني بالعربي ابعد عن شي اسمه تحديد عدد المشاركات في أي شي

ابعد عن هاك عدم رؤية المرفق إلا بعد الرد على الموضوع..

لأنك ما راح تشوف أكثر من كلمة (يسلمو،يعطيك العافية،مشكور)

حاول تكون موجود قدر المستطاع..وجود الإدارة يحفز تفاعل الاعضاء

غيابك لفترات طويلة يسبب الركود..

مو أي أحد تعطيه لوحة التحكم لو كان من باب الصيانة

إلا يكون ذو ثقة...<<لو أقدر أحط خطين بس للأسف خط واحد متاح

لا تكثر عدد الأقسام بدون فايدة كبداية..بعدها لك الحرية إذا كبر المنتدى وكثروا الأعضاء

وحسب حاجتك وحاجتهم لوجودها..

نصيحة أخيرة لا تقفل المنتدى ولا تحط الهاك الخاص بعدم رؤية الروابط إلا للأعضاء

..وهذا اللي يجيب لك الناس اللي ما همها إلا تاخذ وتطلع..بدون أي مشاركة..

خله مفتوح ولا مانع من وضع هاك عدم النسخ..

هذا يكفي..

لأن بعد قفل المنتدى يعوق الأرشفة لمحركات البحث..

دعواتي لك بالتوفيق..

كل شركة استضافة لها اسعارها الخاصة ومساحات محدده

بالكثير يكون في 3 باقات..في شركات اكثر من 3

حاول تختار اول باقة كبداية...