مساكم الله بألف خير ياشباب



انا الحمد لله تخرجت من مدرسة [ أي كلام يعني كب درجات ]

والنسبة جت تمام التمام ماشاء الله < على وش تراها أهلية


ندخل في المهم




النظام التراكمي



انا دخلته في اول ثانوي قبل سنتين


وثاني وثالث في مدرسة من حقين [ الخصوصي ]

طيب راح اقولكم وش الفوائد

اولا والله العظيم انها معلومات الى الان لم انساها من اول ثانوي

ثاني وثالث ماعندك احد


التحصيلي اخوياي الي كملوا في التراكمي هذا والله العظيم التيس فيهم جاب 79



واحنا اطلق واحد الي هو انا 64


مع انه انا بالقدرات اقل وحده 77 واعلى وحده 83



بعدين الاختبارت على كيف الطالب يعني يبيها مرة وحدة ورى بعض يعني الاسبوع الاول فقط


والا يوم و يوم لا



بعدين خمس مواد تحريري و2 تقويم مستمر


والله يا شباب قسما بالله العظيم ليتني كملت فيه اليوم رايح اختبر في ارامكو

والله العظيم ماعرفت الا شوي واخوياي هذولا في نص الوقت طلعوا




بالعربي صح انه متعب في اول ثانوي بس اما ثاني وثالث دلع والي يقولك غير هالكلام تراهـ كذاب ومستعد اراهنهـ على الي يبي


عالعموم انا كتبته وانا مستعجل



الله يوفقكم يا رب




اللهم وفق كاتبي الموضوع لما تحبه وترضاهـ












بالنسبه للقدرات اذا تبون اكتب لكم موضوع انا استفدت منه شخصيا وان شاء الله تجيب قوق ال80

انا ثاني ثانوي السنة الجاية الله يستر علي وانشاء الله ربي يوفقني

اللي يقول المستقبل مظلم للكل نوًر مستقبلك بنفسك

والله ان التراكمي نظام فاشل

الي بيشد حيله بيشد حيله بتراكمي او بدونه التراكمي سبب لحرمان الطالب من الدخل للجامعه بس كذا نذاااااله

حسبي الله على الي حط هالنظام وانت تتكلم لانك بمدرسه اهليه لوك تجرب اسئله مو مدرسينك الي كاتبينها كان عرفت

أول شي : بسم الله الرحمن الرحيم

77777777

تبون الصدق توني أدري إن جميع هذهـ الأنظمة مدروووسه صح ..!!
تدرون ليه ..!!


النظام طبق قبل الدفعه حقتي ..!!
يعني يوم كنت بأول ثانوي كانت الوزراه هي اللي ماسكه الاختبارات النهائية ..!!
>> وكان اللي بثاني ثانوي طبقوا التراكم عليهمـ اللي هي عام 1427 - 1428 هـ اذا نا خاب ظني ..


المهمـ أذكر أول ما جيت ثاني ثانوي ..!
كان المدرس ماسكنا نصايح ذاكروا ترونه تراكمي .. >> المهمـ أنا سحبت ولا ذاكرت وجبت معدل طايح يعني مو من مستواي >> لأسباب فعل تدمر منها وفاة ولد عمي (( الله يرحمه )) ومرض وأسباب أخرى ..!!
طبعت جبت بثاني ثانوي جيد جدا >> مو ممتاز
المهم ثالث ثانوي تعبت والله تعبت علما ان مدرستي حكوميه ورفعت المعدل حق ثاني وثالث الا ممتاز ولله الحمد > وهذا فعلته بعزيمه وصبر وو.. وتعي ونكد وهموم ..!!


المهمـ اللي أبي أوصله ..!!


أن وزراة التربيه والتعليم ..!! >> توني أحس صدق إنه درست الوضع صدق ..
تدرون طبعا اللي يدخل جامعة لازم يصير واحد يذاكر وواحد عارف لنفسه مهو راعي نهاية العما في الاختبارات يذاكر على ورقة وورقتين ..؟؟

عشان كذا طلعوا قرارات قياس>> قدرات و تحصيلي ..!!

وحقيت أولى ثانوي اذا لعبوها صح ..!! وطبقوا عليهمـ التراكمي فهمـ لقوها ..!!
عادي ما تفرق شد حيلك وذاكر وجب معدل ما ينزل عن الممتاز ..

لانكـ يا الغالي يا طالب الثانوية بكرهـ بتختبر اختبار التحصيلي
وعليه
20% اول ثانوي
40% ثاني ثانوي
40% ثالث ثانوي ..

فلذلك هو من مصلحتكـ ..

أما اختبار القدرات فهو بصراحه ما ادري وش يحسون فيه يوم يحطون لفضي للي يبي يتخصص علمي ..

زي أنا بالقدارات ما جبت درجة زينه مره مره

لكن القدرات فيه قسمين لفظي وكمي ..

الكمي عباره عن رياضيات ..!!
لفضي .. معاجم عربية وكلمات ومعانيها وحوسه ..

أنا جبت بالكمي 86.5
وباللفظي درجة استحي اقولها ..

لكن شوف الفرق ..

ع العموم موضوع حساس جدا >> واعذرني ع الاطاله ..!!

إقتباس الرسالة الأصلية كتبت بواسطة I don‘t know والله شوف انت يمكن جايب بالتحصيلي 69 واخوياك بالسبعينات ... لكن طيب انت ممكن تاخذ بالثانوية 99 ولا 98 بس ماتاخذ 89 مثلي ..؟ قسم تعقدت انا الآن نجحت رايح لثالث بس والله المستقبل مدري وش بيصير عليه خصوصا ان القياس 74

يا الحبيب أنا ثاني ثانوي درجة اخس من درجتك كنت جايب 87
وثالث شديت حيل ..

وتخرجت بمعدل تراكمي ممتاز لأني رفعته وجديت واجتهدت >> ياليل المؤدب >>

ويوم اني بثاني ثانوي ..>> كنت بالقدرات خياس ..

لكن جبت درجه رضيت فيها بقوهـ >> يعني زينه ..>> أي تمشي بدخول الجامعه


فلذلك يا الحبيب فيه موقع بطل حق القدرات ..>> ع الخاص اعلمك اياه

ومشكور يا الحبيب ع الموضوع

مشككور يالغلا

لاعدمناااااااااااااااكـ

النظااام عموما فاشل بكل ما تعنية الكلمة من معنى ......

انا الحمد لله خلصت الثانوية نسبتي 94 وجاايب في القدرات 80 علما بأني دارس الثانوية في مدرسة حكومية يعني شده مو مثل الاهلياات المهم ..انا الحين ابي هندسة والهندسة تاخذ 30% على النسبة التراكمية و30% على القدرات و 40% على التحصيلي ...
انا جبت العيد بالتحصيلي لسبب بسيط اني انسان مو كمبيوتر يعني جااي تسألني عن قوانين بـ اولى ثاانوي وثااني ثانوي ...مو اي قوانين وكذالك رياضيات قوانين مو اشياء فيها تفكير ..وتبغااني احل
انا الحين ما اقدر ادخل التخصص الي انا ابيه وهو الهندسة وبسبب الاختبار التحصيلي و اقسم بالله اقسم بالله اقسم بالله ان هذا الاختبار ليس بمقياااس ..
الشي الثااني تم حرمااني من التخصص الي اجزم اني راح ابدع فيه...بسبب اختبار فكرته غبيه
مو مثل اختبار القدارت القدارات والله مقيااس للتفكير المنطقي والسريع والاستيعااب اما التحصيلي والله اختباار حظ لا اقل ولا اكثر..

اتمنى تطبق النظام القديم بدل التراكمي ..الي هو نظاام الوزارة مع القدرات
ولاكن حسبنا الله ونعم الوكيل

والله التراكمي خايس بكل المقاييس وهو السبب بضياعنا
تخيل صف كامل مافيه غير واحد جاب 90 %
والباقي 70% وتحت

مشككور يالغلا

لاعدمناااااااااااااااكـ