هل من ناصح ... - نادي الهلال السعودي - شبكة الزعيم

هلالي63 · #1 21/07/2009, 12:03 PM

السلام عليكم ورحمة الله وبركاته

كيف حالكم جميعا ..

قمت بقراءة قوانين قسم التصوير وان شاء الله ان موضوعي ماهو مخالف

ياشباب السالفه ومافيها اني شريت كاميره احترافيه ومن طراز عالي من حيث

الوضوح والامكانيات ولكن ماعندي اي خلفيه احسب السالفه اخذ الصوره وتطلع

محترف

المهم وبلشان فيه مواضيع او كتب تعلم التصوير . وجاء معها سيديات

وعلى ماظن واحد من السيديات يسوي تعديل على الصور ويضبطها

ملاحظة ماذكرت نوع الكاميرا عشان موضوعي مايخالف واتمنى انه ماهو مخالف

mr.memooo20 · #2 21/07/2009, 01:01 PM

ماحد رد ولكن انا رديت ولا اعرف للكاميرات

MaLik74 · #3 21/07/2009, 01:19 PM

ياهلا والله ,

قبل كم من يوم واحد يسألني بكم شريت الكاميرا حقتك وكيف وضعها ومادري أيش

وتفكيرهم مثل تفكيرك يحسب إن الصورة تجي من نفسها إحترافيه

خخخخخخخخ

أول شيء أنت غلطان كان شريت كاميرا ديجتال عاديه بـ 600 ريال وتدربت عليها وإذا أبدعت إشتر لك إحترافية

مثل ماسويت أنااا .

والله كتب ماعندي انا هويت التصوير وتعلمته من نفسي أدخل مواقع المصورين الكبار وأتعلم كيف يختارون الزاوية وكيف يعالجون الصور

والله يوفقك

فـارس سـدير · #4 21/07/2009, 01:35 PM

والله ان فن التصوير الفوتوغرافي متعه مايعرفها الشخص الا اذا دق اول صورة بالكاميرا الاحترافية

هي بالممارسة يا الحبيب .. انك تعرف الوقت اللي تصور فية .. وزاوية اللقطة ... والزووم ... وتحدد سرعة الغالق...الخخخخخ

وكلها مافيها صعوبة ابدا اذا (( حبيتها )) .. ولازم تشوف كيف المحترفين يصورون علشان تتعود

والله اني اعرف من اخوياي اللي صار موسوس كلما طلعنا مكاان ماتشوفة الا يطقطق كل شوي

.. بس انا الحمد لله مسيطر على وضعي

هلالي63 · #5 22/07/2009, 05:21 AM

والله شكلي اتدرب على قولتكم ويعطيكم العافيه

بس بصراحه خفت من قريت فيه معالج صور

ساقي الـعُطـور · #6 23/07/2009, 12:03 AM

وعليكم السلام ورحمة الله وبركاته

مبارك إن شاء الله

وعشان نقدر نخدمك ياليت تعطينا نوع الكامير وموديلها حتى نستطيع مساعدتك , وموفق إن شاء الله وغشتكم رحمة الله !

هلالي63 · #7 23/07/2009, 06:58 AM

نوع الكاميرا 450 دي

اتمنى نصائحكم ياخوان انا بديت بصراحه اعرف للوضاع بس المشكله هي اني ابي

اعرف كيف اصور صور شخصيه رائعه وتكون منسقه فيه برنامج ولا سيدي

ولا انها تتسوى بالفوتوشوب

تحياتي للجميع

ساقي الـعُطـور · #8 24/07/2009, 01:00 AM

طيب يالغالي أن كنت مثلك في البداية ومع القراءة في المنتديات الخاصة بالتصوير بدأ الأمر يتضح لي والآن ولله الحمد بعد الدورة اتضح أكثر واكثر وأنا انصحك بالقراءة والتسجيل في دورة إذا كنت حاب التصوير والدورات عندكم بالرياض كثيرة ..

وهذه صور تفيدك إن شاء الله

طبعاً الصور جهد اشخاص وأنا قمت بنقلها فقط فدعواتكم لهم ولي وموفقين إن شاء الله !

غشتكم رحمة الله !

الموهوب الإنتراوي · #9 24/07/2009, 02:30 AM

ولله أنا مالي في مجال التصوير ابداً , ابداً

!!
ولكن من خلال عشقي للتصوير , وايضا متابعتي للتصوير

عرفت كتاب اسمه "أسرار التصوير الفوتوغرافي" بالإنجليزي "Digital Photography"
مؤلف آلكتآب : سكوت كيلبي , صورة للكتاب :

نبذة عن الكتآب وآلكآتب : سكوت كيلبي، الرجل الذي غير "الغرفة الرقمية المظلمة" إلى الأبد بكتابه الرائد ، الأكثر رواجاً والحاصل على جوائز تقدير، والذي حمل عنوان "كتاب فوتوشوب لمحترفي التصوير الرقمي".
يعالج الآن في هذا الكتاب الجانب الأكثر أهمية من التصوير الرقمي-كيفية أخذ لقطات ذات جودة احترافية باستخدام نفس الحيل التي يستعملها كبار محترفي التصوير الرقمي المعاصرين (وهو أمر أسهل مما تعتقد) .
عموما تحصله بجرير بسعر 43 ريال على كلام احد الأخوان

اتمنى إني افدتك ولو بالقليل

هلالي63 · #10 24/07/2009, 08:28 AM

ساقي العطور & الموهوب الانتراوي يعطيكم العافيه

بصراحه الصورة الي نزلتها ياساقي بصراحه فادتني كثير

تحياتي للجميع

إنتراوي & هلالي · #11 24/07/2009, 06:31 PM

عـآد لآ تنسآنآ هلالي63 ,, ورنآ آبدآعآتك

بآنتظآرك