عوده مجددا .. وتعليق على بعض الردود
ابدها بالرئس الكبيره
محمد للاسف الى الان مافهمت قصدي او انك طاقه حوله
نغوغ لاعب اخذ فرصته
ولو نرجع لكم مباراه سابقه كان عبئ على الفريق ومع ذالك ماقلنا شيء لانه يبي يطور
وهذا اللي حصل دخوله المتواصل اعطاه الثقه الين بداء يتحكم بالكره صح وشفنا منه الكوره اللي تسبب فيها بضربه الجزاء .
الغراب الاشقر انا ماقول انه لازم يكون اساسي لكن اللي اقوله ان بينتز ماعرف يستخدمه حتى ولو بتغيير مركزه
الى محور متقدم مكان لوكاس
لوكاس انا بالفتره الاخيره بداء يقنعن لكن اللاعب بطيء في نقل الكوره وعنده ثقه زايده وحركاته امس بغت تودينا بداهييه ... يذكرن ببعض الناس << من جاب طاري كارغار
اما عن الاخ نينو الشرقيه
فانا اختلف معه في كثير من الامور ,, واولها واهما تحميله الاداء السلبي للفريق للمدرب
وانه يجب الاستغناء عن بينتز .. ؟؟!!
وش ذنب بينتز اذا الفريق دخل الموسم وهو ماهو جاهز بحكم الاصابات { بابل - رييرا - ف.اوريليو - اجيير }
هذا غير ان فيه لاعبين لسى راجعين من اصابات مثل ديغان ...
وغير الرحيل المفاجئ لالونسو واربيلوا لاعبين في تشكيلة بينتز الاساسيه .. صعب تعويضهم في فتره اقل من شهرين .. ومايخفى عليك من العام الماضي اصابات جيرارد وتوريس المتلاحقه
بينتز هذا الموسم الى الان ماظهر ولو اني اعتبر لقاء بيرمنجهام بداية الانطلاقه .. بحكم الروح التي ظهر فيها الريدز
الخروج من الابطال هو الطريق الموصل للدوري .. الفريق بحاجه هذا الموسم الى التركيز على بطوله موحده
والليفر فريق لما يتولد عنده الاصرار فريق يصل وبقوه وبشكل مذهل ولنا في 2005 بالابطال و2007 في دوري المجموعات .
اما عن الدفاع والكلام عن العشوائيه الي حسيت ان الكلام عن مدرب مبتداء ماهو مدرب مثل بينتز مدرب كبير وله تاريخه وله بصمته على الفريق .. وخصوصا الدفاع فالفريق قبل وجود بينتز كان غير منظم
مجرد مسك بينتز الفريق قدر انه يشكل قود ثنائيه بين هيبيا وكارغار واشراك فينان كظهير واعاده رييزا الى مركزه الاساسي كظهير ايسر
لكن لما تجي وتقول ان اللي صار امس بالمسانده الدفاعيه للهجوم لفريق يلعب بـ9 لاعبين داخل المنطقه بالعكس
ممكن يكون الحل من القادمين من الخلف
ولو تلاحظ ان الفريق مايتقدم بقلبيه لكن مجرد انه يتقدم واحد يبقى الثاني ويرجع اما ماسكي او لوكاس لسد الثغره
التنظيم امس 10 / 10 لكن المشكله ان النتيجه ماترجمت لصالحنا ونحن بوقت بحاجه الى تفسير للاشكاليه
يعني على طول علقنا الاشكاليه على بينتز ووصفه بالعشوائيه دليل اسمحلي انك مانت فاهم وش قاعد يسوي رافا
فريق برغم هالازمه وبالرغم من العجز والظروف الغير معروفه اللي اصابت الفريق قدر انه يقحم شاب صار هو نجم اللقاء ... هذي تكفيه ولو فاز الليفر كان شفنا التمجيد بالثقه التي اعطاه اياه رافا ...
وش ذنب رافا في استهتار رينا او سوء التحام ماسكي .... بالهدف الثاني
وش ذنب رافا في جمله تكتيكيه لعبها صح بيرمنجهام في الهدف الاول ... وواضح من التطبيق انها ليست وليده اليوم . وش ذنب رافا بسوء التقدير من لوكاس في التسديده الضعيفه الي راحت سهله لحارس بيرمنجهام ...!!!
ارجع مره ثانيه للعشوائيه اللي قلتها واسمحلي كلمه حسيت انها ثقيله تقال على مدرب بحجم بينتز :
اذكر في لقاء العام الماضي بين الفيولا واليوفي كان اليوفي متقدم بهدف للاشيء الى اخر الدقائق وطبعا اليوفي كان مقفل يبي ينهي الامور على ماهي عليه
برنديلي وش سوى ... ثبت الاجنحه مكان اظهرة الخصم وقدم اظهرته الى منتصف الملعب وصار يدافع بمدافعين كله من اجل الضغط على الخصم ... تخيل فريق مثل اليوفي يسوى فيه هالحركه هذا دليل على دهاء مدرب الفريق
بالاضافه الى انه احيانا يستخدم احد القلوب في الكرات العاليه مع اعادة الظهير المعاكس للي يلعب الاوفر
وبالاخير اقتنص جيلا هدف ولا اروع بالدقيقه الاخيره .....
مثال ثاني ... بيبي لاعب الريال في لقاء لمنتخب البرتغال استعصى على لاعبيه التسجيل واستمر التعادل طبعا الخصم كان مقفل ... وبكره بينيه بين ثلاثة لاعبين ابتدئها بيبي وختمها بيبي في منطقة الجزاء كهدف للبرتغال ّ(يعني وصل للحل بغض النظر عن اسم او مركز اللاعب اللي حقق الحل ) وماخفيك امس انطلاقه سكيرتل ذكرتن بانطلاقة بيبي اللي جاب منها الهدف ... تعال لم اجيير لاعب عتبان عليه انه امس ماتقدم وجرب انه يسدد خصوصا ان قدمه موزونه وبنفس الوقت قويه وله سوابق في المواسم الماضيه
اللي ابوصله التنويع بالهجمات واللاعبين المشاركين بالهجمات يحدث نوع من الخلخله والتشتت للمدافعين خصوصا لما يكون فريق صغير مثل بيرمنجهام ولاعبينه ليسوا بالخبره الكافيه وماهم بالند للاعبين الريدز
انا معك انه لكل شخص وجهة نظر ... لكن من الظلم اننا نحكم على الاشخاص بالاسلوب الي اتبعوه حتى وان لم يصلوا الى المبتغى .. اكيد في النهايه الكل سيعلم ان اصاب واين اخفق
بالاخير تحياتي وتقديري لكل عشاق الريدز ...